24-1006 Chizaruro ChaJesu Kristu | Sierra Vista Fellowship

Mharidzo: 60-1204M Chizaruro ChaJesu Kristu

Vadiwa Hondo yaMwari Isingakundiki, Isu tisu avo vakasarudzwa naBaba uye nekupiwa CHIZARURO CHECHOKWADI chavo; CHURCH yavo imwe chete yeCHOKWADI. Avo vaakasarudza kuti vaite MABASA AVO MAKURU. Nokuti neMweya wavo, tinogona kunzvera uye nekurwisana nemweya waantikristu waSatani. Haana SIMBA pamberi pedu, nokuti tiri Hondo Yake Isingakundiki. Satani anovenga chizaruro chose, ASI TINOCHIDA; nokuti tiri vadi veShoko raMwari rakazarurwa. Nechizaruro chake chechokwadi muhupenyu hwedu, masuwo egehena haagone kutikunda; tinokunda muvengi. Dhiabhorosi wese ari pasi petsoka dzedu. Tiri Mumwe naYe uye tinokwanisa kutaura Shoko, nokuti tiri Shoko raKe. Ishe vakazviisa mumwoyo mangu kuti tidzidze uye tinzwe Mazera Manomwe eKereke. Achange ari Mavhiki anonzi “Red Letter” kana kuti akakosha zvikuru kune mumwe nemumwe wedu. Achange achizarura Shoko rake kwatiri kupfuura kare, nesimba rake risingakundike. Iye zvino ndiyo nguva. Iye zvino ndivo mwaka. Achange achitimutsurudza, achitikurudzira, nekutipa Kutekenyedzwa kweChizaruro, uye Zvichatungidza mweya yedu pamoto!! Zvakazarurwa zvaJesu Kristu iBhuku rechiporofita rinogona kunzwisiswa chete nerimwe boka revanhu vane muono wechiporofita, ISU, Mwenga wake. Zvinoda Chizaruro CHECHOKWADI kuziva kuti uri kuverenga nokunzwa Inzwi raMwari richibva kumutumwa Wake akasarudzwa, richitipa rairo yepamweya. Ndicho Chizaruro chaJesu Kristu chakapihwa Johane kumaKristu emazera ose. Ndiro chete bhuku muBhaibheri rose rakanyorwa naJesu pachake, kuburikidza nekuzviratidza kumunyori pachake. Zvakazarurwa 1:1-2, “Zvakazarurwa zvaJesu Kristu, zvaakapiwa naMwari, kuti aratidze kuvaranda vake zvinhu zvinofanira kuitika nokukurumidza; Akatuma nokusimbisa nomutumwa wake akazvizivisa kumuranda wake Johane: Iye akapupura Shoko raMwari, uye nouchapupu hwaJesu Kristu, uye nezvezvinhu zvose zvaakaona. Bhuku raZvakazarurwa ndidzo pfungwa chaidzo dzaMwari rakanyorwa naMwari pachake. Asi akatumira akazviratidza kumuranda wake Johane nomutumwa wake. Johane akange asingazivi zvazvaireva; aingonyora zvaakaona nekunzwa. Asi nhasi, Mwari akatuma mutumwa wake ane simba panyika kuzozivisa Chizaruro Chikuru ichi kuMwenga wake, kuti tiverenge nokunzwa zvakaitika mumazera ose emakereke. Tinogona kuona boka rake diki rakaramba riri muzvokwadi uye rakatendeka kuShoko muzera rega rega.

Mwari akataura kubudikidza nengirozi yake akati mumazuva ano ekupedzisira, apo Inzwi remutumwa wenguva yekereke yechinomwe parinotanga kunzwika, Achazarura zvakavanzika zvaMwari sezvazvakazarurwa kuna Pauro. Avo vanogamuchira muporofita iyeye muzita rake pachavo vachagamuchira mubairo wakanaka wehushumiri hwemuporofita iyeye. Kubwinya, isu tiri Mwenga waMwari we “Press Play” uyo akagamuchira muprofita iyeye muzita rake, uye tiri kugamuchira makomborero acho. Tinotenda kuti iInzwi raMwari riri kutaura nekutungamirira Mwenga waKe. O Kereke, zvatichaverenga nekunzwa mumavhiki anotevera. KwaAri, tiri Wake sendarama YAKACHENA. ZvaAri, ndizvo zvatiri. Tiri Muzambiringa Wake Wechokwadi. Takakunda. Tinoitwa vakakwana, kudzikamiswa, kusimbiswa. Takasarudzwa neRudo Rwake Rwunosanangura. Hapana chekutya. Isu tiri boka rakanzwa mutumwa neMharidzo yake ndokuItora ndokuIrarama. Vhiki yega yega tinenge tichiti, “Ko mwoyo yedu haipisi mukati medu here uye paano taura nokuratidza Shoko rake kwatiri munzira”. Kana uchida kunzwa kuzodzwa kweMweya wake Mutsvene, kugamushira Chizaruro chakawanda cheShoko raMwari, uye uchida kugara muHupo hweMwanakomana woibva, uye nokugamuchira kubvutwa muKutenda, huya ubatane nesu musi weSvondo na12:00 P.M., nguva yeJeffersonville. , patinotanga kudzidza kwedu kukuru pamusorope: Zvakazarurwa zvaJesu Kristu 60-1204M.

Hama Joseph Branham

An Independent Church of the WORD,