MENSAHE: 63-0901M Tanda
Minamahal na Nobyang Tanda,
Wala pa kailanman na panahon na gaya nito noon sa kasaysayan ng mundo. Ang buong kalawakan ay saksi rito, sa paglinya ng limang planeta. May bagay na nagaganap noong Diysmbre 12, 2021 sa kalangitan, habang may bagay na nangyayari sa lupa. Nagkakalakip na sama-sama ang Nobya sa palibot ng mundo habang ang Diyos ay nangusap sa pamamagitan ng Kanyang propeta, at ang Kanyang Nobya’y nagkaroon ng Komunyon at Paghuhugasan ng Paa sa magkakasama sa kanilang mga tahanan.
Grabeng kapaligiran at presensya ng Panginoon ang pumaroon sa ating mga tahanan. May mga ilang tape boys na nakituloy sa ating tahanan at ginawa nating isang bahay-sambahan sa Panginoon ang ating tahanan. Ipinahid natin ang Tanda sa ating mga tahanan at sa ating mga pamilya. Pinuno ng Espiritu Santo ang ating tahanan, ang ating puso, at ating mga kaluluwa sa Kanyang presensya. Nagmistula ngang para tayong mga anak ni Israel na naghahanda para sa ating exodong paglalakbay.
Ang Salita ay nangungusap sa atin sa pamamagitan ng Kanyang anghel at inilagay sa ating mga tahanan. Nasa buong paligid natin ang kamatayan, pero alam natin na ligtas tayo at ito’y lalagpas sa ating mga tahanan. Tayo’y naghahanda nang umalis para sa ATING Pangakong Lupain.
Hindi pa tayo nakaramdam ng ganoong kalapit gaya ng naramdaman natin noong gabing ’yun. Alam natin na may bagay na nangyayari. Alam natin na ibinubunsod na Niya tayo na maghanda para sa Kanyang Pagparito, pero kinakailangan nga na itong oras na ito mismo, ang araw na ito, ang buwan na ito, ang taon na ito. Ang lahat ay ganap nasa kinalalagyan nito. May kahulugan. Nangyayari ito bilang isang tanda sa sanlibutan.
Bawat espirituwal na kaganapan ay isang palatandaan mula sa Diyos. Maging maingat. Pansinin iyan, kita n’yo. Magmasid, bawat espirituwal na kaganapan, lahat ng bagay na nagaganap, ay isang palatandaan. Tayo’y hindi naririto sa pamamagitan ng pagkakataon. Ang mga bagay na ito ay sadyang hindi nangyari sa pamamagitan ng pagkakataon. Ito’y isang palatandaan. Ito’y isang palatandaan, upang makapunta—makapunta sa pagkaligtas, kaagad-agad. Si Noe ay isang palatandaan sa henerasyon niya; si Elias ay isang palatandaan sa kaniya; si Juan ay isang palatandaan sa kaniya. Kita n’yo? Lahat ng bagay, ang Mensahe ng kapanahunan, ay isang palatandaan. Masdan Ito, tingnan kung anong ginagawa Nito. Kita n’yo? Ito’y isang palatandaan. Lahat ng bagay ay mayroong kahulugan.
Nong mag-umpisa si Moises sa Kanyang pagmiministeryo sa Israel, dagli-dagling nagtipon ang Israel mula sa buong Egipto, papunta ng Goshen. Nagsisibalikan sila sa tahanan dahil nalalaman nila na may bagay na napipintong mangyari.
Isa ngang ganap na tipo sa panahon ngayon, sa pagtitipon-tipon ng Nobya sa palibot ng dalisay at di-nahaluang Salita para sa kapanahunang ito; dahil tayo man ay alam natin, may bagay na napipintong mangyari.
Sila’y nanggagaling sa silangan at kanluran, nanggagaling sila mula sa malalayong lupain, para makipagpiging sa Hari, para kumain bilang Kanyang panauhin sa palibot ng Kanyang Inimbak na Pagkain sa KANYANG DULANG.
Ipinadala Niya ang Kanyang anghel na propeta kalakip ang isang Mensahe para tawagin palabas at pangunahan ang Kanyang Nobya patungong Pangakong Lupain. Ipinagkilanlan Niya ang Kanyang Sarili sa gitna natin sa isang Haliging Apoy. Pagkatapos, ipinadala Niya ang Kanyang Tanda para sa Kanyang Nobya upang magpasailalim, dahil ang Kanya lamang kinikilala ay yaong Tanda na ’yun.
Ano ang Tanda para sa panahon na ito?
Kikilalanin lamang Niya ang—ang Tanda. Iyan ang Mensahe ng kapanahunan! Iyan ang Mensahe ng araw na ito! Iyan ang Mensahe ng panahong ito! Sa Pangalan ni Jesus Cristo, tanggapin Ito!
