அன்புள்ள மீட்டெடுக்கப்பட்ட மணவாட்டி மரமே, 

ஆண்டு முழுவதும், உலகத்தை முழுவதுமாக மூடிவிடவும், எனது சாதனங்கள் அனைத்தையும் அணைக்கவும், நாள் முழுவதும் பிரார்த்தனை செய்யவும், அவருடைய குரல் என் இருதயத்துடன் பேசுவதைக் கேட்கவும், அவருடன் பழகவும், அவரது சேவையில் என் ஜீவியத்தை முழுவதுமாக மறுபரிசீலனை செய்யவும் முடியும் என்று நான் வார இறுதியில் காத்திருக்கிறேன். ஒவ்வொரு நாளும் நமக்கு ஈஸ்டர் நாளாக இருக்க வேண்டும், ஆனால் இந்த வார இறுதியில் மிகவும் சிறப்பான, பரிசுத்தமான சந்தர்ப்பம்; மணவாட்டி ஒன்று கூடி ஆராதிக்க ஒரு ஒதுக்கப்பட்ட நேரம். அதற்காக நான் மிகவும் உற்சாகமாக உள்ளேன் நண்பர்களே. ஒரு இரகசிய இடத்தில், அங்கே ஆவியில், அவருடைய முகத்தைப் பார்த்துக் கொண்டு, தேவனுடன் அடைக்கப்படுவதற்கு என்னால் காத்திருக்க முடியாது; உலகெங்கிலும் கிறிஸ்துவின் மணவாட்டிகளுடன் சேர்ந்து, மேலும் பரலோக சூழலில் அமைத்துக்கொண்டு. தேவனுடைய நாமத்திற்கு ஸ்தோத்திரம் உண்டாவதாக! இது உண்மையிலேயே நம் ஜீவியத்தின் மிகவும் எதிர்பார்க்கப்பட்ட மற்றும் பரிசுத்தமான வார இறுதியாக இருக்க வேண்டும். 

ஓ, நாம் இன்னும் ஒரு நிமிடம் இங்கே கொஞ்சம் நிறுத்தலாம். “பரலோக சூழளில்.” இப்போது, ​​வெளிதில் எங்கும் இல்லை, ஆனால் பரலோக சூழளில். நாம் “பரலோகத்தில்” கூடியிருக்கிறோம், அதாவே விசுவாசியின் நிலை என்று அர்த்தம். அதாவது, நான் ஜெபித்தால், நீங்கள் ஜெபிக்கப்படுவீர்கள், அல்லது சபை ஜெபிக்கப்பட்டது, நாம் செய்திக்கு தயாராக இருக்கிறோம், மேலும் நாம் பரிசுத்தவான்களாக ஒன்றாகக் கூடி, அழைக்கப்பட்டு, பரிசுத்த ஆவியால் ஞானஸ்நானம் பெற்றோம், தேவனின் ஆசீர்வாதத்துடன் நிரப்பப்பட்டோம், அழைக்கப்பட்டு, தேர்ந்தெடுக்கப்பட்டோம், இப்போது பரலோக சூழலில் ஒன்றுசேர்ந்து , ​​நம் ஆத்மாக்களில் நாம் ஒரு பரலோகவாசிகளானோம். நமது ஆத்மா நம்மை ஒரு பரலோக சூழ்நிலைக்கு கொண்டு வந்துள்ளது. ஓ சகோதரரே! அங்கே நீங்கள், ஒரு பரலோக சூழலில்! , நாம் இங்கே பரலோக சூழலில் அமர்ந்திருந்தால், பரிசுத்த ஆவியானவர் மறுரூபப்படுத்தப்பட்டு கிறிஸ்து இயேசுவில் ஒரு புதிய சிருஷ்டியாக மாறினால், இன்றிரவு என்ன நடக்கும்? இரத்தத்தின் கீழ் உள்ள அனைத்து பாவங்களும், பரிபூரண ஆராதனையில், தேவனிடம் நம் ஆராதனையில் நம் கரங்களை உயர்த்தி, நம் இருதயங்களை உயர்த்தி, கிறிஸ்து இயேசுவில் பரலோக சூழளில் அமைக்கபபட்டு, பரலோக சூழளில் ஒன்றாக ஆராதிக்கிறோம்.

