Mudiwa Shoko Benyu raMwari,
Makore ose aya ndakazviviga mumwoyo mangu, ndichifukidzira Kristu, Shongwe yeGore reMoto imwe chete ichidudzira Shoko, sezvakavimbiswa.
Ndinoziva kuti izvi zvichanzwika sezvisina musoro kuvanhu vakawanda, asi kana ukangotsungiriranemutumwa waMwari kwechinguva chiduku, uye wokumbira Mwari Chizaruro chakawedzerwa, ndinotenda kuti iye, nerubatsiro rwaMwari uye neShoko raKe, uye maringe neShoko raKe, achaMuunza pamberi penyu chaipo. Mwari, achizarura nekuZviratidza, achidudzira nekuzarura Shoko raKe.
Rumutsiriro rwakadini rwanga rwuchiitika mwedzi wapera uno mukati meMwenga waJesu Kristu. Mwari, achiZvizarura zvisina kumboitika kare, achitaura kuMudiwa Wake, achidanana Naye, achiMusimbisa, Tiri Mumwe Naye.
Hapana zvekutyira, hapana kusava nechokwadi, hapana kuzeza, kana mumvuri wekupokana; Mwari vakazarura kwatiri: Inzwi raMwari rinotaura pamatepi INZIRA YAMWARI YAKAPIWA UYE YAKAKWANA KUMWENGA WAKE NHASI.
Akazvipa nenzira iyi kuti tirege kushandisa sefa pazviri, kana kuedza kuzvijekesa, kutsanangura, kana kuisa pfungwa dzemunhu pazviri nenzira ipi zvayo; ingoteerera kuInzwi Rakachena raMwari richitaura muromo kunzeve kwatiri tose.
Akaziva kuti zuva iri raiuya. Aiziva kuti Mwenga wake aingokwanisa kudya Mana Yakavanzika, Chikafu Chake cheMakwai. Hatingadi kunzwa chimwe chinhu kunze kweInzwi raMwari kubva kuna Mwari pachake.
Takapinda muchidzitiro ichi kupinda muKubwinya kwaMwari. Nyika haikwanise kuZviona. Muporofita wedu anogona kusataura mazwi ake zvakanaka. Anogona kunge asina kupfeka zvinotarisirwa. Anogona kunge asina kupfeka mbatya dzevafundisi. Asi seri kweganda remunhu iroro, imomo mune Kubwinya kwaMwari. Imomo mune simba. Imomo mune Shoko. Imomo mune Chingwa Chokuratidzira. Imomo mune Kubwinya kwaMwari, kunova Chiedza chinoibvisa Mwenga.
Uye kusvikira wapinda seri kwedehwe rematenhe, kusvikira wabuda muganda rako rekare, pfungwa dzako dzekare, zvitendwa zvako zvekare, wouya muHupo hwaMwari; zvino Shoko rova chinhu chipenyu kwauri, ipapo unomutswa kuti uone kuKubwinya kwaMwari, ipapo Bhaibheri rinova Bhuku idzva, ipapo Jesu Kristu anova mumwe chete zuro, nhasi, nokusingaperi. Wavekurarama muHupo hwaKe, uchidya chingwa chokuratidzira chakangopiwa vatendi vezuva irorochete, vaprisita chete. “Uye isu tiri vaprista, uprista hwehumambo, rudzi rutsvene, vanhu vakatsaurwa, vanopa zvibayiro zvomweya kuna Mwari.” Asi unofanira kupinda, kuseri kwechidzitiro, kuti uone Mwari akazarurwa. Uye Mwari akafukidzwa, ndiro Shoko raKe richiratidzwa.
Isu tiri vanhu vasinganzwisisike kunyika, asi tinogutsikana kuziva kuti Bhaudhi redu ndiani uye tinodada kuva bhaudi duku rake rematepi, rakarukirirwa kuShoko rake, apo rinotidhonzera kwaAri.
Kana iwe usina kusungirirwa kumatepi, hausi chinhu asi murwi wemarangwanda!!!
Zvino cherechedzai zvino, Mwari! Jesu akataura kuti, “Avo vakapihwa Shoko, vainzi ‘vamwari,’” vaiva vaporofita. Zvino, hatisi kuti munhu uyu akange ari Mwari, sezvakangoita muviri waJesu Kristu, muviri wakange usiri Mwari. Akange ari munhu, uye Mwari akange akafukidzwa shure Kwake.
Mwari, rimwe zuva akafukidzwa seri kwematehwe edenhe. Mwari, rimwe zuva akafukidzwa munyama yemunhu anonzi Merikizedheki. Mwari, akafukidzwa munyama yemunhu anonzi Jesu. Mwari, akafukidzwa munyama yemunhu anonzi William Marrion Branham. Mwari, akafukidzwa munyama yemunhu anonzi MWENGA WAKE.
Zvakakoshasei kuyeuka, asi vazhinji vanokundikana uye vari kutsvaga chimwe chinhu. Chinhu chekupedzisira chakaonekwa naAbrahama, chinhu chokupedzisira chakaitika moto usati waburuka kutonga nyika yevaHedheni, mwanakomana wechipikirwa asati auya panzvimbo, chinhu chekupedzisira chichaonekwa nekereke yechiKristu kusvikira pakuonekwa kwaJesu Kristu, ndiMerikizedeki, Mwari achiratidzwa munyama, achizivisa Shoko raKe kuMwenga wake.
Hapana chimwe chichauya. Hakuna chimwe chinhu chakavimbiswa muShoko rake. Hakuna munhu, kana boka revanhu richauya kuzokwanisa Mwenga.
Kwete! Vanoda kuuya kuno kuchechi kuzokwaniswa. Maona? Kuti isu—tiwane kuyanana mumwe nomumwe pano pachechi, asi kukwaniswa kunouya pakati pedu naMwari. Ropa raKristu ndiro rinotikwanisa muMweya Mutsvene.
Shoko iri, Inzwi Iri, Shoko raMwari rakasimbiswa, riri kukwanisa Mwenga waJesu Kristu.
Ndinokukokai mumwe nemumwe wenyu kuti auye kuzoteerera nesu kuIzwi raMwari paRinokwanisaMwenga waKe musi uno weSvondo na12:00 masikati,nguva yeJeffersonville, patichanzwa: 64-0617 “Kuziviswa kwaKristu Mumazera Ose”.
Hama Joseph Branham
Magwaro ekuverenga tisati tanzwa Mharidzo:
Dheuteronomio 18:15
Zekaria 14:6
Maraki 3:1-6
Ruka 17:28-30
Johani 1:1 / 4:1-30 / 8:57-58 / 10:32-39
VaHebheru 1:1/4:12/13:8
Zvakazarurwa 22:19