Ndị Hibru Isi nke Abụọ #2 57-0825E

Onye amụma ahụ siri ike, agadi nwoke ahụ, lere nwanyị ahụ anya n’ihu. Ọ sịrị, “Gaa, sie m achịcha mbụ.” Lee iwu dị ukwuu, ka nwoke gwa nwanyị di ya nwụrụ, onye agụụ na-agụ, ka o buru ụzọ nye ya nri. Gịnị ka o kwuru? “N’ihi na otu a ka Jehova kwuru, ite ahụ agaghị apụ apụ, ite ahụ agaghị apụ apụ, ruo mgbe Chineke ga-ezite mmiri ozuzo n’ụwa.”

Nke mbụ, Chineke. Ọ banyere wee sie achịcha nta ahụ, wee bịa nye onye amụma ya. Laghachi azụ ozugbo wee sie achịcha ọzọ, na nke ọzọ, na nke ọzọ, na nke ọzọ. Tee ahụ adịghịkwa apụ apụ, ma ọ bụ tee ahụ akọrọ, ruo mgbe Chineke zigara mmiri ozuzo n’ụwa. O tinyere Chineke n’ihu ụmụ ya. O tinyere Chineke n’ihu ihe ọ bụla ọzọ. O buru Alaeze Chineke ụzọ.

Chineke aghaghị inwe ọnọdụ mbụ n’obi gị, ọnọdụ mbụ ná ndụ gị, ọnọdụ mbụ n’ihe niile ị na-eme ma ọ bụ ihe ị bụ. Chineke aghaghị ịbụ onye mbụ. Ọ chọghị ọnọdụ nke abụọ. Ọ dịghị mkpa ka e nye ya ọnọdụ nke abụọ. O kwesịrị ka ọ bụrụ nke kacha mma, nke mbụ, na ihe niile anyị nwere. O kwesịrị ka e nye ya. Ka aha nsọ Ya bụrụ nke a gọziri agọzi!

Achịcha Kwa Ụbọchị

… ị ga-ahụ Onyenwe anyị Chineke gị n’anya site n’obi gị dum, site n’mkpụrụ obi gị dum, site n’ike gị dum, site n’uche gị dum…
Luk 10:27