Ubutumwa: 64-0614e Akazeze
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mana Yihishije mu Mubiri,
Ntitukiri inyuma y’igihuzu, Bana bato, Imana Yaratwihishuriye ku mugaragaro. Imana y’inkomezi yo mw’Ijuru n’isi, Yo yamye Yitwikiriye ku bantu nk’Inkingi y’Umuriro Yavuye ku Mana kandi Yabaye mu mubiri wo kw’isi witwa Yesu; hanyuma Yasubiye ku Nkingi y’Umuriro maze Ibonekera Paulo mu nzira ija i Damasiko, ubu Yasubiye kuza ku mugaragaro kandi Yongera kuba mu mubiri w’umuntu mu Ntumwa mumarayika waYo, William Marrion Branham, Ihamagarira Umugeni WaYo gusohoka kubwaYo.
Imana Yashize umumarayika wayo kw’isi kugira ngo aYiserukire nk’umuserukizi waYo Yagenye kuja mu bihambaye vy’insigabwenge bitazwi. Aratahura kandi ashira hanze ivyo ubwenge busanzwe budashobora gutahura. Yatumwe guhishura ibanga ry’Imana no kuvuga imbere y’igihe ibiriho, n’ibintu vyabayeho, n’ibintu bizobaho. Ni Ijwi ry’Imana ku Mugeni.
Ni ibiki? Ni Imana, Imana inyuma y’imibiri, imibiri y’umuntu. Ivyo ni vyo neza na neza.
Abantu banegura benshi muri iki gihe ntibashobora gutahura twebwe abizera b’inkomoko b’ukuri. Kuri bo, twacitse abataye umutwe. Bavuga ngo turi abizera ubumana kandi dusenga umuvugishwa…
Umuntu anegura, iminsi mikeyi iheze, yambwiye, ndi i Tucson. Yavuze ati, “Urazi, abantu bamwe bakugira uwataye umutwe maze abandi na bo bakugira imana.”
Navuze nti, “Yemwe, ikintu nk’ico ni ciza mu buryo bumwe.” Namenye ko yagerageje kunegura. Murabona ? Yavuze ati, “Abantu biyumvira ko uri imana.”
Nk’uko vyari bimeze igihe Yesu Yari ng’aha kw’isi, ni co kimwe n’ubu ku muvugishwa wiWe. Abantu ntibari inyuma y’igihuzu; barahumishijwe kugira ngo ntibabone ukuri. Nta na kimwe dushaka atari inzira Imana Yatanze y’iki gihe: Yo ubwaYo Itwikiriye mu mubiri, Ijwi ry’Imana Ryafashwe amajwi kandi Ryabikiwe Umugeni.
Igihe Imana Yagaragazwa mw’isi, yari Yinyegeje inyuma y’igihuzu; inyuma y’umubiri w’Umuntu Yitwa Yesu. Yari Yitwikiriye kandi Yihisha inyuma y’urubiribiri rw’umuntu yitwa Mose, kandi bari imana ntoya, atari Imana; ariko bari Imana, Imana Imwe, Yahindura gusa igipfukisho caYo, Yakora kimwe igihe cose, kuzana iri Jambo. Imana Yabikoze gutyo.
Twafatanijwe n’Ijambo, Ubutumwa bw’igihe. Ubu rero Ryatugize Ijambo ritwikiriwe inyuma y’umubiri w’umuntu. Umugeni n’Umukwe ni umwe. Imana ni imwe, kandi Ijambo ni Imana! Twarafatanye n’Ijambo.
Ikibabaje, itandukaniro hagati y’abizera muri iki gihe ni uko bumva ko dushira vyinshi cane ku muvugishwa w’Imana yemejwe. Ahubwo, bashaka gushira ubwo burongozi ku bungere babo.
Imana Ntihindura umugambi waYo; Irungika UMUNTU UMWE ngo Arongore Umugeni WaYo. Ni Mpwemu Yera waYo Ari muri umwe wese muri twebwe, Aturongora n’INKINGI Y’UMURIRO.
Ijambo riza kuri umwe. Mu bihe vyose, nico kimwe, no mu bihe vy’ishengero, kuva ku ca mbere gushika ku ca nyuma. Abandi barafise ibibanza vyabo, nivyo, murabe, ariko muhagarare kure y’iyo Nkingi y’Umuriro. Murabona?
