Mga Kategoryang Archives: Uncategorized

22-0306 Ang Ikaanim na Tatak

Mensahe: 63-0323 Ang Ikaanim na Tatak

PDF

BranhamTabernacle.org

Minamahal na Mga Tupa ng Diyos,

Anong bagay pa ba ang hihigit, gaano pa ba tayo magiging higit na mapalad na mga tao, kaysa ang mapasa ating presensiya ang Hari ng mga hari, Panginoon ng mga panginoon?

Isipin n’yo lang ’yun. Ang presensya ng Hari ng mga hari, Panginoon ng mga panginoon ay nasa atin. Kanyang inihayag sa atin na TAYO’Y DUMATING NA. Nandito na tayo! Ang Kapahayagan na Kanyang ibinigay sa atin ay nanggagaling mismo sa Diyos. Yun ang Katotohanan. Tayo ang Kanyang piniling Nobyang Tupa.

Napapakinggan natin ang Kanyang mga liham ng pag-ibig linggo-linggo na sinasabi sa atin: “Aking minamahal na mga Tupa, Aking tinatawag na ang mga tupa. Hindi Ito mapagkikilala ng mga kambing, subalit mapagkikilala n’yo Ito. Kayo’y nanatiling tapat, sapagkat nakikilala Ako ng Aking mga tupa at sa iba ay hindi sila susunod. Kinakailangan na Aking pinatotohanang espirituwal na tandang Tinig LAMANG.”

Hindi kayo nakipaglaro o tumingin man sa iba; nanatili kayong tapat sa Aking Tinig. Kayo ang Mga Iyon na hinihintay Ko. Alam Ko na kayo’y nililibak at hindi nauunawaan, pero sinabi Ko sa inyo na Ako’y magbabalik para sa inyo kung kayo ay MANANATILI SA AKING SALITA, at nagawa n’yo. NGAYON AKO’Y PARATING NA PARA SA INYO gaya ng Aking ipinangako na gagawin Ko. Ang Salita na inyong iniinom ay parating para kunin kayo tungo sa Ating Bagong Tahanan.

Ang iba marahil ay walang kapahayagan na mayroon tayo at sinasabi na may tao tayong kinikilingan; o sumasamba sa tao at hindi sa ating Panginoon. Ganoon na lamang silang kabulag. Kung totoo ’yun, kung ganoon ang Nobya ni Cristo na nasa kabila ng tabing ng panahon ay mali rin pala.

Noong makita ng propeta ang Nobya na tumatakbo papalapit sa kanya at nagsasabi, “aming kalugud-lugod na kapatid”, kanilang niyakap siya at inilagay siya sa isang Mataas na Dako. Aba’t…ang NOBYA pala ni Cristo ay nagpapakita ng pagkiling sa propeta sa paglalagay sa kanya sa isang Mataas na Dako? Sinasabi n’yo ba na hindi dapat nila ginawa ’yun?

At pagkatapos din nun, lahat ng mga Nobya ay nakatayo roon suot ang kanilang puting balabal at biglang sumigaw, “Kung hindi ka humayo dala ang Ebanghelyo, wala sana kami rito.” Kung siya pala’y hindi humayo ay wala sana sila roon?

Pagkatapos may isang Tinig sa itaas na nagsabi na tayo ay hahatulan batay sa SALITA na ipinangaral sa atin, at pagkatapos ay kanyang ihaharap tayo sa Kanya.

Hindi sinabi ng Tinig na hahatulan tayo sa kung ano ang sinabi ng iba pa o kung ano ang paliwanag ng iba sa sinabi niya, bagkus ay sa kung anong sinabi niya. Pagkatapos kanyang ihaharap tayo sa Kanya.

Nais ko lamang kunin ang kalayaan at mangusap bilang kinatawan ng bahagi ng Nobya na kamit ang siya ring Kapahayagan na taglay ko, at sabihin ang nararamdaman namin. Kung tayo’y HAHATULAN, at ang ating WALANG HANGGANG DESTINASYON ay nakadepende sa Salita na ipinangusap ng Diyos sa pamamagitan ng Kanyang propeta, kung ganoon kinakailangan natin pakinggan LAMANG ang Salita na ’yun mula sa Tinig ng Diyos para sa panahon natin. Hindi tayo maaari, at hindi isasandig ang ating Walang Hanggang destinasyon sa kung ano ang paliwanag ng ibang tao, o sabihin ng ibang tao, bagkus ay sa kung ano ang SINABI NIYA. DAPAT LAMANG NATING PAKINGGAN ANG TINIG NG DIYOS, at si William Marrion Branham ang TANGING TINIG NG DIYOS…DIYOS MISMO ANG MAY SABI.

Kung nasaktan ko kayo sa pagsasabi n’yan, patawarin n’yo ako, pero, ramdam ko na kagagalitan ’yan, pero, ako ang Tinig ng Diyos para sa inyo.

Kaya masaya tayo at nagpapasalamat sa Diyos na ating ginagawa mismo kung ano ang ginagawa ng Nobya sa kabilang ibayo. Ang lahat ng Kaluwalhatian, Karangalan at Papuri ay mauwi sa ating ISA AT NAG-IISANG PANGINOONG JESUS CRISTO. Gaya ng sinasabi sa atin ng propeta ng Apocalipsis 22:9, sambahin mo ang Diyos…SINASAMBA NGA NATIN at iniibig Siya nang lubos.

Atrasado na ang panahon. Ang Mga Kasulatan ay sobrang bilis nang natutupad kaysa sa kaya nating basahin ang lahat ng nangyayari. Siya’y parating na para sa Kanyang Nobya dali-dali. Ang mundo’y naglalakip. Ang Nobya ay naglalakip. Ang kalagayan para sa katuparan ay nakahanda na para sa Pag-agaw.

Pinupuri natin ang Panginoon para sa mga kalalakihang tinawag-ng-Diyos na ipinapangaral ang Salita, pero mga ministro, ilagak n’yo ang Tinig na ’yun na kayo at ang inyong mga tao’y hahatulan unang-una. Tipunin n’yo ang inyong kaiglesyahan at pakinggan ang nag-iisang pinagtibay na Tinig ng Diyos na mangusap. Pindutin n’yo ang Play.

Iniimbitahan namin ang lahat na pumasok na sa Daong at maligtas kasama namin habang naglalakip tayo at pinakikinggan ang Tinig ng Diyos na ipinapangusap ang Mga Salita na sa pamamagitan nito ay tayo’y hahatulan, nang 12:00 P.M., oras sa Jeffersonville, at pakinggan ang Ang Ikaanim Na Tatak 63-0323.

Ito ang Pagkain ng Tupa para sa Mga Tupa ng Diyos. Walang idinagdag, walang inalis at walang ipinapaliwanag pa, sadyang puro at di-nahaluang PAGKAIN NG TUPA.

Bro. Joseph Branham

Exodo 10:21-23

Isaias 13:6-11

Daniel 12:1-3

Mateo 24:1-30

Mateo 27:45

Sn. Juan 10:27

Apocalipsis 6

Apocalipsis 11:3-6

22-0227 Ang Ikalimang Tatak

Mensahe: 63-0322 Ang Ikalimang Tatak

PDF

BranhamTabernacle.org

Minamahal na Isang Malaking Katawan ni Cristo,

Anong nagaganap ngayon? Ang Salita ng Diyos ay natutupad. Ang mga araw na matagal nang hinihintay ng Nobya ay nahahayag na ngayon sa harapan mismo ng mga mata natin. Ang mga paparating na araw na binabala ng propeta ng Diyos, ay narito na ngayon.

Isang Tatak ay nabuksan. Ano iyan? Isang hiwaga ay nahayag. Kita n’yo? At kapag ang isang hiwaga ay nahayag, kung magkagayo’y ang isang trumpeta ay tutunog. Ito ay magdedeklara ng digmaan. Ang isang salot ay babagsak, at isang kapanahunan ng iglesya ay nabuksan.

•        Rusya

•        Digmaan

•        Komunismo

•        Langis

•        Mga Salot

Kapag pupunta na roon ang Rusya para kunin ang langis na ’yun, magmatyag kayo.

Ang Rusya, komunismo, ay hindi makasasakop ng anuman. Hindi maaring magkakamali ang Salita ng Diyos. Ang Romanismo ang sasakop sa sanglibutan.

Pinipigilan ng Anghel ng  pagkawasak ang kamay ng Rusya, diyan sa mga bomba atomika; hanggang sa maglakip ang Iglesya nang sama-sama, at maging isang malaking Katawan ni Cristo. “Wala akong magagawang anuman hanggang sa dumating ka rito.” Oh, kung hindi ba’t isa ’yang pinagpalang katiyakan!

