Mwebapala Bakundwe & Bakalumbu,
Une nunganile u Ntwa, i Lisyu lya Kyala, i Ndumi iyi, i Lisyu-lya-pakanwa ili, u nsololi Gwake, ukukinda ubumi bwene. Ifyene fyo fyosa KIMOKYENE KWA UNE. Une ndikulondamo siku ukupepusyako pa kasimbo kamo, akakong’ondelo kamo, pamo i LISYU LIMOLYENE Kyala aasimbile mu Lisyu Lyake pamo aayobile ukwisila mu nsololi Gwake. Kwa une, Ikyene kyo kyosa Isi Ikuti U Ntwa.
Kyala aaliinogwine Ikyene, polelo aayobile Ikyene ku basololi Bake, kangi abene baasimbile i Lisyu Lyake. Polelo Umwene alinkutuma ugwandumi Gwake ugwamaka, William Marrion Branham, ku kisu mu lisiku lyitu ukuti Umwene aabagile ukwisetula Mwene mu nyofu gwabundu kamokene kangi, mumo Umwene aabombile na Abraham. Polelo Umwene aayobile ukwisila mu nsololi Gwake ukuya Lisyu-lya-pakanwa lya Kyala ku kisu, ukusetula nu kusanusya fyosa ifyakubutitu ifi fifumile pakufisigwa ukufuma ku lwalo lwa kisu ku Nsingiligwa Gwake umanyigwe-ngani.
Lilino, Nsingiligwa Gwake, UGWE, kuya Lisyu lipeligwe nyofu; Yumoywene nu Mwene, Ugwake umpyanikisigwe loosa u Nsingiligwa gwa Lisyu.
Une mmenye ndikupilikisigwa mu iki une nguyoba kangi iki une ngusimba. Une ndiiyoba nulwiyisyo mumo u nsololi aayobile, une ngaya mmanyi kangi une mmenye une ngabagila ukusimba pamo ukuyoba nubutalusye iki une ngwipilika mu ndumbula yangu. Une naloli ngwitikisya ikyene kikuboneka ngati une ngusimba nubukali fiyo utubalilo tumo. Akabalilo kako une ngubomba, ikyene kikaya kunangisya ubusitalugindiko, pamo ukuya na kayilo akasobi pamo ukulonga umunduyumo, loli ku mbali iyingi. Une ngubomba ikyene ukufuma ku lugano mu ndumbula yangu kuli i Lisyu lya Kyala.
Une ngulonda aligwesa ukwitikisya nu kwitika i Ndumi iyi Kyala aatumile ukubilikila panja u Nsingiligwa Gwake. Une ngipilikamo siku mu ndumbula yangu pamo mulinogonelo ukuti abalumbilili balingalumbilila ngamo siku kangi mma; ikyene kikuyaga ukubuka ukulwana ni Lisyu lya Kyala. Une ne itolo gwakwiyula kuli i Lisyu-lya-pakanwa lya Kyala pa matepi. Une ngwitika ilyene lyo Lisyu-lya-pakanwa ililondigwe-fiyo GOSA AMABUTUMIGWE gikufimbilisigwa ukubika KYAKWANDA pankyeni pa bandu. Iki kitikusanusya abene bakabagila ukulumbilila, une itolo ngulonda ukukasya abene ukukina amatepi aga mu fipanga fyabo akabalilo kako abandu babungene pasi pa bupake bula.
Ena, une mbagile ukugana ukuya ni kisu kyosa kikupilikisya ku Ndumi yimoyene pa sala yimiyene ukusyungutila i kisu. Komma panongwa yakuti “une” naayobile lulo, pamo panongwa yakuti “une” nasalile i tepi yakupilikisyako, loli une ngwipilika naloliloli u Nsingiligwa aabagile ukuketa mumo Kyala apelile i njila kuli iki ukubombigwa mu lisiku lyitu.
