Dɔfoɔ Onyankopɔn Adutwam,

Nkwa turodoo no nyinaa a na ɛwɔ dua no mu no, mpɛsɛ no mu, ɛne ɛhono no mu no, reboaboa ano wɔ yɛn mu, Onyankopɔn Adehyeɛ Aba, N’Adutwam no, na ɛreyɛ krado ama owusɔreɛ no, krado ama ɔtwa no. Alpha no abɛyɛ Omega. Deɛ ɛdikan no abɛyɛ deɛ ɛdi akyire no, na seesei deɛ ɛdi akyiri no abɛyɛ deɛ ɛdikan. Yɛnam nhyehyɛeɛ bi so aba na yɛabɛyɛ N’Adutwam, ɛsini bi a wɔabu afiri Ne mu.

Ayeforɔ no ne Ayefokunu no yɛ Bafua!

Onyankopɔn diikan kyerɛɛ Ne diyifoɔ yɛn mu baako biara, N’Adutwam nom, wɔ anisoadehunu bi mu. Ɛberɛ a na ɔne Awurade gyina rehwɛ Ayeforɔ no sɛ ɔtwam wɔ n’anim no, ɔhunuu yɛn mu baako biara. Na YƐN NYINAA de yɛn ani asi NO SO PƐƐ. Ɔkaa sɛ na yɛyɛ nnipa a wɔn ho yɛ anika sene nnipa biara a wahunu wɔ n’asetena mu pɛn. Ná nneyɔeɛ bi kɛkɛ wɔ yɛn ho. Ná yɛn ho yɛ no fɛ yie.

Kae sɛ na wei yɛ Ayeforɔ no ho ANISOADEHUNU; Sɛnea na ɔbɛsi ayɛ, na ɔreka deɛ na ɔreyɛ pɛpɛɛpɛ kyerɛ yɛn. Tie no yie.

Ɔfiri aman nyinaa mu na ɛbɛba, ɛno na ɛbɛyɛ Ayeforɔ no. Ná wɔn mu baako biara wɔ tiri nwi atenten, na na makeup biara nnim, ɛne mmaa a wɔn ho yɛ fɛ ankasa. Na na wɔrehwɛ me. Na ɛno gyina hɔ ma Ayeforɔ a wɔfiri aman nyinaa mu reba no. Moahu? Ɔno, na wɔn mu baako biara gyina hɔ ma ɔman bi, ɛberɛ a wɔne Asɛm no too abasa wɔ santene no mu pɛpɛɛpɛ.

Ayeforɔ no, ma menka ɛno bio, AYEFORƆ NO, firi ɔman biara mu de wɔn ani sii wɔn sɔfoɔ so, mmarima kuo bi so….DABI, ɛnyɛ saa na ɔkaaeɛ. Na wɔn ani si ODIYIFOƆ NO SO, rehwɛ ɔno.

Ɛmmerɛ tenten a wɔde wɔn ani si odiyifoɔ no so no, na wɔreto abasa wɔ santene no mu pɛpɛɛpɛ. Nanso afei ɔbɔ yɛn kɔkɔ, biribi siieɛ. Ɛbinom yii wɔn ani firii ne so na wɔfirii aseɛ hwɛɛ biribi foforɔ a ɛkɔwuraa sakatuuyɛ mu kɛkɛ.

Na, afei, ɛsɛ sɛ mehwɛ Ɔno. Ɔbɛfiri Asɛm santene no mu sɛ manhwɛ a, ɛberɛ a Ɔretwam no, sɛ Ɔbɛn a. Ebia ɛbɛyɛ me berɛ, sɛ mewie a, moahu, ɛberɛ a mawie no, anaa deɛ ɛteɛ biara.

Ɛsɛ sɛ ɔhwɛ No, annyɛ saa a Ɔbɛfiri santene no mu ɛberɛ a Ɔtwam no. Nanso afei ɔka sɛ ɛbia ɛbɛyɛ me berɛ, ɛberɛ a mawie no, ɛberɛ a me nni ha no, ɛbia Wɔbɛfiri santene no mu ɛnam Wɔn ani a Wɔmfa nsi no so no.

Na ɔrebɔ AYEFORƆ no kɔkɔ pefee, ɛsɛ sɛ Wode W’ani si Onyankopɔn Ɛnne a ɛwɔ tapes no so no. Ɛno ne Onyankopɔn kwan a Ɔde ama ɛnnɛ. Ɛno ne Ɛnne a ɛbɛka Ayeforɔ no abom na ama no awie pɛyɛ. Sɛ wo yi W’ani ne W’aso firi Ɛnne no so a, wobɛfiri santene no mu akɔwura sakatuuyɛ mu.

Nkransɛm biara ɛbɛyɛ deɛ ɛmu da hɔ ne deɛ ɛmu da hɔ. Ɛyɛ otumfoɔ Onyankopɔn a wɔreyi no adi wɔ yɛn anim, a Ɔde manna a ahinta a yɛbɛtumi adi nkutoo rema N’ayeforɔ no aduane. Ɛyɛ dɛ dodo ma afoforɔ nyinaa ara kɛkɛ, nanso Ɛyɛ Aduane a Ahinta ma Ayeforɔ no.

Nnaaseɛ paa bi a Ayeforɔ no renya, reto Asɛm no so pono, reyɛ N’Asɛm a ɛwie pɛyɛ Adutwam Ayeforɔ.

Ɔgyina ankonam, te sɛ Ayefokunu no, “nnipa ayi no totwene, abu no animtia ɛna nsɔre no apo no”. Ayeforɔ no gyina hɔ saa. Ɛyɛ ɛdeɛn a? Ɛyɛ N’Adutwam, moahu, ɛyɛ Asɛm a Ɔbɛtumi ayɛ adwuma wɔ mu, ɛda no adi. wɔrepo!

Bra bɛka yɛn ho Kwasiada prɛmtoberɛ wɔ, Jeffersonville berɛ mu, ɛberɛ a Onyankopɔn nam Ne bɔfoɔ hoɔdenfoɔ so kasa, na ɔtwitwa na ɔyɛ yɛn torɔmtorɔm sɛ yɛbɛyɛ Adutwam ama Onyankopɔn.

Onuabarima Joseph Branham.

Nkransɛm: Kitawonsa da a ɛtɔ so num wɔ afe apem ahankoron aduosia nan mu (64-0705) Adutwam No.

Twerɛnsɛm a wobɛkeken ansa na ɔsom no:
Yesaia 53:1-12
Malaki 3:6.
Ɔhoteni Mateo 24:24.
Ɔhoteni Marko 9:7.
Ɔhoteni Yohane 12:24 / 14:19.