Mungu Enyiriko Be Rua Letaru,
Ama ovukini di dikaku a’buta ma ngukua, ‘ba nyiri ‘diyi la, Mungu emu di ‘bo mi nezu dria. Mungu okporu ‘Buni nyaku be, ebipi sawa dria Ima ngulupi a’bupi ‘ba pi dri Aci Piriru ndra emupi engazu Mungu vu azini oapi ndra ruati nyakua omvele Yesu’i ri ma alia; ‘daa di vini dri gopi vule Aci Piriruri vu azini e’da’i Paulo dro geria Damaskia ri, emu sawa ‘disi dika ‘bo e’data driari ma alia ani oazu zaa ‘ba adani alia dika Ima Ojio malaikaru, William Marrion Branham alia, Amuro Iniri omveria Ima ngulupi vu.
Mungu epe ndra Ima malaika ma ti nyakua pasozu Ima ngulupi ma paria Ima ojio ‘baleniriru muzu okpo oruleru amboru nilekuni alia. Eri afa omi ‘bani ni eco vaaku ‘diyi e’da azini eji amve. ‘Ba epe eri e’yo zizaru Munguniri ejizu amve azini e’yo ovupi, azini e’yo engapi ovupi, azini afa mupi ovupiriki oluzu okoru. Eri O’duko Munguniri Amuro dri.
Eri ‘a’duni? Mungu, Mungu i enyiriko pi vutia, enyiriko ‘baniri. ‘Da ko’boru ada.
‘Ba onzate ‘yep kakau andru ‘diyi vakini ama a’i’ba adaruriki ku. Yini ria, ama ecaki di aza’baki. Yi ‘yo ama ‘ba a’ipi ‘ba aliariki azini nabini inzi ‘dini…
Onzo’ba azi, o’du wereniki si vule ‘dale, ‘yo ndra mani, ele Tuksonia. Eri ‘yo, “Mi ni ra, ‘ba aziki mi ‘ba azazaruni, azini azi ‘diyi mi ‘ba munguni.”
Ma ‘yo di, “Muke, e’yo ‘dile ‘diyi ‘ye i kililiru.” Anira kini eri o’bi ma ede. Enera? Eri ‘yo di, “‘Baki ega mi mungu azi ni.”
Ekile erini ovuzu de Yesu ni ndra nyaku dria ri le, eri vini alurile andru Eri ma nabi be. ‘Ba ovukini a’buta ma ngukua ku; yi ovu mile kokoru e’yo adari vu. Afa azi amani le ni yo pe lu geri Munguni fele andru ri’i: Eri ma ngulupi a’buzaru zaa alia, O’duko Munguni ndra o’duko ‘duzaru azini tambazaru Amuro dri’i.
Sawa ndra Munguni ovuzu e’dazaru wudrikurua risi, Eri ndra a’buzaru a’buta azi ma ngukua; enyiriko Agu azi omvele Yesu’iri niri ma ngukua. Eri ndra a’buzaru azini i ziria ‘ba omvele Musa’i ri ma enyiriko ma vutia, azini yi ndra mungu ki, adrini Mungu ki ku; te yi ndra Mungu’i, Mungu aluri, lu Ima afa andretiari ojaria, e’yo aluri ‘yeria sawa driasi, E’yo ‘diri ejizu. Mungu ‘ba ndra eri ‘dale.
Ama ombezaru E’yo vu, O’dukoti sawaniri. Eri ‘ba di sawa ‘disi ama E’yo ovupi a’buzaru zaa ‘bani ngukuari ki. Amuro ki Izio be alu. Munguni alu, azini E’yoni Mungu! Ama izaru E’yo vu.
Candiru, eselecoza a’i’ba pi ma eselea andruri eri kini yi ega ama e’yo ‘ba ambamba Mungu ma nabi e’dazarurari ma dria. Ini nduria, yi leki driceza ‘da ‘baa ocepi yini pi ma dria.
Mungu ojani otita Iniri ku; He AGU ALU ma ti epe Ima Amuro dri cezu. Eri Eri ma Orindi Alatararuri’i ama alu alua alia, ama driceria ACI PIRIRURI si.
