Message: 62-1014M Ubupíme Bwa Mũndu Umpelelésye
Gwempala Bupime Bwa Nyãmbàla Umpelelesye,
Bo bumang’anyisigwe nki uswe tufumile pakuya nabo. I Lisyu-lya-pakanwa lya Kyāla lifumile pakuyoba nu kulagila uswe, Lisyu pa Lisyu pa Lisyu, katikati mūmo tubagile ukumponjolela undugu aligwēsa. Umwēne asetwile kangi angīmisye mu ndumbula yītu, USWE Y’USWE LISYU. Kokuti, uswe tukabagila ukuponjoligwa.
Akabalilo kãko undugu ukwisa ukukonga uswe, uswe itolo tukundikita umwēne nu kundikita umwēne nu kundikita umwēne ni kipufulilo kya atomiki, i Lisyu Iliyobigwe ilya Kyāla, ili lyūmi kangi likwītúgàla mwa uswe.
Mbwanaloli, u bwīte buli mbubãmbìke, lõli lilino uswe tukaya nu lutende kangi mma, nasimo imbasyo kangi mma. Uswe tutikupilikisya ku libyebye lyītu. Uswe tutikupilikisya ku lukumbusyo lwītu. Uswe tutikupilikisya ku ifinyonywo fyītu. Uswe twīgele aminogonelo gītu ku findu ifi kãngi tubīkile u Mbepo gwa Lisyu Lyãke mu syītu indumbula nu moyo. Uswe tupufulenie kilikyõsa pãnja ukukindana ni Lisyu Lyãke.
Ukwīlàmwa kulikosa kukíndìle. Ulutende lulilõsa lukíndìle. Ulunyenyemusyo lulilõsa ulwa bwiilamwe lukíndìle. Ubwipilike bulibosa bukíndìle. Kikayako nakimo kīmìle pala lõli i Lisyu lya Kyāla lyūmi kangi likwītúgàla MWA USWE, kãngi Sétàno akabagila ukulwa ukulwana na Ikyo.
Uswe tukuya Kitembe ikyabumi kya Kyāla gwãbùmi. Ikyēne yo Kyāla ikwitugala mwa uswe, ukutupela uswe ukuya bo y’Umwēne, ukundalika u Bundu Bwãke mwa uswe.
Uswe tukwega ubuyo bwa Kristi, ukukindilisya u butumigwe Bwãke. Umwēne ikwitugala mu bugelelo bwa mūndu bo Umwēne ikwindalika Mwēne mwa uswe. Uswe lilino tuli nu bwiputi ubupekelesye nu Mwēne! Ikyēne yo Kyāla ikwibonesya-pabwelu mwa uswe, ukuya Kitembe Kyãke.
Ngimba lo lwalo lwitu nki ulusitakusemesigwa ikwitika ifindu ifi? LWĪTÌKO. Kãngi ulwitiko lwītu lutikufumbwa kalikosa mma; kabuno u lwītìko lukwītìka i Lisyu lya Kyāla. Kabuno u lwītìko lukwisa ukwisila mu kupilika, kangi ukupilika i Lisyu lya Kyāla, kangi i Lisyu lya Kyāla likwisa kwene ku nsololi, kangi tubagile ntiga UKUPILIKA u nsololi ukwisila mwa BINDA KINA…LIGITI!
Ukwisila mu kupilikisya ku Lisyu-lya-pakanwa Lyãke, uswe tukuya bengelusigwe na Maka Gake kangi tuli bafwe ku bwinogonelo bwitu twībène. U lwītìko lwītu lwisile ukuya lwītìko ulwanaloli, kangi u Būmi Bwãke bwengelukile mwa uswe. Uswe tuyīle fipeligwa fyabumi fya Kyāla, u buyo bwakwītúgalàmo mūmo Mbepo Mwīkèmo abagile ukutuma isayo Syãke isi sikufūka ukusuluka ukwisilamo.
Ngimba i Lisyu-lya-pakanwa lila pa matepi likubomba fiki?
Kristi ãlindúmìle une ukuyenga kilayumo ku bupime bwa Yeso Kristi, ukuti abēne babagile ukuya nyumba-ya-maka kangi ubuyo bwakwitūgásyàmo bwa Mbepo yula, ukwisila mu Lisyu Lyãke. Ukwisila mu Lisyu Lyãke, muketile, ukunjenga kilayumo ku buyo bula.