நீங்கள் எப்போதாவது ஒன்றாக அப்படி இருந்திருக்கிறீர்களா? ஓ, நான் மகிழ்ச்சியில் அழுது, “தேவனே, என்னை இங்கிருந்து போக விடவேண்டாம்” என்று சொல்லும் வரை நான் தயாராகிவிட்டேன். அப்படியே கிறிஸ்து இயேசுவில் பரலோக சூழலில்!

நம்மை எவற்றால் ஆசீர்வதிக்கிறார்? தெய்வீக சுகமளித்தல், முன்னறிவிப்பு, வெளிப்பாடு, தரிசனங்கள், வல்லமைகள், அன்னிய பஷைகள், விளக்கங்கள், ஞானம், அறிவு, எல்லா பரலோக ஆசீர்வாதங்களும், மகிழ்ச்சியானது சொல்ல முடியாதது மேலும் மகிமை நிறைந்தது, ஒவ்வொரு இருதயமும் ஆவியால் நிரம்பியது, ஒன்றாக நடப்பது, பரலோக சூழலிளில் ஒன்றுகூடுவது, தீய எண்ணங்கள் ஒன்றுக்கூட நம்மிடையே இல்லை, ஒருவரும் புகை புகைப்பதில்லை, ஒரு குட்டை உடை இல்லை, இந்த ஒன்று இல்லை, அது இல்லை, ஒரு தீய எண்ணம் இல்லை, ஒருவரையொருவர் எதிர்த்து எதுவும் செய்யவில்லை, எல்லோரும் அன்பாகவும் இணக்கமாகவும் பேசுகிறார்கள், எல்லோரும் ஒன்றாக இசைந்து ஒரே இடத்தில் , “அப்போது திடீரென வானத்திலிருந்து பலத்த காற்று வீசுவது போன்ற சத்தம் வந்தது.” அங்கே நீங்கள், “எல்லா ஆவிக்குறிய ஆசீர்வாதங்களாலும் எங்களை ஆசீர்வதித்தீர்.” 

கர்த்தராகிய இயேசுவே இந்த ஈஸ்டர் வார இறுதியில் உங்களுக்கான எங்கள் ஆராதனையைப் பெற்றுக்கொள்ளுங்கள். கிறிஸ்து இயேசுவில் பரலோக சூழலில் நாங்கள் நுழையட்டும்; நாம் மகா பரிசுத்த ஸ்தலத்திற்குள் பிரவேசிப்போம். ஒரு தீய எண்ணம் இல்லை, ஒரு கவனச்சிதறல் இல்லை, ஆனால் ஒருமனதில், ஒரே இடத்தில்; அப்போது பரலோகத்திலிருந்து ஒரு சத்தம் பலத்த காற்றைப் போல நம் ஒவ்வொரு வீட்டிற்கும் வரட்டும். “வாருங்கள் ஆண்டவராகிய இயேசுவே”, நாங்கள் உங்களை நேருக்கு நேர் பார்க்க தயாராக இருக்கிறோம்.

