- 25-0112 Okushuururirwa, Eshuura ya kana III
- 21-0103 Okushuururirwa, Eshuura ya kana III
- 16-0417 Okushuururirwa, Eshuura ya kana III
Abarikukundwa Abatarikuhwaho,
N’akaire k’okwiyaho enkofiira y’endwano kandi tuteho enteekateka ey’omwoyo, ahabwokuba Ruhanga nayetebekanisa okuha Omugore We Okushuurururirwa kwingi kw’Ekigambo Kye.
Nakutushuururira ebihama byona ebyenyuma. Naija kuba natugambira ekirabeho omumaiso. Ebi boona omu Baibuli barebire nangwa bakahurira, Nakushuururira buri kantu k’Ekigambo Kye n’akamanyisho kakyo.
Nitukuhurira kandi twetegyereze obumanyisho bw’obubonero bwa Baibuli: Ebihangirwe Ebihuriire, Enyanja y’Ekirahuri, Ekicuncu, Omutavu, Omuntu, Eishamba, Entebe y’Embabazi, Abakuumi, Abakuru, Amaraka, Therion, Zoon.
Nitukuhurira kandi tukyenge byona eby’abakuumi omu Endagano Enkuru. Yuda: Omukuumi wa burugwa-izooba; Efuraimu: Omukuumi wa Burengyerwa-izooba; Reubeeni: Omukuumi wa Amashuuma; kandi Daani: Omukuumi wa Amatemba.
Tihariho ekirikubasa okwija hona hona ahakitebe ky’embabzi kitarabire omunganda ezo. Ekicuncu, okwetegyereza kw’omuntu; Ente: embarasi enkozi; Eishamba: Oburahukizi bwe.
Eiguru, ensi, ahaagati, n’okukyetoorora, bakaba bari abakuumi. Kandi ahiguru ekaba Empagi y’Omuriro. Tihariho ekirabasize kukwata entebe y’embabazi kitarabire omunganda ezo.
Hati aba n’abakuumi b’Endagaano Ensya: Matayo, Mako, Luka, Yohaana, bakugenda omumaisho. Eirembo rya burugwa-izooba rikuumirwe ekicuncu, eirembo ry’amatemba rikumirwe eishamba ririkuguruka, Yohaana, omuburizi. Bwanyima omukiza aharubaju oru, Luka, omushaija.
Engiri eina nizikuuma omugisha gwa Pentekoote na buri Kyahandikirwe kihamya kwonyini eki bagambire. Kandi hati Ebyakozirwe entuma nibihamya hati okurabira Omungiri eina oku Yesu Kristo tahinduka; oku abaire ari nyomwabazyo, n’eri izooba nikwo ari, kandi nikwo ariguma ebiro byona.
Ashukirweho amajuta wa Ruhanga yagamba, n’Eiraka rya Ruhanga! Nitwenda tuteera akaari kwonka, “Orikwera, Orikwera, Orikwera, ahari Mukama!”
Tihariho omuringo gwona gw’Okukirugamu. Eky’amazima, titurikubasa kukirugaho, ahabwokuba Tikikubasa kuturugamu. Tuteeirweho akamanyiso okuhitsya aha kiro ky’okucungurirwaho. Tihariho eky’omumaisho, tihariho ekiriho, akabi, enjara, eiruho, rufu, ninga TIKIRIHO, ekirikubasa okutwiha aha Rukundo ya Ruhanga omu Kristo Yesu.
Omusingi gw’ensi gutakabireho amazina gaitu gakahandikwa aha Kitabo Ky’Omwana Gw’Entaama gw’Amagara okureeba Ekyererezi EKI, okwakira Eiraka Eri, okwikiriza Obutumwa Obu, okwakira Omwoyo Orikwera ahabw’obunaku bwaitu kandi tubutamburiremu. Obu Omwana gw’Entaama gwaitwa, AMAZINA GAITU gakahandikwa aha Kitabo omubwire bumwe Eizina ry’Omwana gw’Entaama ryahandikwa. EKITINISA!!
Nahabwekyo, tihariho ekirikubasa kutwiha aha Butumwa obu. Tihariho ekirikubasa kutwiha aha Eiraka eryo. Tihariho ekirikubasa kwiyaho Okushuururirwa kw’Ekigambo Eki omuritwe, n’ekitu.
Hariho omuringo gumwe okutunga ebi byona. Oine kunaaba omumaizi g’Ekigambo. Oine kuhurira Ekigambo otakatahiremu Omwo. Kandi hariho omuringo gumwe ogw’okwija ahari Ruhanga, nahabw’Okwikiriza. Kandi okwikiriza nikwija ahabw’okuhurira Ekigambo kya Ruhanga, nikwo kwereba n’oruga omu Aharikwera munonga okutaaha omumutumwa w’obusingye.
Nahabwekyo, aha, marika w’obusingye bw’ekanisa nayereeba omumaizi Ogu Omushaija N’oha omunda omu, nayoreka embabazi Ze, Ebigambo Bye, Omushango Gwe, Eizina Rye. Byona nibyeyoreka omunda omu ohotaanire ahabw’okukikiriza. Wakitunga?
Mutakaemerera omukuhurira entambi, mugume nayo. Kisherure okukozesa Ekigambo kandi orebe kyaba kihikire. N’omuhanda er’izooba riteirweho Ruhanga.
Mwije mutwegiteho omubwire bwobufukirizi obu turikukwatagana kwetoorora ensi yoona kandi tuhurire Eiraka rya Ruhanga akashuururira Ekigambo Kye aha Mugore We okukiza enyima. Tihariho amajuta agarikukiza okwimata zaana kandi tukahurira Eiraka Rye.
Kuruga omuntobo y’omutima gwange, nimbasa kugamba: Ninshemererwa kugira ng undo Omwe aharibo na buri omwe ahar’imwe.
Oweishemwe Joseph Branham
Obutumwa: 61-0108 – “Okushuururirwa, Eshuura ya kana III”
Eshaha: mukaaga omwihangwe ya Jeffersonville