Ang Iglesya, ang Kanyang Nobya, ay lalakip na sama-sama mula sa palibot ng mundo bilang Isang Malaking Katawan ni Cristo, na nakikinig sa Diyos na nangungusap at inihahayag ang Kanyang Salita. Nakikita natin ang Salita na natutupad na sa mundo’t palibot natin, pero nakikita rin natin ang Salita na natutupad at nahahayag sa atin.

Tumatanggap tayo ng pagbabagong-sigla sa pamamagitan ng Kapahayagan na walang katulad dati habang ang mga propesiyang ito ay natutupad.

Ang mundo’y natataranta at natatakot. Sila’y nakaabang, nanonood at nababahala, ano kayang mangyayari kasunod? Ano kayang nakaabang sa kinabukasan? Ano kayang ibig sabihin ng lahat ng ito? Ang Rusya ba’y mananaig? Papaano na ang ekonomiya?

Samantala, ang Nobya’s PAYAPA. TAYO’Y MAY KAPAHINGAHAN, puspos ng Kanyang Espiritu Santo, nakikinig sa Kanya na nagsasalita sa pamamagitan ng Kanyang dakila’t malakas na anghel habang Kanyang sinasabi sa atin: Huwag kayong matakot sa anuman munti Kong kawan, kayo ang pinili Kong minamahal. Kayo:

Ang mga pinili bago itatag ang sanlibutan. Amen! At sila ay mga tapat sa Salita. Amen! Whew! Gusto ko ang isang iyan. “Tinawag na, pinili, bago itatag ang sanlibutan.” At pagkatapos, tapat sa Salita, sa kanilang pagpili, lahat ay pinasigla sa pamamagitan ng bagong alak at Langis, sadyang tumatakbo mismo sa tabi, bumababa upang salubungin siya. Alam nilang ang mga Kulog ang magpapaliwanag ng bagay para sa atin, malapit na malapit na.

Napagkikilala Niya na tayo’y tapat sa Kanyang Salita. Ginawa natin ito sa pamamagitan ng sarili nating pagpili. Ngayon tayo’y sadyang nakasakay mismo’t tumutugaygay, nalalaman na ibubunsod ng Mga Kulog ang bagay na ’yun sa atin malapit-lapit na, at Siya’y babalik at dadalhin tayo sa ating Bagong Tahanan.

Marami pa siyang ibig na malaman natin. May bagay na umaalab mismo sa kanyang puso na nais niyang sabihin sa atin. Hindi siya halos makapaghintay dahil alam niya na ito’y magbibigay sa atin ng Pagbabagong-sigla. Sa pamamagitan ng biyaya ng Diyos, ipinahintulot Niya ang Kanyang propeta na makita tayo, na kanyang mga hirang, sa kabilang ibayo kasama siya. Ang sabi niya, “Noong makita ko kayo, lahat kayo’y nakadamit ng PUTING BALABAL.”

Tayo’y tinipon kasama siya. Ating binuhat siya at iniupo siya sa isang malaki’t mataas na bagay. Ang sabi natin sa kanya, “sa lupa, ikaw ang aming lider”.

Nasa ilang milyon tayo na tumatakbo papalapit sa kanya at niyayakap siya at tinatawag siyang “kapatid”. Bigla-bigla na lang may isang Tinig mula sa itaas na nangusap at nagsabi, “Ang mga taong ito’y ang iyong mga naakay na iyong inakay. Hahatulan ka sa bagay na sinabi mo sa kanila.”

Nagsalita ang propeta at nagsabi, “Kung ang grupo ni Pablo’y nakapasok, maging ang akin din, dahil ipinangaral ko nang eksakto ang siya ring Salita.” At lahat tayo’y sumigaw NANG SABAY-SABAY, NANG ISANG TINIG:

“Kami’y nakasandig Diyan!”

Purihin ang Pangalan ng Panginoon, tayo’y nakasandig sa bawat Salita na Kanyang binigkas sa pamamagitan ng Kanyang propeta. Tayo’y hahatulan sa pamamagitan ng Salita na ’yan. Tayo ang mga tagasunod ng propeta. Siya ang ating lider na nag-akay sa atin patungo kay Cristo. Lahat tayo’y nakasuot ng Puting mga Balabal. Hindi tayo nananangan sa anumang sabi-sabihin ng iba, o sa anumang bagay na sinasabing ganito-ganyan ito, tayo’y nakasandig mismo sa bawat Salita na kanyang sinabi.

Grabeng araw at panahon na kinabubuhayan natin, Nobya. Kung mapapakinggan n’yo ang mga balita ngayon, malalaman n’yo kung anong nangyari kahapon. Kung pipindutin n’yo ang Play, haya’t mapapakinggan n’yo kung anong mangyayari sa kinabukasan, at sa susunod na araw, at sa susunod, at sa susunod.

Tayo’y magsama-sama bilang Isang Malaking Katawan Ni Cristo nang 12:00 P.M., oras sa Jeffersonville, habang pinakikinggan natin: Ang Ikalimang Tatak 63-0322.  Wala nang ano kaya, wala nang aasa-asa, bagkus ay NALALAMAN n’yo mismo na kayo’y nakikinig sa purong GANITO ANG SABI NG PANGINOON mula sa Tinig ng Diyos para sa ating panahon.

Bro. Joseph Branham

Mga Kasulatan na dapat basahin bago pakinggan ang Mensahe:

Daniel 9:20-27

Mga Gawa 15:13-14

Mga Taga-Roma 11:25-26

Apocalipsis 6:9-11 / 11:7-8 / 22:8-9

22-0220 Ang Ikaapat na Tatak

Mensahe: 63-0321 Ang Ikaapat na Tatak

PDF

BranhamTabernacle.org

Minamahal na Inistimulang Nobya,

Sa araw na ang Mensahe’y dumating, tayong lahat ay nagkakaisa, sa isang lugar, mula sa buong palibot ng mundo, nang bigla na lang may tunog mula sa Langit na gaya sa isang humahagibis na malakas na hangin. “Magandang umaga, mga kaibigan. Tumayo tayo para sa pansumandaling pananalangin.” Ang Espiritu Santo’y pinupuno ang lahat ng mga bahay natin at mga simbahan kung saan tayo nakaupo, sa Kanyang presensya.

Pagkatapos ang kapangyarihan ng Kapahayagan ng Salita ay nagsimulang magbigay sa atin ng istimulasyon sa kagalakan, istimulasyon sa kaluguran; ang istimulasyon na Ito’y pinagtibay, Ito’y pinatunayan, na tayo ang piniling kaibig-ibig na Nobya ni Jesus Cristo.

Tayo’y naghihintay nang may higit na pananabik para sa Pitong Kulog na bigkasin ang Kanilang mga tinig sa atin, dahil nalalaman natin ngayon, nang walang anino ng pag-aalinlangan, na tayo ang grupo na ’yun na pinanghawakan ang Salita ng Diyos. Tayo’y hihiwa at tatagpas sa pamamagitan Nito. Magagawa nating isara ang kalangitan, magagawa nating ipinid ito, o gawin ’yun, anuman ang nais natin. Ang kaaway ay mapapaslang sa pamamagitan ng Salita na nanggagaling mula sa ating bibig, dahil Ito ay mas matalas kaysa sa isang tabak na may dalawang talim. Maaari nga tayong tumawag nang sandaang bilyong tonelada ng mga langaw kung naisin natin. Anuman ang SABIHIN NATIN, ito’y mangyayari, dahil Ito ang Salita ng Diyos na nanggagaling sa bibig ng Diyos.

Magkakaroon tayo ng kumpleto’t, kataas-taasang pagkontrol sa lupa, dahil tayo’y maliit na diyos. Ang Diyos ang Diyos ng kalawakan, lahat ng dako, pero ang lupa’y mapapasa ating kontrol. Magagawa nating magsalita, magagawa nating magpangalan, magagawa nating magwika, magagawa nating pahintuin ang kalikasan, magagawa natin ang anumang nais natin; ito’y ang ating pamana na pinanauli.

Sasabihin ni Satnas, “Pero sila’y may sala!” Pero Siya’y sisigaw at magsasabi, “SILA’Y HINDI. Kanila nang ipinahayag ang kanilang mga kasalanan at nakatayo sa harapan Ko na ganap na inaring ganap. Hindi Ko na ito maaalala pa. Sila’y lubos Ko mismong anak.”

Hindi ’yan sarili nating ideya, ni hindi ito ating sariling salita, bagkus ito’y ang KANYANG SALITA, KANYANG PANGAKO, dahil ang Diyos ay hindi nagbabago ng Kanyang plano ni ng Kanyang pamamaraan ng paggawa ng mga bagay-bagay. Gumagamit Siya sa tuwina ng tao, at sinasabi Niya sa atin na tayo’y ang Kanyang lubos na pinanauli’t nahayag na Nobya na nananatili mismo sa Kanyang Salita.

