Gwempala Nsingiligwa Gwa Kusooka Kwabutatu,

Linga ugwe ukaya ni kisige kyamwambepo, ugwe utikupilikisya ikyene. Lo ikisige kyamwambepo kibagile ukuketa a Maka ga Kyala gikwenda panongw yakuti Ikyene kyo katikati ni Lisyu. Ikyene kyo Lisyu, kangi i Lisyu lya Kyala litikwandukamo. Iki Umwene aaboombile mbwandilo, Umwene ikuboomba kilikila lilino kangi ikisige kyamwambepo kikuketa Ikyene, kikwitika Ikyene, kangi KIKUPILIKA IKYENE.

I kisu kibagile ukukanikana na une mu iki une ngwitika ukuya njila imbiigwe ya Kyala kuli umwisyugu: i Lisyu-lya-pakanwa ililoondigwe-fiyo ugwe kufimbilisigwa ukupilika lyo Lisyu-lya-pakanwa lya Kyala pa matepi. Ugwe kufimbilisigwa ukukina amatepi mu fipanga fyinu, loli LINGA ugwe naloliloli kwitika i Ndumi iyi, polelo ugwe ukabagila ukukanikana na iki u nsololi gwa Kyala ikuyoba.    

Apa Pandungu ugu uswe twisa kubuungana ngati bana ba kiHiburi baboombile ukwakwega a mana aga gapiigwe kuli abene ukukilania nkilo, aga gabakyungaga abene ukukindamo i lisiku lyakwisa. Uswe twisa kubungana kuli a Mana gitu Gamwambepo aga gisa kutupa uswe amaka kuli ukwitu ukukulumba u Kusooka uku kukwisa lululu.

Pakayapo napanandi injila innunupo ukukinda ukwitikisya i Lisyu-lya-pakanwa lya Kyala liyobe ikyene Lyene, ukufwana nu Mwene, kangi i Ndumi iyi uswe tukuyaga pakupilika YIISUSIGWE!

Kyala aalyegile u nyambala yumoywene mu lulangalanga, ukumang’anyisya umweene loosa. Kangi alinkuntwala umwene ukugomokela, kangi alinkupoka ikindu loosa, nu kubatwala abandu panja. Mukuketa iki une ngusanusya? Umwe akabagila ukwandula u lubatiko Lwake. Umwene yo Kyala.

Popapo apa Umwene pabwelu ukutubula uswe Umwene atikwandulamo siku ulubatiko Lwake. Iki Umwene aaboombile ukufuma ku bwandilo, Umwene isakubomba ikyene kangi mu bumalikisyo, Umwene aafiingile. Popapo lilino uswe tukufimbilisigwa ukumanya iki u Lubatiko Lwake lwaali akabalilo kala kabuno Ulwene lwisakuyaga Lubatiko lulalula lilino.

Umwene atisakuboombelamo siku i kibugutila. Umwene akabombamo siku. Umwene ikubombela yumoywene; kangi Umwene aaboombile, kangi Umwene isakubomba. Umwene aafiingile, mope mwa Malaki 4, Umwene isakubombaga ikyene.

Umwene atikubombela i kibugutila kimo. Popapo, Umwene aafiingile mu lisiku lyitu Umwene isakutuma u nyambala Yumoywene, Malaki 4, na Isi Syo Ikuti U Ntwa.

Uko ko kutalusya. Popapo apo lulipo u lufingo Lwake, iki Umwene aali; aafiingile iki Umwene aayobile Umwene ayaga pakubomba, kangi apa uswe tulipo. Bo bandu baki, bahobu, uswe tubagile ukuya; ukubapa abene i kimanyilo, ukwisila mu Kyake ikifiingigwe ikimanyilo kya Lisyu, i Lisyu ilifiingigwe. Umwene aafiingile Umwene ayaga pakubomba ikyene.

Ngimba Kyala asalile bulebule ukulongosya u Nsingiligwa Gwake kunyuma kula?

Kyala aasalile, mu masiku ga kusooka, Umwene akoolile panja a kabugutila kamo. Kangi ukufuma ku kabugutila kala, une ngulonda umwe ukuketesya ikundukimo, Umwene alinkwaga itolo babili aba baabuukile ku kisu kya lufingo. Ngimba Umwene aasalile fiki ukubega abene panja nakyo? 

