Gbedasi: 64-0614E Ame Saga La
- 25-1109 Ame Tovovo La
- 24-0225 Ame Tovovo La
- 22-0807 Ame Tovovo La
- 21-0523 Ame Tovovo La
- Hɔ̃wo Le Ƒuƒom Ɖedu
- 16-1130 Ame Tovovo La
Mawu Lɔlɔ̃tɔ Si Ŋu Ŋutigbalẽ Le,
Míegale xɔmetsovɔa megbe zɔ o, ɖevi Suewo, Mawu do ɖe gaglagbe na mí. Dziƒo kple anyigba ƒe Mawu sesẽtɔ la, Amesi tsyɔ ŋu Eɖokui dzi ɣesiaɣi na amewo abe Dzo Sɔti si tso Mawu gbɔ eye wònɔ anyigba dzi ŋutilã aɖe si woyɔ be Yesu me ene; Emegbe la etrɔ yi Dzo Sɔti la gbɔ hedze na Paul le mɔ dzi yi Damasko, ega va ake le gaglagbe eye wògava nɔ amegbetɔ ƒe ŋutilã me le Eƒe dɔla Gbedeasitsɔla, William Marrion Branham me, le Eƒe ŋugbetɔ la yɔm na Eɖokui.
Mawu ɖo Eƒe dɔla ɖe anyigba dzi be wòanɔ Yeƒe teƒe abe teƒenɔla si woɖo ɖi ene be wòayi ɖe nusiwo gbɔ dzɔdzɔmetɔ ŋu si womenya o la me. Ekpɔ nu siwo kodzogbemesusu mate ŋu akpɔ adze sii o la dzea sii eye wòɖea wo fiana. Wodɔe ɖa be wòahe Mawu ƒe nya ɣaɣla la ado goe eye wòagblɔ nusiwo li, kple nusiwo nɔ anyi, kple nusiwo lava nɔ anyi. Eyae nye Mawu ƒe Gbe na Ŋugbetɔ la.
Nukae wònye? Mawu, Mawu le ŋutigbalẽ megbe, amegbetɔ ƒe ŋutigbalẽ. Esia le teƒe tututu.
Ðeklemiɖela geɖewo mate ŋu ase mí xɔsetɔ vavã ŋutɔŋutɔwo gɔme o. Na woawo la, míezu skul. Wogblɔna be míenye mawunyenye dzi xɔsetɔwo eye míesubɔa nyagblɔɖila la…
Ðeklemiɖela aɖe, gblɔ nam, anɔ ŋkeke ʋeea ɖewo, le Tucson. Egblɔ be, “Ènyaa, amea ɖewo tsɔ wò wɔ skul aɖe, eye ame bubuwo tsɔ wò wɔ mawu aɖe.” Megblɔ be, “Enyo, ema sɔ gbe nenema.” Menya be ɖe wòle didim be yeahe nya ɖe ŋunye. Mikpɔea? Egblɔ be, “Amewo susu be ènye mawu aɖe.”
Abe alesi wònɔ esime Yesu nɔ anyigba dzi afisia ene la, nenema ke wòle egbea kple Eƒe Nyagblɔɖila. Amewo mele xɔmetsovɔa megbe o; Woƒe ŋku gbã na Nyateƒea. Míedi naneke o negbe Mawu ƒe mɔ si wona na egbea: Eyaŋutɔ tsyɔ ŋutilã, Mawu ƒe Gbe si wolé ɖe mɔ̃ dzi hedzra ɖo ɖi na Ŋugbetɔ la.
Esi Mawu dze le xexeame la, Eɣla Eɖokui ɖe xɔmetsovɔ aɖe megbe; Ɖe Ame aɖe si woyɔ be Yesu ƒe ŋutigbalẽ megbe. Wotsyɔ nu edzi eye wòɣla ɖe ame aɖe si woyɔ be Mose ƒe ŋutigbalẽ megbe, ke wonye mawuwo, ke menye Mawuwo o; Gake wonye Mawu, Mawu ɖeka si li la, ɖeko wònɔ Eƒe amemo trɔm, nɔa nu ɖeka ma ke wɔm ɣesiaɣi, le Nya sia vɛ. Nenemae Mawu wɔe.
Ðeko wotro mí ɖe Nya la, gaƒoƒo la ƒe Gbedeasi la ŋu. Ena míezu Nya si wotsyɔ nu kple amegbetɔ ƒe ŋutilã azɔ. Ŋugbetɔ la kple Ŋugbetɔsrɔ̃ la le ɖeka. Mawu le ɖeka, eye Nya la nye Mawu! Wotro mí ɖe Nya la ŋu.
Nublanuitɔe la, mama si le xɔsetɔwo dome egbea lae nye be wosena le wo ɖokui me be míetea gbe ɖe Mawu ƒe Nyagblɔɖila si dzi woɖo kpe egbea akpa. Tovo na esia la, wodi be yewoatsɔ amekpɔkplɔ ma ade yewoƒe kplɔlawo siwo me.
Mawu metrɔa Eƒe ɖoɖo o; Edɔ AME ƉEKA ɖa be wòakplɔ Yeƒe Ŋugbetɔ. Eƒe Gbɔgbɔ Kɔkɔe wònye le mía dometɔ ɖesiaɖe me, le míakplɔm kple DZO SƆTI LA.