Hindi tayo kailanman nakisama sa kung anong iba kundi sa Kanyang Orihinal na Salita lamang. Hindi tayo kailanman nakipagsapalaran, ni tumingin man lang sa kung anong iba, bagkus tayo’y nanatili sa Tinig ng Diyos, ang Nagsalamang Salita na naging laman, ang pinatototohanang Haliging Apoy, ang Anak ng Tao, ang Ganito Ang Sabi Ng Panginoon. Tayo ang Kanyang birheng Nobyang Salita.

Yamang binabanggit ang pagi-istimula sa pamamagitan ng Kapahayagan. Gaya ng ating kapatid na babae noon sa may Balon, hindi natin kailangang maghintay nang buong gabi o maghintay hanggang sa susunod na gabi, kamit na natin Ito mismo ngayon. Tayo’y Kanyang binhi. Ang Liwanag na ’yun ay suminag sa atin at may kung anong bagay sa kaibuturan na sumibol patungo sa isang bagong Buhay. Ngayon tayo’y nasa daan na na ipinapamalita sa lahat, “Nakamit na namin. Lahat ng haka-haka ay tapos na, ang Diyos na Mismo ang nagsasalita sa amin sa bawat Mensahe na naririnig namin, na sinasabi sa amin: ‘Kayo ang mga yaon na hinihintay Ko. Ngayon Aking dadalhin kayo sa Ating honeymoon. Aking ginawan kayo ng isang magandang Tahanan sa kung papaano n’yo kaluluguran itong lahat. Tayo’y gugugol nang walang hanggang na magkasama.”

Para sa atin, ang Katotohanan ng ipinangakong Salita ng Diyos ay pinatototohanan na’t nahayag na. Juan 14:12, Joel 2:28, Ikawalang Timoteo 3, Malakias 4, Apocalipsis 10. Tayo’y napupuno ngayon ng Langis at naiistimula.

Nais n’yo ba ng siya ring Istimulasyon na ito? Makakamit n’yo, pero may nag-iisang dako lamang na makakamit n’yo Ito. Kagaya noong si Jesus ay nasa kasalan noon at naubusan ang mga tao roon ng alak. Sila’y tunay na umiinom ng alak at binibigyan sila nun ng istimulasyon, pero ang PINAKAMAINAM NA ALAK ay nanggagaling direkta mula kay Jesus Mismo.

Halikayo at uminom ng Pinakamainam na Alak at tanggapin ang pinakamainam na Istimulasyon ng Kapahayagan kasama kami sa Linggo nang 12:00 P.M., oras sa Jeffersonville, habang pinakikinggan natin ang: Ang Ikaapat Na Tatak 63-0321.

Maging handa mismo na malasing sa Espiritu Santong Alak.

Bro. Joseph Branham

Mga Kasulatan na dapat basahin bilang preparasyon para sa pakikinig sa pangangaral na “Ikaapat Na Tatak” 63-0321.

Sn. Mateo 4

Sn. Lucas 24:49

Sn. Juan 6:63

Mga Gawa 2:38

Apocalipsis 2:18-23, 6:7-8, 10:1-7, 12:13, 13:1-14, 16:12-16, 19:15-17

Genesis 1:1

Mga Awit 16:8-11

II Samuel 6:14

Jeremias 32

Joel 2:28

Amos 3:7

Malakias 4

22-0213 Ang Ikatlong Tatak

Mensahe: 63-0320 Ang Ikatlong Tatak

PDF

BranhamTabernacle.org

Minamahal na Birheng Nobya,

Nitong nakaraan ay nananalangin ako at hinihiling sa Panginoon kung anong ipasusulat Niya sa akin at ipasasabi na sa kung anong paraan ay magiging isang pagpapala at isang pampatibay ng loob sa inyo, na Kanyang Nobya. Wala akong masabi, at hindi ako alam ang aking sasabihin. Pakiramdam ko’y hindi ako karapat-dapat na isulat man ang kaunting mga salitang ito na isinusulat ko, pero isang napakadakilang karangalan sa buhay ko ang gumawa ng anuman para sa Kanya.

Naniniwala ako na ang tiyempo ng pakikinig sa Pitong Tatak ay ganap na ganap. Nakikita natin ang dakilang plano ng Diyos na nahahayag at nalalantad sa harapan natin. Mensahe’t Mensahe’y nagiging dakilang Kapahayagan at Kapahayagan. Nakikita natin Siya na inihahayag ang Kanyang Sarili sa atin at pinangungunahan tayo. Batid natin na ginagawa natin nang eksakto ang bagay na ibinilin Niya sa atin na gawin, “ang manatili sa Salita.” Walang ibang mas hahalaga pang paraan para gawin ito kundi Pindutin ang Play.

Nararamdaman ko na ang pagtawag na inilagay Niya sa aking puso ay ang ingatan ang Mensaheng ito, ang Kanyang tinig, ang mga teyp na ito sa harapan n’yo sa tuwina; upang ipaliwanag sa inyo ang kahalagahan ng pakikinig sa mga teyp. Alam ko na hindi ko ito maiparating nang maigi, pero ALAM KO ako’y tama sa pagsasabi sa inyo na “Pindutin ang Play,” dahil hindi ko ito sariling mga hinuha, sariling ideya, ni hindi ko rin sariling mga salita, kundi ang Mga Salita ng Diyos Mismo na nangungusap sa pamamagitan ng Kanyang ika-7 mensaherong anghel, na sinasabi sa atin:

Minsan kapag tayo ay nagbasa lamang, at, ngayon, maging napakaingat. At kapag kayo ay nagbasa, kunin ang mga teyp, makinig sa kanila ng talagang mabuti. Sapagka’t, makukuha n’yo iyan sa teyp, sapagka’t lagi nilang pinaririnig muli ang mga teyp na iyan, at sila ay talagang mabuti at malinaw. Kaya, makukuha n’yo iyan ng mas malinaw roon.

Gaya ng sinasabi ko na nang maraming beses noon, hindi ako kontra sa pagmiministeryo o anumang bagay na inilagay ng Diyos sa Kanyang Iglesya. Sasaliwa ’yan sa Salita ng Diyos kung ganoon. Naniniwala ako na sila’y pinahiran at tinawag ng Diyos. Pero ako’y naniniwala na ang pakikinig at ang paglalagay ng mismong Tinig ng Diyos sa harap ng kanyang mga tao ang pinakamahalagang bagay mismo na magagawa ng sinumang tao na tinawag ng Diyos.

Hindi sapat na sasabihin lang, “Sinasabi ko sa kongregasyon ko na i-play ang mga teyp.” Kung ikaw ay nananampalataya:

•        Wala nang hihigit na pahid kaysa sa pakikinig ng Tinig ng Diyos sa teyp.

•        Lahat ng Kapahayagan ay kinakailangan na manggaling sa Tinig na ’yun.

•        Ang Pag-agaw sa pananampalataya na kailangan natin ay manggagaling sa kung ano ang sinasabi ng Tinig na ‘yun.

Papaanong hindi nanaisin ng sinumang ministro ang makinig sa Tinig na ’yun, kasama ang kanyang iglesya, at magsasabi ng AMEN SA BAWAT SALITA?

Ang bawat isa’y dapat may bagay na sa pakiramdam nila’t sa paniwala nila’y ang PINAKAMAHALAGANG bagay na magagawa nila para maging Nobya ni Cristo. May bagay nga na kinakailangan na PINAKAMAHALAGA sa Diyos at Kanyang sakdal na Kalooban. Yun ba ang pagmiministeryo ng inyong pastor? An pakikinig sa ibang mga ministro? Hindi natin sinasabi na mali ’yan, hindi nga, at ’yan ay ganap na mainam batay sa Salita, pero naniniwala ba kayo na ANG PINAKAMAHALAGANG bagay ay ang pakikinig sa pinagtibay na Tinig ng Diyos sa teyp?

Kung ’yan ang pinaniniwalaan n’yo na PINAKAMAHALAGANG bagay na magagawa n’yo, kung ganoon bakit hindi nais ng ministeryo na mag-play at makinig sa PINAKAMAHALAGANG GANAP NA MENSAHE kasama ang kanilang mga kongregasyon?

Tanungin n’yo ang inyong sarili, o ang inyong pastor ng tanong na ito: Naniniwala ba kayo na ang sipi na ito’y totoo, o ito’y isang mali lamang at nagkamali lang ng pagkakaintindi si Kapatid na Branham, o nagtatangka siyang iyabang ang sarili niya?

