Gwempala Lisyu Lyãbùmi Lya Kyāla,

Ifyīnja fyõsa ifi une mfisile ikyēne mu ndumbula yangu, kikukīnga Kristi, yilayila i Mbanda ya Moto, bomūmo kyãfīngìgwe.

Une mmenye iki kikupikiligwaga kyakubopela ku bandu bīngi, lõli linga itolo kwīkasyaga nu gwãndùmi ntumigwa gwa Kyāla kuli a maminiti manini, kangi ndãlusya Kyāla kuli u Busetuli ubwīngipo, une ngwitika ukuti umwẽne, ukwīsìla mu butuli bwa Kyāla kangi ni Lisyu Lyãke, kangi ukufwana ni Lisyu Lyãke, isakuntwala Umwẽne papapa apa pankyēni pa ugwe. Kyāla, ukwīkupula nu kwibonesya Mwēne, ukusanusya kangi ukusetula i Lisyu Lyãke.

Lo luyigo nki ulu lwabonekaga pa buyo umwesi ugu gwakindaga nkati mwa Nsingiligwa ya Yeso Kristi. Kyāla, ikwīkupula Mwēne mūno akabõmbelàmo siku pabutasi, ikuyoba kwa Nyafundumbula Gwãke, ukutēndèka u Lugàno nu Mwēne, ukunsisimikisyila Umwẽne, Uswe tuli Yumo nu Mwēne.

Kukayapo ukwīlàmwa, nakumo ukusitakusisimisya, nakumo ukufisako, komma nu nsyūngùlu gwa kwīlàmwa; Kyāla asetwile kwa uswe: I Lisyu-lya-pakanwa lya Kyāla likuyoba pa matepi yo NJILA IMBIGWE NA KYĀLA KANGI NJILA IMBELELESYE KULI U NSĪNGILÌGWA GWÃKE UMWĪSYÙGU.

Umwẽne ãpēle injila iyi ukuti uswe twãbãgìle nasiku ukuleka Iyēne yisululusigwe, yēlusìgwe, yilīnganisìgwe pamo’mma ukukasakasigwa mu njila yiliyõsa; itolo pilikisya ku Lipelelesye Lisyu-lya-pakanwa lya Kyāla likuyoba mulomo ku mbulukutu kwa gwēsa gwa uswe.

Umwẽne ãmēnye i lisiku ili līsaga. Umwẽne ãmēnye u Nsīngilìgwa Gwãke ãbagìle ukulya gēne ga Mana Amafisigwe, Kyakulya Kyang’osi Syãke. Uswe tutikulonda ukupilika nakimo lõli i Lisyu-lya-pakanwa lya Kyāla ukufuma kwa Kyāla Mwēne.

Uswe tulepwile ukukīsania ikikīngo kila ukwakwīngìla mu Lwīmìko Shekinah. Ikīsu kikãbagìla ukukibona Ikyēne. U nsololi gwītu ãbagìle ukusita kuyoba amasyu gãke itolo mbutalusye. Umwẽne ãbagìle ukusita kufwala itolo mbutalusye. Umwẽne ãbagìle ukusita kufwala mu myenda gya baputi. Lõli kunyuma ku kipapa kya bundu kula, nkati mula yo Lwīmìko Shekinah. Nkati mula go maka. Nkati mula lyo LISYU. Nkati mula go Nkate-gwalubonesyo. Nkati mula yo Lwīmìko Shekinah, ulu lo Lumuli ulu lukutonesya u Nsīngilìgwa.

Kangi mpaka ugwe kwisa nkati kunyuma ku kipapa kya lukoti kila, mpaka ugwe kusõka pãnja pa kipapa kyãko ikyaiyolo, amīnogono gãko agaiyolo, utumanyisyo twako utwaiyolo, nu kwisa nkati mu Buyepo bwa Kyāla; polelo i Lisyu likwisa ukuya bwanaloli bwabumi kwa ugwe, polelo ugwe kunyenyemusigwa ku Lwīmìko Shekinah yula, polelo i Bãngèli likwisa ukuya Būku umpya, polelo Yeso Kristi yo yulayula mmayolo, umwīsyùgu, na bwīlanabwīla.
Ugwe kwītúgàla mu Buyepo Bwãke ubwabumi, kulya u nkate-gwalubonesyo ugu gupēgìgwe kwene ilisiku lila kuli abītìki, baputi bene. “Kangi uswe tuli baputi, buputi ubwabunyafyale, ikikolo ikīkèmo, a bandu abaswigisye, bikupa amakemo gamwambepo kwa Kyāla.” Lõli ugwe kufimbilisigwa ukwīsa nkati, ukubuka kunyuma kwa kikīngo, ukuti unkete u Kyāla unkupuligwe. Kangi Kyāla yo akúpulìgwe, ilyo lyo Lisyu Lyãke lipélìgwe libonekile-pabwelu.

