Gwempala Nsīngilìgwa Mõnganisigwe,
Une nsangalwike fīyo, pãsi pa bugūlilo ubukulumba bo ubu, ukuya kiyabo kimo kya fyõsa Kyāla ikubomba mu lisiku lyītu. Aminogono ga Kyāla ku bwãndilo go lilino gikufwanikisigwa pankyēni pa fisige fyītu, kangi uswe tuli kiyabo kya ikyēne.
Ukukindamo mõsa mu i Bãngèli, abasololi bãsolwìle kangi bãyobìle iki kyayaga pakuboneka pa buyo. Utubalilo tumo, isololi sila sikãlisile ukuyako kuli abamia ba fyīnja pankyēni, lõli akabalilo kãko ubwīsyùsye bwa kabalilo bwãlīsìle, ikyēne kilinkwisa ukuyako; kabuno amīnogono ga Kyāla aga gãyobìgwe ukwīsìla mwa nsololi GIKUFUMBILISIGWA ukwisa ukuboneka.
U nsololi Yesaya ãyobìle, “u mfunde yumo isakuyaga ni kifuba”. Inyumba yiliyosa iya kiHiburi yilinkuya nu mwanundindwana gwãbo unnini ītendekìsye ukuya na bonda uyu. Abēne būlàga utulato nu tujõmbo, nu tunìni Utusotwanjuni, kangi balinkwītēndekèsya kuli u bõnda ugwakwisa. Ingulilo silinkukīnda, lõli kubumalikisyo i Lisyu lya Kyāla kilinkwisa ukuyako.
Ukuya ndumiana nkeke ngukula une bwīla naswīgàga, Ntwa, une nguketa mu Lisyu Lyãke ukuti Ugwe akabalilo kõsa gõngenie abãndu bãko palikimo ukufwanikisya i Lisyu Lyako. Ugwe gwabūngènie abana Bãko aba kiHuburi palikimo ukwīsìla mu nyãmbàla yumoywene, Mõse, uyu abalongwisye abēne ukwīsìla mu Mbanda ya Moto ku Kīsu Ikifīngìgwe.
Akabalilo kãko Ugwe ulinkuya nyõfu nu kwītúgàla apa pa kīsu, Ugwe gwalyõngènie abafundigwa Bãko. Ugwe gwãbapágwìle abēne ukufuma ku kilikyõsa na aligwēsa ukusetula i Lisyu Lyãko ku bēne. Pa lisiku lya Pentekosti, Ugwe kamokangi ulinkwega i Kipãnga Kyãko palikimo mu buyo bumobwene, mu līnogòno limolyene kandi mu lwitikisanio lumolwene bo Ugwe ukãli ukabapa abēne u Mbepo Mwīkèmo Gwãko.
U nãlīnogwìne, bo bulebule Kila kibagile ukuya kyakubõmbìgwa umwīsyùgu Ntwa? U Nsīngiligwa Gwãko abalanìle ukusyūngutìla ikisu-kya-pasi. Ngimba gwēsa u Nsīngiligwa isa kwisaga ku Jeffersonville? Une ngabagila ukukēta ikyo kikuboneka Ntwa. Lõli Ntwa, Ugwe utikwandulàmo u lubatiko Lwãko. Ukwene lo Lulagilo Lwãko, yikayapo injila ya kwimikila ikyēne. Ngimba Ugwe kwisa kibõmba bulebule?
LWIMIKO… UMWĪSYÙGU, uswe tubagile ukukēta ni fisige fyītu fyēne, kangi ikyakulondigwa fīyopo, YAGA KIYABO KIMO KYA IKYĒNE: Lisyu Lyãsyèpwa lya Kyāla likufwanikisigwa. Uswe tukaya mma MUMBILI mu buyo bumobwēne, uswe tubalanile ukusyūngutìla ikisu-kya-pasi, lõli u Mbepo Mwīkèmo ÕNGÈNE U NSĪNGILÌGWA GWÃKE UKWĪSÌLA MU LISYU-LYA-PAKANWA LYA KYĀLA. I LISYU LYÃKE LIYÕBÌGWE KANGI LISĪMBÌGWE PA MATEPI, u Kimalisye gwa Kyāla kuli umwīsyùgu, lyo likubūngania kangi LIKONGANA U NSĪNGILIGWA GWÃKE…KANGI KIKAYAPO NAKIMO KIBAGILE UKWIMIKA IKYĒNE.