Kita n’yo, tamang-tama kung anong magaganap ngayon! At, sa iglesya, ano Iyan? Ang nagkatawang-taong Salita na naging laman sa kalagitnaaan ng Kaniyang bayan muli! Kita n’yo? At ayaw nilang sadyang paniwalaan Ito.

Kung naniniwala kayo na ang sipi na ito’y totoo, at sa inyo ay TINIG NG DIYOS ito, ang Salita na nagsalaman, kung ganoon papaanong hindi makikita ng sinuman na WALA NANG MAS HAHALAGA PA sa pakikinig sa Tinig na ’yun.

Gumising kayo natutulog na birhen, alinman kayo sa kamit n’yo ang Kapahayagan na ito o kayo’y gaya sa sinabi niya: “sadyang ayaw paniwalaan Ito.”

Gaya ng sinabi sa atin ng propeta, tayo ang bagong Aklat ng Mga Gawa, ang bagong Sanga na ’yun, ang Kanyang mga Hinirang. Kaya tuloy, marami sa atin ang sa tingin nila’y pinangungunahan tayo ng Espiritu Santo ngayon bilang mga indibiduwal o pinangungunahan tayo sa pamamagitan ng pagmiministeryo, hindi sa pamamagitan ng Kanyang propeta.

May lubos na katotohanan dito, PERO itinama rin ito ng propeta, at inihayag sa atin ang katotohanan.

May kumausap sa akin dito hindi pa katagalan. Sabi, “Pero Kapatid na Branham…” [Napalunok si Kapatid na Branham—Pat.] Pasensya na po. Sabi, “Haya’t hindi na noong dumating na ang Espiritu Santo, wala nang Mga Anghel ang nangunguna sa iglesya, o nangunguna sa mga indibiduwal. Wala, na.” Sabi, “Ang Espiritu Santo na ang nangunguna sa atin.”

Isa ’yang maling pagkakaintindi sa pagitan ng Anghel at ng Espiritu Santo. MALI PO YAN, patuloy pa rin na pinangungunahan ng Mga Anghel ang Iglesya, at hanggang ngayon ay pinangungunahan pa rin ang Iglesya. Tama.

Pinangungunahan at pinapatnubayan ng Kanyang anghel ang Kanyang Iglesya. Lahat tayo’y may kanya-kanyang lugar at katawagan, pero ang anghel lang ang tanging mangunguna sa Nobya.

Pakinggan n’yo kung anong sinabi ng propeta ng Diyos tungkol sa lahat ng mga pagmiministeryo kumpara sa PAGTAWAG SA KANYA NA GAWIN ng Diyos,

Tulad na lamang ng isang tao na isang—isang teleponista, hindi siya eksaktong isang elektrisista. Maaari siyang makagawa ng kaunting trabaho niyan. At tulad, kung ang isang tao ay isang laynman, buweno, siya tiyak…Isang tao ay isang tagahukay ng butas ng poste, at hindi kailanman gumagawa ng anumang trabahong panglinya, mas makabubuting lumayo siya sa linya; ngunit maari siyang gumawa ng ilang gawain niyan o ilang bagay.

Ngunit kapag ang tunay na Bagay ay dapat nang ihayag sa huling araw, sa huling bahagi ng Iglesya, ay kapag sinabi ng Diyos na isusugo Niya sa atin, ayon sa mga Kasulatan. At sinaliksik natin iyan nang paulit-ulit at paulit-ulit, na inihula Niya na ang Espiritu ni Elias ay magbabalik sa ibang tao.

Kapag may kung sino na susubukang makipagtalo at sasabihin sa inyo, “may mas hahalaga pa sa pakikinig lamang ng mga teyp. Hindi naman sinabi ni Kapatid na Branham na mag-play ng mga teyp sa simbahan. Kinakailangan ng pagmiministeryo pa rin para pasakdalin ang Nobya;” o anumang bagay na maaaring sabihin sa inyo ng kung sino, na susubukan at pagdududahin kayo, at kesyo ang pakikinig sa pinagtibay na Tinig ng Diyos na nasa mga teyp sa loob ng inyong simbahan ay mali…

Tulad na lamang ng ilang taong nagsimulang, nagpipilit na makipagtalo sa inyo; kung alam n’yo kung saan tatayo, alamin kung ano ang pinaniniwalaan niya.

Kung sinasabi nila na naniniwala silang, “Ang Mensahe ay ang Salita. Si William Marrion Branham ang Ikapitong mensaherong anghel ng Diyos. Ang Mensaheng ito ang kanilang Batayang Ganap. Itong Mensaheng ito ang paghahayag ng Anak ng Tao sa sarili niya sa laman gaya ng Kanyang ipinangako na Kanyang gagawin…”

Ito’y tulad lamang ng pagkuha ng isang koneho at pakakawalan siya sa isang kulungan, at tinakpan mo ang lahat ng butas. Basta tumayo sa may tarangkahan; kailangan niyang bumalik. Iyan lang lahat ang mayroon doon. Kita n’yo? Kailangan niyang bumalik mismo sa may tarangkahan muli, pagka’t iyan lang ang tanging paraan na siya’y makalalabas. Ilalabas niya ang ulo niya rito, at halos mabali ang leeg niya; at pumunta sa banda roon, banda roon. Tumayo lamang at panuurin siya, at siya’y darating mismo pabalik. Kita n’yo? Iyan lang lahat.

Manatili kayo sa Katuruan na nasa Teyp. Sabihin n’yo lamang ang sinasabi ng mga teyp. Huwag n’yong iibahin ang isa mang Salita. Huwag kayong magdadagdag, o mag-aalis ng isang Salita. Ito’y Tinig ng Diyos para sa inyo. Ito ang Nagkatawang-taong Salita na nagsalaman. Ito ang Mga Salita na hindi nagkakamali. Siya ang inyong pastor. Ang Kanyang anghel ang nangunguna mismo sa inyo. Ito’y Ganito Ang Sabi ng Panginoon.

Habang kayo ay naroon sa Salitang iyan, kayo ay ligtas.

Halikayo at pag-igihin ang inyong mga ilawan at punuin ito ng Langis sa Linggong ito nang 12:00 P.M., oras sa Jeffersonville, habang padadagundungin at hihimayin ng piniling anghel ng Diyos ang Ang Ikatlong Tatak 63-0320, at ihahayag Ito sa Kanyang Nobya.

Bro. Joseph Branham.

Mga Kasulatan na kailangang basahin bilang paghahanda sa pakikinig ng pangangaral, “Ang Ikatlong Tatak.”

Mga Kasulatan:

Sn. Mateo 25:3-4

Sn. Juan 1:1, 1:14, 14:12, 17:17

Mga Gawa ika-2 Kabanata

I Timoteo 3:16

Mga Hebreo 4:12, 13:8

I Juan 5:7

Levitico 8:12

Jeremias ika-32 Kabanata

Joel 2:28

Zacarias 4:12

22-0206 Ang Ikalawang Tatak

Mensahe: 63-0319 Ang Ikalawang Tatak

PDF

BranhamTabernacle.org

Minamahal na Bagong Sanga,

Nangyari na; ang bagay na lahat ng mga banal na nauna sa atin ay hinihintay. Ang Orihinal na Puno ay nag-usbong na ng isang bagong sanga. Tayo’y dumating na. Tayo ang Bagong Sanga. Ang Espiritu Santo’y bumaba, at ang Espiritu ng Diyos ay nasa atin. Ang Orihinal, na apostolikong, Pentecostal na Pananampalataya ay napanauli na sa pamamagitan ng ika-7 anghel. Ngayon, ang Kanyang propeta’y nagbabahay-bahay, nagpuputol ng tinapay kasalo tayo. May dakilang mga tanda, mga kababalaghan, at Kapahayagan sa ibabaw ng Kapahayagan na ibinubuhos sa atin.

Pinapanatili natin ang ating mga ilawan na pinag-igi’t puno ng Langis. Tayo’y nananatili sa Orihinal na Salita, gaya ng binilin Niya sa atin na gawin. Ang iba’y nagnanais marahil ng Iglesya, pero ang ATING NAIS AY WALA NANG IBA KUNDI ANG ORIHINAL NA TINIG NG DIYOS.

Ngayon, isipin lamang iyan ngayon. Tayo’y sadyang— sadyang magsumikap na patagusin kung ano ang pinaniniwalaan natin na ipaaalam sa atin ng Espiritu Santo. Ngayon tandaan, “Walang bagay na ihahayag; ang Diyos ay walang gagawin, at lahat na, hanggang ang una ay Kaniyang ihahayag iyan sa Kaniyang mga lingkod, na mga propeta.” At bago Siya gumawa ng anumang bagay, inihahayag Niya ito.

