21-0113 BA NGONONI KELE NA KUVUKANA

BA NGONONI KELE NA KUVUKANA

13.01.2021

Na ba yina kele na kuyangalala

Oh mbala yikwa ba tima ya beto kele na kutoka pe kutanga bubu yayi, na tangu beto kele na kubanza pe kubondila Mfumu, na ku kembila Yandi samu na nzayikusu Yandi me kupesa beto . Nzayikusu ya nani Yandi kele na kilumbu ya beto.

Ya kele Nzambi mutu kele na kutubila beto na nzila ya mbazi ya Yandi ya nene Munati-Sangu,nvungi ya beto, mumbikudi ya beto, yina moyo kele ya kudiama na kati na Kristo. Mwinda ya yandi vuandaka kubenda moyo pe kiezila yandi ku katuka Kiteko ya nene, moyo kaka ya Kristo. Ya kele Nzambi kele na kubumbama pe kele na kumi zayikuswa na Kento na Yandi na bu pamba.

Mutindu Yandi me kupesa beto nzayikusu yina,Beto nionso na tangu yayi kele na kunwa na yinto mosi. Beto nionso me vuanda ya kudiama na kati na Kiteko mosi.Beto kele ya kufwa na beto mosi pe moyo ya beto kele ya ku bumbama na Nzambi na Kristo.
Beto me vuanda ya ku kangama na Mpeve ya Longo. Muntu mosi ve lenda katula beto na diboko ya Yandi. Kima mosi ve lenda sala yimbi na moyo ya beto,moyo ya Yandi kele na kutalana ya tiya,yawu kele na kingenga na beto,yawu kele na buta kiezila pe bisalu ya Mpeve ya Longo na yinza muvimba.

Satana lenda diaka kusimba beto ve,ata lufwa lenda kusimba beto ve,samu lufwa me wombisa tumbu ya yandi, nziamu me wombisa lunungu ya yandi.
Beno kuwa Mfumu kutubila beto pe kupesa beto vingu bubu yayi.
Diambu yayi me kubwaka tete ve na yinwa ya Mikristo yina kele na kundima.na mbandu ya masukina yayi yawu kele ya kulutila ngolo pe ya kulutila nkembo ti tete ve,na kati na kento ya dikwela -Diambu ya makedika. Oh beno konga ya bibulu ya fioti, beno konga ya fioti, beno kangama na Diambu, ti yinwa ya beno pe tima ya beno vuanda ya kufuluka pe kilumbu mosi Nzambi ke pesa beno kitinu.

Beto yangaleno, pe beto kembila Mfumu samu na nionso Yandi me kusala bubu yayi, na yina Yandi ke kusala pe beto kuzimbana ata mbala mosi ve yina Yandi me kusala samu na beto bubu yayi kaka.

Pangi  Joseph Branham