25-1109 Sa Ki Etranj Lan

Mesagj: 64-0614e Sa Ki Etranj Lan

PDF

Ankenn responsablite pou Tradiksyon ki fèt nan Branham Tabernacle

Byenneme Bondye Ki Gen Po Sou Li,

Nou pa dèyè vwal la ankò, Pitit mwen yo, Bondye parèt devan nou nèt. Pwisan Bondye Syèl la ak tè a, ki te toujou vwale tèt Li devan pèp la kòm yon Kolòn Dife ki soti nan Bondye epi ki te viv nan yon kò terès yo rele Jezi; apre sa, ki te retounen a Kolòn Dife a epi ki te parèt devan Pòl sou wout Damas la, kounye a Li retounen ankò, ekspoze pou tout moun ka wè, epi Li abite ankò nan chè imen nan zanj Mesaje Li a, William Marrion Branham, k ap rele Lepouz Li vin jwenn Li.

Bondye plase zanj Li sou tè a pou reprezante tèt Li kòm anbasadè Li te chwazi pou antre nan gran dimansyon sipènatirèl la ki enkoni. Li disène epi li rapòte bagay ke panse natirèl la pa ka wè. Li te voye pou revele mistè Bondye a epi pou anonse bagay k ap fèt kounye a, bagay ki te fèt deja, ak bagay ki pral rive. Li se Vwa Bondye pou Lepouz la.

Ki sa l ye? Bondye, Bondye dèyè po, po moun. Se egzakteman sa.

Jodi a, anpil kritik pa ka konprann nou menm, vrè kwayan yo. Pou yo, nou vin fou. Yo di nou kwè nan divinite a epi nou adore Pwofèt la…

Yon kritik, kèk jou de sa, te di m, anba a nan Tucson. Li te di, “Ou konnen, kèk nan moun yo pran w pou yon moun fou, epi lòt yo fè de ou yon dye .” M te di, “Ebyen, pa gen mal a sa.” M konnen li t ap eseye kritike m. Ou wè? Li di : Moun yo kwè w se yon dye.

Menm jan sa te ye lè Jezi te sou tè a, se menm bagay la jodi a ak pwofèt Li a. Moun yo pa dèyè vwal la; yo avèg devan verite a. Nou pa vle anyen lòt ke chemen Bondye te bay pou jodi a: Li menm ki vwale nan chè, Vwa Bondye ki te anrejistre epi ki te sere pou Lepouz la.

Lè Bondye te manifeste nan mond lan, Li te kache dèyè yon vwal; dèyè po yon Nonm yo rele Jezi. Li te vwale epi li te kache dèyè po yon nonm yo rele Moyiz, epi yo te dè dye, pa dè Bondye; men yo te Bondye, sèl Bondye a, ki t ap chanje mask Li, ki t ap fè menm bagay la chak fwa, k ap pote Pawòl sa a. Bondye fè l konsa.
Nou jis lye avèk Pawòl la, Mesaj lè a. Kounye a, li fè nou tounen Pawòl la ki kache dèyè chè yon moun. Lepouz la avèk Epou a fè youn. Bondye se youn, epi Pawòl la se Bondye! Nou lye avèk Pawòl la.

Malerezman, divizyon ki genyen ant kwayan yo jodi a se paske yo santi nou bay twòp enpòtans sou pwofèt Bondye a ki konfime. Okontrè, yo vle bay pastè yo lidèchip sa a.

Bondye pa chanje pwogram Li; Li voye YON SÈL NONM pou gide Lepouz Li a. Se Sentespri Li a ki nan nou tout, k ap gide nou pa KOLÒN DIFÈ A.

Pawòl la vini jwenn yon sèl moun. Nan chak epòk, se menm jan an, menm nan laj legliz yo, depi premye a rive nan dènye a. Lòt yo gen plas yo, se vre, remake, men rete lwen Kolòn Dife sa a. Ou wè?

MEN KISA NOU TANDE JODI A…MENM BAGAY LA.

Nou sonje sa Datan ak lòt yo te di lòt bò a? Yo te di, “Kounye a, Moyiz, tann yon ti moman! Ou pran twòp sou do w, ou wè. Bon, gen lòt moun isit la ke Bondye te rele.”

Nou pa kont ministè a; Bondye rele yo, men frè ak sè m yo, si pastè nou pa plase Vwa Bondye a kòm Vwa ki pi enpòtan ke nou dwe tande nan jwe bann yo nan legliz nou a, li pa kondwi nou nan chemen Bondye bay la.

Se vre. Yo chak t ap byen swiv toutotan ke yo t ap swiv, men lè youn nan yo te eseye elve tèt li epi pran pozisyon ke Bondye te bay Moyiz la, ki te predestine e etabli pou travay sa a, li te eseye pran l, dife desann, li louvri tè a epi li vale yo nèt. Ou wè? Ou wè? Fè atansyon. Ou wè?

Nou tout dwe lye avèk Pawòl sa a ki te pwononse epi ki te plase sou bann yo. Sa se Absoli Bondye a. Se sèl Pawòl sa a Lepouz la ka dakò sou li. Ministè a p ap janm ini Lepouz la, sèlman Vwa Bondye a sou bann yo.

M pa ka fè anyen san nou; nou pa ka fè anyen san mwen; nitou m pa ka fè anyen san Bondye. Kidonk, ansanm li fè inite a, koneksyon an. Bondye te voye m pou objektif lan; nou kwè li; epi men l rive. Se jis sa, ou wè, konfime pafètman.

SE SÈLMAN ansanm ke sa fòme yon ANTITE, yon koneksyon. Bondye voye William Marrion Branham pou objektif sa a. Alò, se SÈLMAN si nou kwè Sa ke Sa ap rive; konplètman konfime.

Se pa mwen ki di sa, frè m ak sè m. SE BONDYE K AP DI SA ATRAVÈ PWOFÈT LI A. Pa kite pèsonn di nou lekontrè oswa eseye eksplike nou yon lòt jan. SE SÈLMAN VWA BONDYE SOU BANN YO KI PRAL INIFYE LEPOUZ LA E PRAL MENNEN L A PÈFEKSYON. SI NOU FÈ L LÒT JAN, NOU P AP VIN LEPOUZ LA.

Alò m panse ke anpil nan nou, granmoun, nou panse menm bagay la. Bondye, ki gen po sou Li! Bondye, ki gen po sou Li! Sa ka sonnen tankou on moun fou, pou mond lan, men li atire tout moun a Li.

Èske nou tande sa l sot di a? Bondye ki gen po sou Li ap atire tout moun vin jwenn Li.

Alò ke mond lan ap anfile nan yon ekrou, nou menm nou anfile avèk Vwa Bondye epi yo rele nou Lepouz la. L ap rale nou soti nan dezòd sa a, pou mennen nou nan Prezans Bondye. Nou se ekrou ki anfile avèk Pawòl Bondye a.

Vini epi kite nou anfile avèk Vwa Bondye avè nou Dimanch sa a midi, lè Jeffersonville, alò ke Sa ap atire tout moun vin jwenn Li.

Frè Jozèf Branham

Mesaj: Moun Dwòl Lan. 64-0614E
Ekriti: 1 Korint 1:18-25. // 2 Korint 12:11