Walang maihahayag sa Nobya; sa pamamagitan muna ng Kanyang propeta. Kung mayroong anumang hiwaga ang kailangang mahayag, anumang bagong kapahayagan, anumang kailangan natin para maging Kanyang Nobya at makasama sa pag-agaw, kinakailangan na dumating unang-una Ito sa propeta at pagkatapos KANYANG ihahayag Ito sa atin, na Kanyang Nobya.

Ihayag ang ano? Ang Hiwaga ng Pitong Kulog. Anong ibig sabihin nun? Isa lang ang ibig sabihin nito sa dalawang bagay. Ito’y alinman na nasa teyp na at mahahayag kapag panahon na para mahayag sa atin,

Ngunit naiisip kong, kapag ang mga hiwagang yaon ay dumating, sinabi ng Diyos, “Hawakan mo Iyon ngayon. Maghintay sandali. Ihahayag ko Iyon sa araw na iyon. Huwag mong isulat Iyon, huwag na, Juan, sapagka’t sila ay mahihirapan Doon. Hayaan—hayaan mo lamang iyon, kita n’yo. Datapuwa’t ihahayag Ko Iyon sa araw na yaon kapag kailangan nang gawin iyon.”

O, kapag ipapadala Niya ang Kanyang propeta pabalik sa lupa para ipakilala tayo sa Kanya, pagkatapos nga’y ihahayag ng Kanyang propeta sa atin ang hiwaga ng Pitong Kulog.

At pagkatapos ay mayroong darating na pitong mahiwagang Kulog na hindi man lamang naisulat sa anumang paraan. Iya’y tama. At ako ay naniniwala na, sa pamamagitan niyaong Pitong Kulog, ay mahahayag sa mga huling araw upang sama-sama tipunin ang Nobya para makapag-agaw na sa pananampalataya. Sapagka’t, kung ano ang mayroon tayo ngayon, atin—hindi natin makakayang gawin ito. Mayroong ilang bagay. Kailangan nating humakbang pa ng mas malayo.

Hindi ’yun isang grupo ng mga kalalakihan na naghahayag ng hiwaga na ’yun, ang Kanyang ika-7 mensaherong anghel ito, si William Marrion Branham. Hindi dahil sa sinabi “ko” na ganoon nga; ito’y dahil ANG SALITA MISMO ANG NAGSASABI!!

 “Kinuha ang Aklat at, ang mga Tatak, at binuksan yaon,” at ipinakita sa ikapitong anghel; dahil dito, ang mga hiwaga ng Diyos, ay ang ministeryo ng ikapitong anghel.

Sinasabi mismo rito. Ang mga hiwaga ng Diyos ay ang ministeryo ng wala nang iba kundi ng ikapitong anghel. Ang Pitong Kulog ang maglalakip sa Nobya at magbibigay sa atin ng pag-agaw sa pananampalataya.

Kung ang Mga Kulog ang maglalakip sa Nobya, at ang hiwaga ng Mga Kulog ay kailangan manggaling mula sa ika-7 anghel, kung ganoon wala nang mas hahalaga pa sa Nobya na gagawin kundi ang PINDUTIN ANG PLAY. Yan ang maglalakip sa Nobya para sa Pag-agaw.

Manatili kayo sa Orihinal na Salita sa teyp. PINDUTIN ANG PLAY.

At ang mga teyp ay maghahayag ng higit hinggil Dito, habang kayo’y nag-aaral.

Purihin ang Pangalan ng Panginoon! Luwalhatiin ang Diyos! Gustung-gusto natin ang kalugud-lugod na pakiramdam na ’yun na nakukuha natin sa pakikinig sa Tinig ng Diyos na nagsasalita sa atin sa mga teyp. Nararamdaman mismo natin ang Espiritu Santo na pumupuspos sa buong paligid natin habang lumalakad tayo sa palibot kalakip Ito. Ating inuuwi Ito kasama natin. Hawak-hawak natin Ito sa ating unan.

Inaanyayahan namin kayo na makinig kasama namin sa Linggo nang 12:00 P.M., oras sa Jeffersonville, habang ang Espiritu Santo’y dumarating nang dagli sa ating mga tahanan at inihahayag sa atin ang lahat ng pangangailangan natin, habang pinakikinggan natin ang: Ang Ikalawang Tatak 63-0319.

Bro. Joseph Branham

Mga Kasulatan na kailangan basahin bago pakinggan ang Mensahe:

Sn. Mateo 4:8 / 11:25-26 / 24:6

Sn. Marcos 16:16

Sn. Juan 14:12

2 Mga Taga-Tesalonica 2:3

Mga Hebreo 4:12

Apocalipsis 2:6 / 6:3-4 / ika-17 Kabanata / 19:11-16

Joel 2:25

Amos 3:6-7

22-0130 Ang Unang Tatak

Mensahe: 63-0318 Ang Unang Tatak

PDF

BranhamTabernacle.org

Minamahal na Reyna ng Langit,

Ako, na iyong Hari, ay Pakukulugin Ko sa INYO sa Linggo at sasabihin sa INYO, na KAYO ang Aking Nobya. KAYO ay Aking itinalaga na noong una. KAYO ay Aking tinubos. KAYO ay Aking inaring ganap at inilagay ang inyong mga pangalan sa Aking Aklat ng Buhay ng Cordero bago pa itatag ang sanlibutan. KAYO ang Aking minamahal na Reyna.

KAYO ay matagal Ko nang hinihintay para Aking maipanumbalik muli ang lahat na nawaglit ng Aking unang Adan. Lahat ng kanyang mana na kanyang nawaglit. Lahat ng pakikiisa at karapatan niya sa Buhay. Pinagkalooban Ko siya ng ganap, na sukdulang pamamahala sa lupa. Siya ay isang diyos sa lupa kung papaano na Ako’y Diyos ng kalawakan.

Ang lupang ito’y nasa ilalim ng kanyang pamamahala. Magagawa niyang magsalita, magagawa niyang pangalanan, magagawa niyang pigilan ang kalikasan, magagawa niya ang anuman na nais niya. Pero nawaglit niya ang lahat ng Ito.

Ngayon, gaya ng Aking ipinangako sa INYO sa Aking Salita, Aking pinanumbalik muli ang lahat ng kanyang nawaglit pabalik sa INYO. Ito’y natubos na. Lahat ng legal na pagmamay-ari na lahat na nawaglit ni Adan noon ay sa INYO na ngayon. Ang legal na pagmamay-ari ng abstract title deed na iyon ng Buhay na Walang Hanggan, na ang ibig sabihin ay pagmamay-ari NINYO na ngayon ang lahat ng nawaglit ni Adan.

Ako’y naging inyong Kamag-anak na Manunubos. Aking inaangkin ang Akin. Kinuha Ko ang aklat ng katubusan mula sa Kamay ng Aking Ama, tinanggal ang mga selyo mula sa aklat at ipinadala ito pababa sa Aking ikapitong mensaherong anghel para ito’y ihayag sa INYO. Kanyang ipapanumbalik muli sa INYO ang orihinal na Pananampalatayang Biblia at kanyang ihahayag sa INYO ang lahat ng Aking mga lihim.

Aking pinatunayan at pinagtibay ang mga ito sa inyo sa pamamagitan ng Aking unang lubos na pinanauling Adan; ang Aking ikapitong mensaherong anghel. Nagawa niyang makapagsalita at lumikha ng mga squirrel, makapagpanumbalik ng buhay sa isang isda, kontrolin ang kapaligiran at paurungin ang mga unos sa kung saan nanggaling ang mga ito. Nagawa niyang makapagbigkas at ibangon ang patay. Akin nga ring pinahintulutan na ang AKING litrato’y makuhanan kasama siya para ipakita sa mundo, na ito ang AKING unang pinanumbalik na muling Adan, siya’y pakinggan n’yo. Ngayon KAYO, na Aking Reyna, ay pagmamay-ari na ang lahat ng nawaglit ni Adan.

Tandaan n’yo, ang Aking ikapitong mensaherong anghel ay mapapasa lupa sa panahon ng Aking Pagdating. Kanyang ipakikilala KAYO sa Akin. Ang huling pakakak na ’yun ay tutunog at ang mga patay kay Cristo’y babangon. Sila na mga buhay at nangatitira ay kukunin paitaas kasama sila, para salubungin Ako sa alapaap kasabay ng paglalahad ng Aking ikapitong anghel ng kanyang Mensahe. Ang huling Selyo’y bukas na. Ang huling pakakak ay patutunugin; Ako ay darating para angkinin na ang Aking mga pagmamay-ari, KAYO, at pagkatapos KAYO ay Aking dadalhin sa ATING Panghapon na Kasal.