மணவாட்டியானவள் நம் நாளுக்கான மாலை வெளிச்ச செய்தி மூலம் மீட்டெடுக்கப்பட்டாள்; மல்கியா 4லின் செய்தியின் மூலம் . கிறிஸ்துவின் சபையில் கிறிஸ்துவின் முழு வெளிப்பாட்டிற்காக நாங்கள் நன்றி கூறுகிறோம், கைகளால் கட்டப்பட்ட சபை அல்ல, ஆனால் கிறிஸ்துவின் முழு வெளிப்பாடாக உங்கள் தீர்க்கதரிசி, பெரிய அடையாளங்கள் மற்றும் அதிசயங்கள் மூலம் ஒரு நபருக்கு நிரூபிக்கப்பட்டது. தேவனின் முழு வார்த்தையையும் மீண்டும் வெளிப்படுத்தினார். இப்போது அது உலகம் முழுவதும் உங்கள் மணவாட்டிகளில் ஜீவிக்கிறது. தீர்க்கதரிசனத்தின்படி, இந்த மாபெரும் மாலை வெளிச்சத்தைக் காண்பதற்காக எங்களை ஜீவிக்க அனுமதித்ததற்கு நன்றி. 

மேலும் மாலை வெளிச்சம் எதற்காக வெளிவருகிறது? மாலை வெளிச்சம் என்பது எதற்காக? மீட்டெடுக்க. வியூ! புரிந்ததா உங்களுக்கு? [சபையானது, “ஆமென்” என்று கூறுகிறது.—எட்.] ரோமாபுரி வழியாக வந்த அந்த இருண்ட யுகத்தில் அழிக்கப்பட்டதை மீட்டெடுப்பதற்காக, காலை வெளிச்சம் எப்படியோ அதே நோக்கத்திற்காகவே மாலை வெளிச்சம். மாலை ஒளியை (என்ன?) பிரகாசிப்பதன் மூலம் தேவன் மீட்டெடுக்கப் போகிறார், தேவனின் முழு வார்த்தையையும் மீண்டும் மீட்டெடுக்கிறார், அவருடைய சபையில் கிறிஸ்துவின் முழு வெளிப்பாடாக. அவர் செய்த அனைத்தும், அவர் செய்ததைப் போலவே, அது மீண்டும் மாலை வெளிச்சத்தில் இருக்கும். நான் என்ன சொல்கிறேன் என்று பாருங்கள்? ஓ, அது அற்புதம் இல்லையா? [“ஆமென்.”] மேலும் தீர்க்கதரிசனத்தின்படி, மேலும் சரியாக இப்போது நாம் ஜீவிக்கிறோம் என்றால் அது மாலை வெளிச்சத்தைப் பார்ப்பதற்கே என்று அறியவே, நாம் இங்கே ஜீவிக்கிறோம். 

அந்த உண்மையான மணவாட்டி நியாயப்படுத்தப்படுவதில் நிறுத்தப்படுவதில்லை, ஆனால் அவளுடைய பாவங்கள் அவள் ஒருபோதும் அதை செய்யாதது போல் அவளுக்குத் தெரியும்; அவள் சுத்திகரிக்கப்பட்டு, சேவைக்காக ஒதுக்கப்பட்டிருந்தாலும், அவள் பரிசுத்தப்படுத்தப்படுவதை நிறுத்துவதில்லை; அவள் பரிசுத்த ஆவியின் ஞானஸ்நானத்தைப் பெற்றிருந்தாலும், பெந்தெகொஸ்தே நாளில் அவள் நிற்கவில்லை; ஆனால் அவள் நம் நாளுக்கான வார்த்தைக்கு செல்கிறாள்: மல்கியா 4, அந்த வார்த்தையே ஒரு மனிதனில் மீண்டும் மாம்சமாக மாறியது. “நான் மீட்டெடுப்பேன்” என்று கர்த்தர் கூறுகிறார், அது மணவாட்டிகளுக்கு எடுத்துக்கொள்ளப்படுவதற்கான விசுவாசத்தை வெளிப்படுத்தும். மேலும் அந்த வெளிப்படுத்தப்பட்ட வார்த்தை ஒலிநாடாக்களைக் கேட்பதன் மூலம் மட்டுமே வர முடியும், அவருடைய அற்புதமான நாமத்திற்கு ஸ்தோத்திரம் உண்டாவதாக. 

