Endwa Aria Marīkitie Kuuma,
Mbere ya Horohio gũthondekwo, Mbere ya Roho Mũtheru gũitũrũrwo, Mbere ya Kĩrĩkanĩro Kĩrĩa Gĩkũrũ kwandĩkwo, gũtingĩakorirwo kũrĩ na monithanio. Nonginya kũngĩetereirwo nginya ĩhinda rĩrĩ. Etereire mũnabii Wake na nĩĩthuĩ etereire!
Rĩa maũndũ mothe marathondeka gũkinyĩra kahĩga ga gacumbĩri, harĩ monithanio ma arĩu a Ngai magĩcoka. Roho wa Ngai nĩwokire kũrĩ muraika ũyũ Wake mũnene e mũkinyanĩru, ongĩnyagĩa ũtungata wake ũgĩkorwo biũ ũkũhĩrĩirie wa Kristũ, nginya atĩ nĩũkũnyitithania We na Kanitha Wake hamwe. Ngai Nĩaraneneana Wathani kũrĩ Ciana Ciake nĩũndũ wa Kũiyũkio kũrĩa gũkĩte.
Nĩ ĩhinda rĩa magegania atĩa tũkoretwo narĩo o ũrĩa Roho Mũtheru aratwarĩria na kũguũria Kĩugo Giake. Maũndũ manene nĩ marahanĩka, merĩ thĩinĩ wa thĩ, na makĩaria wa bata, harĩ Mũhĩki.
Thĩ ngĩma ngũĩ nĩĩrathĩĩ nambere. No tũtuĩke mũtutu ĩhinda o rĩothe. Mũndũ woothe wĩna mbũgũĩro njega nĩaraigua mohoro, agathĩkĩrĩria ateti na akamenya atĩ ũndũ mũna ũrorete kũhanĩka. Guoya nĩũhobanĩirie andũ a thĩ.
Nĩaigana maiguĩte ũrathi ũyũ, atĩ mbere ya Njanuari Ĩmwe, nĩkũrarathwo atĩ Merĩ Amerika na Russia megũkorwo marĩ mũhũ wa borokanĩki? Kĩu tu nokĩo tũrabatara. Nĩ gũcerere gũkĩra ũrĩa tũreciria. Nĩũkuona? Kwoguo, angĩkorwo tũkũhĩrĩirie ũgũo nginyagĩa andũ a gũkũ thĩ nĩmararatha igũrũ rĩa kĩũndũ gĩkĩ kĩa magegania kũhanĩka, tũkũbatara gũkorwo twĩĩguĩte, ũndũ wothe wĩ mũthondeke, tũmbũrĩte maũndũ moothe, ũndũ woothe wĩ mũthagathage, tondũ tũtiũĩ biũ ĩhinda rĩrĩa Mwathani angĩtwĩta. Na hĩndĩ ĩrĩa etana auga, “Ambata nagũkũ igũrũ,” nĩkaba ũkorwo wĩharĩirie. Na ũndũ ũyũ ũgũka ĩhinda rĩrĩa ũtangĩcirĩa.
Roho Mũtheru e hamwe naithuĩ, akĩaria kũhĩthũkĩra mũnabii ũyũ Wake, agĩtũthagathaga nĩũndũ wa gũthii kũrĩnga Jordani. Nĩtũrataũkwo nĩũndũ wa gũthoma Ibuku na kũigua Mũgambo Wake ũrĩa wĩ thĩinĩ wa tũmĩkwa nĩatĩa gũkũhanĩka. Ngai nĩararia kũhĩtũkĩra Mũraika ũyũ Wake thĩinĩ wa tũmĩkwa thĩ-ng’ima nĩũndũ wa kũhoreria andũ Ake na kũmera, “twĩ ĩhinda rĩa mũthia, no mũtigetigĩre thĩ ino tondũ ndĩ hamwe na inyuĩ, ona THĨINĨ WANYU. Mwĩ Kiugo Gĩakwa gĩtuĩkĩte mwĩrĩ. Mũtĩri na KINDU GĨA GWĨTĨGĨRA.”
Handũ ha mweri mĩingĩ, nĩakoretwo agĩtũma tũthome Mbuku ya Kũguũrĩrio kwa Jesũ Kristũ. Nĩtũhĩtũkĩĩre Matĩna ma Kanitha na Gũtuo Ciana Cĩĩna Wathani narĩu twĩharĩĩrie kũigua na gũthoma Ciumia Mĩrongo Mũgwanja cia Danieli.
