Gbedasi: 65-0218 Nuku La Menyi Domenyila Kple Tsro La o

---

• 24-0602 Nuku La Menyi Domenyila Kple Tsro La o
• 22-1106 Nuku La Menyi Domenyila Kple Tsro La o
• 19-1027 Nuku La Menyi Domenyila Kple Tsro La o
• 17-0104 Nuku La Menyi Domenyila Kple Tsro La o

BranhamTabernacle.org

Abraham Ƒe Fiaƒome Nuku Lɔlɔ̃tɔ,

Metsɔ gbedoname tso xexea katã me, ɖo ɖe Wo amesiwo ƒoa ƒu ɖe du, le nusem to katsatsa ƒe mɔnu dzi, le Woƒe luʋɔwo nyim kple Mana yeye dzadzɛ si le dzadzam tso Dziƒo. Mienye amesiwo woƒle kple Yesu Kristo Ŋutɔ ƒe Ʋu.

Aƒetɔ Yesu, mele gbedom ɖa be Nàsi ami na nyawo zã sia me na to ɖe sia ɖe si le Mawume gbeɖiɖi ƒe nusese te. Eye ne ame aɖewo le afisia, alo le sesem to ka me, le egodo le dukɔa me.

Mawu le ami sim na míadometɔ ɖe sia ɖe ƒe towo, esime míele esem le ka me tso xexeame katã me hele Mawu ƒe Gbe ƒe gbeɖiɖi Mawumetɔ sem wòle nuƒom na mí be, Ale Aƒetɔ Gblɔ Esi.

Míawoe nye Mawu ƒe Hame akuakua, si wogbugbɔ dzi si xɔna Mawu ƒe Nya ƉESIAƉE dzi se le nusianu ƒe ŋkume, meka nusi wònye o, elabena enye Mawu ƒe Gbe vavã tsimatɔe si le nuƒom.

Mawu le Eɖokui ɖem ɖe go le mía me, Eƒe Hame Ŋugbetɔ la. Míenye Nuku la tsɔlawo o, MÍENYE FIAƑOME NUKU LA. Eƒe Agbe la Ƒe blibodede si nɔ Eyama me la gbugbɔ tse Eɖokui ƒe ku le MÍ, Ŋugbetɔ Hame, akuakua, vavãtɔ la me, si le Mawu ƒe Nya blibo la tsem le Eƒe blibonyenye kple le Eƒe ŋusẽ me.

Hame ƒe agbenɔɣi bubu aɖeke mate ŋu nɔ anyi le esia megbe o. Míele nuwuwu, nɔviŋutsuwo kple nɔvinyɔnuwo. Míele afisia. Míeva ɖo. Akpe na Mawu!

Míele nuwuwu. Míeva ɖo. Ŋugbetɔ la DE dzesi amesiwo Míenye. Nuku Ŋugbetɔ la ƒe ɣeyiɣi yenye esi. Tsroawo ku. Tsroawo ƒu kpakplakpla. Míenye Mawu ƒe Nya si wodzi tso ɖetugbui le aƒe dzi si woɖe ɖe go, Yesu Kristo nye eyama ke etsɔ, egbɔ, yiɖe mavɔmavɔ me.

Womele asi ka ge míaŋu o. Ame ƒe asiŋutɔtrɔ aɖeke mele MÍA me nɔ ge o. MÍENYE Ŋugbetɔ ɖetugbui le aƒe Tɔdzidzia. Mawu de se na mí be míanye nuteƒewɔlawo na Nya dzadzɛ kɔkɔe la. Elebe Nuku la nanɔ anyi ɖe Vi la, Gbɔgbɔ Kɔkɔe la, Amegbetɔ ƒe Vi ƒe Gbe ƒe Ŋkume, alebe Wòate ŋu atsi. Ke na míawo ya la, MƆNU ƉEKA KOE LI SI NYE: MIZI PLAY EYE MISE AMEGBETƆ ƑE VI ŊUTƆ ƑE GBE.

Eye mele gbɔgblɔm be Hame aɖe si Wotia le afi aɖe le xexe sia me, si le nuhem le dodom heɖe eɖokui ɖe aga tso numawo gbɔ, eye Mawu ƒe ɖeɖeɖego hɛ Eƒe susu va. Míele ŋkeke mamleawo me.

Míenye Mawu ƒe Hɔ̃wo. Ƒoƒose aɖeke mele míame o. Ɖeko míate ŋu ɖu Mana yeye. Míele abe nyiviwo le lãkpo me ene. Nuɖuɖu si Wodzraɖo ɖi si wona mí koe míeɖuna.

Míele Mawu ƒe Hɔ̃wo kpɔm le xexea katã me siwo le Mana Yeye dim. Woakpɔ tɔ nɔ dim vaseɖe esime Woakpɔe. Wodzo yi yame ʋi ʋi. Ne ɖeke mele bali sia me o la, agayi yame ʋi wu. Wole Mawu ƒe Nya dim yeye tso Mawu ƒe Gbe me. Woƒe dzeƒe Mavɔ tu ɖe Edzi. Afisi Nukuku la le la, Hɔ̃wo le ƒuƒom ɖe du ɖe afima.

Eƒe Gbɔgbɔ va míadzi be míawɔ numawo ke siwo Wòwɔ. Ku la ƒe tsetse Wòganye ake. Míenye Abraham ƒe Fiaƒome Nuku si tsɔa nusianu si toavovo na Mawu ƒe Nya la heyɔnɛ abe ɖee meli o ene. Míate ŋu akeɖi le Mawu ƒe Nya ɖeka ŋu alo azãe baɖa o, elabena míexɔe se be Enye ALE AƑETƆ LA GBLƆ ESI. Yesu Kristo eyama ke etsɔ, egbe, yiɖe mavɔmavɔ me.

Mawu Lɔlɔ̃tɔ, mègana míatrɔ megbe Dee, yiɖe xexeame ƒe aɖaʋa nuwɔna aɖe gbɔ o, gake na be zã sia me la míaxɔ Eyama kple míaƒe dzi blibo. Aƒetɔ, wɔ gbɔgbɔ nyuie le menye, Agbe ƒe Gbɔgbɔ, alebe mate ŋu xɔ Wò Nyawo katã dzi se, aɖalɔ̃ Yesu Nya la, amema ke etsɔ, egbe, yiɖe mavɔmavɔ me, aɖaxɔe se egbe le akpa si woka na agbenɔɣi sia. Wɔe dzro, Aƒetɔ. Mele ebiam le Yesu ƒe Ŋkɔ me.

Medi be makpe mi be miava se Mawu ƒe Gbe si dzi woɖo kpe na nuwuɣi la esime Wòle Hɔ̃ ƒe Nuɖuɖu na ge mí; Mawu ƒe ŋugbedodo la. Ehĩa dzixɔse tsimatɔe le Mawu ƒe Nya sia me be woanye Eƒe Ŋugbetɔ.

Nɔvi. Joseph Branham

Game la: Jeffersonville ƒe ƔETRƆ ga 12 me

Gbedeasi: Nuku La Menyi Domenyila Kple Tsro La O 65-0218

Ŋɔŋlɔawo:
Mateo kɔkɔe 24:24
Luka Kɔkɔe 17:30
Yohanes Kɔkɔe 5:24 / 14:12
Romatɔwo 8:1
Galatiatɔwo 4: 27-31
Hebritɔwo 13:8
Yohanes I 5:7
Nyaɖeɖefia 10
Maleaxi 4