அவர்களில் ஒருவரான மார்ட்டின் லூதர் ஒரு ஒளியைப் பிரகாசிக்கத் தொடங்கினார். ஒரு சிறிய வெளிச்சம் இருந்தது, அதில் மிகச் சிறிய பலம், அந்த நியாயப்படுத்துதல். 

பிறகு வெஸ்லி , வலிமையான, பரிசுத்தமாக்குதலுடன் வருகிறார் . 

வெஸ்லிக்குப் பிறகு, அவரை விட வலிமையான பெந்தகோஸ்தே, பரிசுத்த ஆவியின் ஞானஸ்நானம், மற்றொரு பெரிய தீர்க்கதரிசியில் வருகிறது. பாருங்கள்?

ஆனால் கடைசி நாட்களில், மல்கியா 4லில், எலியா அந்த வார்த்தையுடன் வர வேண்டும். “கர்த்தருடைய வார்த்தை தீர்க்கதரிசிக்கு வந்தது.” மாலையில், வெளிச்சம் வெளிவர வேண்டும், மீட்டு மற்றும் மீண்டும் கொண்டு வர வேண்டும். என்ன? “பிள்ளைகளின் இருதயங்களை மீண்டும் தேவனுடை விசுவாசத்திற்க்கு திருப்பும்படி.” நான்காவது ஒளி! 

வாருங்கள் ,ஈஸ்டர் வார இறுதியில், உங்கள் வீடுகளில், வார்த்தையைச் சுற்றிக்க ஒன்றுக் கூடுங்கள், தேவனை ஆராதிப்போம். டேபிள் ஆப்ஸ், லைஃப்லைன் ஆப்ஸ் அல்லது டவுன்லோட் செய்யக்கூடிய லிங்க் ஆகியவற்றிலிருந்து டேப்களை இயக்குவதற்கும், புகைப்படங்கள் எடுப்பதற்கும், இந்தநாளின் மேற்கோளைக் கேட்பதற்கும் தவிர உங்கள் கைப்பேசிகளை அனைத்து வையுங்கள். 

பின்வரும் அட்டவணைக்கு நாம் அனைவரும் ஒன்றுபட வேண்டும் என்று நான் விரும்புகிறேன்:

 வியாழன் 

இஸ்ரவேல் புத்திரர் வெளியேறுவதற்கு முன், பஸ்காவை நினைவுக்கூரும் வகையில், கர்த்தராகிய இயேசு தம் சீஷர்களுடன் கடைசி இராப்போஜனம் வியாழன் இரவு அன்று நிகழ்த்தினார். நமது பரிசுத்த வார இறுதிக்கு முன், நமது வீடுகளில் தேவனுடன் உரையாடி, நம்முடைய பாவங்களை மன்னிக்கும்படியும், நமது பயணத்தில் நமக்குத் தேவையான அனைத்தையும் தரும்படியும் அவரிடம் கேட்பதற்கு நமக்கு என்ன ஒரு வாய்ப்பாக இது உள்ளது. 

தேவனே, இப்போது எங்கள் இருதயங்களை சோதித்துப் அறியுங்கள். தேவனே அந்த இரத்தமானது இருக்கிறதா என்று பாருங்கள்? அது இல்லை என்றால், நீங்கள் இப்போது அதை பூச வேண்டும் என்று நாங்கள் ஜெபிக்கிறோம், எங்கள் பாவங்களை நீக்கி, அவற்றை மறைத்து, அவைகள் எங்களிடமிருக்கும் இந்த உலகத்தின் பாவங்களிலிருந்து, பிறிக்கும்படி செய்யபடட்டும், தேவனே, இதனால் நாங்கள் பரிசுத்தமாக இருக்கவும் முடியும். எங்கள் பிதா இப்போது நம் தேவனின் குமாரன் எங்கள் இரட்சகரான ஆட்டுக்குட்டியினாவரின் சரிரத்தில் சிந்திய இரத்தத்தையும், எடுத்துக் கொள்ள வருகிறோம்.

