Gwempala Lisyu Lipélìgwe Lyãkuboneka,

Ngimba uswe tubagile ukwīnogòna isya Ikyēne! I Mbanda ya Moto yilayila iyi yãlísìle pa banyambala bala aba bãsímbìle i Bãngèli yo Mbanda ya Moto yilayila uswe tukupilika ilisiku lililyõsa, yikusanusya syõsa isyãmbutìtu sya i Bãngèli kwa uswe: Lisyu lya Kyāla Lipélìgwe Lyapabwelu!

Kyāla ãlīkupílìle Mwēne mu basololi Bãke aba iyolo ukuyoba a Masyu Gake ku bēne. Ikyo kyo iki Umwẽne ãbõmbìle lula. Lõli mu lisiku lyītu, u nsololi gwītu, William Marrion Branham ãli Lisyu ilyãbūmi ku bandu, likupililìgwe ni Mbanda ya Moto.

U bupakigwe yo mūndu. I lisyu Kristi likusanusya “u mpakigwe yula,” Muketile, “u mpakigwe yula.” Polelo, Mõse ãli Kristi mu masiku gãke, umwẽne ãli yo mpakigwe yula. Yeremia ãli Kristi mu masiku gãke, na kayabo ka Lisyu lila kuli ilisiku lila.

Kyāla ikusanusya i Lisyu Lyãke Mwēne. Nkundwe Branham ãyobìle Agēne; Kyāla alinkusanusya Agēne. Umwẽne ãli ni Lisyu. Komma ikibugutila kimo, William Marrion Branham! Kyāla ali nu NYÃMBÀLA YUMOYWENE. Umwẽne akãbagile ukwega amīnogonèlo mabili pamo matatu ni fūndo ingīndàne. Umwẽne ikwēga u NYÃMBÀLA YUMOYWENE, kangi umwẽne alinkuya Lisyu lyãbùmi lya Kyāla ikīngìle kunyuma ku nyõfu gwabūndu.

Uswe tukaya ku nyuma kwa kikīngo kangi mma, mwe banini bala. Kyāla īsìle mu bunekelo bwīsùsye bwa umwe. I kyaiyolo ikikīngo kyakipãnga-kipãguke kangi kyãlwìho kilepuligwe ukufuma ku Lisyu lya Kyāla, ukuti Ilyēne libagile ukubonekela! Mu lisiku lyabumalikisyo ili, ikikīngo kyãlwìho Kila kilepuligwe pakati, kangi apa yikwima i Mbanda ya Moto. Apa Umwẽne alipo, ikubonekesya i Lisyu kuli i lisiku ili. I kikīngo kilepuligwe.

Kētèsya amatepi gala bo agēne gikwīsa gikusuluka, kētèsya lililyosa limolimo, mūmo Ilyēne līsilèmo ukõngelèla lyãpabwélùpo kangi lyãpabwélùpo; linga ugwe guli ni mbulukutu ukupilika, mukētile, ifisige ukukēta.

Ikyo kyo iki kikãli kikupinya abãndu umwīsyùgu. Abēne bikulonda ukuyoba abēne bikwītìka u nsololi gwa Kyāla ãtwèle i Lisyu, lõli ubupakigwe bula buli pa bãngi ukutulõngòsya uswe, komma u nsololi.

U nsololi ãtubúlìle uswe ukuti Kyāla akabagila ukukonyola i Lisyu Lyãke. Mu masiku gabumalikisyo, ikyēne kikufīmbilisigwa ukuya kindu kilakila kangi. Kyāla akabagila ukwandula injila Yãke, pamo ukwandula i Lisyu Lyãke. Umwẽne ãyobìle Umwẽne akãlyãndwíkèmo mma. Umwẽne bwīla atumile abasololi Bãke komma kwene kukutwala i Lisyu Lyãke, lõli ukulongosya u Nsīngilìgwa Gwãke.

Bomūmo ikyēne kyãbómbìgwe mu ngulilo yiliyõsa, Bukyala bwakīngísìgwe mu nyõfu gwabūndu. Kētèsya, Umwẽne ãbómbìle, ãkīngisìgwe. Abẽne bãli Lisyu lya Kyāla (ngimba ikyo kitalusye?) ãkīngisìgwe mu nyõfu gwabūndu. Popãpo, abēne bakalyãgènie u Mõse gwītu kangi’mma, ukukēta, Yeso.

Lilino, ikyēne kikaya itolo Lisyu lisīmbìgwe kwa uswe, ikyēne kyo kyanalolilo kimo. Uswe tuli mwa Umwẽne. Lilino uswe tukwinoga. Lilino uswe tukukēta Umwẽne. Lilino tukumbona Umwẽne, u Lisyu, ukwibonesya Mwēne.

Polelo, uswe tukuya kiyabo kya Umwẽne. Uswe yuswe kikīngo iki kikunkīnga Umwẽne. Uswe tuli kiyabo kwa Umwẽne; akabalilo kõsa Kristi ali mwa umwe, bomūmo Kristi ãli gwa Kyāla.

Uswe tuku-tempela Kristi kunyuma ku kikīngo kya kipapa kyītu kya bundu. Uswe twe fikalatasi ifisīmbìgwe, i Lisyu ilisīmbìgwe. Uswe yuswe Lisyu ili lisīmbìgwe, lipélìgwe lyapabwelu.

Kangi akabalilo kãko Ugwe kuketa i Lisyu lipélìgwe lyapabwelu, ugwe kuketa u Tãta Kyala, panongwa yakuti i Lisyu yo Tãta. I Lisyu yo Kyāla. Kangi i Lisyu, lipélìgwe lyapabwelu, yo Kyāla Mwēne ikwēga i Lisyu Lyãke Lyēne nukubonesya Ilyēne pakati pa bītìki. Nakimo kibagile ukupela Ilyēne ukuyalyumi lõli abītìki, bēne abītìki.

Kyāla, akupililìgwe mu nyõfu gwabūndu, ikuyoba nu kusetula i Lisyu Lyãke kwa uswe lisiku pa lisiku. Kyāla mu nyõfu gwabūndu ikwītúgàla mwa gwēsa gwa uswe.

Nkundwe Yosefu Branham

Ndumi: 64-0614M – “U Kukupula kwa Kyāla”
Kabalilo: 12:00 PAMUSI Kabalilo ka Jeffersonville

*Kumbukilaga akabalilo kakuponesya ubwelu bwa lisiku