25-1123 Mwari Mukuru Achibhedhenurwa Pamberi Pedu

Mharidzo: 64-0629 Mwari Mukuru Achibhedhenurwa Pamberi Pedu

PDF

BranhamTabernacle.org

Mudiwa Branham Tabernacle

Inguva dzino bwinya sei dzatiri kuva nadzo. Shoko neMwenga chinhu chimwe chete. Tiri kurarama kuseri kwechidzitiro muhupo hweKubwinya kwaMwari. Tinoona Mwari achizvivanza kuseri kweganda mungirozi mutumwa wake wechinomwe. Mwari, zvakare, Achizvivanza kuseri kweganda remunhu mune mumwe nemumwe wedu. Hapasisina mubvunzo zvakare. Hapasisina kupokana, tiri vasanangurwa vaKe, vakatemerwa, Shoko rakaitwa nyama, Mwenga Shoko wakakwana.

Patinobatana pamwechete kubva pasi rose, tiri kuteerera kuInzwi raKe richitaura uye nokuzarura Shoko raKe zvakazara kwatiri Chizaruro chakakwana chekuti Jesu Kristu ndiye mumwe chete zuro, nhasi nokusingaperi. Kuratidzwa kweShoko, Elohim, Mwari munyama achitaura kuMwenga wake. Mwari munyama achirarama uye achigara mune mumwe nemumwe wedu. Hurongwa hwokupedzisira hwaMwari zvino huri kuratidzirwa zvizere nokuratidzwa mune mumwe nomumwe wedu.

Tinofara zvikuru uye tinotenda Ishe kuti tinzi vanhu vasinganzwisisike uye kunzi zvakare mabhaudi ane mazino asingajairike. Asi tinoziva kuti takarukirirwa kunaani, uye kuti tiri vanaani: Mwenga waMwari wakarukirirwa kumaTepi; uye tiri kukwevera kwaAri, zvichiwedzera kusimba nekusimba apo tirikuva MUMWE NAYE, Jesu Kristu mumwe chete zuro, nhasi, nokusingaperi.

Takapwanya nemuchidzitiro tikapinda muShongwe yeGore reMoto uye tikabuda nemaropafadzo aMwari! Vanhu havaZvione. Havagoni kuZvinzwisisa. Asi kwatiri, Zviri pachena, nokuti tiri mumweya mumwe chete neMunyori wedu uye Mutungamiriri wedu. Inzwi raMwari riri paMatepi richitungamira Mwenga waKe.

Tiri kurarama nechingwa chokuratidzira, Manna inongopiwa chete vanhu vakatsaurwa. Ndicho Chinhu choga chatinogona kudya. Ndicho chinhu choga chatinobvumirwa kudya. Uye ndezvevanhu vakatenderwa, vakatemerwa uye vanoziva kuti Chii.

Ndinongofara kumunzwa achitiudza kuti TIRI VANAANI.

Mumwe chete akaburuka neZuva rePentekosti, ndiye Mweya Mutsvene mumwe chete ari kuratidzwa nhasi, kubva paKubwinya kuenda pane kumwe kubwinya. Uye yadzokera kuMbeu yepakutanga, nerubhabhatidzo rweMweya Mutsvene; nezviratidzo zvimwe chete, zvishamiso zvimwe chete, rubhabhatidzo rumwe chete; vanhu verudzi rumwe chete, vachiita nenzira imwe chete, nesimba rimwe chete, manyawi mamwe chete. Zvinobva paKubwinya zvichienda pane kumwe Kubwinya.

Tadzokera kuMbeu yepakutanga nerubhabhatidzo rweMweya Mutsvene. Zviratidzo zvimwe chete, zvishamiso zvimwe chete, rubhabhatidzo rumwe chete, vanhu verudzi rumwe chete, vachiita nenzira imwe chete, nesimba rimwe chete, nemanyawi mamwe chete.

TIRI MWENGA WAKE WEMATEPI, MWENGA WESHOKO WAKAKWANA, WAKADZOREREDZWA ZVAKAZARA!

Tiri kukunda. Takasara. Takamira. Tichirarama neShoko raKe rakachena rakachengeterwa Mwenga wake. Riri kutikwanisa zuva nezuva. KUTENDA kwedu kwasimuka kusvika pazviyero zvitsva pakuziva kuti TIRI VANA ANI, uye ndizvo:

Hazvirambike, Hazvina hurukuro uye pamusoro pazvose, Hazvina CHIRANGO.

Unoda mufaro kupfuura wavakambova navo here?

Unoda kugutsikana 1000% here kuti zvauri kunzwa iZvanzi naJehovah? Unoda kukwaniswa neShoko raMwari here?

Zvino ndinokukokai kuti muuye kuzobatana nesu, Branham Tabernacle, musi uno weSvondo na12:00 masikati, nguva yeJeffersonville, patichanzwa Inzwi raMwari richitaura kwatiri Mazwi eHupenyu Husingaperi: Mwari Samasimba Achizarurwa Pamberi Pedu 64-0629.

Hama Joseph Branham