Gwempala Nsīngilìgwa gwa Tepi,
Lilino umwe bandu ba mu matepi.
Ntwa, tubagile bulebule uswe ukwanda ukulingania iki amasyu ntandatu aga gikusanusya kwa uswe, u Nsīngilìgwa gwa Yeso Kristi? Ubwene bo Busetuli bwa Ndumi ya sala iyi kwa uswe. Ikyēne yo Kyāla ikuyoba ukwīsìla mwa gwãndùmi ntumigwa Gwãke ukumbula u Nsīngilìgwa Gwãke, “Une mmenye umwe mwisa kusyala ni Lisyu-lya-pakanwa Lyangu. Une mmenye iki i Lisyu Lyãngu pa matepi lisa kusanusya kwa umwe. Une mmenye umwe mwisa kuya nu Busetuli ukuti i Ndumi isi Une njobilepo pa matepi syo Kikõle Kyãngu.”
“Une mbīkìle i Lisyu-lya-pakanwa Lyãngu pa matepi ga magnito; namanga i Ndumi isi sikufimbilisigwa ukumalisya i Lisyu lyõsa. Bisa kuyapo amaelifu ukubãsania maelifu aba bisa kupilikisya i Lisyu-lya-pakanwa Lyãngu pa matepi kangi bisa kuya nu Busetuli ukuti ubu bo butumigwe Bwãngu. Ikyēne yo Mbepo Mwīkèmo gwa mwīsyùgu. Ikyēne kyo Ndumi Yãngu ya Kikõle.”
“Une ndumile pãnja abõmbi bīngi abasubiligwa ukusyūngutìla i kīsu-kya-pãsi ukufumusya ubutumigwe Bwãngu. Akabalilo kãko abēne bãgomikìle, abēne bãlīmbúlìle Une, ‘Uswe tupilikile indagilo Syãko ukwīsìla mu kukina amatepi Gãko. Uswe twãbãgìle abãndu aba baãlītìke i Lisyu lililyõsa. Abēne bapelile i nyumba syabo bēne i kipãnga kimo ukwambilila i Ndumi Yãko. Uswe twãbabūlìle abẽne, bõsa aba bãbãgìle ukwīsa pãsi pa Kikõle Kyãko, i Ndumi ya sala, bisa kupokigwaga.
Akēne ko kabalilo kūko umundu aligwēsa ikufīmbilisìgwa ukwikētesya mwēne, yofiki i njila ya Kyala imbelelesye kuli umwīsyùgu? I Lisyu lya nsololi likatoligwamo akabalilo kamo. Ilyene lisisimikisye ukuya lyo BWĒNE u bwãnaloli, ikindu KYĒNE iki kisa kõngana u Nsīngilìgwa Gwãke.
Kilikyõsa umwẽne ãyobìle kibonike itolo katikati mūmo umwẽne ãyobìle ikyēne. I Mbanda ya Moto yikãli apa na uswe. I Lisyu-lya-pakanwa lya Kyāla likãli likuyoba kwa uswe pa matepi. U nsololi itolo ãtubúlìle uswe ukuti Kyāla ãbagīle itolo ukukisania pamwanya akabalilo kãko Umwẽne ãkibwène i Kikõle. Akēne ko kabalilo ka bukamandanigwe kuli bõsa ukwīsa pãsi pa Ndumi ya Kikõle yila.
Uswe tukētìle i Kiboko ikikulumba kya Kyala mu kabalilo-ka-bumalikisyo aka. Umwẽne atupele uswe u Busetuli bwãbwánalòli bwa Lisyu Lyãke kangi ubwēne bwīsìle pãsi pa kimanyilo kya Kikõle. Lilino, akabalilo kõsa uswe tuli pãsi pa kimanyilo kya Kikõle, unko uswe twīse palikimo nu kulya u Mugonesyo mu bukamandanigwe; namanga uswe tumenye Kyāla ikwitēndekesya ukutika nu bulongi.
Une ngulonda ukubilikila gwēsa gwa umwe ukupilikisya kangi nukuya nu Mugonesyo nu Bubombelo bwa Kusukana Injayo Pandungu ugu, bo uswe tukupilikisya i Ndumi: Ngamandanio 63-0901E.
I Ndumi nu Bubombelo bwa Mugonesyo fisa kuya pa Voice Radio ukwanda pa 5:00 NAMAYOLO, akabalilo ka Jeffersonville. Nalamba ipilikaga bãbùke ukuya nu bubombelo bwinu pa 5:00 NAMAYOLO mu kabalilo kakumyīnu linga ugwe kulonda, pãpo une mmenye ikyēne ikyēne kikafu kuli bīngi abītìki bītu abafisu-fya-panja ukwanda u bubombelo bwinu akabalilo kala. Pisa kuyapo u bulungisanio ku failo yakwīsya-pãsi ya bubombelo bula.
Nkundwe Yosefu Branham
Masimbo ukubala pabutasi bwa bubõmbelo:
Kusooka 12:11
Yeremia 29:10-14
Mwīkèmo 16:16
Mwīkèmo 14:23
Abagalatiya 5:6
Mwīkèmo Yãkòbo 5:16