Gbedasi: 63-0318 Nutrenu Gbãtɔ
- 25-0316 Nutrenu Gbãtɔ
- 23-0723 Nutrenu Gbãtɔ La
- 22-0130 Nutrenu Gbãtɔ La
- 21-0124 Nutrenu Gbãtɔ
- Hɔ̃wo Le Ƒuƒom Ɖedu
- 19-0331 Nutrenu Gbãtɔ
- 17-0325 Nutrenu Gbãtɔ
Nye Dziƒo Fiasrɔ̃ Lɔlɔ̃tɔ,
Nu geɖe ŋutɔ le Asinye na mi le Kwasiɖagbe sia. Gbã la, miase Dziɖegbe ƒe gbeɖeɖe. Anye Nye Gbe, Mawu ƒe Gbe si le nu ƒom na mi, Nye Ŋugbetɔ. Maɖe Nye Nya la afia mi wu tsã. Miakpɔ Nye, Alẽvi si ƒo ʋu si wowu tso xexeame ƒe gɔmeɖoanyi ke la, maxɔ Agbalẽa aʋui, azẽ Nutrenuawo, eye Maɖoe ɖe anyigba dzi, na Nye gbedeasitsɔla adrelia, William Marrion Branham, be wòaɖe nya ɣaɣla siwo woɣla tso xexeame ƒe gɔmeɖoanyi ke la afia MI!
Ɣlidodo, aƒadodo, kple aleluyawo atso xexeame ƒe akpa sia akpa esime manɔ nu ƒom na mi. Dzata la anɔ gbeɖem; amesiamina, ŋusẽ, ŋutikɔkɔe, ɖeɖeɖego awu gbɔgblɔ. Mi, Nye Fiasrɔ̃, anɔ anyi ɖedu le dziƒo nutowo me esime Manɔ nu ƒom na mi ana mi Kɔkɔdzoe le Xɔse me.
Miɖo ŋku edzi be ele be Xɔse ma si wotsɔ de asi na amekɔkɔewo tsã la nanɔ asiwò. Megblɔ na mi be, ele be miaɖo to Nye dɔla si Medɔ ɖe miagbɔ.
Ele be “wòaɖɔ ɖeviwo ƒe Xɔse ɖo atrɔ yi fofowo gbɔ.” Ele be Biblia ƒe Xɔse gɔmedzetɔa la mawudɔla adrelia naɖɔe ɖo.
Nye Nya gblɔ na mi be, le mawudɔla adrelia ƒe Gbe ƒe ŋkekeawo, eƒe gbeɖiɖi, Nyanyui la ƒe kpẽkuku me la; ele be wòawu Mawu ƒe nyaɣaɣlawo katã nu. Womate ŋu atsɔ nu ɖeka pɛ hã akpe ɖe eŋu eye womaɖe naneke le nya siwo megblɔ le nyaƒokawo dzi la me o; migblɔ nusi Megblɔ to Nye dɔla gbedeasitsɔla dzi ko. Esia tae Mena wolée ɖe mɔ̃ dzi, ale be miate ŋu AZI PLAY dzi ko eye miase nu si tututu Megblɔ, kple alesi Megblɔe. Ana Kɔkɔdzoe le Xɔse me mi.
Nye Fiasrɔ̃ lɔlɔ̃a, le Nye Ŋkuwo nu la, ènye nuvɔ̃manɔŋutɔ bliboe, kura, le Nye ŋkume. Mègatsi dzi o, màto xaxa la me O; elabena èlɔ̃ xɔ Nye Ʋu, Nye Nya, Nye dɔla, Nye Gbe, aleae nènye nuvɔ̃manɔŋutɔ keŋkeŋ le nye ŋkume.
Nu gã mawo tɔgbe le Asinye na wò. Èkpɔ Nye Nya la wòle ʋuʋum le wò ŋkume gbesiagbe. Mele dzesiwo dem yame be magblɔ na wò be nane le dzadzram ɖo be yeadzɔ. Megbɔna, dzra ɖo. Tsɔ Nye Nya, Nye Gbe, ɖo nɔƒe gbãtɔ le wò agbe me.
Gblẽ nusianu ɖi, naneke mele vevie wu Nye Nya o. Menya be futɔ la le agbagba dzem be yeatéwò ɖe anyi, gake Medo ŋugbe na wò be Mado wò ɖe dzi. Meli kpli wò le WÒ ME gɔ hã. Nye kpli wò la míele le Ɖeka zum esime Mele Nye Nya ɖem fia wò.
Ènya le wò dzi me be, wòe NYE nye Fiasrɔ̃ Ŋugbetɔ. Ènya be Meɖowò ɖi. Ènya be Melɔ̃ wò. Ènya be Meli kpli wò gbesiagbe ƒe aɖabaƒoƒo. Ènya be nyemagblẽ WÒ ƉI GBEÐE O.
Míanɔ ɣeyiɣi wɔnuku aɖe me tom esi Mele nu geɖe ɖe ge fia mi Kwasiɖagbe ɖesiaɖe, gbesiagbe, esi miase Maƒo nu to Nye mawudɔla dzi na mi. Ame bubuwo mate ŋu ase nusi gɔme sem miele gɔme alo akpɔe o, gake Eku seke ɖe miaƒe dzi me be esiae nye Nye Mɔ si wona.
Sitsoƒe ka gbegbee nye si Mena mi. Àte ŋu Azi Play dzi ko ɣesiaɣi, zã alo keli, be nàse Nye maƒonu na wò. Mahe akɔfafa vɛ na wò luʋɔ esi Manɔ Nye Nya la ɖem fia eye Manɔ amesi nènye la gblɔm na wò. Gbedasi ɖesiaɖe nye tɔwò, eye wò ɖeɖeko tɔ. Míate ŋu ade ha kple asubɔ ɖe du ɣesiaɣi si nèdi.
Kwasiɖagbe ƔETRƆ GA 12 me, Jeffersonville ƒe game dzi la, woaƒo Ŋugbetɔa ƒe akpa aɖe nu ƒu tso xexeame ƒe akpa vovovowo be woase nya ɣaɣla gã siawo ɖeɖefia. Mekpe wò be nàva kpe wɔ ɖeka kpli mí esime míase, 63-0318 – “Nutrenu Gbãtɔ”.
Nɔvi. Joseph
Ŋɔŋlɔ siwo woaxlẽ atsɔ adzra ɖo na Gbedasi la sese:
Mateo Kɔkɔe 10:1 / 11:1-14 / 24:6 / 28:19
Yohanes Kɔkɔe 12:23-28
Dɔwɔwɔwo 2:38
2 Tesalonikatɔwo 2:3-12
Hebritɔwo 4:12
Nyaɖeɖefia 6:1-2 / 10:1-7 / 12:7-9 / 13:16 / 19:11-16
Maleaxi Ta 3 lia kple 4 lia
Daniel 8:23-25 / 11:21 / 9:25-27