Aking minamahal na Reyna, halikayo para pakinggan Ako na magsalita sa INYO at ihayag sa INYO ang lahat ng kailangan ninyo. Aking inimbak na ang Pagkain na ito para sa INYO para KAYO’Y maging Aking Reyna. Ako’y mangungusap sa INYO nang 12:00 P.M., oras sa Jeffersonville, kung saan Aking Pakukulugin sa INYO ang Ang Unang Tatak 63-0318.

Bro. Joseph Branham

Mga Kasulatan na dapat basahin bilang preparasyon para sa pakikinig sa Mensahe:

Sn. Mateo 10:1 / 11:1-14 / 24:6 / 28:19

Sn. Juan 12:23-28

Mga Gawa 2:38

2 Mga Taga-Tesalonica 2:3-12

Mga Hebreo 4:12

Apocalipsis 6:1-2 / 10:1-7 / 12: 7-9/ 13:16 / 19:11-16

Malakias ika-3 at ika-4 na mga Kabanata

Daniel 8:23-25 / 11:21 / 9:25-27

22-0123 Ang Puwang Sa Pagitan Ng Pitong Kapanahunan Ng Iglesya At Ng Pitong Tatak

Mensahe: 63-0317E Ang Puwang Sa Pagitan Ng Pitong Kapanahunan Ng Iglesya At Ng Pitong Tatak

PDF

BranhamTabernacle.org

Minamahal na Sumisigaw at Nagbubunying Nobya,

Tayo’y nasa Salita at nagtatamasa ng pinaka dakilang panahon ng ating mga buhay. Pagtuturo, pagpapakabanal, at kapahayagan. Wala nang mas hahalaga pa kaysa sa pakikinig sa Tinig ng Diyos sa teyp.

Ang Mensaheng ito ay lahat-lahat sa atin. Ito’y nagbibigay sa atin ng ganap na kaluguran. Ang tanging bagay na makakapatid ng uhaw ng ating kaluluwa ay ang pakikinig sa Diyos na nangungusap sa atin sa pamamagitan ng Kanyang propeta.

Bawat araw ay nagkakaloob Siya sa atin ng mas higit na kapahayagan ukol sa Kanya at sa atin. Isang mas malalim na muling katiyakan na, sa “pagpindot ng play,” napapakinggan natin ang Kanyang Salita at ginagawa natin mismo ang Kanyang inutos sa atin na gawin. Tayo’y Kanyang mga tupa, at ang mga tupa’y hindi niya mapapangunahan ang kanyang sarili; kinakailangan niya ng isang tagapanguna. At ang Espiritu Santo’y pinangungunahan tayo patungo sa Kanya Mismo, ang Kanyang Tinig na nangungusap ng Mga Salita na hindi nagkakamali sa teyp.

Hindi tayo nakikinig na sama-samang lahat sa mga Mensaheng ito na nagkataon lang, tayo’y Kanyang pinili na gawin ito. “Ang lakad ng matuwid ay itinatag ng Panginoon.” Mayroong dahilan. Hindi natin ’yun maisasawalang-bahala. Ang Mensahe sa teyp ang buong nais mismo ng Nobya. Sa pakikinig Dito, Ito’y nagbibigay sa atin ng malakas na kamay ng Pananampalataya na manghawakan at sampalatayanan ang bawat Salita.

Bakit tayo naniniwala na napaka importante para sa lahat na tinatawag ang kanilang mga sarili na “Nobya ng Diyos” na makinig sa mga teyp?

Maliwanag na sinasabi sa atin ng Salita na ang Biblia mismo’y isinulat ng mga propeta. Hindi Ito sarili nilang mga kaisipan, hindi kanilang mga ideya, kundi ang Espiritu Santo na kumikilos sa kanila para isulat ang Biblia. Sinasabi rin sa atin ng Biblia na ang Panginoong Diyos ay WALANG BAGAY na gagawin maliban na Kanyang ihayag ang Kanyang Salita sa Kanyang propeta. May mga iba na mapapangusap Ito at mapapahayag Ito, pero ang magagawa LANG nila ay sabihin kung ano ang sinabi na ng propeta ng Diyos.

Kung naniniwala kayo na si William Marrion Branham ay ang pinagtibay na ika-7 mensaherong anghel, kung ganoon ang mga bagay na sinabi niya SA TEYP ay hindi kanyang mga salita, kundi ang mismong kaisipan ng Diyos Mismo na ipinahayag. Inyong isinasandig ang inyong Eternal na destinasyon sa bawat Salita na kanyang sinasalita sa mga teyp, yamang sinasampalatayanan n’yo ito na GANITO ANG SABI NG PANGINOON. Hindi Ito maaaring dagdagan o bawasan man, ni kailangan man ng interpretasyon; Ito ang Anak ng Tao na nangungusap mismo sa pamamagitan ng isang tao na Kanyang pinili para tuparin ang Kanyang Salita.

Nalalaman ng tunay na Nobya ang kahalagahan ng pakikinig sa mga teyp. Para sa atin, ang mga teyp ang pangunahin at ang lahat ng iba pang pagmiministeryo’y pangalawahin. Bawat isa’y kailangan tanungin ang kanilang sarili kung ang kanilang Eternal na destinasyon ba ay nakadepende sa pagsampalataya sa bawat Salita na ipinangusap ng propeta ng Diyos. Kung nananampalataya ako na ito ang Tinig ng Diyos na nagsasalita at tinatawag ang Kanyang Nobya, kung ganoon wala nang mas hahalaga pa sa PAGPINDOT SA PLAY, yamang ako ay hahatulan sa bawat Salita na SINABI NG PROPETA NG DIYOS…hindi sa kung anong sinabi ng propeta ng Diyos na sinabi ng kung sinong ibang tao.

Kung naniniwala kayo na may higit pa kayong kailangan kaysa sa mga teyp, kung ganoon ay hindi ganoong kaimportante sa inyo na bigyang diin ang pakikinig sa mga teyp, bagkus mas mahalaga pa pala ang pagmiministeryo. Mayroon ka lamang isang pangunahin dapat.

Sa pakikinig natin sa teyp sa Linggong ito, ang Diyos Mismo ay mangungusap sa atin at sasabihin sa atin na kamit-kamit natin ang legal na abstract title deed ng Buhay na Walang Hanggan. Kamit-kamit natin ang lahat ng naiwaglit noon nina Adan at Eba. Ito’y dadalhin sa atin sa kapahayagan, at mula sa Kamay ng Diyos sa pamamagitan ng pagpapatibay.

Pagkatapos sasabihin Niya sa atin kung anong nangyari sa Langit. Kung papaanong kinuha Mismo ni Jesus ang Aklat, tinanggal ang selyo, pagkatapos ay ipinadala ito sa propeta na Kanyang pinili at sinabi sa Kanya na ibigay ito sa Kanyang Nobya…grabeng pagbubunyi nga!!!! Ang lahat ng nasa lupa at nasa Langit ay maririnig ang ating pagsigaw at paghiyaw habang nakikita natin ang ating mga pangalan na nakasulat sa Aklat ng Buhay ng Cordero.

At kinuha Niya ang Aklat, (luwalhati!) binuksan ang Aklat, at kinalag ang mga Tatak; at ipinadala Ito pababa sa lupa, sa Kanyang ikapitong anghel, upang ihayag Ito sa Kanyang mga tao! Hayan na kayo. Oh, naku! Ano’ng nangyari? Ang mga hiyawan, at mga sigawan, ang mga aleluya, ang pinahiran, ang kapangyarihan, ang kaluwalhatian, ang kaganapan!

At ang matandang si Juan, na siyang nakatayo roon, ang ating kapatid, umiyak! “Bakit,” sabi niya, “lahat ng bagay sa Langit, lahat ng bagay sa lupa, at lahat ng bagay sa dagat, narinig akong humihiyaw ng, ‘Amen! Amen! Mga Pagpapala, kapurihan, at kalakasan, at kapangyarihan, ay mapasa Kanya na nabubuhay magpakailan pa man.’”

Saan n’yo mapapakinggan ang dakilang kapahayagan na ito? SA MGA TEYP LAMANG. May bagay mismo na espesyal sa Nobya sa tuwing napapakinggan nila ang Diyos Mismo na nagsasalita sa pamamagitan ng mga labi ng tao at sinasabi sa kanila, “KAYO ANG AKING SINISINTANG NOBYA.”

Halikayo at maupo sa presensya ng Espiritu Santo sa pamamagitan ng Pagpindot sa Play, sa Linggo nang 12:00 P.M., oras sa Jeffersonville, habang pinakikinggan natin ang Kanyang ikapitong mensaherong anghel na ipinapangaral ang: Ang Puwang Sa Pagitan Ng Pitong Kapanahunan Ng Iglesya At Ng Pitong Tatak 63-0317E.

Tayo’y sisigaw at magbubunyi at magsasabi ng hallelujah.