Ang Nobya at si Cristo’y lumalakip na sa pagiging Isa. Ang ministeryo ng Nobya, at ang ministeryo ni Cristo, ay siya rin. Kinikilala ng Diyos Mismo ang Mensahe ng Kanyang mensahero. Kinikilala Niya ang Kanyang Nobya. Ang negatibo’y nagiging positibo. Bawat pangako sa Kanyang Salita ay ATIN. Kinakailangan Nitong tumalima sa atin.
Tayo’y nagiging yaong ganap na Salitang Nobya sa pamamagitan ng inilaang daan ng Diyos sa panahon na ito: Kanyang Tinig, Kanyang Salita, sa Teyp. Hindi kailanman binabago ng Diyos ang Kanyang programa. Siya sa tuwina’t nagpapadala ng isang propeta para pangunahan ang Kanyang bayan. Mayroon Siyang iba na tinawag at pinahiran, pero ang marapat na gagawin nila’y salitain LAMANG kung ano ang sinabi ng propeta, dahil ang kanyang Mga Salita’y GANITO ANG SABI NG PANGINOON para sa bayan.
Papaano kayo makatitiyak na 100% SIGURADO kayo na ang pinakikinggan n’yo ay ang GANAP na Salita ng Diyos? May nag-iisang paraan lamang para sa akin: Pindutin ang Play.
Tunay na may iba na tinawag para ipangaral ang Salita, dahil nasa Salita ’yun at hindi maaaring tutulan, pero ang maipapangaral lang nila’y ang Salita na napakinggan nila sa Teyp na mula sa mensahero ng Diyos. Hindi sila maaating mangaral, magturo, magbigay ng interpretasyon, mag-alis o MAGDAGDAG NG ANUMAN DITO dahil Ito’y ang GANAP NA SALITA NG DIYOS. Yun ang sinasabi ng Salita.
Hindi mali na makinig sa isang ministro, gaya ng sinasabi ng iba, ni hindi rin mali na magtungo sa simbahan. Marapat lang na magtungo kayo sa simbahan, pero ang nais ng Nobya’y mapakinggan ang pagkain para sa tupa, at marami ang naniniwala na ang tanging paraan para mapakinggan ang purong Salita ay Pindutin ang Play.
Pagpalain ng Diyos sila at ang kanilang ministeryo na itinawag sa kanila ng Diyos na gawin. Mangyari nga na hindi ako laban sa kanila at iniibig ko sila at naniniwala ako na ako’y magpapalipas ng Walang Hanggan kasama ang lahat ng predestinadong Nobya. Akin lamang itinataguyod ang ministeryong teyp.
Marami ang nagsasabi na kinakailangan mong magkaroon ng ministro para maging Nobya. Sang-ayon ako, mayroon nga ako, si William Marrion Branham, dahil siya ang pinaka dakilang ministro na may pinaka dakilang ministeryo sa mundo. Dahil hindi ito kanyang salita, kanyang mensahe, kanyang mga pag-iisip, ni Ito’y kanyang interpretasyon. Ito lamang ay ang pinatotohanan na Salita ng Diyos para sa ating panahon. At oo, ito ang pinaka dakilang BUHAY NA MINISTERYO na mayroon.
Ang tanong ko ay ito: Maaari ba na kayo’y nakikinig lang sa Mga Teyp at kayo’y Nobya ni Cristo, o kinakailangan na may kamit akong iba pa maliban sa Tinig ng Diyos sa teyp?
Sa gana ko’t aking sambahayan, kami’y isang TEYP NA TAHANAN, at naniniwala na kami’y ang Kanyang Nobya at ang buong KAILANGAN NAMIN ay ang Tinig ng Diyos sa teyp.
Kung nais n’yong samahan kami sa inyong tahanan, simbahan, sasakyan o saanman na idako kayo ng Panginoon, para pakinggan ang GANITO ANG SABI NG PANGINOON, samahan n’yo kami sa Linggo ng 9:00 A.M., oras sa Jeffersonville, para pakinggan ang Salita ng Diyos sa ganap Niyang Nobya at ihahatid sa atin ang Mensaheng: Tanda 63-0901M
Bro. Joseph Branham
Mga Kasulatan na dapat basahin bago pakinggan ang Mensahe:
Genesis 4:10
Exodo ika-12 kabanata
Josue ika-12 kabanata
Mga Gawa 16:31 / 19:1-7
Mga Taga-Roma 8:1
1 Mga Taga-Corinto 12:13
Mga Taga-Efeso 2:12 / 4:30
Mga Hebreo 6:4 / 9:11-14 / 10:26-29 / 11:37 / 12:24 / 13:8 , 10-20
Sn. Juan 14:12