Uswe tuli balikīndane ku kīsu, lõli uswe twīkwìte ukumanya ywani u Nsumali gwitu Ali kangi uswe tukumogela ukuya ma nàti Gãke ga tepi, tulukililigwe ku Lisyu Lyãke, bo ikyēne kikutukwaba uswe ku Mwēne.

Linga ugwe ukalukililigwa ku matepi, ugwe ukaya nakimo lõli kilundiko kya kibongotoke!!!

Lilino, ketesya lilino, Kyāla. Yeso ãyobìle ukuti, “Bala bãbo i Lisyu lyãlísilèko, bãkõlélìgwe ‘bakyala,'” bala bãli basololi. Lilino, komma u mūndu mwēne ãli Kyāla, komma ukukinda umbili gwa Yeso gwãli Kyāla. Umwẽne ãli nyãmbàla, kangi Kyāla ãkīngisìgwe kunyuma ku Mwēne.

Kyāla, ilisiku limo ãkīngisìgwe kunyuma ku fipapa fya lukoti. Kyāla, ilisiku limo ãkīngisìgwe mu nyõfu gwabūndu gukukõleligwa Melekisedeki. Kyāla, ãkīngisìgwe mu nyõfu gwabūndu gukukõleligwa Yeso. Kyāla, ãkīngisìgwe mu nyõfu gwabūndu gukukõleligwa William Marrion Branham. Kyāla, ãkīngisìgwe mu nyõfu gwabūndu gukukõleligwa NSĪNGILÌGWA GWÃKE.

Ikyēne kipala fīyo ukukumbuka, lõli bīngi fīyo bikutoligwa kangi bikulõndesya ikindukimo ikīngi. Ikindu ikyãbumalikìsyo iki Abraham ãkétìle, ikindu ikyãbumalikìsyo iki kyãbonìke bo gukãli u moto ukugwa nu kulõnga ikisu kya Bãpànja, bo umwana umfīngìgwe akãli ukwīsa pa buyo, ikindu ikyãbumalikìsyo iki ikipãnga Kyakikristi kisa kuketa mpaka bubonekelo bwa Yeso Kristi yo Melekisedeki, Kyāla aboneseligwe mu nyõfu gwabūndu, ikusetula i Lisyu Lyãke ku Nsīngilìgwa Gwãke.

Kikayako nakimo ikīngi ukwīsa. Kikayako nakimo ikīngi kifīngìgwe mu Lisyu Lyãke. Akayapo nayumo unyambala pamo ikibugutila kya banyambala ukwīsa ukupelelesya u Nsīngilìgwa.

Umma! Abēne bikulonda ukwīsa kuno ku kipãnga kuli ukupelelesya. Muketile? Ikyo uswe–uswe tukuya nu bulilanisi yumo nu nnine kuno ku kipãnga, lõli u kupelelesya kukwisa pakati pa uswe na Kyāla. I Lilopa lya Yeso Kristi lyo ili likupelelesya uswe mwa Mbepo Mwīkèmo.

Iyi i Ndumi, Ili i Lisyu-lya-pakanwa, i Lisyu lya Kyāla ilisisimikisigwe, lyo likupelelesya u Nsīngilìgwa gwa Yeso Kristi.

Une ngubilikila kila gwa umwe ukwīsa kukupilikisya na uswe i Lisyu-lya-pakanwa lya Kyāla bo ilyene likupelelesya u Nsīngilìgwa Gwãke Pandungu ugu pa 12:00 PAMUSI, akabalilo ka Jeffersonville, bo uswe tukupilikisya: 64-0617 “U Ndinganisigwe Kristi Gwa Ngulilo Syõsa”.

Nkundwe Yosefu Branham

Amasimbo ga kubala bo yikãli i Ndumi:
Ukukumbusy’indagilo 18:15
Sekaria 14:6
Malaki 3: 1-6
Mwīkèmo Luka 17: 28-30
Mwīkèmo Yõhàni 1:1 / 4:1-30 / 8: 57-58 / 10:32-39
Bahiburi 1:1 / 4:12 / 13:8
Busetuli 22:19