Gwempala Nsīngiligwa Nsitabumeleligwe,

U Ntwa atupele uswe bo aka akabalilo akanunu ku bugonelo undungu ugu gwakīndàga bo Umwẽne ãsetulàga i Lisyu Lyãke kwa uswe. Umwẽne ãsisimikìsye, ukwīsìla mu Lisyu Lyãke, ukuti u Bumàle bwītu bo: Lisyu Lyãke, Ndumi Iyi, I Lisyu-lya-pakanwa pa matepi; ifyēne fyo fyõsa fili kimokyēne, Yeso Kristi yulayula mmayolo, umwīsyùgu na bwilanabwila.

Uswe twãpílìke mūmo u mohesi ikugela ukupagulania i Ndumi ukufuma ku ntumigwa, lõli lutufyo luyege kwa Ntwa Yeso, Kyāla Mwēne ãyobìle ukwīsìla mu gwãndùmi Gwãke kangi ãtubūlìle uswe:

Uswe tukusyãgania ukuti akabalilo kãko u nyãmbàla ikwisa, atumigwe ukufuma kwa Kyāla, asayiligwe ukufuma kwa Kyāla, na gwabwanaloli ISI SYO IKUTI U NTWA, i Ndumi nu ntumigwa fyo kimokyēne kangi kilakila. Panongwa yakuti umwẽne atumīgwe ukwīmilìla ISI SYO IKUTI U NTWA, Lisyu pa Lisyu, ukuti umwẽne ni ndumi yãke yo kilakila.

Ugwe ukabagìla ukupãgulania i Ndumi ukufuma kwa ntumigwa, ifyēne fyo kimokyēne, ISI SYO IKUTI U NTWA. Ikyēne kitikupãsya iki gwēsa umpakigwe mbusyobi yula ikuyoba, Kyāla ãyobìle ifyēne fili kimokyēne kangi fikabagila ukupãgusigwa.

Polelo Umwẽne alinkutubūla uswe uswe tutikufumbwa i kyēnda kya sēfa ukukola silisyõsa sya mbani akabalilo kãko uswe tukupilikisya a matepi, namanga sikayano ni mbani pamo umposya gwa mbani mu Ndumi Iyi. Ikyēne kyo kisiba Kyanyībùko Kyãke iki kyo akabalilo kõsa kikusulula kipelelesye kangi kiswepano. Akabalilo kõsa kikunyibukila mmwanya, nasiku ukūmamo, itolo kikūmilìsya ukuguta nu kuguta, ukutupa uswe bwingipo kangi bwingipo u Busetuli bwa Lisyu Lyãke.

Umwẽne alinkutukūmbùsya uswe UKUSITAMO-SIKU UKWIBWA ukuti ulwītikano Lwãke na uswe lo Lusitakupīkigwa, Lusitakupepulako, lõli ukukinda fyõsa, Lusitalumbusania.

Kali ikyēne lo lugano, butuli pamo lwilambiko, linga ikyēne ikindukimo kyo kisitakulumbusanoa, ikyēne kyo BUMALE kangi kikaya kyakwilãmbìka ku nyitikisanio pamo ukwīsalìla kulikõsa: ikyēne kisakuboneka kisita kupasya kyo ikīngi nki kikuboneka.

Polelo Umwẽne alõndàga ukukomelela u nsumali, popãpo Umwẽne ãtubūlìle uswe ukuti ilisiku ili a Masimbo Gãke gikufwanikisigwa pankyēni pa fisige fyītu.

