25-1102 Mungu Ma A’buta Wuzuri

BranhamTabernacle.org

E’yo Ovupi ‘Bazaru E’dazaru’bo Leleturi,

Ama ecoki e’yo ega Eri dria Ra! Aci Piriru alualu ndra emupi agupi ndra Bibilia sipiri pi ma dria ‘da ni Aci Piriru alualu ama eri o’du dria, e’yo dria nileku Bibilianiri ki eceria ama dri: Mungu ma E’yo Ovupi E’dazaruri!

Mungu a’bu ndra Ima ngulupi Ima nabi drio ‘diyi ma alia Ima E’yo nzezu yi dri. ‘Da afa Eri ni ndra ‘ye sawa ‘dasiri’i. Te o’du amani alia, ama nabi, William Marrion Branham ni ndra E’yo idriru ‘ba pi dri, a’buzaru Aci Pirirurisi ri’i.

Odu osuza nde ni agu azi ni. E’yo Kristo ‘di ma efi “‘ba odu osuza beri” enera, “‘ba odu osuza beri.” ‘Dini, Musa ni ndra Kristoni o’du ini pi alia, eri ndra ‘ba odu osuza beri. Yeremia ni ndra Kristoni o’du ini pi alia, esele E’yo o’du ‘daniri be.

Munguni Ima ngulupi ma E’yo efi eceza. Adripi Branham nze ndra Yi ra; Mungu ece ndra Yi ma efi ra. Eri ovu ndra E’yo be ni. Ovuni ongulumu azini ku, William Marrion Branham i! Mungu esu ndra AGU ALUNI. Eri econiku omi ndundu iri kani nani egata ndundu pie ni ki e’duzu. Eri AGUPI ALUNI ‘du’i, ani angu nde ni eca E’yo Munguni idribe a’buzaru zaa ‘ba adani ma aliani i.

Ama ovukini di dikaku a’buta ‘da ma ngukua, ‘ba nyiri ‘diyi la. Mungu emu di ‘bo mi nezu dria. A’buta oku dinidini azini a’biniri ovu acezaru’bo engazu E’yo Munguni vusi, ani Eri eco di ovu e’dazaru ra! O’du asizu ‘di ma alia, a’buta a’biru ‘da ovu di acezaru ndundu ‘bo, ani Aci Piriruri so di pa ‘di’i. Eri ‘di’i, E’yo o’du ‘diniri e’daria. A’buta nde di acezaru.

Mi nde tepu ndeki yini emuria ele ‘dini, mi ne yi ma alualu, geri Erini ecazu nditiriru azini nditiriru agarari; mi ka ovu bile be erizu, enera, mile be nezu ria.

‘Da afa nga kiri ‘ba pi ma mile a’bupi andruri. Yi leki ‘yo kini yi a’ikira Mungu ma nabi eji ndra E’yo ra, te sawa ‘disi odu osuza ‘da ni di ‘ba azi ‘diyi pi ma dria ama dricezu, ovuni nabi’i ku ‘dini.

Nabi ‘yo ndra amani kini Mungu econiku Ima E’yo nyozu. O’du asizu ‘diyi alia, le ma ovu afa alualusiri i dika. Mungu econiku Ima geri ojazu, kani Ima E’yo ojazu. Eri ‘yo ndra I ojani I ku. Eri epe sawa dria Ima nabi pi ma ti ovuni lu Ima E’yo ejizu a’duleku, te Ima Amuro ma dricezu.

Kile eri ndra ovuzu ‘yezaru ayi dria aliari le, Oaza Mungururi a’buzaru zaa ‘ba adani alia. Mi ne, Eri ‘ye ndra ra. Nabi ki ndra Oaza Munguni, a’buzaru ci riki. Yi ndra E’yo Munguniri’i (‘da ada?) a’buzaru zaa ‘ba adani alia. ‘Dini, yi awiki ndra ama Musani ndre ku vini, enera, Yesu i.

Sawa ‘disi Eri ovuni ‘di lu ama dri E’yo sizaruri a’duleku, eri e’yo adani. Ama Eri ma alia. Sawa ‘disi ama onyini amaria. Sawa ‘disi ama Eri ne. Sawa ‘disi ama Eri ne, E’yo’i, Ima ngulupi eceria.

‘Daa, ama eca Eri ma eseleni. Ama a’buta Eri a’bupi riki. Ama Eri ma eseleni; Kristo ka Ini ovu mi aaria, kile Kristoni ndra ovuzu Mungu dri rile.

Ama ekaluru Kristo dri ama inyiriko ‘baniri ma ngukua. Ama waraga osizaru ‘diyi, E’yo sizaruri. Ama E’yo engapi ovupi sizaruri, ‘bazaru e’dazaruri.

Ani mi ka E’yo nde ne ‘bazaru e’dazaru, mi Mungu Atani ne, a’disikuni E’yo nde ni Ata’i. E’yo ni Mungu i. Ani E’yo nde i, ‘bazaru e’dazaru, eri Mungu ma ngulupi i Ima Ngulupi ma E’yo ‘duria azini Eri e’daria a’i’ba pi ma eselea. Afazi yo ecopi fepi Erini oazu idriberi te a’i’baki, lu a’i’baki.

Mungu i, a’buzaru zaa ‘bani alia, e’yo nzeria azini Ima E’yo eceria ama dri o’du vusi o’du vusi. Mungu i za ‘bani alia oaria ama alu alu alia.

Adri. Joseph Branham i

O’dukoti: 64-0614 – “A’buta Munguni Ayuzuri”
Saa: 12PM Jeffersonvili saa si (7pm Ugandaa)

*Emi egara sawani saa alu drileri’i.