Ịdị N’otu 62-0211

Lee anyị nọ na njedebe oge, anyị si n’Ọwụwa Anyanwụ na Ọdịda Anyanwụ, Ugwu na Ndịda bịa. Gịnị ka anyị na-eme? Ịkwadebe maka Nnapụta ahụ. Ịkwadebe maka…Ịnọgidesi ike ruo nkeji ole na ole ruo mgbe eriri ọ bụla ga-ejupụta na Mmụọ Nsọ. Mgbe ahụ, Ọ ga-arịgo. Oh, ee! Ịkpọ ndị Ya ọnụ nye Onwe Ya, n’ezi ịdị n’otu na Ya, n’ihi na ọ bụ otu Mmụọ Nsọ Ya. “Site n’otu Mmụọ ka e mere anyị niile baptism n’otu n’otu n’ime otu Ahụ, n’otu Ahụ nke Jizọs Kraịst.” Jizọs Kraịst bi na Mmụọ Ya n’anụ ahụ anyị, na-ejere Chọọchị ozi ma na-eme otu ihe ndị ahụ O mere, dị ka ihe ịrịba ama, dị ka ọkọlọtọ nye ụwa, na anyị nọ n’ụbọchị ikpeazụ, na-akwado maka Nnapụta. Oh, ahụrụ m Ya n’anya, ka ọ bụghị ya?

Achịcha Kwa Ụbọchị

N’otu ntabi anya, n’otu ntabi anya, mgbe a ga-afụ opi ikpeazụ: n’ihi na a ga-afụ opi, a ga-akpọlitekwa ndị nwụrụ anwụ n’ọnwụ na-apụghị ire ure, a ga-agbanwekwa anyị.
1 Ndị Kọrịnt 15:52