Mharidzo: 65-1204 Kubvutwa
Mudiwa Mwenga Usina Zvirango
Ishe vakatipa nguva yakanaka kwazvo paCampyakaitwa svondo rapfuura apo vaizarura Shoko ravo kwatiri. Vakaratidza, neShoko Ravo, kuti Mhedziso yedu ndeiyi: Shoko Ravo, Shoko reNguva irori, Inzwi raMwari pamatepi; zvose chinhu chimwe, Jesu Kristu mumwe chete zuro, nhasi, nokusingaperi.
Takanzwa kuti dhiyabhorosi anoedza sei kupatsanura Shoko kubva kumutumwa, asi Ishe Jesu ngavarumbidzwe, Mwari pachake akataura nemutumwa wake mukuru akatiudza:
Tinoona kuti kana munhu akauya, akatumwa kubva kuna Mwari, akagadzwa naMwari, aine ZVANZI NAJEHOVHA yechokwadi, Shokonemutumwa chinhu chimwe chete. Nokuti akatumwa kuzomiririra ZVANZI NAJEHOVHA, Shoko neShoko, saka iye neShoko rake chinhuchimwe chete.
Haukwanise kupatsanura Shoko kubva kumutumwa, zvimwe chete, ZVANZI NAJEHOVHA. Hazvinei kuti muzodziwa upi wenhema anoti kudii, Mwari vakati zvakafanana uye hazvigone kupatsanurwa.
Zvino Akatiudza kuti hatidi sefa kuti tibate zvimbuyu kana tichiteerera kumatepi, nokuti hamuna zvimbuyu kana muto wezvimbuyumuShoko reNguva rino. Chitubu Chake chinoyerera mvura yakanaka yakachena nguva dzose. Chinotubuka nguva dzose, hachiperi mvura, chinogara chichi pfachuka nekupfachukachichitipa Chizaruro chakavedzerwa che Shoko Rake.
Akatiyeuchidza kuti TIREGE KUKANGANWA kuti sungano yake nesu Hairambike, Haina Hurukuro, asi kupfuura zvose, haina Zvirango.
Rungave rudo, kutsigira, kana kuzvipira, kana chinhu chichinzi hachina zvirango zvinoreva kuti NDIZVO ZVAZVIRI uye hachisi pasi pezvirango kana mimwe mitemo: zvichaitika saizvozvo zvisinei nezvimwe zvichaitika.
Zvino akada kurovera mbambo ipapo, saka akatiudza kuti nhasi Magwaro Ake ari kuzadziswa pamberi pemeso edu.
Z-u-v-a rimwe chete rinosimuka kumabvazuva ndiro rimwe chete z-u-v-a rinodoka kumadokero. Uye Mwana-Komana mumwe chete waMwari akauya kumabvazuva akazviratidza saMwari munyama, ndiye Mwana-Komana waMwari mumwe chete kumadokero kuno, ari kuZviratidza pakati pekereke manheru ano, mumwe chete zuro, nhasi, nokusingaperi. Chiedza chemanheru cheMwanakomana chauya. Nhasi Rugwaro urwu rwazadzikiswa pamberi pedu.
Mwanakomana woMunhu auya zvakare ari munyama yemunhu muzuva redu, sokuvimbisa kwaAkaita kuti Achaita, kuzodaidza Mwenga. NdiJesu Kristu ari kutaura zvakananga kwatiri, uye hazvidi dudziro yemunhu. Chatinongoda, chatinoda, Inzwi raMwari rinotaura pamatepi richibva kuna Mwari pachaKe.
Chizaruro chekuratidzwa kweShoko chirikuitwa mazvirokwazvo. Uye tiri kurarama muzuva iroro; Mwari ngavarumbidzwe; chizaruro chechakavanzika Chake Iye.
Inguva inobwinya sei iyo Mwenga ari kuva nayo, agere muHupo hweMwanakomana, achiibva. Gorosi radzokera kugorosi zvakare, uye hapana mbiriso pakati pedu. Inzwi rakachena raMwari rinongotaura kwatiri, richitiumba nokutiita mumufananidzo waKristu, Shoko.
Tiri vanakomana nevanasikana vaMwari, chizenga chake chaAkafanotemera kuti chiuyemuchizvarwa chino, zera gurusa munhoroondo yenyika. Aiziva kuti hataizokundika, kana kurerutsa, asi taizova Mwenga waKe weShokowechokwadi uye wakatendeka, Mbeu YakeyaAbrahama Yepamusoro yeHumambo yaizouya.
Kubvutwa kwave pedyo. Nguva yasvika pakuguma. Ari kuvinga Mwenga waKe akazvigadzirira uyo agere muHupo hweMwanakomana, achinzwa Inzwi raKe richishongedza Mwenga wake. Nenguva isipi tichatanga kuona vadikanwi vedu vari kunze kwechidzitiro chenguva, avo vakamirira uye varikushuva kuva nesu.
Matepi ndiyo nzira yakapiwa naMwari yekukwanisa Mwenga wake. Matepi aya ndicho chinhu chete chichabatanidza Mwenga wake. Matepi aya ndiro Inzwi raMwari kuMwenga wake.
Ndinokukokai kuti muuye kuzobatana nesu, chikamu cheMwenga waKe, musi uno weSvondo na12:00 masikati, nguva yeJeffersonville, apo patichanzwa zvose pamusoro pezviri kuda kuitika munguva pfupi iri kutevera: Kubvutwa 65-1204.
Hama Joseph Branham