Israel Kple Hame la #1
53-0325

Exɔ ŋugbedodo la hafi wotso aʋa nɛ. Emegbe la wotso aʋa nɛ abe eƒe xɔse ƒe toɖoɖo ƒe nutrenu ene. Azɔ ne míegblɔ…Ema tae Billy Graham, Charles Fuller, kple Billings kple wokatã, nusita wole nuƒom tso, Baptiste nɔviŋutsu mawo. Megblɔe nenema na wodometɔ geɖewo, Rufus Mosley kple hatsotso bliboa. Megblɔ be…

Egblɔ be, “Enyo, dzimetrɔla akpe blaeve su míasi le kɔsiɖa eve me. Womete ŋu ke ɖe blaeve ŋu o.”

Megblɔ be, “Wometrɔ dzi me o.”

“Oo,” egblɔ be, “wolɔ̃ xɔ Kristo abe Ɖela tɔxɛ ene.”

Megblɔ be, “Kokoko la, wometrɔ dzi me o.” Esɔ gbe. Mietrɔ dzi me o sẽ ɖe esime…Atrɔ dzi me gɔme yenye be “Atrɔ.” Ke mikpɔ, Paulo…

Petro xɔ Aƒetɔ la dzi se, wonyrɔ̃e, wonɛ ŋusẽ be wòayɔ dɔ dɔnɔwɔ, anya gbɔgbɔvɔ̃wo do goe, afɔ kukuwo ɖe tsitre. Ke Yesu gblɔ nɛ, zã si do ŋgɔ na kakla ɖe ati ŋu la me be, “Ne nètrɔ dzi me vɔ la, do ŋusẽ nɔviwòŋutsu.” Esɔ gbea? Ekpɔ ɖeɖe eye wokɔ eŋuti hã, gake metrɔ dzi me o. Ŋɔŋlɔ lae ma.

Gbesiagbebolo

ke nye la meɖe kuku ɖe tawò, bena wò xɔse nu nagatsi o; eye wò la, gbesigbe nètrɔ la, nado ŋusẽ nɔviwòwo!
Luka 22:32