Lila i l-i-s-u-b-a lilalila ili likupãnda ku busõkelo lyo lilalila l-i-s-u-b-a ili likwīngìla ku bwingililo. Kangi yulayula u M-w-a-n-u-n-d-u-m-i-a-n-a gwa Kyāla uyu īsile ukufuma ku busõkelo nu kwisisimikisya Mwēne ukuya Kyāla abonekile mu mbili, yo yulayula M-w-a-n-u-n-d-u-m-i-a-n-a gwa Kyāla mu bubulunge-sinda bwakubwīngilìlo kuno, uyu ikwilīngania Mwēne pakati pa kipãnga ikilo iki, yulayula mmayolo, umwīsyùgu, na bwilanabwila. U Lumuli lwakunamayolo lwa Mwanundumiana lwīsìle. Ilisiku ili i Lisimbo lifwanikisigww pankyēni pa uswe.

U Mwanundumiana gwa Mūndu īsile kangi mu mbili gwa būndu mu lisiku lyītu, itolo bomūmo Umwẽne āfīngile Umwẽne ikubõmbàga, ukukõlèla pãnja u Nsīngiligwa. Ikyēne yo Yeso Kristi ikuyoba kitalule kwa uswe, kangi Ikyēne kitikufumbwa nabumo ubulīnganio bwa mūndu. Fyõsa uswe tukufūmbwa, kyõsa uswe tukulonda, lyo Lisyu-lya-pakanwa lya Kyāla likuyoba pa tepi likufuma kwa Kyāla Mwēne.

Ikyēne kyo busetuli bwa bubonekele-pabwelu bwa Lisyu lipeligwe lyabwanaloli. Kangi uswe tukwitūgala mu lisiku lila; lutufyo kwa Kyāla; u busetuli bwa kyakubutītu kya Mwēne.

Ko kabalilo kãlwīmiko kaki u Nsīngiligwa ikuya nako, alãmbalèle mu kuyapo kwa Mwanundumiana, ikutona. I ngano yigomokile ku ngano kangi, kangi gukayapo nagumo u nkese pakati pa uswe. Itolo i Lisyu-lya-pakanwa lya Kyāla ilipelelesye likuyoba kwa uswe, likubūmba nu kutupela uswe mu kifwani Kya Kristi, i Lisyu.

Uswe twe banabalumiana na banabalindwana ba Kyāla, ikyakubagilila Kyãke iki Umwẽne abīkìle-ngani ukwīsa mu ngulilo iyi, i ngulilo ingulumba ukukinda-syõsa mu syambukulu sya kisu. Umwẽne ãmēnye uswe tukábagīle ukutoligwa, uswe ãngali tutikupepulako, lõli uswe ãngali tukuya Gwãke ugwanaloli kangi Nsīngiligwa unsubiligwa, Gwãke unfīngìgwe Kalyoto Yabunyafyale Mbeyu ya Abraham iyi yayaga pakwisa.

U Kunyakiligwa kuli kifuki. Akabalilo kīsìle ku bumalikisyo. Umwẽne ikwisa kuli u Nsīngiligwa Gwãke uyu ipelile ītēndekisye Mwēne lõli ikwitūgasya mu Kuyapo kwa Mwanundumiana, ukupilika i Lisyu-lya-pakanwa Lyãke likufwika u Nsīngiligwa Gwãke. Lululu ulu uswe twīse kwanda ukuketa abaganigwa bitu bala aba babūkìle kumbenu kwa kisigo Kya kabalilo, aba bikugūlìla kangi bīsyūkìle ukuya na uswe.

A matepi go njila imbīgwe na Kyāla ukupelelesya u Nsīngiligwa Gwãke. A matepi aga kyo kīndu kyēne iki kisa kubūngania u Nsīngiligwa Gwãke. A matepi aga go Lisyu-lya-pakanwa lya Kyāla ku Nsīngiligwa Gwãke.

Une ngukubilikila ugwe ukwīsa nu kuyayumo na uswe, i kiyabo Kya Nsīngiligwa Gwãke, Pandungu ugu pa 12:00 PAMUSI, akabalilo ka Jeffersonville, bo uswe tukupilikisya isya iki kikwitēndekesya ukuboneka pa buyo lululu ulu: U Bunyakiligwo 65-1204:

Nkundwe Yosefu Branham