Adɔfoɔ Tape Atiefoɔ,

Ɛberɛ aso sɛ ɛsɛ sɛ obiara bisa ne ho: “Sɛ metie tapes no a, Ɛnne bɛn na me teɛ? Anyabiaa ɛyɛ William Marrion Branham nne kɛkɛ anaa sɛ mete Onyankopɔn Nne a ɛwɔ hɔ ma yɛn da yi? Anyabiaa ɛyɛ onipa asɛm, anaasɛ meretie Sɛ Awurade Seɛ nie? Anyabiaa mehia obi sɛ ɔbɛkyerɛkyerɛ deɛ meretie no ase, anaa sɛ Onyankopɔn Asɛm nhia nkyerɛaseɛ biara?”

Yɛn mmuaeɛ ne sɛ: Yɛrɛtie Asɛm a Wɔaka no a ayɛ honam no. Yɛrɛtie Alpha ne Omega no. Yɛrɛtie Ɔno, Ogya Fadum no, a Ɔnam onipa ano so rekasa sɛnea Ɔkaa sɛ Ɔbɛyɛ wɔ yɛn da yi mu no.

Yɛntie onipa, yɛtie Onyankopɔn, te saa ɛnora, ɛnnɛ, ne daapem. Onyankopɔn Nne a ɛyɛ nkwa, ahoɔden wɔ mu kyɛn nkrantɛ nifanu, ɛhwire mu kɔduru mpo sɛ ɛpaepae dompe no mu, ɛne adwene nsusueɛ a ɛwɔ akoma mu nhunumu.

Wɔada no adi akyerɛ yɛn sɛ deɛ na Ɔyɛ ɛberɛ a Ɔnantee wɔ Galilea no yɛ ade korɔ no ara na Ɔyɛ anadwo yi wɔ Jeffersonville; Ade korɔ no ara na Ɔyɛ wɔ Branham Tabernacle no. Ɛyɛ Onyankopɔn Asɛm a ɔrema ɛda adi. Deɛ na Ɔyɛ saa berɛ no, Ɔyɛ anadwo yi, na Ɔbɛyɛ afebɔɔ. Deɛ Ɔkaa sɛ Ɔbɛyɛ no, Wayɛ.

Ɔbarima no nyɛ Onyankopɔn, nanso Onyankopɔn da so ara te ase na Ɔnam saa ɔbarima no so rekasa kyerɛ N’Ayeforɔ. Yɛnsi yɛn bo sɛ yɛsom ɔbarima no, mmom yɛsom Onyankopɔn a Ɔwɔ saa ɔbarima no mu no; ɛfiri sɛ ɔno ne onipa a Onyankopɔn yii sɛ ɔnyɛ NE NNE na ɔni N’Ayeforɔ anim wɔ ɛnna a ɛdi akyiri yi mu.

Ɛsiane sɛ Wama yɛn saa awieɛ berɛ mu Adiyie kɛseɛ yi nti, afei yɛbɛtumi ahunu NNIPA KO A YƐYƐ, Asɛm a ayɛ honam wɔ yɛn da yi mu. Satan ntumi nnwa n’anum nkyerɛ yɛn bio, ɛfiri sɛ yɛnim sɛ yɛyɛ N’Asɛm baabunu Ayeforɔ mua a wɔasan de aba.

Saa Ɛnne no ka kyerɛɛ yɛn sɛ: Deɛ yɛhia nyinaa no wɔde ama yɛn DADA.
Ɛho nhia sɛ yɛbɛtwɛn. Wɔaka, ƐWƆ YƐN, ƐYƐ YƐN DEA. Satan nni tumi biara wɔ yɛn so; wɔadi nkuguo.

Ampa, Satan bɛtumi ato yareɛ, adwene-mu-haw, ɛne akoma yareɛ agu yɛn so, nanso Agya ama yɛn tumi dada sɛ yɛn tutu no MFIRI HƆ…YƐKA ASƐM NO KƐKƐ, na ɛsɛ sɛ ɔfiri hɔ….ɛnyɛ sɛ yɛka saa nti, mmom ɛfiri sɛ ONYANKOPƆN KAA SAA.

Onyankopɔn korɔ no ara a Ɔbɔɔ mpuro, ɛberɛ a na mpuro biara nni hɔ no. A Ɔmaa Ɔnuabaa Hattie n’akoma so adeɛ no: ne mma mmarima baanu no. A Ɔtutuu Ɔnuabaa Branham mpɔmpɔ no ansa na oduruyɛfoɔ no nsa bɛtumi aka no. Ɔyɛ ONYANKOPƆN KORƆ no ara, a ɛnyɛ sɛ Ɔka yɛn ho wɔ ɛha nkutoo, MMOM ƆTE ASE NA ƆTE YƐN MU. YƐN NA YƐYƐ ASƐM A AYƐ HONAM NO.

Sɛ yɛhwɛ na yɛtie Ɛnne no a ɛwɔ tapes no so no a, yɛhu na yɛte sɛ Onyankopɔn reda Ne Ho adi wɔ onipa honam mu. Yɛhu na yɛte onipa ko a Onyankopɔn somaa sɛ ɔnni y’ɛanim nkɔ Bɔhyɛ Asase no so no. Yɛhunu sɛ Ayeforɔ no nkutoo na ɔbɛnya saa Adiyie no, ɛne sɛ, yɛayɛ wɔn a wɔnsuro hwee. Ɛnhia sɛ Suro-fɛreɛ bɛba yɛn so, ahoyerayera, abambuo, ahodwiri, ɔhaw…YƐN NA YƐYƐ AYEFORƆ NO.

Tie na tena ase, me nuabarima, tena ase!
Tie Yesu seesei na tena ase;
Ɛfiri sɛ wɔatwe agu tapes no so, hallelujah!
Deɛ ɛwɔ hɔ ara ne sɛ yɛbɛtie na yɛatena ase.

Oh, Yesu Kristo Ayeforɔ, ɛda kɛseɛ paa ara mu a yɛwɔ. Deɛ yɛrehwɛ animkwan, simma biara. Seesei ɛnkyɛ koraa, yɛrebɛhunu yɛn adɔfoɔ, afei ɛwɔ ɛberɛtia bi mu anibɔtɛtɛ so, yɛbɛfiri ha na yɛne wɔn wɔ ɔfa foforɔ no.
Ɛbɛn paa a akɔyɛ sɛdeɛ yɛbɛtumi anya ɛho atenka…ANIMUONYAM!

Ayeforɔ momra, momma yɛnka yɛn ho mmom prɛko bio ntwa nhyia wɔ Onyankopɔn Nne ho Kwasiada wei wɔ prɛmtoberɛ ɛwɔ Jeffersonville berɛ, ɛberɛ a yɛtie Ɔno sɛ Ɔka Daa Nkwa Asɛm kyerɛ yɛn.

Onuabarima Joseph Branham.

Nkransɛm: 63-1229E Ma W’ani So Kyerɛ Yesu.

Twerɛnsɛm: .
Numeri 21:5-19 .
Yesaia 45:22.
Zekaria 12:10.
Ɔhoteni Yohane 14:12.