Gbedasi: 63-0317E Gbagbãƒe Si Le Hamea ƒe Agbenɔɣi Adreawo Kple Nutrenu Adreawo Dome
- 25-0309 Gbagbãƒe Si Le Hamea ƒe Agbenɔɣi Adreawo Kple Nutrenu Adreawo Dome
- 23-0716 Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dom
- 22-0123 Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dome
- 21-0117 Gbagbãƒe Si Le Hamea ƒe Agbenɔɣi Adreawo Kple Nutrenu Adreawo Dome
- Hɔ̃wo Le Ƒuƒom Ɖedu
- 19-0324 Gbagbãƒe Si Le Hamea ƒe Agbenɔɣi Adreawo Kple Nutrenu Adreawo Dome
- 17-0319 Gbagbãƒe Si Le Hamea ƒe Agbenɔɣi Adreawo Kple Nutrenu Adreawo Dome
Lɔlɔ̃tɔ Siwo Wogbugbɔ Ɖo Te,
Ðeɖi metea ŋunye gbeɖe be mase Mawu ƒe Gbe wòagblɔ amesiwo míenye, afisi míetso, afisi míeyina, nusi míenye na mí o domenyila, kple alesi gbegbe Wòlɔ̃ míi.
Gbɔgbɔme nunɔlanyenye aɖe, fiaƒome dukɔa ɖe, si le gbɔgbɔme vɔsawo tsɔm na Mawu, Si nye woƒe nuyiwo ƒe kutsetsewo, hele kafukafu tsɔm na Eƒe Ŋkɔ.” Du—dukɔ kae nye si! Etɔ wònye.
Míaƒe akɔfafa kple ŋutifafa ɖeka kolia tsoa Mawu ƒe Gbe sese si le nu ƒom na mí me, emegbe be míagbugbɔ aƒo nu na Fofo to gbɔgbɔme vɔsawo tsɔtsɔ sa vɔe to míaƒe nuyi ƒe kutsetsewo me, kafukafu na Eƒe Ŋkɔ.
Xexe blibo sia le ŋeŋem. Dzɔdzɔme la le ŋeŋem. Míele ŋeŋem hele Aƒetɔ la ƒe vava la lalam. Xexe sia melé naneke ɖe asi na mí o. Míele klalo be míadzo eye míayi míaƒe Srɔ̃ɖeɖe Nuɖuɖu kple Tsɔme Ƒe me kple Eyama kpakple amesiwo katã le Afima xoxo, le ɣeyiɣi ƒe xɔmetsovɔa godo tututu, hele mía lalam.
Mina míatso aɖaʋuʋu míaɖokuiwo! Míade fe míaƒe dzitsinya, anyɔ̃ míaɖokuiwo le nusi le dzɔdzɔm fifi laa kple le nusi le dzɔdzɔ ge ŋu le aɖabaƒoƒo ɖeka ƒe ɣeyiɣi me.
Le xexeame ƒe ŋutinya me la, medzɔ kpɔ be Kristo ƒe Ŋugbetɔ la nawɔ ɖeka tso xexeame ƒe akpa vovovowo, wo katã le ɣeyiɣi ɖeka me tututu, be woase Mawu ƒe Gbe wòanɔ nu ƒom ahaɖe Eƒe Nya la afia Eƒe Ŋugbetɔ o.
Xɔsetɔwo, mibia mia ɖokuiwo be, gbe kae, mawunyagblɔla kae, ame kae, ate ŋu awɔ Kristo ƒe Ŋugbetɔ la katã ɖekae aɖaƒo ƒui? Ne ènye Kristo ƒe Ŋugbetɔ la, ke ènya be ɖeko Gbe bubu aɖeke meli o negbe Mawu ƒe Gbe ko le nyaƒokawo dzi.
Ẽ, Gbɔgbɔ Kɔkɔe la le mía dometɔ ɖesiaɖe me, hamea ƒe dɔwɔƒe ɖesiaɖe, gake Mawu ŋutɔ gblɔ na mí be Yeadrɔ̃ ʋɔnu xexeame to yeƒe Nya dzi. Ŋugbetɔ la nya be Eƒe Nya la va Eƒe nyagblɔɖila gbɔ. Eƒe nyagblɔɖila koe nye Eƒe Nya gɔmeɖela ƉEKA si tso Mawu gbɔ. Womate ŋu atsɔ kpe nusi Wògblɔ la alo aɖee le eme o. Nya lae Wònye, le nyaƒokawo dzi, si woatsɔ adrɔ̃ ʋɔnu míakatã, eye nya bubu aɖeke alo nya ma gɔmeɖeɖe aɖeke meli o.
Mate ŋu ava me be gbe bubu aɖe nawɔ Ŋugbetɔ la ɖekae o. Mawu ƒe Gbe si le nyaƒokawo dzi koe ate ŋu awɔ Eƒe Ŋugbetɔ la ɖekae. Enye Nya ɖeka kolia si dzi Ŋugbetɔ la katã ate ŋu alɔ̃ ɖo. Enye Gbe ɖeka kolia si dzi Mawu ŋutɔ ɖo kpe be enye Yeƒe Gbe na Yeƒe Ŋugbetɔ. Ele be Eƒe Ŋugbetɔ nanɔ Susu Ðeka kple Nubabla Ðeka me alebe wòanɔ Eyama gbɔ.