Thutha ũcio hagoka tutembe, Mahura, Mbũgĩrĩrio, Ĩtono, mũtumia wĩhumbĩre riũa, na kũrũkũrũrwo kwa gwa ndamathia ndune, kũhũrwo mũhũrĩ, aria ngĩrĩ igana rĩa mĩrongo ĩna na inya, na maũndũ moothe.
Ota Danieli, tũrathoma na tũkaigua ũrĩa mũnabii augire ũkũhanĩka. Mandĩko makĩhĩngĩo. Nĩ ĩhinda rĩkĩringaine atĩa he Mũhĩki gũkorwo akĩigua ũndũ ũyũ rĩu kĩũndũinĩ kĩrĩa thĩ ĩrĩ ũmũthĩ.
Kanitha nĩurĩkĩtie kũhũrwo mũhũrĩ. Aria aganu marathii nambere na kwagana. Makanitha marathii nambere na kuheha. Atheru no marakũhĩrĩria Ngai. Iheo cia Roho Mũtheru no kuongerereka tũkundĩinĩ tũnini. Twĩ ĩhinda rĩa mũico.
Nĩtũrataũkwo atĩ matukũinĩ ma mũico nĩgũgoka ng’aragu, na ndĩgakorwo ĩya irio kana maĩ tũ, no nĩkũigua Kiugo Kĩama Kĩa Ngai. Andũ magathiĩ irathĩro na ĩthũĩro, rũgongo na kianda, makĩmatha kũigua Kiugo Kĩama kĩa Ngai. Makanitha magakorwo na mĩtaratara na meyohanĩtie wega atĩ matikahota gũKĩigua.
No nĩtũrataũkwo naũndũ wa gũthoma kũma harĩ Ibuku rĩrĩ Rĩake na gũthĩkĩrĩria Mũgambo Wake thĩinĩ wa tũmĩkwa atĩ nĩgũgakorwo na Thuna ĩkaumĩra kuuma kwĩ Daudi. Gakundĩ kau kanini gagathaka tũmĩkwa na kaĩgwe Mũgambo wa Ngai wĩ thĩinĩ wa tũmĩkwa.
Ũmũthĩ, ĩhoya rĩu nĩ ĩhingu.
Mwathani, nĩtũrona Mabuku, onamo Mabuku Maku, Ibuku rĩa Isaia, Ibuku rĩa Jeremia, Ibuku rĩa Jakubu,Johana, Luka, Mariko, Mathayo na Ibuku rĩa Kũguũrĩrio, Mabuku moothe Maku, atĩ twĩ mũico. Natũroretie mothĩũ maitu Igũrũ, tũkĩhoya, na kĩgĩrĩko, gwetha kũrĩa tũratũũra, Mwathani. Nĩtũrambĩa kuona ũtheri ũkĩara. Na, Mwathani, twoka kũrĩ Wee. Wĩtĩkio wĩtũ mũwe ũrorete rĩu. Tũigĩte keheri ũritũ woothe, wĩhia o woothe, kwaga gwĩtĩkĩa o guothe kũnini kũrĩa gũtũkoraga narua na ũhũthũ, rĩu tũkĩhatĩrĩria kũrĩ gwĩtwo gwĩtũ kwa naigũrũ, tũkĩmenya atĩ ĩhinda rĩtũ nĩ inini.
O ũrĩa guoya ũraihũra thĩ na makageria gũthaga-thaga nĩũndũ wa kĩrĩa kĩroka naũndũ wa kũiga irio, nĩtwamũnyita ũgeni mũũke na mũrĩe Manna ĩno hĩthe ĩrĩa Athagathagĩre na Akĩmĩĩga nĩũndũ wa Mũhĩki ũyũ Wake.
Nĩnĩ Mũrũ Wa Ithe Wanyu Joseph Branham
Ndũmĩrĩri: 61-0730m Mawatho ma Gaburieli kwĩ Danieli
Ĩhinda: Kiumia, tha thita., mathaa ma Jeffersonville
Mandĩko:
Thaburi 99
Kũguũrĩrio 1-3
Jeremia 32
Kũguũrĩrio 5:8-14
Jeremia 23:8-17
Danieli 9
Mathayo 24:15
Kũguũrĩrio 7