Nomuyandwa Noba Syomeka,
Eezi mwiki zyainda cali ciindi ciinda kubota mumaumi eesu oonse.cakali cazimwi ziyandisi zipati kukamantana a Nabwiinga Wakwe kuzinguluka nyika kuswiilila kuli Leza kayubununa i Zinamatizyo zili Ciloba.
Ncinzi eeco ncitwaka kamantene antoomwe kuswiilila?
“Kubbazu lyamukati lya pilamidi eeyo kwakali Bwe lituba lyatakalembedwe alindilyo”.Aako nkekaambo ncinda keelede kuunka Kumbo, kuyo swaanganya Amulumbe waba Angeli aaba, kujoka kuno kuciyubununa kucikombelo.
Wakeede kuya kumbo kuyooswaanganya Bangeli aabo bali 7, kujoka kuzooyubununa acalo catakalembedwe; pele lino, kwinda ku Ciyubunuzyo, cayubununwa kulindiswe alimwi citupa Lusyomo lwa Kukwempwa.
Twakamvwa milumbe eeyi mumaumi eesu oonse, pele lino ya yubununwa mbuli mbocitana bede; lino mbobuzuba, lino nceciindi.Tulabona akumvwa Ncakatwaambila kuti cakali kuno tola busena, konse munyika amu Mulumbe, alimwi lino zili mukutondezegwa kunembo lyameso eesu.
Hena wesu wa naamba 7 angelo mutumwa wakali mbuli basinsimi bakale?Peepe, wakali itidwe ku ofesi lili mujulu kwiinda basinsimi boonse baka musaangunina Nkaambo wakali Mwana wa Muntu kaliyubununa Mwini munyama yamuntu mbubonya mbwakacita myaka 2000 yainda. Musinsimi wesu wakaitwa ku SOLOLELA I NABWIINGA nzilayoonse kuya ku Munzi wesu mupya, mpawo uyo kutuzibye ku Mwami wezu.
Wakatwaambila kuti mulimo wakwe waka kozanisisya buumi bwa Muusa cakulondoka. Ciindi Muusa nakali mulweendo lwakwe katobelela Bbalabala Wamulilo, baalumi bakaima alimwi akumulwana. Aaba baalumi bakaitwa alimwi bakali munzila yabo kuya kunyika yacisyomezyo. Bakazundikizya Muusa ku kwaamba kuti ubika kunji alinduwe; Atakali aalikke usalala wiitidwe, abalo bakali kusalala alimwi bakeelede kukambauka cintu cimwi .
Wakati bakali baluumi basalala, akuti ncobeni bakali jisi cintu cakucita, pele Leza waka Mwiita, MUUSA, MWALUMI OMWE, kusolela i banti.
Bakali jisi busena bwabo. Bakali nanikidwe.Bakali kucita ceeco ncibakaitilwa akunanikilwa kucita kwambila bantu, “amuswilile kuli Muusa”, pele bakayanda kwaamba CINTU CIMWI KWIINDA, NA KUPANDULULA CEECO MUUSA NCAKALI KWAAMBA.Tiiba ka kutila kuku tondekela biyo bantu ku swiilila Muusa. Bakayanda kusololela bantu. Bakali kuyanda kucita cintu cimwi kwiinda, na caandeene, kwinda cibakalaililwa kucita.
Ikuti na wasola kuzumbauzya mumizeezo yako oobo musinsimi wesu mbwabede, na eeco ncakaitilwa kucita, Nda kutamba kuunka Kumbo kuyolanga amulundu aawo Leza Lwakwe mpakatupangila citondezyo citamani aanyika, mukubika zina lya musinsimi wesu,B-R-A-N-H-A-M, amulundu uulya.
Muli Nbwiinga waJesu Krisito.Waka musala aku mukanza. Jwi Lyakwe lilapona aku kkala mulindinwe. Muli i jwi lipona lyabambwa munyama.Wa mupa i ciyubunuzyo ca Jwi Lyakwe. Saatani takwe nguzu kulindinwe. Oolo Lusyomo Lwakukwempwa lulapona akukkala muli ndinwe.
I Muuya Usalala uli mukweenzya Nabwiinga Wakwe kunzila yakwe iipedwe buzuba buno Ijwi Lyakwe lyakaambwa a wakwe angeli wa naamba 7 musinsimi. Ooyo musinsimi ngo mweembezi wesu.
Mweembeli wesu wakatusyomezya kuti kufumbwa teepu lya Mulumbe lipya lyeelede lutaanzi kusika kuzwa ku ng’anda yakuyobweda, kusikila Mwami waicinca. Nkaambo nkonkuko ooko ayobwedwe mayeepu nkwayo bambilwa.
Wakalailila awalo mweembezi mugwasyi Mukwesu Neville, alimwi lino ku Luzyalo Lwakwe ,mebolwangu, ncotweelede kucita kucikombelo.
Nda komba kuti Uyoogwasya muyandwa wesu mweembeli Mukwesu Neville. Kumubamba walo, Mwami, kuzula i luzyalo akuzula i nguzu alimwi akumvwisya, ikuti abweze eeci Cakulya cakayobolwa akusanina i mbelele zya Leza.
Aaya ma teepu nga baabo abo musinsimi mbakaitilwa kweembela. Ikuti kamuyanda kumvwa MBUBOOBU MBWAAMBA I MWAMI, amuboole muswiilile andiswe mu Nsondo a 12:00 P.M.,Jeffersonville ciindi, ku : Kwiimikila Mumwaakwe 63-0623M , mbuli mbotu swiilila ku cakulya cakayobolwa cakabambilwa Nabwiinga.
Tuyootalika Mulumbe mumuzila wa mweelwe27.
Mukwe. Joseph Branham