Gwempala Nsisimikisigwe Nsīngilìgwa Gwalisyu Lyēne,

Twe bakupalisya bule uswe kwa Mbepo Mwikemo panongwa ya Busetuli ubwanaloli bwa Lisyu Lyãke ilisisimikisigwe kuli umwīsyùgu. Bīngi bikwiyobela ukuti abẽne bikwitika u Nkundwe Branham yo nsololi gwa Kyāla uyu ikufwanikisya a Masimbo amafīngigwe aga mwēne, lõli u Busetuli bwabwanaloli bwa Lisyu nu lubatiko lwa Kyāla fifisīgwe ukufuma ku bēne.

Kila Ndumi yiliyosa iya kalata gwa lugano u Nsīngiligwa ikupilika, Kyāla ikusisimikisya kwa uswe uswe tuli mu Bwīgàne Bwãke ubupelelesye ukwīsìla mu kupilikisya i Yãke i Njila imbīgwe kuli umwīsyùgu, i Lisyu-lya-pakanwa lya Kyāla pa Matepi.

Kangi uswe tukufimbilisigwa ukunkonga Umwẽne, yo njila yēne ukuyanabo u Būmi Bwãsyèpwa. Popãpo u bulõngòsi bwa Kyāla bo: konga i Lisyu ilisisimikisigwe lya sala ukwīsìla mwa Mbepo Mwikemo.

I njila YĒNE ku būmi Bwãsyèpwa yo iyi: U Mbepo Mwikemo ukulongosya ugwe ukukongesya i Lisyu ilisisimikisigwe. Ywani ali ni Lisyu ilisisimikisigwe kuli umwīsyùgu? Ywani ngimba Kyāla ãyobìle ãli Lisyu-lya-pakanwa Lyãke kuli umwīsyùgu? Ywani ngimba Kyāla Mwēne ãyobìle ãli ndongosi unsisimikisigwe ukulõngosya u Nsīngilìgwa Gwãke umwīsyùgu? U butumigwe?

Bomūmo itolo une nãyobìle, akangwasi akanini akabalilo kãko umwẽne ãpilīke i Lisyu-lya-pakanwa lya Nyãmbàla, umwẽne alinkubuka ku Lyēne, ilipakigwe, i Lisyu lya Kyāla ilisisimikisigwe kuli i lisiku lyabumalikisyo.
Noa ãli Lisyu ilisisimikisigwe kuli ilisiku lyãke.
Mõse ãli Lisyu ilisisimikisigwe kuli ilisiku lyãke.
Yohani ãli Lisyu ilisisimikisigwe.

Abēne babagile ukubika bulibõsa ubuniongasye pamo ubulīnganio ku Kyēne abēne bikulonda, lõli:

WILLIAM MARRION BRANHAM YO LISYU ILISISIMIKISIGWE LYA KYĀLA KULI UMWĪSYÙGU!!

Popãpo u bulõngòsi bwa Kyāla bo ubu: kongesya i Lisyu ilisisimikisigwe lya sala ukwīsìla mwa Mbepo Mwikemo.

Kangi ngimba ukukina i Lisyu-lya-pakanwa ilisisimikisigwe ilya Kyāla mu kipãnga kyīnu kikaya kindu ikyakulondigwa fiyo u Nsīngilìgwa abagìle ukubõmba? Ikyēne ngimba kyo kyakulondigwa ukukindapo ukupilika i lisyu-lya-pakanwa ilikindane?

Ngimba ikyēne kyo kibugutila kya banyambala nu butumigwe bwãbo ifi fisakubūngania nu kulongosya u Nsīngilìgwa? Ngimba u Nsīngilìgwa isakubūnganisigwa na iki butumigwe bukuyoba? Abēne bõsa bikuyoba ikindukimo ilikindane, polelo ngimba ywani uswe tubagile ukukongesya?

Ngimba ubulīngisanio bwa Ndumi iyi kyo iki uswe twisa kulongeligwapo? Ngimba abēne balinayo i Mbanda ya Moto yikusisimikisya u butumigwe Bwãbo? Ngimba ikyēne bo bulingisanio bwãbo bwa Lisyu bo Bumalisye bwãko?

U nsololi ãyobìle u Nsīngilìgwa isakuyaga GWAKÕNGANA. Ilãlùsya gwīmwène, fiki fisa kutwala ubusololi ubu ukuyako ukuti u Ntwa isa kwisa nu kunyaka u Nsīngilìgwa Gwãke?

Kangi polelo, akabalilo kãko abãndu ba Kyāla bikwanda ukubungana kangi palikimo, kulipo ukõngàna kumo, galipo a maka. Muketile? Kangi akabalilo kulikõsa abãndu ba Kyāla bikwisa palikimo lõsa, une ngwitika u busyuke bwisa kubonekaga akabalilo kala. Kisa ukuyako akabalilo ka bunyakiligwo akabalilo kãko Mbepo Mwikemo ikwanda ikubungania ikyēne lõsa. Abēne–ikyēne kisa kuya mbunandi, ena, lõsa pisa kuyapo ulubungano ukukulumba.