E’yo ni emu ‘ba alu vu. Ayi dria alia, alurile, ata ayi kanisani pi alia, engazu okori vu kpere asizuri vu. ‘Ba azi ‘diyi ovuki pari yini pie ci, ‘da ada, mi ne, te oa ziri engazu Aci Piriruri ‘davusi. Enera?
TE AFA AMANI ERI ANDRURI A’DU…AFA ALURI’I.
Emi ega afa Datani pini ‘yo ‘ba azi ‘diyi pie amve ‘daa ri ra? Yi ‘yo ndra, “Sawa ‘disi, Musa, mite nga were! Mi e’yo odro midria ambamba, enera. Sawa ‘disi, agupi azi ‘di Munguni omve niki ci.”
Ama ovukini azingaza ma rua onzi ku; Mungu omve yi ni, te adripi azini amvipi, mi ocepi ka O’duko Munguni gba ‘di ‘ba O’duko orodriru ndeni le emi ma eriki tepuki avizu emi kanisaari si ku yani, eri ovuni emi dri ceria Mungu ma geri feri ma aliasi ku.
‘Da ada. Yi, alu aluri, ndra e’yo ‘ye kililiru yini muria drile indiria, te ‘ba alu ni o’bizu pa sozu Mungu ma pari erini fe Musa, ‘bani edele drioru azini pe azi ‘da ‘yezu driria, o’bizu eri ‘duzuria, aci e’de va azini nzi nyaku ma ti ani yi okizu alenia dria. Enera? Enera? Mi ovu milesi. Enera?
Le ama ma eci ama dria E’yo nzezaru azini ‘bale tepu pi ma driari vu. ‘Da Mungu ma Driariruri. ‘Dari lu e’yo Amuro ni ecozu ti ecizu drinia ri’i. Azingaza e’yo oluzani ngani Amuroni eci ku, lu O’duko Munguni tepu pi ma dria ri’i.
Ma cani afa azi ‘ye ku mikokoru; mi cani afa azi ‘ye ku makokoru; vini afa azi ‘ye ku Mungu kokoru. Ani, tualu eri esele ‘da e’de dria, ecita ‘da’i. Mungu epe andra ma ti e’yosi; mi ka eri a’ira; ani ‘daa eri di i ye. Eri lu ‘da, enera, ovu airazu kililiru ‘bo.
LU tualuri ni OVUZA ALURI eji, icita nde’i. Mungu epe ndra William Marrion Branham ma ti asisile ‘da ni. ‘Dini, LU mi ka Eri a’ira, Eri nga ru’ye ra; ecezaru kililiruri.
Ovuni ma ‘da ‘yo ma’i niku, adripi azini amvipi. ERI MUNGU’I ‘DA ‘YORIA TRAI IMA NABI VUSI. Mi ma feni agu azi ma lu mini ndu kani o’bizu efini ecezu mi dri ndu ku. LU O’DUKO MUNGUNI TEPU PIMA DRIARI NI NGA AMURO NI ECI AZINI ‘BA KILILIRU NI. GERI AZI NDUNI SI, MI NGANI OVU AMURO’I KU.
Ka’dini ma ega kini ama kakau ‘ba ‘wara ‘diyi afa aluri ega. Mungu’i, enyiriko be Eri rua! Mungu’i, enyiriko be Eri rua! Eri eco ‘do eku azazaru, wudrikuru dri, te eri agupi dria ese Eri vu.
Mi eri afa nga lu erini ‘yori ra? Mungu’i enyiriko be eri rua agupi dria eseria Eri vu.
Wudrikuru ni ovuria ombezaru nati azi vusiria, ama ombezaru O’duko Munguniri vu azini omvezaru Amuro’i. Eri ama ese amve engazu abaza ‘di ma aleasi, fezu Indikindi Munguni ria. Ama nati ovupu ombezaru E’yo Mungunisi riki.
Emi emu ani ovuzu ombezaru O’duko Munguniri vu ama be Sabatu ‘disi sawa 12Pm Jeffersonvili saa si (8Pm Ugandaa), Erini agupi driaki eseria Eri vu.
Adri. Joseph Branham i
O’dukoti: Yarundu I 64-0614E
E’yo Sizaki: 1 Korinto 1:18-25 / 2 Korinto 12:11