நாம் அனைவரும் மாலை 6:00 மணிக்கு தொடங்குவோம். உங்கள் உள்ளூர் நேர மண்டலத்தில், 57-0418 அன்று பிரசங்கித்த ” இராபோஜனம் ” என்ற செய்தியைக் கேட்கவும். 

செய்தியைத் தொடர்ந்து, நாம் நம் வீடுகளில் நம் குடும்பங்களுடன் கூடி, கர்த்தருடைய இராப்போஜனம் எடுப்போம். 

டேப் மற்றும் இராபோஜன சேவை இரண்டையும் பதிவிறக்கம் செய்வதற்கான இணைப்பு விரைவில் ந

கொடுக்கப்படும் அல்லது அது குரல் வானொலியில் கிடைக்கும்.

வெள்ளி

காலை 9:00 மணிக்கு நம் குடும்பத்தினருடன் ஜெபத்திற்குச் செல்வோம், பின்னர் மதியம் 12:00 மணிக்கு, கர்த்தரை நம்முடன் இருக்கும்படி அழைப்போம், நாம் அவருக்கு நம்மை அர்ப்பணிக்கும்போது பரிசுத்த ஆவியால் நம் வீடுகளை நிரப்புவோம். 

2000 ஆண்டுகளுக்கு முன்பு கல்வாரியில் அந்த நாளுக்கு நம் மனம் திரும்பிச் சென்று, நம் இரட்சகர் சிலுவையில் தொங்கிக்கொண்டிருப்பதைக் கண்டு, பிதாவுக்குப் பிரியமானதைச் செய்ய எப்பொழுதும் நம்மை அர்ப்பணிப்போமாக. 

அது அவரை முழுமையாகப் பிரதிபலித்தது என்பதை இப்போது நாம் காண்கிறோம். சிற்பிக்கு அந்த வார்த்தையானது அவரது தலைசிறந்த படைப்பில் வார்த்தை பிரதிபலித்தது, இப்போது அவரது குமாரனான, தேவன் இம்மானுவேல் என்று அழைக்கப்படுகிறார். சற்று யோசித்துப் பாருங்கள், தேவன் தன்னை அங்கே, அந்த சரிரத்தில் அடையாளம் கண்டு, அவர் ஆனவரை, அவரும் தேவனும் ஒன்றாக மாறும் வரை ஒரு நபர் மிகவும் வளைந்து கொடுத்தார். “நானும் என் பிதாவும் ஒன்று. என் பிதா என்னில் ஜீவிக்கிறார். நான் எப்பொழுதும் பிதாவுக்கு விருப்பமானதைச் செய்கிறேன்.” 

இன்றைய கிறிஸ்தவர்களுக்கு அப்படி ஒரு சாட்சி இருந்தால் என்னவாக இருக்கும்? யூமாவில், தெருக்கலில் நீங்கள் ஒரு தலைசிறந்த படைப்பாக இருப்பீர்கள். நீங்கள் கழுவும் தொட்டியின் பின்னால் ஒரு துவைக்கும் பெண்ணாக இருந்தால், நீங்கள் இன்னும் தேவனுக்கு ஒரு தலைசிறந்த படைப்பாக இருக்கிறீர்கள், “நான் எப்போதும் தேவனுக்குப் பிரியமானதைச் செய்கிறேன்” என்று நீங்கள் சொல்ல முடியும், மேலும் முழு உலகமும் இயேசுவின் வேலையைப் பார்க்க முடியும். கிறிஸ்து உங்களில் பிரதிபலிக்கிறார்.

பின்னர் மதியம் 12:30 மணிக்கு, 57-0419 அன்று பிரசங்கித்த ” பரிபூரணம்” என்ற செய்தியை, கேட்க நம் வீடுகளில் ஒன்றாகச் கூடுவோம். 