Ngimba pisakuyako ulubungano ukukulumba ukusyūngutìla ubutumigwe bwa nyãmbàla yumo, ukupagulako unsololi unsisimikisigwe na Kyāla? Ngimba ikyēne kisa kuya KIBUGUTILA kya balumbilili panongwa yakuti bamo mwa balumbilili ba bupinde-pahano bikuyoba ugwe ulingasulwamo NASIKU ukukina i Lisyu-lya-pakanwa lya Kyāla nkipanga kyīnu, ikyēne kyo busobi. Ngimba abēne bisakulongosya u Nsīngilìgwa polelo?

NALAMBA NDULA UNE! YO NDUMBILILI NKI UNE MBAGILE UKUKONGESYA, NAMANGA UNE NGULONDA UKUYA GWAKÕNGANA MU LULA ULUBUNGANO ULUKULUMBA.

Bamo bikuti abalūmbilili bupinde-pahano ba Filunduma Fihano-na-fibili bisa kupelelesya u Nsīngilìgwa. Bamo abalūmbilili bapinde-pahano bikuyoba amasiku ga butumigwe bwa Nyãmbàla-Yumiywene gamalike. Bamo abalūmbilili bapinde-pahano bikuyoba uswe tukufimbilisigwa ukubūka ukugomokela ku Pentekosti. Bamo bikuyoba i Ndumi yikaya MMA Bumalisye bula. Bamo bikuti linga ugwe ukukina amatepi ugwe gwe mwitiki gwa bukyala. Abēne bõsa bikuyoba ikindukimo ikikīndane, kangi BOSA bãli ni sanusyo ingindane, ifundo ingindane, lõli gwēsa gwa bēne ikuyoba ABENE balongosigwe na Mbepo Mwikemo.

NGIMBA YO NDUMBILILI GWABUPINDE-PAHANO NKI UNE MBAGILE UKUKONGA? Akabalilo kõsa une ngukonga “UGWANGU” untimi ugwabupinde-pahano, une nisa kuya mu Nsīngilìgwa? Filipo fingi fiyo i “Fibugutila” ifikindane fya balumbilili ba bupinde-pahano. Aba balumbilili 20 bikwisa palikimo nu kuya ni ngomano syabo, lõli lõsa batikwitikisania na bangi abalūmbilili 20 aba bikuya ni ngomano ingindane…syo ngomano une mbagīle ukubukako ukuya mpelelesigwe kangi monganisigwe…simo mwa syene… syõsa isya isyene?

Kangi ngimba abãndu bikwitika UBUFULUGANIKANE UBU bukuyaga PAKÕNGANA NU KUPELELESYA U NSĪNGILÌGWA? Abēne bõsa bikuyoba abēne yo NDUMBILI GWABUPINDE-PAHANO UGWABWANALOLI UMBILIKIGWE NA KYĀLA. Lõli abēne batikukulongosya ugwe ku BULÕNGÒSI UBWABWANALOLI UKWĪSÌLA MWA MBEPO MWIKEMO, ABĒNE BIKUKULONGOSYA UGWE KU BĒNE NU BUTUMIGWE BWÃBO.

Kwa une, ugwe utikufumbwa nu busetuli bumo ukumanya ikyo kitisamo nasiku UKÕNGANA pamo UKULONGOSYA u Nsīngilìgwa gwēsa. LYENE i LISYU lisa kõngana u Nsīngilìgwa, ukwīsìla mu LISYU-LYA-PAKANWA LYA KYĀLA MWĒNE PA MATEPI.

Bakundwe na bakalumbu, umwe kinunupo sumuka-ntulo linga umwe mukukonga untimi uyu yo itolo ikulūmbilìla nu kwandisya i Lisyu, iki kyo kinunu kangi KYO KATIKATI iki umwẽne abagìle ukuti abõmbege, lõli atikubabula umwe, kangi ikyakulondigwa ukukinda, UKUBÕMBA, ukwīsìla mu kukina i LISYU-LYA-PAKANWA LYA KYĀLA PA MATEPI MU KIPANGA KYĪNU.

Nkundwe Branham ātubulile uswe:

Lilino, uswe tuli nasyo syene itatu indagilo Syabukyala silekigwe kwa uswe: lumo mwa syene lo–lo mugonesyo, ukusukana-injayo, ulosyo lwa mmisi. Ifyo fyo fyene fīndu fitatu. Ubo bo bupelelesye, ubwa fitatu, muketile.

Une ãngàli ngulonda kuli uswe ukuya nu Bubombelo bwa Mugonesyo kangi Ukusukana Injayo Pandungu ugu, linga u Ntwa ikwitikisya. Bomūmo uswe tubõmbile pabutasi, une nisakubasonga umwe ukwanda pa 5.00 NAMAYOLO mu kabalilo ka kyisu kyīnu. Palema nalinga u Nkundwe Branham ãyobìle abatumigwa bãli nu Mugonesyo akabalilo kalikosa abēne bīsaga palikimo, umwẽne alīganilepo bununupo ukuya ni kyēne nkabalilo ka namayolo, kangi alinkukikolela ikyēne, i Kyakugonela kya Ntwa.

U Bubombelo bwa Ndumi nu Mugonesyo bwisa kuyaga pa Rediyo ya Lisyu-lya-pakanwa, kangi pisakuyako bope ubulūngisanio ku mafailo aga gabagile ukwisyigwa-pasi, kuli bala aba bakabagila ukufukila i Rediyo ya Lisyu-lya-pakanwa Pandungu namayolo.

Nkundwe Yosefu Branham