Mwebapala Kipãnga kya Kyāla,

Kyāla ãyobìle kangi alinkuti, “Une ndikubõmba pamwanya pa kīsu-kya-pãsi, kwēne ukwīsìla mu mūndu. Une–Une–Une me Kikongoti; umwe mwe sãmba. Kangi U nisa itolo ukwifumusya Nīmwène akabalilo kãko Une nisa kwaga u mūndu YUMOYWENE. Kangi Une nunsalile umwẽne,

William Marrion Branham. Une nuntumile umwẽne pãsi ukukõlela pãnja u Nsīngilìgwa Gwãngu. Une nisa kubīka i Lisyu Lyangu mu kanwa kake. Lisyu Lyangu lisa kuyaga Lisyu lyãke. Umwẽne Isa kuyoba a Masyu Gãngu nu kuyoba kyēne iki Une nguyoba.”

I Lisyu-lya-pakanwa lya Lisīmbo lyãyobile ukwīsìla mu Mbanda ya Moto nukumbula umwẽne, “Une ngusalile ugwe, William Branham. Ugwe gwe u nyãmbàla yula. Une nãkukussye ugwe kuli u lubīngilìlo. Une nisa kusisimikisya ugwe ni fimanyilo ni fīka. Ugwe kubuka pasi ukusetula i Lisyu Lyangu nu kulongosya u Nsingiligwa Gwangu. Lisyu Lyangu likufimbilisigwa ukufwanikisigwa na UGWE.”

Unsololi gwitu aamenye umwene aatumigwe kuli u lubingililo lulalula ukusetula fyosa ifyambutitu fya i Bangeli nu kulongosya u Nsingiligwa gwa Kyala ku Kisu Kyalufingo. Umwene aamenye iki umwene aayobile, Kyala abagile ukugindika nu kutwala kukuboneka. Une ngulonda ugwe ukwibwamo siku i Lisyu lila. Iki u nsololi gwitu aayobile, Kyala isa kugindika, panongwa yakuti i Lisyu lya Kyala lyaali mwa William Marrion Branham. Umwene yo Lisyu-lya-pakanwa lya Kyala ku kisu-kya-pasi.

Umwene aamenye umwene aali gwandumi-ntumigwa gwakihano-na-babili umpakigwe gwa Kyala. Umwene aamenye mu ndumbula yake ifindu fyosa ifi Kyala aayobile ukufwana nu mwene mu Lisyu Lyake. Umwene aali mpakigwe kangi aamenye umwene aali na ISI SYO IKUTI U NTWA. Pakaalipo nakimo kyayaga pakummwimika umwene ukufuma kukubuka panja ukuyoba i Lisyu lya Kyala.

Kyala aalimbulile umwene, “Lisyu Lyangu, na ugwe, Ntumigwa Gwangu, muli kimokyene.” Umwene aamenye umwene aali yuyo unsunguligwe ukuyoba i Lisyu lya busitabutoligwe. Ikyo kyo kyosa umwene afumbwaga. Umwene aabagile UKUYOBA, KANGI KYALA AABAGILE IKIKUTWALA IKYENE UKUYAPO.

U Busetuli bwa Ndumi iyi KANGI untumigwa gwa Kyala fipakile u lwitiko lwitu namumo fikabombeligwamo siku. Ikyene kitusemisye uswe nkati mu fisyungutilo ifikulumba. Ikyene kitupagwile uswe ukufuma ku kilikyosa loli I Ndumi Yake, Lisyu Lyake, Lisyu-lya-pakanwa Lyake, Amatepi Gake.

Kali uswe tuli banandi bulebule, bo bwingi nki uswe tukusekigwa, tukuugiiligwa, ikyene kitikupela na kapatu ka bukindane. USWE TUKUKIBONA IKYENE. USWE TUKWITIKA IKYENE. Kilipo ikindukimo nkati mwa uswe. Uswe twasunguligwe-ngani ukukiketa IKYENE kangi kikayapo nakimo kikuyaga pakutwimika uswe ukufuma ku kwitika IKYENE.

Uswe tukukumbuka iki imboniboni yila yaayobile, “buka gomokela kangi kabike-mundamba i Kyakulya”. Ngimba indamba yila yaali kugu? I Branham Tabernacle. Kokugu kuliko kalikosa mu kisu, pamo ukusyungutila ikisu-kya-pasi kulikosa, kuko kwisakufwanikisania ni Ndumi isi uswe tulinasyo? ILYENE lyo lyene Lisyu-lya-pakanwa ili lisisimikisigwe na Kyala Mwene ukuya Isi Ikuyoba U Ntwa. LISYU-LYA-PAKANWA LYENE!

Kokugu ukungu angali uswe, pamo angali uswe tukulonda ukubuka, akabalilo kako umwene aayobile;

Apa pa papo i Kyakulya kibiikililigwe…

Ikyene kibiikililigwe apa. Ikyene kili pa matepi. Ikyene kisakubuka nkisu-kya-pasi pa matepi, kuko abandu mu nyumba syabo.

Amatepi gala gisa kugwa mulamula m’maboko ga basunguligwe ba Kyala. Umwene abagile ukulitalusya i Lisyu, Umwene isa kukitalusya kilikyosa itolo katikati ku njila yake. Fyobene Umwene alindumile kangi ukubomba iku: “Biikilila i Kyakula apa”.

Uswe twe Gwake Mpelelesye Nsingiligwa Gwalisyu uyu ibanilile ni Kyakulya Kyake Ikibikililigwe. Nakumo ukufumbwa ukulila kangi mma, uswe itolo tukuyoba i Lisyu nu kubuka nkyeni, kabuno uswe YOSWE i Lisyu.

Kikayapo nakimo ikyakupasya. Nakumo ukufumbwa kuli ingomano sya nyiputo sya kilo kyosa ukusetuli iki uswe tuli, i Lisyu lisetuligwe kwa uswe. Uswe tumenye uyu uswe tuli, itolo bo yu nsololi gwa Kyala, kangi umwene atalile atubulile uswe uyu ikubukaga.

Aligwesa gwa uswe! Kali ugwe gwe nkasi-gwa-panyuma, pamo kali ugwe gwe u—u mbombi-gwa-kikulu, pamo kali ugwe gwa nkikulu unkangale, pamo ugwe gwe ndumiana ntubwa, pamo unyambala unkangale, pamo kilkyosa ugwe guli, uswe tukubukaga, munjila yiliyosa. Patisa kuyapo yumo mwa uswe alekigwe.” Ameni. “Aligwesa gwa uswe ikubuka, kangi uswe tutikwimikaga nakimo ikingi.”

Yoba isya kutupapo uswe u LWITIKO lwa Kunyakiligwa!!!

Isaga lungisania na kayabo ka Nsingiligwa gwa Kyala bo uswe tukubungana palikimo ukusyungutila i Lisyu-lya-pakanwa ilisisimikisigwe, bo Umwene ikuyoba nu kutubula uswe: Ndumbula-nyafu Gwangu, Nsunguligwa Gwangu, Nsingiligwa Gwangu, Nongwa-yafiki Kulila, Yoba, kangi buka nkyeni.

Nkundwe Yosefu Branham