‘Ba Asisileru Leletu ‘Diyi,

Sawa Egbeni onyiru amani engazu ovuzu eribe amani Ayi Kanisani Aziri riki oniria, di vini Munguni vini amani e’yo angirini ki ecezu Buku E’yo Eceza Yesu Kristoniri aliari ngo’i ya. Geri caputa oko na E’yo Ecezaniri pi ni ndra ovuzu Ayi Kanisani riki, azini di geri Yohanani ndra ovuzu bizaru uru capta 4zu azini 5zu ria amani afa ndra mupi pari ‘dupiri ki e’daria ama dri ri.

Capta 6zuria, Eri ece ndra geri Yohanani e’dezu vaa nyakua dika afa pari ‘dupi ngapi mupi engazu capta 6zuria cazu capta 19zu E’yo Ecezaniriari nezu.

Amuro ni nga mu ovu asindrizaru Sabatusi ngole ya amani O’duko Munguniri eriria e’yo nzeria Ima malaika amboru aziriri vusi ani afa mupi ovupi ecezaru emupiri luzu amani.

Ma ayikosi tu azizu kini ama sawa ‘disi nga e’yo oniza amboru Wiki Aziri Danielini Riki e’do ra. Nabi ‘yo ndra kini eri nga O’dukoti asipiri ombe dere amukini nga A’buza Aziriri pi ma aa ku; Guka Aziri riki, Ocoka Na Riki; oku etu ma aliari; orindi onzi ekari drozu amveri; ‘ba alifu turu alu kali su drini suriki a’buzu teri; driari ki yi ‘ye sawa ‘di ma alia.

Buku Danieliniri ni kalenda ‘yeke ayi azini sawa amani oazu aliniari niri, azini eri tro e’da ewaewa ngoni yari ti, Munguni nga mu eri onyo vaa ra ani eri ‘bazu ewakoko ama dri.

Azini Mungu ni ra kini ‘da afa mani nda sawa ‘disiri’i ani ma eco asi-omiza fe Ima ‘ba pini beni azini afa ovupi ogogori luzu yi dri, iri tro ‘dia o’biti ‘disi, azini amve angu pi ma dria pari tepu ‘di pini muzu muzuria, wudrikurisi ara, kini ama sawa asizani ma aa.

Ama ‘ba Munguni perazu o’du azini sawa ‘da ma ava tapi azini ziza ‘yezu ani riki. Azini ama mile ki suzaru ‘Bu vu leru, azini ama Eri ma emuta ma orule garia.

Ama ma ovuki Danieli le ani asuki ama andreti ‘Buvu leru, ziza azini matu ‘baza alia, amani niria ra E’yo ma laza azini Eri ma O’duko erizuri siria, emuta Opiniri ecaria mbeleru; ama sawa asizani ma aa.

Mi ko ama aza Ata nzi driari ‘bazu kalaa, ezata driari pie, a’ita-ako dria wereru ta mupi ama nzopi mbeleruri pie. Ama ma miki sawa ‘disi di ama eceta omveta ururi vuleru, niria ra kini ama sawa cadi ku ‘bo.

O’dukoti fu di ‘bo. Afa dria di sawa ‘disi ngonde; ama teria azini ava liria. Kanisa ovudi a’buzaru te ‘bo. ‘Ba onzi ‘di ‘ye onzi nyanya. Kanisa ki di ecaria kanisa kanisa, te Mi ‘ba alatararuri ki emuria enyia agara Mi vu.

Ama ovuki O’duko azi be wuria engazu roko dria, ‘baki omveria vule O’dukoti okori vu; vule afa Munguniri pi vu. Avaki ra E’yo Ecezasi afa diki pari ‘duria.

Mi emu ruecizu ama be Sabatusi sawa azia etusi (12pm) Jeffersonvili saa si (8pm Ugandaa), Munguni Ima E’yo eceria ama dri, amani ama onita amboru Buku Danieliniri e’doria.

Adri. Joseph Branham i

61-0730M – Gabriel Ma Embata Danielini Riki