Subɔsubɔdɔwo woateŋu gblɔ mawunya, nufialawo ateŋu afia nu, pastɔwo ateŋu anye pastɔ, gake ele be Mawu ƒe Gbe si le nyaƒokawo dzi nanye Gbe vevitɔ kekeake si wòle be woatsɔ ade ameawo ŋkume. Enye Ŋugbetɔ la ƒe Tɔɖoƒe.
Ne ɖeɖefia aɖe le asiwò le ema ŋu la, ekema esiae nye nusi gbɔna dzɔdzɔ ge.
Nya la gblɔ na mí be Adam bu eƒe domenyinu, si nye anyigba. Etso eƒe asi me yi amesi wòdzrae na, Satana, gbɔ. Edzra eƒe xɔse le Mawu me, ɖe Satana ƒe suɖeɖewo nu. Ebu nu vi ɖesiaɖe hedee Satana siwo me. Etsɔe tso eƒe asi me na Satana.
Mawue nye xexeame katã ƒe Mawu, afisiafi, gake Eƒe Vi, Adam, ya ɖo kpɔkplɔ ɖe anyigba sia dzi. Ate ŋu aƒo nu, ate ŋu ana ŋkɔ, ate ŋu agblɔ nya, ate ŋu atɔ te dzɔdzɔmea, ate ŋu awɔ nusianu si wòdi. Ekpɔ ŋusẽ, si ƒo ɖesiaɖe ta ɖe anyigba dzi bliboe.
Adam bu wokatã, gake ŋutikɔkɔe na Mawu, nusiwo katã wòbu kple nusiwo wògblẽ ɖi la, míaƒe Ƒometɔ Ðela, ame bubu aɖeke wu Mawu Ŋusẽkatãtɔ, si va zu Imanuel, mía dometɔ ɖeka, ye xɔ wo ƒle. FIFIA, MÍATƆ WÒNYE.
Míenye Eƒe viŋutsu kple vinyɔnu siwo aɖu fia eye míanye fiawo kple nunɔlawo Kple Eyama. Agbe mavɔ le mía si Kplii kple amesiwo katã míelɔ̃. Dɔléle maganɔ anyi o, vevesese maganɔ anyi o, ku maganɔ anyi o, mavɔmavɔ ɖeɖeko sɔŋ.
Ne míebu esia ŋu la, aleke míawɔ ana abosam nate mí ɖe anyi? MÍATƆ wònye, afimae míeɖo tae kpuie ŋutɔ. Etsɔ nu gãtɔ kekeake si Wòate ŋu ana mí la na mí. Míaƒe DZIƉUƉU GÃ SI LE ŊGƆ NA MÍ ŊKEKEWO KO LA anyrɔ̃ míaƒe ŋkeke ʋee ƒe tetekpɔ kple dodokpɔ le anyigba sia dzi.
MÍAƑE XƆSE me lolo alea gbegbe kpɔ o. Míaƒe dzidzɔkpɔkpɔ mekɔ alea gbegbe kpɔ o. Míenya amesiwo míenye kple afisi míeyina. Míenya be míele Eƒe Lɔlɔ̃nu deblibo me to Eƒe Nya la dzi nɔnɔ me. Nusi wòle be míawɔ koe nye be míanɔ kpli nyaƒokawo eye míaxɔ Nya ɖesiaɖe dzi ase; menye miase wo katã gɔme o, GAKE AXƆ NYA ÐESIAƉE DZI SE…eye MÍELE EWƆM!
Xɔse tsoa nusese me, nya la sese. Nya la vana na nyagblɔɖila. Mawue Gblɔe. Mawu Lée ɖe mɔ̃ dzi. Mawu Ɖee fia. Míese Nɛ. Míexɔe Edzi se.
Ne èse Mawu ƒe Gbe le nyaƒokawo dzi ko hafi nàte ŋu axɔ Ɖeɖefia sia.
Nusi katã Kristo awɔ le nuwuwu la woaɖee afia mí le kwasiɖa sia me, le Nutrenu Adreawo me, ne Mawu aɖe mɔ na mí. Mikpɔea? Esɔ gbe. Woaɖee afia. Eye woaɖee fia, esime Nutrenuawo aʋu ahaɖe asi le wo ŋu na mí, ekema míate ŋu akpɔ nusi xɔxɔkpɔkpɔ ƒe ɖoɖo gã sia nye, eye ɣesiɣi kple alesi woawɔe. Ye katã le ɣaɣla ɖe nyaɣaɣla ƒe Agbalẽ sia me le afii. Wotre enu, wokɔe ɖe dzi kple Nutrenu Adreawo, eye ale Alẽvi ɖeka koe nye Amesi ate ŋu aʋu wo.
Kwasiɖagbe sia le ƔETRƆ ga 12 me, Jeffersonville ƒe game dzi la, Ŋugbetɔ la ƒe akpa aɖe tso xexeame ƒe akpa vovovowo ase Mawu ƒe Gbe le game ɖeka dzi. Míaʋuʋu dziƒo kple míaƒe gbedodoɖawo abe ahom ene ahanɔ ta dem agu na Eyama. Mele miakpem be miava kpe ɖe mía ŋu esi míase: Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dome 63-0317E.
Taflatse migaŋlɔ ɣeyiɣi ƒe tɔtrɔ le Jeffersonville le kwasiɖanuwuwu sia be o.
Nɔvi. Joseph Branham