பின்னர் மதியம் 3:00 மணிக்கு மீண்டும் ஒன்றுசேர்ந்து ஜெபத்தில் கலந்து கொள்வோம். நமது ஆண்டவர் சிலுவையில் அறையப்பட்டதன் நினைவாக.

சனிக்கிழமை

நாம் அனைவரும் மீண்டும் ஒருமுறை காலை 9:00 மணிக்கும், மதியம் 12:00 மணிக்கும் ஜெபத்தில் ஒன்றுக்கூடுவோம், மேலும் அவர் நம் நடுவில் நமக்காகச் செய்யும் பெரிய காரியங்களுக்காக நம் இருதயங்களைத் தயார்படுத்துவோம். 

தேவனே! தயவுக்கூர்ந்து, தேவனே! ஓ, நான் அதிகமாகப் பாடலாம். நான் அதிகமாக பிரசங்கிக்கலாம். நான் அதிகமாக கத்தலாம். நான் அதிகமாக அழலாம். ஆனால் நான் அதிகமாக ஜெபிக்க கூடாமல் இருக்கலாம். தேவனே, என்னை ஆராயும் என்னை முயற்சி செய்யும். 

ஆழமான குளங்களைப் பற்றி, அவை நட்சத்திரங்களை எவ்வாறு பிரதிபலிக்கின்றன என்பதைப் பற்றி, சிறிது நேரத்திற்கு முன்பு நான் பேசினேன்; கர்த்தாவே, தாவீது தீர்க்கதரிசி கூறியது போல், “அமைதியான தண்ணீரின் பக்கமாக என்னை நடத்துங்கள்” என்றும், உமது ஆவியின் ஆழத்தை எங்களுக்குள் செலுத்துங்கள். அமைதியான நீர், என்னை அங்கே அழைத்துச் செல்லுங்கள், தேவனே என்னை அமைதிப்படுத்தும். 

பின்னர் மதியம் 12:30 மணிக்கு, நாம் அனைவரும் ஒன்றுகூடி இந்த வார்த்தையை : 57-0420 அன்று பிரசங்கித்த ” கல்லறையிடுதல் ” என்ற செய்தியைக் கேட்போம். 

உலகம் முழுவதும் உள்ள அவரது மணவாட்டிகளுக்கு இது என்ன ஒரு சிவப்பு கடித நாளாக இருக்கப்போகிறது. 

பின்னர் மதியம் 3:00 மணிக்கு மீண்டும் ஜெபத்தில் கலந்து கொள்வோம்.

ஞாயிற்றுக்கிழமை 

மணவாட்டி மரத்தின் மறுசீரமைப்பைக் கேட்பதற்கும் அதில் பங்குகொள்வதற்கும் என்ன ஒரு சரியான நாள். சகோதரர் பிரன்ஹாம் காலை 5:00 மணிக்கு அவரது சிறிய நண்பரான ராபின் அவரை எழுப்பியது போல அதிகாலையில் எழுந்திருங்கள். இயேசுவை மரித்தோரிலிருந்து எழுப்பியதற்காக தேவனுக்கு நன்றி செலுத்துவோம்: 

இன்று காலை 5 மணியளவில், சிவப்பு மார்பகத்துடன் என் சிறிய நண்பர் ஜன்னல் வழியாக பறந்து வந்து என்னை எழுப்பினது. “அவர் உயிர்த்தெழுந்தார்” என்று கூறினபோது, அதன் சிறிய இருதயம் வெடித்தது போல் தோன்றியது.

காலை 9:00 மணிக்கு நமது ஜெப சங்கிலியில் மீண்டும் இணைவோம், ஒருவருக்கொருவர் ஜெபித்து, தேவனின் குரலைக் கேட்க நம்மைத் தயார்படுத்துவோம். 

