Gwempala Nsīngilìgwa gwa Kikõle,

Akabalilo kãko uswe tukwisa palikimo, uswe tutikuyoba itolo isya Ndumi, uswe tukwisa palikimo ukupaka i Lilopa, ukupaka i Kikõle, kangi i Kikóle kyo Ndumi ya sala iyi! Ikyo kyo Ndumi ya lisiku ili. Iyo yo Ndumi ya kabalilo aka.

Uswe tupakile i Kikóle kila kwa twībène, ku twãya twītu, kangi ku fikolo fyītu. Uswe tukaya bãsòni mma. Uswe tutikupãsya ywani ikumanya ikyēne. Uswe tukulonda aligwēsa ukumanya ikyēne, aligwēsa unkīsanie ukukēta nu kumanya: Uswe twe Bandu ba Tepi. Uswe twe Kaya ka Tepi. Uswe twe Nsīngilìgwa gwa Tepi gwa Kyāla

Mbepo Mwīkemo = Kikõle = Ndumi. Ifyēne fyo fyõsa kimokyēne. Ugwe ukabagìla ukufipãgúlània ifyēne. Tãta, Mwanundumiana, Mbepo Mwīkèmo = Ntwa Yeso Kristi. Ugwe ukabagìla ukufipãgúlània ifyēne. Ndumi = Ntumigwa. Kisitakupasya iki abalondesya-busobi bikuyoba, U NSOLOLI ÃYÓBÌLE, ugwe ukabagìla ukufipãgúlània ifyēne.

Kyala yo buhobofu. Kyāla yo maka gãko. Ukumanya i Ndumi iyi, ukumanya Iyēne yo yēne Bwãnalòli, ukumanya ukuti Iyēne yo Kikõle, ubo bo bwīkutìsyo bwītu. Bamo babagile ukuyoba, “Une ngwitika Iyēne. Une ngwitika Iyēne. Une ngwitika Iyēne bo Bwãnaloli bula.” Ikyo kyõsa kinunu, lõli põpe Iyēne yikufimbilisigwa ukupakigwa.

U nsololi ãyobìle i Ndumi iyi yo Kikólelèlo kuli umwīsyùgu. I Ndumi iyi yo Mbepo Mwīkèmo. Linga ugwe guli nu busetuli bulibõsa bwa Ndumi iyi ugwe ubagīle ukukēta pabwēlu i sala uswe tukwītūgalàmo. Bīngi fīyo bikuyoba “Une ngwitika Iyēne. Kyāla ãtumìle u nsololi. Iyēne yo Ndumi ya sala,” lõli bikwītùfya ukwīsìla mu kuyoba abēne batikubomba, kangi batisakubomba, ukukina li Lisyu-lya-pakanwa lya Kikólelèlo mu fipãnga fyãbo.

Kyāla akãyóbìle ukwīsìla mwa gwãndùmi Gwãke gwamaka nu kuyoba ikindukimo pene pãpo ikyēne kyãli nu lusanusyo lumo. Umwẽne ãtubúlìle uswe umwēne ãtumanyìsye uswe my fyãkwēgelèla ni misyūngùlu. Mu Ndumi iyi, u nsololi ikubuka mbusolifu ubukulumba ukutubula uswe iki Rahabu ni kikolo kyãke ãbómbìle ukuti BAPOKIGWE, ukuya u Nsīngilìgwa. Umwẽne ãli gwapabwelu isya iki umwẽne ãbómbìle.

Akabalilo kãko abalumiana bamatepi bãkinile i “TEPI”… Gūlìla i miniti, ngimba u ntumigwa yula ãbõmbìle fiki? Ãkínìle i Tepi. Polelo ngimba umwẽne ãbómbìle fiki? Ãpélìle akaya kãke KIPÃNGA KYA TEPI. Umwẽne akãli gwãsoni ukuyoba, “Keta kala akalisi akakesefu, ikyo kikusanusya i KIPANGA KYA TEPI”.

Ugwe kwīnogona linga umwẽne ãbagìle ukuti ãyobìle, “Ena, une ngwitika u ntumigwa ni Ndumi, lõli uswe tutikukina a Matepi kangi’mma mu kipãnga kyītu. Une ndinagwe u ntimi uyu ikuyoba UMMA, umwẽne itolo ikulūmbilìla nu kwandisya iki i tepi yikuyoba.” Ugwe kwīnogona umwẽne ãngàli apokigwe…???

Umwēne ãbómbìle i kikõle, kangi i nyumba yãke yãpokìgwe, kisita-ikyo umwẽne ãngàli apyūtìgwe pãsi pala kūko umwẽne ãliko.

Ugwe upilike abalūmbilili bīngi bikupela amaluleyelo ukufwana nu kukina amatepi, lõli kifuki bõsa bikuyoba, “U nsololi akayobilemo siku kina amatepi mu kipãnga.”

U nsololi ãyobìle Rahabu ãpélìle akaya kãke i kipãnga kimo, kangi ikipãnga kyãke kyãkínàga a Matepi. Kangi panongwa yakuti umwene ãkínàga a Matepi mu kipãnga kyãke, umwẽne, na kyõsa ikyake Kipanga kya TEPI, kyãli pãsi pa Kikõle nu kupokigwa. Ikipãnga kilikyõsa ikingi kilinkupyūtigwa.

Nkundwe na Kalumbu, ngulamba, une ndikuyoba u ntimi akabagila ukulūmbilìla i Ndumi iyi, pamo ikyēne kyo kisobi linga umwẽne ikubomba.

Mu njila yangu nīmwene, une ngulūmbilìla lilino ukwīsìla mu kalata uyu, lõli igula indumbula yako nu kupilikisya iki u nsololi ikuyoba kangi ikukusoka ugwe. Linga u ntimi gwãko atikubomba, pamo atisa, kukina a matepi mu kipãnga kyãko ukwīsìla mu kupela u luko Lumo lwa lulēyèlo; kilikyõsa ikyēne kibagile ukuya, ukufwana ni Lisyu, kisita kupasya bo bwingi nki umwẽne ikuyoba Une ngwitika i Ndumi ya sala, ukufwana na iki Une ngwitika i Lisyu likuyoba, i Kikõle, i Ndumi ya sala, yitikupakigwa mma.

Pandungu ugu, une ngukibilikila ugwe ukwīsa ukupilikisya na Branham Tabernacle pa 12:00 PAMUSI, akabalilo ka Jeffersonville, ku Ndumi: Kikõle 63-0901M. Linga ugwe ukabagìla ukulūngisania na uswe, kina i Ndumi ya Kikõle yiliyosa, kangi bõmbèla Iyēne.

Nkundwe Yosefu Branham

Amasimbo ga ku bala bo ukãli ukupilika i Ndumi:
Bwãndilo 4:10
Kisõka untu gwa 12
Yoshua untu gwa 12
Imbombo 16:31/ 19:1-7
Baroma 8:1
1 Bakorinti 12:13
Baefesi 2:12/ 4:30
Bahiburi 6:4/ 9:11-14/10:26-29/ 11:37/12:24/ 13:8, 10-20
Mwīkèmo Yohani 14:12