Bro. Joseph Branham

Mga Kasulatan na kailangang basahin bilang preparasyon sa pakikinig sa Mensahe:

Levitico 25:47-55

Jeremias: 32:1-15

Zacarias 3:8-9 / 4:10

Mga Taga-Roma 8:22-23

Mga Taga-Efeso 1:13-14 / 4:30 Apocalipsis 1:12-18 / ika-5 Kabanata/ 10:1-7 / 11:18

22-0116 Ang Diyos Ikinukubli Ang Kaniyang Sarili Sa Kasimplihan, Pagkatapos Ay Inihahayag Ang Kaniyang Sarili Sa Gayun Din

Mensahe: 63-0317M Ang Diyos Ikinukubli Ang Kaniyang Sarili Sa Kasimplihan, Pagkatapos Ay Inihahayag Ang Kaniyang Sarili Sa Gayun Din

PDF

BranhamTabernacle.org

Minamahal na Munting Kawan ni Elias,

Tayo’y kakaibang mga tao, naiiba’t kakatwa sa mundo, at maging sa maraming mga mananampalataya, pero sa kabila nun, tayo’y espirituwal na pagkasaserdote, isang maharlikang bansa, nag-aalay ng espirituwal na mga handog sa Diyos, ng mga bunga ng ating mga labi na nagbibigay papuri sa Kanyang Pangalan. Nais nating sabihin sa mundo na tayo’y lubos na masaya, lubos na nagpapasalamat, at lubos ang karangalan na Isa Tayo Sa Kanila.

Ipinagbili natin ang lahat ng ating mga perlas, yamang ibinigay Niya sa atin ang Perlas na may dakilang halaga, ang Kapahayagan ukol sa Kanyang Sarili. Nakikita natin ang mismong Salita ng Diyos na nahayag. Ang mismong pangako ng huling araw, ang mismong Liwanag sa gabi na magliliwanag.

Inihayag sa kaibuturan ng ating mga puso na ang Tinig na napapakinggan natin sa teyp ay ang Anak ng Tao na inihahayag ang Kanyang Sarili. Ang Tinig na ’yun ay sinasabi sa atin: Manatili kayo rito, tumingin kayo sa naiimbak na Pagkain na Ito na aking inilatag para sa inyo sa mga teyp. Kung mayroon kayong anumang katanungan, bumaling kayo pabalik sa mga teyp na ito. Marahil ito’y nakakalito nang kaunti sa inyo, pero i-play n’yo ang teyp at makinig na maigi. Kung kayo’y Nobya, ihahayag sa inyo Ito ng Espiritu Santo. Alalahanin n’yo, hindi kailangan ng mga teyp ng interpretasyon, sabihin n’yo lamang ang sinasabi ng mga teyp. Ako ang inyong pastor at kayo ang munti kong kawan, manatili sa kung ano ang itinuturo sa teyp.

Alam ko na marami ang hindi nauunawaan kung ano ang ginagawa natin sa pakikinig lagi sa parehong Mensahe tuwi-tuwina, pero ayos lang ’yan, sila’y ating mga kapatid na lalaki’t mga kapatid na babae pa rin at minamahal natin sila at hindi dapat tayo magsalita ng anumang laban sa kanila. Ang bawat isa’y kailangang gumawa sa paraan na pakiramdam nila’y pinapatnubayan sila ng Panginoon na gawin. Ang Diyos ang kumikilos at nagpapatnubay sa atin bilang mga indibiduwal.

Sinabi ng propeta na kailangan nating isangguni ang lahat sa Salita, at patunayan ito sa pamamagitan ng Salita, gaya ng ginawa niya noon. Ang Salita para sa panahon na ito, at lagi sa tuwina, ay ang Biblia. Sinasabi sa atin ng Biblia na sa huling mga araw Kanyang ganap na ihahayag ang lahat ng mga hiwaga at mga lihim na nasa Kanyang Biblia sa pamamagitan ng isang propeta na Kanyang isusugo. Siya Mismo ay mangungusap sa pamamagitan ng propetang ito at ihahayag ang Kanyang Sarili sa laman gaya ng ginawa Niya noon kay Abraham. Ang Kanyang Salita’y hindi magiging mga salita ng isang tao, kundi ang mismong Mga Salita ng Diyos Mismo. Kinakailangan na GANITO ANG SABI NG PANGINOON, kaya ang Biblia at ang Tinig na ’yun ay magiging isa’t siya rin.

May kalaliman na tumatawag sa kalaliman na nasa ating mga puso para pakinggan ang pinagtibay na Tinig na ‘yun. Nais nating pakinggan ang Tinig ng Diyos nang direkta mula sa Kanyang piniling propeta. Ganoon na lamang ang pag-ibig sa ating mga puso na pakinggan ang Tinig na ’yun at magpahinga at malaman na hindi na natin kailangang kuestyunin ang anumang pinakikinggan natin, sadya lamang manampalataya sa BAWAT SALITA.

Walang ibang lugar na magagawa natin ’yan. Hindi ’yun sa dahil may magsasabi sa atin ng bagay na mali o pangungunahan tayo sa mali, dahil sila man ay may Espiritu Santo, pero nalalaman natin na maaari silang makapagsabi nang hindi sinasadya sa atin ng bagay na mali. Pero kung pakikinggan natin ang pinagtibay na Tinig ng Diyos sa teyp, kahit na hindi natin alam ang sinasabi, sinabi ng Diyos Ama na magsabi lamang tayo ng AMEN, SINASAMPALATAYANAN NAMIN ANG BAWAT SALITA. Hindi natin puwedeng magawa ’yan sa iba pang tinig.

Tayo’y inatasan ng Tinig na ’yun din:

Huwag kayong makinig sa akin; bagkus ay makinig sa bagay na sinasabi ko. Ang bagay na sinasabi ko ay ang Mensahe. Huwag n’yong pansinin ang mensahero; antabayanan n’yo ang Mensahe. Panatilihin n’yo ang inyong mga mata, hindi sa mensahero, kundi sa Mensahe. Kung ano ang sinabi Nito, ’yan ang bagay na kailangan n’yong pagtuunan.

Kung ano ang sinabi niya AY ang Mensaheng napapanahon. Kinakailangan nating panatilihin ang ating mga mata sa Mensahe; Yun ang bagay na kailangang tingnan.

Siya’y naghahayag sa atin ng mga bagay na hindi pa tulad noon. Bawat Mensahe na marinig natin ay parang isang bagong Mensahe na hindi pa natin napapakinggan. Gayong napakinggan na natin ang mga ito nang daan-daang beses na noon, hindi natin maipaliwanag ’yun, na para bang unang beses pa lang nating napapakinggan ito at Siya’y nagbibigay sa atin nang higit at higit na Kapahayagan.

Hindi natin lubos-maiisip na mayroong iba na ayaw makinig ng mga Mensaheng ito kasama natin. Hayan nga ang pagkakaisa at Kaisahan ng Nobya at ng Kanyang Salita. Tayo’y ganap na kuntento mismo nang hindi pa natin nararanasan sa buong buhay natin.

Muli tayo’y nasa ilalim ng dakilang pag-aasam. Tila ba ang Mga Tatak ay binubuksan pa lang ngayon. Kanyang ipakikita sa atin ang mga bagay na hindi pa natin nakikita noon at magdadala ng Liwanag sa mga bagay na narinig na natin nang marami’t, maraming beses na noon; pero ngayon, nakikita na natin Ito nang malinaw.

Alam natin na ang lahat ng kailangan natin para sa Kanyang nalalapit na parating na Pag-agaw, ay ang Tinig na ’yun sa mga teyp.

Isinugo ng Diyos ang Kanyang propeta sa pamamagitan ng isang pangitain sa likurang bahagi ng disyerto sa Arizona kung saan siya’y iniangat ng pitong anghel, at pagkatapos ibinalik sa Jeffersonville para ihayag ang mga natatagong hiwaga ng Pitong Tatak sa Nobya.

Halikayo at tumutok kasama namin habang ang Diyos ay mangungusap sa atin nang labi-sa-tainga sa Linggong ito nang 10:00 A.M., oras sa Jeffersonville, at pakikinggan natin ang: Ang Diyos Ikinukubli Ang Kaniyang Sarili Sa Kasimplihan, Pagkatapos Ay Inihahayag Ang Kaniyang Sarili Sa Gayun Din 63-0317M.

Sisimulan natin ang Mensahe sa talata #94, pagkatapos ng gawain ng pagdededika.

Bro. Joseph Branham

1 Mga Cronica 17:1-8

Isaias 35:8 / 40:1-5 / 53:1

Malakias ika-3 Kabanata

Sn. Mateo 11:10, 11:25-26

Sn. Juan 14:1-6

1 Mga Taga-Corinto ika-13 Kabanata

Apocalipsis ika-21 Kabanata

22-0109 Ito Ba Ang Tanda Ng Wakas, Ginoo?

