Mesegi (O’dukoti): 63-0317M Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri
- 25-0302 Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri
- 23-0709 Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri
- 22-0116 Munguni Ima Ngulupi Zizu Geri Mazaru Fu Risi, Di Vini Ima Ngulupi Ecezu Geri Aluri Siri
- 21-0110 Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri
- 19-0317 Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri
- 17-0318 Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri
Mawa A’buleni Leletu ‘Diyi,
Mba Iri 28, 1963 si, Ovi ga ra. Whew-whew, Malaika Azirini emuki engazu ‘dani’daniasi ani e’dazu Mungu Ma ‘Ba o’dukoti ojipi Malaika Azirizuri vu. Eri ndra bizaru uru sita piramidini ma alia. ‘Di vini, iriti azi ndu ‘dileni e’da di ‘bu Arizonaniria. Eri ndra ecetani, Munguni ndra Ima malaika azirizuri ma ti epe vule Jeffersonvilia A’buza Aziri pi ma ti zizu.
Mba Iri 28, 2025, planeti aziri ki otizaru ‘bua. Amuroni i ma Ngulupi ‘baria ngonde rutrazu azini A’buza Aziri riki erizu.
Emi a’izaru, Opi Ma ngulupi vusi, ruetrazu Amuro engazu wudrikurusi arari be, O’duko Munguniri eriria E’yo Eceza A’buza Aziriripini ri eceria.
O’du ndra nabi pini ondua’ba pie avani tazu azini te engazu sawa ma e’dozasiri, ni di pari ‘duria. Malaika amboru Munguni ndra ‘yo I ta mu tini epe nyakua o’du asizuri pi ma aari emu ‘bo Mungu ma e’yo nileku zizaruri pi ma ti zizu azini ecezu, ani ama Opi Yesu eco driegozu ani Ima Amuro a’itaruri vu ani ama jizu ama ondre ta Oku bizaniria beni.
Azi mani okori, mani ta emuria kanisa o’diri ma alia, abi ta karile azi oku azi be ajealea pasozaru ofisia. Eri ma ovu ecetani fo, kini ma ma nga ovu azi’ba Kristoni asi alusini, Amuro azi ‘bazu ngonde omu O’du nde ‘dasi rini.
O’du ‘disi E’yo ‘dini eceria i ma paria. Munguni e’yo nzeria Ima malaika vusi, Ima Amuroni ‘baria ngonde omu O’du ‘dasiri ni. Ama Eri ma embata pi ma vuti bi nukutani vu. Amuro ‘ba Ima ngulupi ngonde bo OAZU O’DUKO MUNGUNI TEPU PI MA DRIARI BE RISI.
Afa amani nga lu eri orobikisi azini e’yo nezakisiri a’duni? Nyaka nde’i. ERI ‘DI’I, ‘di pari nderi’i. O’duko azi ‘yo eri dri, “Mi eji Nyaka aa. Mi mba Eri ta aa. ‘Da lu geri ci yi ta mbazu ‘dia ri’i, eri yini Nyaka fezu risi.”
‘Ba kakau a’iki kini erini ‘yori lu, “emi ma oa E’yo be” dini, ani ‘da ADA, eri ‘da ‘yoria; te Amuro ni nga vini la ondoasi ra Izioni e’yo nzeria Ima Amuro dri.
Ata e’yo neza Munguni fe ‘dia angu ndeariki, eri vazaru onzi tu. ‘Da asisile emini ma erizu tepu ma dria, ‘yoria, “Emi ‘yoki afa tepuni ‘yori. Emi ‘yoki afa e’yo neza pini ‘yori” i ri. Sawa ‘disi, mi ka ovu mile be mboru yani, mi nga afa azi nera. Enera? A’bani asi le ma ma bi eri ma dria ani e’dazu emini ‘dini ka ku.
Ata e’yo nezariki ndra vazaru onzi, ata erini e’yo efi eceza fezu yini ‘bori ma vutia. ‘Da afa erini lu amadri ri’i, mi ka le ovu abazaru kaniku e’yo nde va onzi ku yani, Mi Ekpa Avizuri ani mi eri O’duko Munguniri ‘yo mgbaria ngoni yari.
Ma ni ra E’yo ovu efini pie tre, te ‘di ma e’yo efi ecezaniri: Orobiki e’yo neza nde pie dria ‘yoki afa aluri’i; emi oaki tepu pie. Mi ka ovu zita azi be ci, mi mu tepu pivu. Tepuki Mungu ma Nyaka Tambaciri. Mi ‘yo lu afa tepu pi ma driari’i; mi o’ba afazi Eri dria ku. Tepuki ‘Di Opi ‘Yonini Amuro dri. E’yo ni emu nabi vu, a’dule. Nabini LU ‘ba E’yo ma efi ecepi geri Munguni siri’i. Nabi ni ndra Amuro omvezu azini drinicezu. Ma e’yoni nga ovu lizaru afa ovupi ‘yozaru TEPU pi ma driarisi.
Afa driani ma e’da TEPU pi vu.
Ma Mawa A’buleni leletu ‘diyi la, AVIZURI EKPAZURI NI MUNGU’I GERI SOROARU ANDRUSIRI.
Wiki alu alusi ma eca ayikoru tu; a’duni mu ovu ecezaru andru ni ya Eri ma Amuroni i etraria tualu O’dukoti erizuria? Ma nira Orindi Alatararuri ni nga mu ama alu alu ma dria odu osu Erini Ima E’yo eceria nga ta oku driorileku ria. Ma ama ra, lu sawa ciri alia, Eri nga emu ra ani ama ‘duzu muzu ama Ondre ta Oku bizania.
Ama, agianzu azini ezopi Munguni riki. Ama, azi Munguni ki. Ama, awuroso nyakuni ri. Ama o’baza ti oji. Ama nga afa o’ba e’yo nzezasi. Ama Amuro’i!
Ama ma owiki ama ngulupiki o’diru azi nde ni, azini owiki ama ngulupiki Kristo dri.
Adri. Joseph Branham i
Mbao’du: Sabatu, Mba Na 2, 2025
O’dukoti: Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri
Aluri Siri 63-0317M
Sawa: Sawa: 12:00pm Jeffersonvili saa si (8 pm Ugandaa)