Kyāla ikõngania u Nsīngiligwa Gwãke. Umwẽne ikwīsa palikimo, ukufuma ku Busõkelo kangi ku Bwīngilìlo, kangi Kululu kangi Kwītòngo. Pala kalipo akabalilo kakõngàna, kangi ikyo kikukīndilìla lululu lilino. Ngimba Umwẽne ikõngàna kuli fiki? U Bunyákilìgwo. Ameni.
Akabalilo kakõngàna kakwega ubuyo LULULU LILINO!!! Kyo fiki kikutõngana uswe? U Mbepo Mwīkèmo ukwīsìla mu Lisyu Lyãke, i Lisyu-lya-pakanwa Lyãke. Ngimba uswe tukõngàna kuli fiki? U BUNYÁKILÌGWO!!! Kangi uswe twesa tukubūka kangi uswe tutikuleka mma YUMOYWENE kunyuma.
Kyāla ikummwega Umwẽne ukwitēndekesya. Ena nkulumba, ukõngàna! Ngimba Umwẽne ikõngàna na fiki? Ni Lisyu lila!.
Ngimba i Lisyu lyo fiki kuli ilisiku lyītu? I Ndumi iyi, i LISYU-LYA-PAKANWA LYÃKE, i Lisyu-lya-pakanwa lya Kyāla ku Nsīngilìgwa Gwãke. Komma u nyãmbàla yumo. Komma abanyambàla. Komma ikibugutila kimo. Ilisisimikisigwe, ni Mbanda ya Moto, i LISYU-LYA-PAKANWA lya Kyāla pa matepi.
“Namanga imyanya gyõsa gisa kumalika, lõli i Lisyu Lyangu litisa kumalikamo siku.” Umwẽne ikõngàna Mwēne na ISI SYO IKUTI U NTWA kisitakupasya iki ikipanga-kipãgùke kilikyõsa pamo aligwēsa uyungi ikuyoba.
Kisitakupasya iki ALIGWESA ikuyoba, uswe tukõngàna ni lisisisikisigwe, ilibonesigwe Lisyu-lya-pakanwa lya Isi Syo Ikuti U Ntwa kuli ilisiku lyītu. Komma ubusanusyo bwa mūnduyumo, nõngwa ya fiki uswe tukubomba ikyo? Ikyo kikwanduka nu nyãmbàla aligwēsa pamwene, lõli i Lisyu-lya-pakanwa lya Kyāla pa matepi LITIKWANDUKAMO SIKU kangi Ilyēne lifumusĩgwe ni Mbanda ya Moto Yēne ukuya Lisyu lya Kyāla kangi Lisyu-lya-pakanwa lya Kyāla.
U lutamio lya ikyēne lo lwakuti, nu mūndu, umwẽne atikumanya undongosi gwãke. Ena nkulumba. Abēne bisa kukõnga ukusyūngutìla i kipanga-kipãgùke kimo, abēne bisa kukõnga ukusyūngutìla u bishopu yumo pamo u nyãmbàla yumo, lõli abēne batisa kukõnga u Ndongosi, u Mbepo Mwīkèmo mu Lisyu. Muketile? Abēne bikuyoba, “O, ena, une ngutila une nisa kuya panini gwafigili; une ngutila une ngupagukaga pãnja pa kilundi ikisobi.” Ooo, mwaketa lelo!
Apa po pãpo abalondesya-busobi bikusosolapo ku filundilo fyabo kangi bikuti, “Muketile, abēne bikumfyusya mmwanya u nyãmbàla yumo, Nkundwe Branham. Abēne bo bītìki ba bukyala kangi abēne bikukõnga ukusyūngutìla umwẽne, u nyãmbàla yula, komma u Mbepo Mwīkèmo.”