Apa ikyene kilipo. Iki kyo kipala fiyo kuli ilinogonelo lyamwambepo ukukola. Ngimba Kyala aasalile bulebule ukulongosya nu kwega u Nsingiligwa ku Kisu Ikifiingigwe?

Ndyali? Kipaanganio? Umwene aasalile u nsololi, nu kimanyilo ikikindakipeligwa kya Mbanda ya Moto, ukuti abandu batisa kusobesigwa. Iki u nsololi aayobile kyaali Bwanaloli. Kangi Kyala alinkwisa pasi, mu Mbanda ya Moto, nu kwisisimikisya Mwene, ukunaangisya i Lisyu. Ikyo kitalusye? Ikyo kyo iki Umwene aatwele, u kusooka Gwake ugwakwanda, Gwake kusooka gwakibili…

Popapo, ukuya nsisimikisye abandu aangali batikutendeka u busobi, Umwene alinkutumila abene u nsololi ni kimanyilo ikikindakipeligwa kya Mbanda ya Moto kuli u kusooka kwabo ukukulumba.

Bingi bisakwitikisya ukwisila mu kuyoba, ena, umwene aatumile u nsololi ukubilikila panja u Nsingiligwa, loli lilino u Mbepo Mwikemo isa kulongosya u Nsingililgwa ukwisila mu butumigwe; loli Umwene akaayobile ikyo…unko uswe itolo tumilisye ukubala.

Ketesya i Mbanda ya Moto yabakoolile abene panja, yabalongwisye abene ku kisu ikifiingigwe, pasi pa bupakigwe bwa nsololi. I Mbanda ya Moto iyi abene baabagile ukuketako, yaabalongwisya abene ku kisu ikifiingigwe, pasi pa nsololi umpakigwe. Kangi abene kingikingi balinkumpiika. Uko kutalusya? Naloli.

Iyi yiyiyi i Mbanda ya Moto yikulongosya abandu kangi ku Kisu ikifiingigwe, u Fyinj’elifu.

I Mbanda ya Moto, pasi pa bulongosi bwa Kyala…Kyala aali Moto, kangi i Mbanda ya Moto yapakile mweene unsololi. I Mbanda ya Moto yaali ya kwima ukuya buketi Bwakumwanya ukuti Mose akooleligwe panja.

Lilino, kumbukila, Mose akaali Mbanda ya Moto yila. Umwene aali ndongosi umpakigwe, pasi pa Mbanda ya Moto yila, kangi i Mbanda ya Moto yasisimikisye itolo i Ndumi yake ni fimanyilo ni fiswigo.

Bukayapo ubusobi nabumo, binangu. Ikyene kikaya iki une nguyoba; une ne itolo nkundwe gwinu. Loli, ikyene kyo iki Kyala ikusisimikisya kwa umwe, iki kikupela ikyene Bwanaloli. Yilayila i Mbanda ya Moto Umwene aaboombile kuli ifingi fibili, Umwene atwele Ikyene pakati pa umwe umwisyugu, kangi alinkusisimikisya Ikyene ukwisila musayansi.

Kyala atikwandulamo u lubatiko Lwake. Kyala ali ni njila imbiigwe kuli u Nsingiligwa Gwake umwisyugu: i Mbanda ya Moto, pasi pa bulongosi bwa Kyala…Kyala aali Moto, kangi i Mbanda ya Moto yapakile mwene u nsololi.

Lilipo i Lisyu-lya-pakanwa limolyene ntiga, nsololi yumoywene, uyu ali na Isi Syo Ikuti U Ntwa, William Marrion Branham. Umwene akaya yo Mbanda ya Moto, loli umwene yo ndongosi umpakigwe pasi pa Mbanda ya Moto yila,

Uswe twesa tukulonda ukuya mu Bwigane UBUPELELESYE bwa Kyala. Lisyu Lyake LYO Bwigane Bupelelesye. I Lisyu ilisisimikisigwe kuli ilisiku lyitu lyo Ndumi iyi. Ugwake u nsololi aasaligwe ukulongosya u Nsingiligwa Gwake. Linga ugwe utikwitika ikyo, ugwe ukabagila ukuya Nsingiligwa Gwake.

Isaga kangi itendekesya kuli ukwitu u Kusooka ukukulumba ukwisila mu kupilikisya i Lisyu lya Kyala Ilipelelesye na uswe Pandungu pa 12:00 PAMUSI, akabalilo ka Jeffersonville, bo uswe tukupilika: U Kusooka Kwabutatu, 63-0630M.

Nkundwe Yosefu Branham