Linga uswe twabagile ukuya ni ifyegelelo fya Yeso ikuyoba umwisyugu pa tepi, komma Matai, Mariko, Luka pamo ifisimbigwe fya Yohani ifya iki Yeso aayobile (kabuno abene bosa baayobile ikyene panini mbukindane), loli twabagile ukupilikisya i Lisyu-lya-pakanwa lya Yeso, ubundu Bwake, Abake abahenti, abatoti, kangi ifyakulondesya-masyu ni mbulukutu syitu twibene, ngimba ubutumigwe aangali bikuyoba ku kipanga kyabo, “Uswe tutisakubukaga ukukina ifyakwegelela fya Yeso mu kipanga kyitu. Une ngoleligwe kangi mbakigwe ukulumbulila ikyene nu kwandisya Ilyene. Umwe itolo pilikisya ikyene akabalilo kako umwe mukubuka kukaya.” Ngimba abandu aangali bikwikasya kuli ikyo? Nsulumenie ukuyoba, loli ikyo kyo katikati iki abene bikubomba umwisyugu. Bukayapo UBUKINDANE NABUMO, kali abene bikumogesya ikyene bulebule.
Kwa une, Nkundwe Branham aatupele uswe ikyakwegelelapo. Umwene akiganile akabalilo kako ifipanga fyosa, utwaya, pamo kilikyosa abene baali, baali pa bulunganisanio ukuti abene babagile ukupilikisya i Ndumi bosa akabalilo kamokene. Umwene aamenye abene baabagile, kangi baabagile ukubomba, ukwega amatepi nu kupilikisya iyene piitasi, loli umwene aalondile abene bali-yumo kangi bikupilikisya i Ndumi bosa akabalilo kamokene…KWA UNE YULA AALI KYALA IKUNANGISYA GWAKE IKI KYABAGILE UKUBONEKA MU LISIKU LYITU NA FYO FIKI UKUBOMBA.
Aligwesa undumbilili ugwanaloli umwitika-Ndumi isa kwitikisya kikayapo nakimo ikikulumbapo ukukinda ukwitugasya pasi pa bupakigwe bwa Lisyu-lya-pakanwa lya Kyala, ili lyegeleligwe nu kubikigwa pa matepi. U Nsingiligwa isa kwitika, nu kuya nu Busetuli, ukuti i Ndumi iyi yo Lisyu lya Kyala kuli umwisyugu. Une mbagile itolo ukulonga ukwisila mu Lisyu, loli aligwesa uyu akabagila ukuyoba i Ndumi iyi yo Kimalisye gwabo akaya nu Busetuli nabumo bwa Lisyu kuli umwisyugu, kokuti, ngimba abene babagile bulebule ukuya Nsingiligwa?
Ikyene kikaya itolo ukwandisya iyene, ukulumbilila pamo ukumanyisya iyene, loli ukupilikisya iyene pa ma matepi bo BUYO BWENE u Nsingiligwa abagile ukuyoba une ngwitika i Lisyu lililyosa. I Ndumi iyi yo Isi Syo Ikuti U Ntwa. Iki une ngulumbilila pamo ngumanyisya kikaya Isi Syo Ikuti U Ntwa, loli iki i Lisyu-lya-pakanwa lya Kyala likuyoba pa matepi KYO…ilyene lyo Lisyu-lya-pakanwa LYENE lisisimikisigwe ni Mbanda ya Moto.
Une mmenye balipo abakundwe na bakalumbu aba bikuyoba, “Linga ugwe utikupilikisya ku fitumo fya Ndumi ya Branham Tabernacle, ukubala abakalata ba Ngwasi Sikutelengana, nu kupilikisya mu nyumba syinu akabalilo kamokene ugwe ukaya Nsingiligwa,” pamo, “Ikyene kyo kisobi ukubuka ku kipanga, ugwe kufimbilisigwa ukusyala ku kaya kako.” IKYO KYO KISOBI FIYO. Une NASIKU nginogonamo ikyo, ngayobamo ikyo, pamo ukwitika ikyo. Ikyo kipelile ubupagulanio na bubwingipo, ifyakwipilikisya ifikafu, na ukukagana-pa-bulilanilo pakati pa Nsingiligwa kangi u ndugu ikubombela ikyo ukupaagulania abandu.