Butoyofu, uswe TUKÕNGÀNA ukusyūngutìla I LISISIMIKISIGWE I LISYU-LYA-PAKANWA LYA KYĀLA LIYÕBÌGWE UKWĪSÌLA MU NYÃMBÀLA YULA. Kumbuka, yula yo nyãmbàla gwa Kyāla asayiligwe ukuya Lisyu-lya-pakanwa Lyãke ukubilikila pãnja nu kulongosya u Nsīngilìgwa Gwãke mu lisiku ili. Ilyo lyo Lisyu-lya-pakanwa LYĒNE lisisimikisigwe na Kyāla Mwēne.
Lõli pa bukindanisio, ABĒNE bikõngàna ukusyūngutìla ABANYAMBÀLA. Abēne batisa MMA ukukina i Lisyu-lya-pakanwa lya Kyāla pa matepi mu fipãnga fyãbo. Ngimba ugwe ubagīle ukwīnogonèla ikyo??? U ndumbili ikwiyobela ukuti ikwitika i Ndumi iyi ukuya Ndumi ya sala iyi, Isi Syo IKUTI U Ntwa, lõli bikwaga uluko lumo lwa lulēyo KUSITA ukukina i Lisyu-lya-pakanwa lila mu fipãnga fyãbo, lõli bikulumbilila ku bandu abēne BABAGILE ukupilikisya agene na balumbilili abãngi bikulumbilila i Lisyu…polelo abēne bikuyoba uswe tukukõnga u nyãmbàla yumo.
Uswe tupilike itolo Pandungu ugu gwakīndàga iki Kyāla ãbómbìle ku bala abanyambàla!!!
Uswe tukwitendekesya kuli u Bwēgi. Uswe tukuya Yumoywene nu Mwēne. I Lisyu likuya umwe, kangi umwe mukuya Lisyu lila. Yeso ãyobìle, “Pa lisiku lila umwe mwisa kumanya ikyēne. Kyõsa iki Tãta Ali, Une ndi; kangi kyõsa iki Une ndi, umwe muli; kangi kyõsa iki umwe muli, Une ndi. Mu lisiku lila umwe mwisa kumanya ukuti Une ndi mwa Tãta, u Tãta mwa Une, Une mwa umwe, kangi umwe mwa Une.”
Ndaga Ugwe Ntwa kuli u Busetuli bwa Gwīmwène, kangi twībène, mu lisiku lyītu. U Nsīngilìgwa Gwãko ikwitendeka Mwēne mwītendekèsye ukwīsìla mu Lisyu Lyãko Iliyóbìgwe. Uswe tumenye uswe tuli mu Bwīgàne Bwãko ubupélelèsye ukwīsìla mu kwibanīlìla ni Lisyu Lyãko ililyēgelélìgwe.
Une ngubilikila i kīsu-kya-pãsi ukupilikisya ku lyēne ilisisimikisigwe i Lisyu-lya-pakanwa lya Kyāla kuli i lisiku lyītu Pandungu ugu. Ugwe kwambililigwa ukulūngisania na uswe Pandungu pa 12:00 PAMUSI, akabalilo ka Jeffersonville, bo uswe tukupilikisya: 63-0818, A Kabalilo Ka Bumobwēne Ni Kimanyilo. Linga ugwe ukabagìla ukulūngisania nu kupilikisya na uswe, sala itepi, ITEPI YILIYOSA; isyēne syo syõsa Isi Syo Ikuti U Ntwa, kangi pilikisya i Lisyu lya Kyāla likukupelelesya ugwe nu kukupela ugwe gwītēndekìsye kuli ukwīsa Kwãke kwalululu.
Nkundwe Yosefu Branham
Masalimo 86:1-11
Mwīkèmo Matai 16:1-3
Umwẽne ikõngàna Mwēne. Umwẽne ikuya mwītendekèsye. Nõngwa ya fiki? Umwẽne yo Nsīngilìgwa. Uko ko kutalusya. Kangi ikõngàna Mwēne nu Nyãmbàla Gwãke, muketile, kangi u Nyãmbàla yula yo Lisyu. “Mbwandilo lyaliko i Lisyu, kangi i Lisyu lyãli na Kyāla, kangi i Lisyu lyãli Kyāla. Kangi i Lisyu lyapeligwe nyõfu nu kwītúgàla pakati pa uswe.”