Nya la vana na ame ɖeka. Le agbenɔɣi ɖesiaɖe me la, nenema koe, gɔ̃ hã le hamea ƒe agbenɔɣiwo me, tso gbãtɔ dzi yi mlɔetɔ dzi . Ame bubuwo ƒe teƒe li, ele teƒe, mide dze sii, gake minɔ adzɔge na Dzo Lilikpo ma. Mikpɔea?
GAKE NUKAE SEM MÍELE EGBEA…NU MA KE.
Miɖo ŋku dzi nusi Datan kple amemawo gblɔ le afima? Wogblɔ be, “Azɔ, Mose, lala le afisia vie gbɔ! Ètsɔ nuwo fũ daɖe wò ɖeka dzi akpa, mikpɔea. Azɔ, ame bubuwo hã le afisia si Mawu yɔ.”
Míetsi tre ɖe subɔsubɔdɔa ŋu o; Mawu ye yɔ wo, gake nɔviŋutsuwo kple nɔvinyɔnuwo, ne miaƒe kplɔla mele Mawu ƒe Gbe ŋutɔŋutɔ la ɖom abe Gbe vevitɔ kekeake si wòle be miase to nyaƒokawo ƒoƒo le miaƒe hame me ene o la, ke mele miakplɔm yi Mawu ƒe mɔ si wona dzi o.
Esia nye nyateƒe. Woawo la, wo dometɔ ɖesiaɖe, kplɔe ɖo nyui zi alesi wonya le eyome ko, gake esi amea ɖe tee kpɔ ɖe afɔ yi ŋgɔ be yeaxɔ Mawu ƒe ɖoƒe si Wòna Mose la, eya amesi woɖo ɖi heda asi ɖe dzi na dɔ ma wɔwɔ la, hekatsɛ be woaxɔe la, dzoe ɖi va heke anyigba ƒe nu me hemi wo enumake. Mikpɔea? Mikpɔea? Mikpɔ nyuie. Mikpɔea?
Ele be woatro mí katã ɖe Nya ma si wogblɔ heda ɖe nyaƒokawo dzi la ŋu. Emae nye Mawu ƒe Tɔɖoƒe. Ema koe nye Nya ɖeka si dzi Ŋugbetɔ la ate ŋu alɔ̃ ɖo. Subɔsubɔdɔ la mawɔ Ŋugbetɔ la ɖeka gbeɖe o, Mawu ƒe Gbe le nyaƒokawo dzi ɖeɖeko ye.
Nyemate ŋu awɔ naneke miawo manɔmee o; miate ŋu awɔ naneke nye manɔmee o; nenema ke miate ŋu awɔ naneke Mawu manɔmee o. Eyata, ne wotsɔ wo katã ƒo ƒu la, ewɔa nu ɖeka, katsatsa la. Mawu dɔm ɖa ɖe tameɖoɖo ta; mixɔ edzi se; ke afima ava me. Yee koe ma, mikpɔea, woɖo kpe edzi blibotɔe.
Ðe ɖu ƉEƉEKO wɔa nu ƉEKA, katsatsa la. Mawu dɔ William Marrion Branham ɖe taɖodzinu ma ta. Ekema ne miexɔ Esia se KO la, Eye Wòadzɔ; Woɖo kpe edzi blibotɔe.
Menye nyee nye amesi le ema gblɔm o, nɔviŋutsuwo kple nɔvinyɔnuwo. MAWU YE LE EGBLƆM TO EƑE NYAGBLƆƉILA DZI. Migana ame aɖeke nagblɔe na mi bubu alo wòatee kpɔ aɖe egɔme na mi bubue o. MAWU ƑE GBE SI LE NYAƑOKAWO DZI KOE AWƆ ŊUGBETƆ LA ƉEKAE EYE WÒADE BLIBO. NE MƆ BUBU ƉESIAƉE LA, MIANYE ŊUGBETƆ LA O.
Ale mesusu be mí ametsitsiawo dometɔ ɖesiaɖe míesusuna numa ke. Mawu, si ŋutigbalẽ le Eŋu! Mawu, si ŋutigbalẽ le Eŋu! Anya ɖi abe skul aɖe ene, na xexeame, gake ele amewo katã hem va Egbɔ.
Mise nya si wògblɔ fifi laa? Mawu si ŋu ŋutigbalẽ le la le amewo katã hem va Egbɔ.
Esi wole xexeame trom ɖe skul aɖe ŋu la, wotro mí ɖe Mawu ƒe Gbe ŋu eye woyɔ mí be Ŋugbetɔ. Ele mía hem doe le gbegblẽ sia me, yi ɖe Mawu ƒe Ŋku me. Míenye skul si wotro ɖe Mawu ƒe Nya ŋu.
Va eye woatro wò ɖe Mawu ƒe Gbe nu kpli mí le Kwasiɖagbe sia le ŊDƆ ga 12 me, Jeffersonville ƒe Game, esi wòle amewo katã hem va Egbɔ.
Nɔvi. Joseph Branham
Gbedeasi: Ame Saga La 64-0614E
Ŋɔŋlɔawo: I Korintotɔwo 1:18-25. / II Korintotɔwo 12:11