Une ndikulonda nasiku ukupagulania u Nsingiligwa, une ngulonda ukukongana u Nsingiligwa namanga i Lisyu lyaayobile USWE TUKUFIMBILISIGWA UKUKONGANA NGATI YUMO. Uswe tulingumanaga yumo nu nnine, loli kilipo nubupepe nakimo ikingi iki kibagile ukubungania uswe loli i Lisyu-lya-pakanwa lya Kyala pa matepi.
Uswe tulinga kanikanaga nu kubula abandu iki abene BIKUFIMBILISIGWA UKUBOMBA pamo abene bakaya Nsingiligwa, itolo bomba mumo u NTWA IKUKULONGOSYA UGWE. Abene bakaali bakundwe na bakalumbu bitu. Uswe tukufumbwa ukugana nu kugindika yumo nunnine.
Lilino, komma ukuumana. Muketile? Ubugasi bukupaapa ubugasi. Ikindu kyakwanda ugwe kumanya, ugwe kusulumanisya u Mbepo Mwikemo ukusookako kwa ugwe, ugwe kwisa kumanaga ukugomokesya. Polelo u Mbepo Mwikemo ikwega ubupululke Bwake. Ubugasi buupaapa ubugasi.
Na iki unsololi aayobile apa, une nasiku ngulonda ukusulumanisya u Mbepo Mwikemo. Une nasiku ngulonda ukuumana. Uswe tubagile ukwinogonela palikimo mu lugano, loli komma ukuumana. Linga une njobile kalikosa aka kasulumanisye aligwesa mu iki une nsimbile pamo njobile, ngalamba nswaga une, ikyene kikaali kyakulonda kyangu.
Bomumo une ndingisenie kunyuma, une ngwipilika u bukoleligwe bumo pa bumbi bwangu ukufuma ku Ntwa ukusosolela abandu ku Lisyu-lya-pakanwa lya Kyala kuli umwisyugu. Abalumbilili abangi bali ni ngoleligwe isingi kangi lumo bikuketa ifindu mbukindane, Ntufye u Ntwa, abene bikubomba iki ABENE bikwipilika balongosigwe na Mbepo Mwikemo ukubomba. Ubutumigwe bwangu bo mbupepe ukubula u Nsingiligwa, “BINDA KINA” kangi “I Lisyu-lya-pakanwa lya Kyala pa matepi lyo Lisyu-lya-pakanwa ilipala ukukinda ugwe ubagile ukupilikisya.” “Une ngwitika ukuti ubutumigwe bukufimbilisigwa ukukina i Lisyu-lya-pakanwa lya Kyala pa matepi mu fipanga fyabo.”
Abakalata aba une ngusimba undungu guligosa fyo fya kiyabo kya Nsingiligwa aba bikwipilika abene bo kiyabo kya Branham Tabernacle. Une mmenye bingi abangi bikubala abene, loli une ngumeleligwa kwene ukubomba bo une ngwipilika ndongosigwe ukubomba kuli ikipanga kyitu. Ikipanga kilikyosa kyo kyakwilagilila-pakyene; abene bikufimbilisigwa ukubomba bomumo abene bikwipilikila balongosigwe na Ntwa ukubomba, ikyo kyo 100 pa 100 Lisyu lila. Une ndikulwana na bene, uswe itolo tutikwitikisania. Ukuya une na i Branham Tabernacle, uswe itolo tukulonda ukupilikisya i Lisyu-lya-pakanwa pa matepi.
Une naloli ngubilikila i kisu-kya-pasi ukulungisania na uswe undungu guligosa. Une ngukasya abene linga abene bakabagila ukulungisania na uswe, ukusala i tepi yimo, itepi yiliyosa, kangi binda kina. Abene bisakupakigwa ngati nasiku kunyuma. Polelo, une ngubilikila ugwe undungu ugu ukulungisania na uswe Pandungu pa 12:00 PAMUSI, akabalilo ka Jeffersonville, bo uswe tukuya-yumo palikimo nu kupilikisya, 63-0630E Ngimba U Bumi Bwako Bukubagilila I Nongwainunu?
Nkundwe Yosefu Branham