Agu Kililiruri Ma Siza Leleturi,

Ama enga vu embata ngole ri be ya. O’duko Munguniri ebi e’yo nze azini imbata fe ama dri, E’yo vusi E’yo vusi E’yo vusi, geri adaru ‘bani ari’boni ndezu ri ma dria. Eri ece azini o’ba ama asi ma alia, AMANI E’YO I. Ka’dini, ama econi ovu ndezaru ku.

Ari’bo ka emu ama vutisi, ama lu eri co azini eri co azini eri co ama mbombo enyatabe, E’yo Munguni Nzele, ovupi idriru azini ovupi ama ma alia risi.

A’daru, a’di ‘diza ovu otuzaru ‘bo, te sawa ‘disi ama ovu urisi dika ko; uri dika yo. Ama eri ama e’yo amazaki ku. Ama eri ama e’yo egazaki ku. Ama eri ama aleki ku. Ama opi ama omiki e’yo ‘diyi ma driari pivusi ci azini ‘baki Orindi Eri ma E’yoniri ama asia azini orindi ma alia. Ama ofu e’yo dria ndu Erima E’yo vusi ‘diyi amve ‘bo.

Abaza dria mu di ‘bo. Ori dria mu di ‘bo. E’yo amaza abazani driari mu di ‘bo. E’yo amata dria mu ‘bo. Afa azi pa sozu ‘daa yo te E’yo Munguni idriru azini ovupi AMA ALIA RI’I, azini Sitani econi a’di ‘di ‘Da ma ruatia ku.

Ama ecaria Ekalu Mungu idrirurini riki. Eri Mungu’i oaria ama alia, feria amani ovuzu Eri ama Ngulupi le, Ima Oaza ma wura e’dazu ama alia.

Ama pari Kristo niri ‘du, muzu drile azingaza Eriniri be. Eri oa siza agu azini niri ma alia Erini Ima ngulupi e’daria ama alia. Ama curu’do ovu inzita kililiru be Eri be! Eri Mungu ma ngulupi’i rue’daria ama alia, ovuria Eri ma Ekaluni ria.

Ama eti’baza okporu e’yo ‘diyi a’izuri a’dini? A’ITA. Azini ama a’ita leni afa azini ku; a’dusikuni ama a’ita a’i E’yo Munguniri’i. A’dusikuni a’itani emu geri erizu risi, azini E’yo Munguniri ma eritani, azini E’yo Munguniri ni emu lu nabi vu, azini nabi ni lu ovu ERIZARU Avizuri Ekpazurisi…TRAA!!

Eri ma O’duko erizusi, ama ovu ojazuru Eri ma Okpo si azini ama drazaru ama ngulupi ma egata pivusi. Ama a’ita eca a’ita a’daruri ru ‘bo, azini Eri ma Idri ni ovu isuzaru ama alia. Ama ecaki o’baza idriru Munguni ‘diyiru ‘bo, pari oazu azi Orindi Alatararu ni ecozu Eri ma asidrinza dizaruri ma ti epezu vuniasi ra ‘dileni.

O’duko tepu pi ma dria ‘dani a’du ‘ye?

Kristo epe ma ti ‘baki alu aluki sizu sita Yesu Kristoniri vu, yini ani ecozu ovuzu okpo be azini pari Orindini oazuri’i beni, E’yo Eriniri si. E’yo Eriniri si, enera, si agu nde pari ‘davu.

Eri ma O’duko erizurisi, azini E’yo Erini a’izu azini vuti bizurisi, si di ama ecazu sita Yesu Kristoni ‘diyi; pari oazu azi Eri ma Orindi nini. Ama onyi idriruri, nita idriruri, asi teza idriruri, adriza Mungu inzizu idriruri, Okpo idriruri, engazu Mungu idriru vu, ama ‘bazu ovuzu ‘ba idriruri’i, e’da idriruri’i, siza Munguni ma alia.

Te Mi Otu Ruati azi Ma dri ‘bo,” Ruati azi Munguni eco oazu alenia rani, Mungu eco aci aniasi ra, Mungu eco angu ndre aniasi ra, Mungu eco o’yo aniasi ra, Mungu eco azi nga aniasi ra ni. Amena! Afa ayuzaru idriru Munguni ni’i, Mungu’i aciria pa iri si, mi ma alia. Diza! “Acita ‘ba kililiruri niri kirikiri Mungusi,” Mungu’i aciria mi aasi. “Emi waraga sile, ‘ba driani laleni ‘diyi.”

Diza…!!! Ka’dini, ama asikiku kani ama oa hema ma alia kani jo wereani ma alia, ovu idriru kani drazaru, e’de kani omvu risi. ‘Di e’yo lu ama ni asi ‘bazu drinia ri’i, O’DUKOTI ‘DI’I, O’DUKO ‘DI’I, E’YO MUNGU NIRI. Eri kari Munguni ri. Eri Mungu ma geri fe andruni ri’i. Eri Agu Siza Be Kililiruri siria, ovupi AMA’I RI!

Ama ma emuki tualu ani ama idriki andrizu amani ama Embapi ni eriria amani embata feria ama ma ‘yeki a’duni, azini le ama oaki ngo, ovuzu agyianzi azini ezopika Munguni K-I-L-I-L-I ru ri ma dria.

Ama nga azi Opi dri kini azakoma Erini azini yiki Erini si, ama nga Eri zi azini nda o’dudria asikokoru, kpere amani amaria e’yo Erini lele ‘diyi ma driari ki raria ama siza ma aleasi. Ama nga oa ‘dia kpere amani ecozu ovuzu e’data Kristo idrirurini ri ki.

Wiki alu alusi ayiko azini asi’bata afa Opi ni mu ‘ye azini ace amaniri aga e’yo ‘bani eco eceece ri ra. Geri mani lezu wudrikuru ama eciru amaberi a’dikisuni afa azi amboru ndeni, kani ovupi kililiru ndeni aga rizu O’duko Munguniri ma alea ani ecazu Siza Kililiru Eri Ma Amuro Kililiruri niri ra ni yo.

Adri. Joseph Branham i

O’dukoti: Agu Kililiruri Ma Siza 62-1014M

Sawa: 12PM Jeffersonvili, IN. saa

E’yo Sizaki:
E’yo Ba Matayoni 5:48
E’yo Ba Lukani 6:19
E’yo Ba Yohanani 1:1 / 3:3 / 3:16 / 5:14 / 14:12
‘Yeta 2:38 / 7:44–49 / Chaputa 10zuri / 19:11 / 28:19
Efeso 4:11-13
Kolosai Chaputa 3zuri
Ebrania 10:5 / 11:1 / 11:32-40
Yakobo 5:14
2 Petero 1:1-7
Isaya 28:19