மதியம் 12:30 மணிக்கு. நம் ஈஸ்டர் செய்தியைக் கேட்க நாம் ஒன்றாக கூடுவோம்: 62-0422 அன்று பிரசங்கித்த ” மணவாட்டி மரம் திரும்ப அளிக்கப்படுதல்” என்ற செய்தியைக் கேட்போம்.

இந்த ஆராதனைக்குப் பிறகு, மீண்டும் ஒருமுறை ஜெபத்தில் ஒன்றிணைவோம், உலகெங்கிலும் அவருடன் மற்றும் அவரது மணவாட்டிகளுடன் அவர் நமக்கு வழங்கிய அற்புதமான வார இறுதிக்கு நன்றி. 

வெளிநாடுகளில் உள்ள எனது சகோதர சகோதரிகளுக்கு, கடந்த ஆண்டைப் போலவே, ஜெபர்சன்வில்லி நேரத்தில் இந்த நிகழ்வுகளுக்கு, இந்த அட்டவணையில் உள்ள அனைத்து பிரார்த்தனை நேரங்களுக்கும், ஞாயிற்றுக்கிழமை பிற்பகல் ஒலிபரப்பப்பட்ட டேப்களுக்கும் எங்களுடன் ஒன்றுபட உங்களை அழைக்க விரும்புகிறேன். எவ்வாறாயினும், வியாழன், வெள்ளி மற்றும் சனிக்கிழமை மதியம் ஜெபர்சன்வில்லி நேரத்தில் டேப்களை இயக்குவது உங்களில் பெரும்பாலோருக்கு மிகவும் கடினமாக இருக்கும் என்பதை நான் உணர்கிறேன், எனவே உங்களுக்கு வசதியான எந்த நேரத்திலும் அந்த செய்திகளை இயக்க தயங்க வேண்டாம். எவ்வாறாயினும், ஞாயிற்றுக்கிழமை மதியம் 12:30 மணிக்கு, ஜெபர்சன்வில்லி நேரப்படி, நாம் நம் ஞாயிறு செய்தியை ஒன்றாகக் கேட்க, நாம் அனைவரும் ஒன்றுசேர வேண்டும் என்று நான் விரும்புகிறேன்.

கிரியேஷன்ஸ் ஒர்க்ஷீட்கள் மற்றும் டுடோரியல்கள் மற்றும் YF வினாடி வினாக்களில் ஒரு பகுதியாக இருக்க உங்களையும் உங்கள் குழந்தைகளையும் அழைக்க விரும்புகிறேன், உங்கள் முழு குடும்பமும் ஒன்றாக மகிழ்ச்சியாக இருக்கமுடியும். இந்த வார இறுதியில் நாம் கேட்கப்போகும் வார்த்தையின் அடிப்படையில் இவை அனைத்தும் அமைந்திருப்பதால் நீங்கள் அவைகளை விரும்புவீர்கள் என்று நினைக்கிறோம். 

வார இறுதி அட்டவணையில், கூட்டுச் சேவைக்குத் தயாராகும் தகவல், கிரியேஷன்ஸ் திட்டங்களுக்குத் தேவைப்படும் பொருள், ஈஸ்டர் வினாடி வினாக்கள் மற்றும் பிற தகவல்களுக்கு, கீழே உள்ள இணைப்புகளைப் பார்க்கவும். 

ஆராதனை, மற்றும் சுகமளித்தல் நிறைந்த ஒரு வார இறுதியில் உங்களையும் உங்கள் குடும்பத்தினரையும் மணவாட்டிகளுடன் உலகெங்கிலும் ஒன்றாக வரும்படி அழைப்பது எனக்கு ஒரு நன்மதிப்பாக கருதுகிறேன். இது உங்கள் ஜீவியத்தை என்றென்றும் மாற்றும் வார இறுதி என்று நான் நம்புகிறேன். 

சகோதரர் ஜோசப் பிரன்ஹாம்