Mukuni Wandi Unono,

Ukuposhiwa kuli imwe na kuli imwe abali pamibombele ya lamya, icili sana, sanabwino. Ndi uwasansa kuli Shikulu kuti mwaikala fye mumayanda yenu,ukulongana muncende yenu,munkuta shenu,nokumfwila ukulonga.konse ukulefumina inshiwi lyandi,lilya libumba linono libe ilyapalwa.

Ilelo, Ndefwaya ukumilembela inkalata inono yacitemwiko ukufuma kumutima wandi kumikoselesha.Ni mwebene Lesa asala ukuba Nabwinga Wakwe ilyo umufula wesonde taulabako;muleumfwila aya amatepu.Nalimyeba Nalimyeba inshita inshingi,aya amatepu yenu fye, nimwe ulukuta lwandi. Ishileposako amano kuli ifyo Lesa alepela bakashimikila bambi ukucema; Ndeposa amano kucilyo eco ndemilisha. Aya matepu yenu, ulukuta lyandifye,efyo Lesa apela ukucema.Icakulya icafiswa, bambi teti bacisende.

Nomba, abantu bambi nga balefwaya ukucicanganya icilyo nafimbi kunse uko, balekeni bapoke ubusokololo ukufuma kuli Lesa kabili nokucita efyo Lesa abeba ukucita, ukulya pali efyo balekabila. Nalacita cimo cine. Lelo ishimbila shenufye.

Nde esha namaka ukwikala bwino necebo,pali imwe ababikwa mumaboko yandi ukufuma kuli Lesa, ‘ pantu impaanga ifwaya icakulya ca mpaanga. “Impaanga shandi shumfwa Inshiwi Lyandi.” Kabili ico eco twikalila, Icebo conse icifuma. Te fye Icebo apa napo, lelo Icebo conse icifuma mukanwa kakwa Lesa. Eco mwe abashila mwikalilako.

Onse alingile ukukwata cimo eco ekatilileko. Cimo cilingile ukuba ishintililo,mumashiwi yambi, ishintililo. Onse alingile ukukwata apakushintilila nangu ishintililo. Kuli ine, na kuli abo ndesubila ukuti Ndebatungulula kuli Christu, kabili ndi yesu, Icipingo e ishintililo lyesu.

Nomba natwiluka ukuti Lesa alitutumina bakasesema Bakwe. Iyo e nshila eyo Aletelamo Icebo Cakwe kubantu, ukupitila mukanwa kakwakasesema Wakwe. Nomba mulishino inshiku ishakulekelesha, Alilaya ukuilangisha Umwine umupwilapo nakabili, mumubili Wakwe, mumupashi. Ni Lesa Umwine mumalembo, muli kasesema, ukwilangisha mumubili.

Nilingile ukwikala lyonse mumulola watendekelo necilembelo candi ukuiteanya inshita yonse nokucibika pashi conse Alanda. Nibika amano yandi pamatontonkanyo Yakwe; te pafyo umuntu atontonkanya, pafyo inkulo itontonkanya, pafyo ulukuta lutontonkanya, pafyo ubumfumu butontonkanya. Nipamatontonkanyo fye yakwa Lesa! Nitwalafye amatontonkanyo yakwa Lesa pa Cebo.

Elyo Lesa asokolola amatontonkanyo Yakwe kuli ine, Nitwalafye mu Cebo kuli imwe pa tepu, “EFYO A SOSA SHIKULU.” Te,” Efyo na SOSA.” Ni,” EFYO A SOSA SHIKULU!” Kuti nailulafye ngefyo katendeka enganisuminisha ukwilula kuli imwe; pantu ni Cebo icakwa Lesa ishicifilwa.

Kuli abengi abaleitunga ine, kwati bashimapepo, nabambipo.Kabili finshi bacita? Kucilufyanya, epela. Teti bacicite. Lesa atuma ine, kasesema Wakwe, ukutungulula Nabwinga Wakwe; te umuntu umbi, nangu libumba lyabaume.

Ifyebo efyo Ndelanda, kabili neshila Nde bombelamo, ilepofola bambi, lelo ileisula amenso yabambi. Alifwalika mumusango uyo ningafwala, imibeleyandi, ukukabila kwandi, fyonsefye emo nilingile ukuba. Alisala ine mukupwililika pali imwe. bambi kuti baiminina kabili nokulolesha kabili nokutila, “Cisuma, Ine teti. Muli… INE—INE shilemona.” Balipofoka.

Alasokolola kuli uyo engasokolola. Alipangwa ukuti engaifisa umwine mumalembo,kubamano engaifisa umwine, ukwikala palya mumalembo,kabili kuti balolesha akasuba konse kabili tabalecimona; Kulolesha mushita yabumi,kabili tabalechimona.kuti Aifisa umwine, nokwikala palya.

Icilefwaika nomba nikuli abo abakwata imbila mumitimayabo, balingile ukwikala mumulola Wamwana, ukuti bengapya. Tinika Lisha kabili nokuleka Umwana afumyemo fyonse ifishilapya muli iwe,nokukulenga ukuba umwina Christu uwafikapo.

Elyo aishile pakubala, ali umuntu. Elyo akesa akacilibi; namaka ayabubili, ali umuntu. Elyo aishile muli Yohn kabatisha, ali umuntu. Alilaya ukwisa pali buno bushiku kabili nokwikala nokwisokolola Umwine nakabili mumuntu; umwana Wamuntu ukwikala mumubili wabuntunse.

Tuli nomba munkulo Yalinso, busesemo,bwa Malachi 4. Tapali nacimbi icishele ukwisa lelo Umwine ukwikila muli cena,’ pantu ecakulekelesha.

Ufweni impaanga shandi shinono, imwe ebo Lesa ampela ukucema. Inshita yapwa. Alemishila ililine, Nabwinga Wakwe.Ikaleni namatepu, tacilefwaya ubwilulo.

Ndeita imwe Bakapumpe abanono ukwisampana naine pacintufye cimo icalaleta Nabwinga Wakwe icapamo Uno umulungu,na 12:00 P.M., inshita yaku Jeffersonville .Mukofwa ,Efyo Asosa Shikulu elyo Lesa akalanda ukupitila muli ine kabili nokusokolola: Christu Alaisokolola Muchebo Cakwe 65-0822M.

Mwibukishe, IKALENI NOKUSHIMIKILA KWAMATEPU. TINIKEN NOKULISHA CILABUSHIKU.

Munyina Branham

Amalembo ayakubelenga elyo tamulaumfwila Imbila:

Ukufuma 4:10-12 Yesaya 53:1-5 Jeremia 1:4-9
Malachi 4:5.
St.Luka 17:30
St.Johani1:1/1:14/7:1-3/14:12/ 15:24/16:13 Galatia 1:8
2Timotea 3:16-17 . Maheberu 1:1-3/4:12/13:8
2 Petulo 1:20-21 . Ubusokololo 1:1-3/10:1-7/ 22:18-19