ARIKO TWUMVA IKI MURI IKI GIHE…IKINTU KIMWE.
Muribuka ivyo Datani n’abandi bavuze hariya ? Bavuze bati, “Ubu, Mose, rindirira ng’aha akanya gatoya gusa! Wiha ibintu vyinshi cane, murabona. Rero, hariho abandi bagabo ng’aha Imana Yahamagaye.”
Ntiturwanya igikorwa c’Imana; Imana Yarabahamagaye, ariko beneData na bashikanje, nimba umwungere wawe atariko arashira nyene Ijwi ry’Imana nk’Ijwi Rihambaye kuruta ayandi yose utegerezwa kwumviriza mu kuvuza ama bande mw’ishengero ryanyu, ntariko arabarongorera mu nzira Imana Yatanze.
Ivyo ni ukuri. Bo, umwe wese, yarakurikira neza igihe cose bagenda, ariko igihe umwe yagerageje gutera intambwe maze agafata igihagararo Imana Yahaye Mose, yari yaratoranirijwe kandi yaragenewe ico gikorwa, yagerageje kugifata, umuriro waramanutse maze wasamika isi kandi irabamira uwo mwanya nyene. Murabona ? Murabona ? Mwitonde. Murabona ?
Twese dutegerezwa kuboherwa kuri iryo Jambo Ryavuzwe kandi Ryashizwe ku ma bande. Ni ica ntabanduka c’Imana. Iryo ni ryo Jambo Ryonyene Umugeni Yemeranya naRyo. Igikorwa c’umuntu ntikizokwigera gihuza Umugeni, Ijwi ry’Imana Ryonyene riri ku ma bande.
Nta na kimwe nshobora gukora ntari kumwe namwe; nta na kimwe mushobora gukora mutari kumwe nanje; nta woshobora gukora ico ari co cose Mana. Rero, twese hamwe ivyo bizana ubumwe, ukwiyunga. Imana Yandungitse muri iyo ntumbero; muravyizera; kandi ng’ivyo birashitse. Ni ivyo gusa, murabona, vyemejwe mu buryo butunganye.
Ni mu gihe turi hamwe VYONYENE ivyo bizana UBUMWE, ni ukuvuga ukwiyunga. Imana Yarungitse William Marion Branham ku bw’iyo ntumbero. Rero, nimwavyizera VYONYENE, niho bizoshika; vyemejwe mu buryo butunganye.
Si jewe mvuga ivyo beneData na bashikanje. NI IMANA IVUGA IVYO BICIYE KU MUVUGISHWA WAYO. Ntureke ngo umuntu n’umwe akubwire ukundi canke ngo agerageze kubigusigurira ukundi. IJWI RY’IMANA RYONYENE RIRI KU MA BANDE NIRYO RIZOHUZA KANDI RITUNGANYE UMUGENI. NIWAFATA IZINDI NZIRA ZOSE, NTUZOKWIGERA UBA UMUGENI.
Rero nibaza ko benshi muri twebwe abakuze twiyumvira co kimwe. Imana, Yihishije mu mubiri ! Imana, Yihishije mu mubiri ! Ivyo bishobora kugaragara nk’ubusazi mu maso y’isi, ariko biriko Bikwegera abantu bose kuri Yo.
Woba wumvise ivyo ahejeje kuvuga? Imana Yihishije mu mubiri Iriko Ikwegera abantu bose kuri Yo.
Mu gihe isi iriko yizirika ku bidafise agaciro, tubohewe kw’Ijwi ry’Imana kandi twitwa Umugeni. Ririko Ridukura muri uru ruzazane, Ritwinjiza mu Nyonga h’Imana. Turi abadafise agaciro babohewe kw’Ijambo ry’Imana.
Ngwino maze ubohanwe natwe kw’Ijwi ry’Imana kuri uyu w’iyinga isaha zitandatu kw’isaha ya Jeffersonville (isaha imwe mw’ijoro mu Burundi) mu gihe Rikwegera abantu bose kuri Yo.
MweneData Joseph Branham.
Ubutumwa : Akazeze 64-0614E
Ivyanditswe :
1 Ab’i Korinto 1:18-25
2 Ab’i Korinto 12:11