Yesu Kristo Ƒe Mawunyenye
49-1225

Ekema ŋutsu sia le afisia, numae mesusu na ema be mawugbelawo kple wodometɔ aɖewo le tsi tre ƒo xlã, le nyahem. Gake gaƒoƒo la de esime Mawu klẽ Eƒe Kekeli, gaƒoƒo aɖe yenye esi le afisia esi Mawu le nuwo wɔm. Esɔ gbe. Ke azɔ ne wole nyahem be, “Enyo, eƒe afɔwo le abe sisiblisi tɔ ene, eye eƒe asiwo ɖi ke—ke—kesenɔ alo ke—kese, alo kple etɔeawo,” eye wodzea agbagba be yewoagblɔ be eƒe dzɔtsoƒe tso ema me. Ema meɖo naneke awɔ kplii o.

Ŋutilã gbalẽ si me wòle agbe le koe esi, abe aƒe ene, etrɔ yi na ɖe anyigba ƒe ʋuʋudedi me. Gake Gbɔgbɔ la nye makumaku; etso Mawu gbɔ. Mawu ƒe nɔnɔme ye ma. Mawu nye Gbɔgbɔ.

Ame ma bu eƒe dzɔtsoƒe le Eden bɔ la me. Eƒe kadede, hadede kple Mawu tso le afima, le nuvɔ̃ kple dzimaxɔse ta. Dzimaxɔse le nuka me? Mawu ƒe Nya. Wota nɔnɔme aɖe na Xawa kpɔ, eye wogblɔ alesi gbegbe wòaklẽ nɛ wu ne ɖeko—ɖeko wòatsɔ Mawu ƒe Nya la ƒu gbe, “kpɔ afisia ɖa be nàbu susu.” Miate ŋui o. Mawu…

Vovoto aɖe le susu kple Mawu ƒe Nya dome. Mawu ƒe Nya le eteƒe. Susuɖeɖe nye alakpa. Miate ŋu atsɔ susuɖeɖe aɖɔ nane ɖo o. Esɔ gbe. Miaƒe susu menye, mikpɔea, menyo kaka o alo manyo gbeɖe, be wòase Mawu ƒe nunya Mavɔ la gɔme o. Ke, eyata, miate ŋu abu Eŋu o; ɖeko wòle be Miaxɔe se.

Gbesiagbebolo

Ɖe nunyala atsɔ nya tofloko aɖo eŋu, eye ɣedzeƒeya ayɔ eƒe ɖɔmea? Atsɔ nuƒoƒo, si mele ɖeke me o, kple nya, siwo maɖe ame o la, anɔ eɖokui ta ʋlimia?
Hiob 15:2-3