20-1216 Tai wanakusanyika Pamoja

Tai wanakusanyika Pamoja.

16.12.2020

Mpendwa Kanisa Lisilo na Waa Wala kunyanzi,

Jinsi gani Tulivyo na shukrani leo kwa yote aliyoyatenda, na yote anayotutendea. Tunapoenda kwake katika maombi, na kujaribu kuelezea kile kilicho ndani ya mioyo yetu, haiwezekani. Kwa hivyo, kama kila kitu kingine tunachofanya, tunageukia kwenye Neno, kwani ni KILA KITU KWETU.

Loo, Hebu na tuinamishe vichwa vyetu na kusema: “Baba, tunakupenda. Tunakupenda. Loo, jinsi tunavyokupenda! Tunakushukuru tu, sana, Bwana. Loo, yetu — mioyo yetu duni ya kibinadamu haiwezi kuelezea kile tunachohisi ndani yetu, kwa jinsi ulivyotuosha katika Damu Yako Mwenyewe. Tulikuwa wageni, Bwana. Sisi-tulipenda vitu vya ulimwengu, na sote tulikuwa-wote tumechanganyikana huko nje katika vitu vya ulimwengu, na Wewe unashuka chini kwa neema Yako na kufikia mikono Yako mitakatifu ya thamani chini kwenye matope ya dhambi ambayo tulikuwa, ukatutoa, ukatuchagua, ukatuosha, ukatusafisha, ukaweka Roho Mpya ndani yetu, na kuweka Mapenzi yetu kwa vitu vilivyo juu. Jinsi gani Tunavyokupenda, Bwana! ”

NEEMA YAKO YA AJABU Baba. kufikiria UMEtuchagua, UMEtuosha, halafu UMEweka Roho Wako ndani yetu. Ndio Bwana, Tunakupenda!

Katika Wakati huu uliodanganywa, hakuna kitu kingine ulimwenguni kilichobaki kwaajili yetu, Bwana. Hakuna kilichobaki kwa ulimwengu, ni-ni-ni katika wakati wa mwisho. Tunaona kupitia Biblia, kila wakati umekwenda. Sasa tuko mwishoni, tunatoka haraka. Haitakuwa mbali na Yesu atakuja. Ee Mungu, weka mioyo yetu moto, usituache tusimame tuli.

Ee Bwana, jinsi gani tunashukuru kwamba Unawasha mioyo yetu moto kwa kutufunulia Neno lako ni kama zaidi ya hapo Awali . Tunaweza kuona, kwa kusikia Neno lako, kwamba tuko mwisho. Maandiko yanatimizwa mbele ya macho yetu kila siku.

Bwana, kutoka kwenye kina cha mioyo yetu, haya ni maombi yetu:

Na sasa, Bwana, ninaomba kwamba utachukua roho zetu mkononi mwako,tuoshe, tupige pasi, kwa sababu ilisemwa ulikuwa “unakuja kwaajili ya Kanisa lisilo na waa wala kunyazi.” Hebu pasi ya moto wa Roho Mtakatifu na ibonyeze kabisa kunyanzi zote kutoka kwetu, na tunakaa tayari kwa ujio wa Mwana wa Adamu.

Amina na amina.

Ndugu Joseph
branhamtabernacle.org