Ukwisila mu kupilika i Lisyu-lya-pakanwa Lyãke, nu kwitika nu kukõnga i Lisyu Lyãke, ilyẽne liyengile uswe ukwisa ukuya mabupime ga Yeso Kristi; ubuyo bwakwitūgásyàmo kuli u Mbepo Gwãke. Uswe y’uswe bwīfímbilìsyo bwãbùmi, bumanyi bwãbùmi, ubufindang’oma bwãbùmi, ubunyakyala bwãbùmi, a Maka gãbùmi, fikwisa ukufuma kwa Kyāla gwãbùmi, iki kikupela uswe u mūndu gwãbùmi, i kifwani kyãbùmi, mu bupime bwa Kyāla.
Lõli u Mbili gumo Ugwe undendekile Une,” u Mbili gumo ugu Kyāla abagile ukwītúgasyàmo, Kyāla abagile ukwendelamo, Kyāla abagile ukuketelamo, Kyāla abagile ukuyobelamo, Kyāla abagile ukubombelamo. Ameni! Ikibómbèlo kyãbùmi kya Kyāla, Kyāla ikwenda pa filundi fibili, mwa ugwe. Lwīmìko! “Amakato ga bagolofu gikulagililigwa na Kyāla,” Kyāla ikwenda mwa ugwe. “Kabuno umwe mwe bakalata abasimbigwe, ababaligwe na bandu bosa.”
Lwīmìko…!! Polelo uswe tutikupãsya kali uswe tukwitúgàla mu kihema pamo nkatembe, buumi pamo tukufwa, tukuyubikigwa pamo tukumilwa. Iki Kyo kindu kyene uswe twīkyélilèmo, INDUMI IYI, I LISYU-LYA-PAKANWA ILI, I LISYU LYA KYĀLA. Ilyẽne lyo Kitangalala kya Kyāla. Ilyẽne lyo njila ya Kyāla imbīgwe kuli umwīsyùgu. Ilyẽne likuyenga U Bupime Bwa Nyãmbàla Umpelelesye, yūyo USWE TULI!
Unko uswe twīse palikimo nu kwiyēnesya imyoyo gyitu bo uswe tukupilika u Fundi gwītu ikutufunda uswe iki uswe tubagile ukubõmba, na mūmo uswe tubagile ukwitugala, ukuya banabalumiana na banabalindwana B-A-P-E-L-E-L-E-S-Y-E ba Kyāla.
Uswe twīsa kufinga kwa Ntwa ukuti ukwisila mu butuli Bwãke na ipyana Lyãke, uswe twīsa kwīpùta nu kulondesya Umwēne ilisiku lililyosa kisita kuleka, mpaka uswe tukwipilika filifyosa ifyakulonda Fyãke fikusululukila mu bupime bwitu. Uswe twīsa kusyala pala mpaka uswe tubagile ukuya bubonekele-pabwelu bwa Kristi gwãbùmi.
Undungu guligosa u lusekelo kangi ubugūlìlo bwa iki u Ntwa ikuyaga pakubomba nu kusetula kwa uswe kyo ukukinda amasyu ukulingania. Mūmo une ngulonda i kīsu-kya-pãsi ukulungisania na uswe kabuno kikayapo nakimo ikikulumbapo, pamo ikipelelesyepo ukukinda ukwītúgàsya mu kuyapo kwa Lisyu-lya-pakanwa lya Kyāla nu kwisa kuya U Bupime Ubupekelesye Bwa U Nsīngilìgwa Gwãke Gwa Lisyu Umpelelesye.
Nkundwe Yõsèfu Branham.
Ndumi: U Bupime Bwa Mūndu Umpelelesye 62-1014M
Kabalilo: 12:00 PAMUSI, akabalilo ka Jeffersonville, IN
Masimbo:
Mwīkèmo Matai 5:48
Mwīkèmo Luka 6:19
Mwīkèmo Yohani 1:1 / 3:3 / 3:16 / 5:14 / 14:12
Imbombo 2:38 / 7:44–49 / Untu gwa 10 / 19:11 / 28:19
Baefesi 4:11-13
Bakolosi Untu gwa 3
Bahiburi 10:5 / 11:1 / 11:32-40
Yakobo 5:14
2 Mwīkèmo Peteri 1:1-7
Yesaya 28:19