Minamahal na Templo ng Diyos,

Itong Mensahe na ito ay walang limitasyon sa kapangyarihan. Ito’y ganap mismo sa Sarili Nito. Ito ang kahuli-hulihang Salita sa lahat ng mga bagay. Wala nang iba pa para sa Nobya kundi ang Tinig na iyon na narekord sa teyp. Ito ang napapanahon na pinagtibay na Mensahe ng Diyos. Ito ang ating Batayang-Ganap.

Tayo’y nasa ating paglalakbay patungo sa Pangakong Lupain, na pinangungunahan ng Espiritu Santo, ang Haliging Apoy. Ang ating Pagkaing Espirituwal ay inimbak na para sustinihan tayo sa ating paglalakbay. Lahat ng ating pangangailangan ay nailaan na.

Puspusang naghanda noon si David bago ang kanyang kamatayan ukol sa lahat ng bagay na kinakailangan para ipatayo ang bahay ng Panginoon. Iniutos Niya na kinakailangan na ito’y higit na kahanga-hanga, sa kabantugan, at sa kaluwalhatian, sa lahat na mga bansa.

Pagkatapos nangusap siya kay Solomon, at ibinigay sa kanya ang lahat ng inihanda niya para sa pagpapatayo ng Templo para sa Panginoon. Ibinigay niya sa kanya ang disenyo ng portiko, at ng mga bahay na nilalaman nun, ng mga kabang-yaman, ng itaas na mga silid, ng panloob na mga tanggapan, at ang dako ng luklukan ng awa.

Ibinigay niya sa kanya ang disenyo ng lahat na tinanggap niya sa pamamagitan ng espiritu, ukol sa mga dako sa bahay ng Panginoon. Lahat ng mga silid na nakapalibot, ng mga kabang-yaman ng bahay ng Diyos, at ng mga kabang-yaman ng mga nakatalagang bagay.

Ang tungkol din sa mga bahagi ng mga saserdote at mga Levita, at sa lahat ng gampanin ukol sa gawain sa bahay ng Panginoon. Ibinigay rin niya sa kanya ang lahat ng mga sisidlan ng gawain sa bahay ng Panginoon. Ginto at pilak para sa lahat ng mga kagamitan sa bawat uri ng gawain. Ang timbang ng ginto at pilak para sa bawat kandelero. Ginto at pilak para sa bawat dulang ng tinapay na handog, mga pang-ipit, mga mangkok, mga saro at mga palanggana.

At sa dambana ng kamangyan, ay gintong dalisay ayon sa timbang; at ginto sa anyo ng karo sa makatuwid baga’y ang mga querubin, na nakabuka ang mga pakpak, at lumililim sa kaban ng tipan ng PANGINOON.

Ang lahat ay inihanda na at inimbak para sa gusali. Walang bagay na kulang. Kinakailangan niyang sundin ang plano-ng-gusali nang eksakto para ipatayo ang Templo ng Panginoon.

Pero sa panahon natin ngayon, ang Diyos ay nagtatayo ng isa uling Templo, ang Kanyang Nobya. Ang Templo na ito ay hindi mawawasak, bagkus ay mabubuhay nang Walang Hanggan kasama Siya. Siya ay naghanda at nag-imbak nang masagana para sa lahat ng kinakailangan para itayo ang Kanyang bagong Templo.

Pagka-Diyos, Binhi Ng Serpiyente, Ang Pitumpung Sanlinggo Ni Daniel, Pitong Kapanahunan Ng Iglesya, Pitong Tatak, Ang Pagkilala Sa Iyong Araw, Pag-aasawa at Diborsyo, Ang Paghahayag Ng Diyos, Ang Tanda, Ang Batayang-Ganap, Mga Pinahiran, Espirituwal Na Pagkain, Si Cristo Ang Hiwaga, at daan-daan pang iba, na kinakailangan na sundin nang eksakto.

Kanyang inimbak na ang lahat na kailangan natin, anupa’t kailangan mismo natin na sundin ang plano nang eksakto, na hindi magbabago ng isang tuldok man o kudlit man.

Ngayon, ito ang sinasabi ko sa umagang ito, ay ang pag-iimbak ng Pagkain. Pag-iimbak ng Pagkain, para mayroon kayong makakain, para mayroon kayong mapagpistahan. Kunin Ito sa inyong mga teyp. Ilagay sa isang malamig na silid. Marahil, kapag ako ay nasa malayong malayo, ay maaalala n’yo pa rin na ang mga bagay na ito ay totoo. Maupo sa inyong silid at makinig. Naunawan n’yo? At ito ay Pagkain, na iniimbak, doon sa kamalig.

Sinabi niya na ang tabernakulo’y mistula bang tahanan para sa kanya kaysa sa iba pang lugar. Yun ay dako kung saan ang Pagkain ay inimbak.

Doon sa mga pagtitipon na aking pinupuntahan, hindi ninyo ako maririnig na ipinangangaral ang mga Mensaheng ito. Hindi, ipinangako ko sa inyo, na pupunta sa tabernakulong ito. Dito ay kung saan ko ipinangangaral ang aking mga Mensahe. Mayroon pa akong tatlo o apat dito, na ibinigay sa akin ng Panginoon, mayroon akong mga Kasulatan patungkol dito, na hindi ko pangangahasang ipangaral ito saan man kundi dito mismo. Dito kung saan nag-umpisang lumaganap ang Salita ng Dios. At, hanggang sa baguhin ito ng Dios, ako’y mananatili rito at ipangangaral ito mismo rito. Iya’y tama.

Ang propeta ng Panginoon ay nagsalita’t nagsabi na mayroong grupo ng mga tao na naniniwala sa kanya, at mga gutom at nanghahawakan sa bawat salita na kanyang sinalita. Kayo ang grupo na ’yun ng mga tao. Kayo ang kanyang kongregasyon. Kayo ang munti niyang kawan.

Ako’y patuloy na nananalangin at nararamdaman ko na ang Panginoon ay pinangungunahan tayo na sumunod sa Mga Mensahe na Kanyang inutos sa Kanyang propeta na masaganang iimbak sa Kanyang kamalig para itayo ang Kanyang Nobya.

Magpapatuloy tayo sa pagsunod sa Kanyang propeta sa pakikinig natin sa: Ito Ba Ang Tanda Ng Wakas, Ginoo? 62-1230E. Inaanyayahan ko kayo na sumama sa amin sa Linggo ng 10:00 A.M., oras sa Jeffersonville, para pakinggan itong espesyal na inihain at inimbak na Pagkain na magtatayo sa inyo tungo sa pagiging Templo ng Panginoon.

“Hindi na magluluwat ang panahon.” Kung ganoon nga, ihanda natin ang ating mga sarili, mga kaibigan, para katagpuin ang ating Diyos. Napakasagana ng Pagkain ang nakahain ngayon. Ating pakinabangan Ito. Ating pakinabangan Ito ngayon.

Bro. Joseph Branham

22-0102 Ang Batayan

Mensahe: 62-1230M Ang Batayan

PDF

BranhamTabernacle.org

Minamahal na Nobya ng Isang Tao na Mensahe,

Isa na namang Makahulogang taon ang lumipas para sa Nobya. Kanyang pinagkaisa tayo mula sa buong palibot ng mundo sa pamamagitan ng nag-iisang bagay na makapagdadala sa Kanyang Nobya sa pagkakaisa, Ang Mensaheng napapanahon, ang mismong Tinig ng Diyos na tinatawag palabas ang Kanyang Nobya.

At ngayon, naniniwala akong Siya’y handa na hagipin ang pangwakas na kasukdulan sa gawi roon, upang magpalitaw ng isang Pananampalataya na aagaw sa Iglesya tungo sa Kaluwalhatian. At Siya’y nakapaloob sa mga Mensahe.

Ang Kapahayagan ng Mensaheng ito ay nakaangkla na ngayon nang malalim sa ating mga puso. Ang mga gawa nati’y eksaktong nakalakip sa Salita. Alam natin na ang ating pagtuturo’y ganap sa Salita, na hindi nagdaragdag ng kahit ano Rito o nag-aalis man ng kahit na ano mula Rito. Para sa atin, wala nang iba’t ang Salita sa teyp.

Inihahanda na Niya tayo para sa pangwakas na kasukdulan sa pamamagitan ng pagbibigay sa atin ng Pananampalataya na kailangan natin para sa Pag-agaw. Ang Pananampalatayang ’yun, ay nasa atin na NGAYON. Ang buhay ni Cristo ay muling pinagbubunga sa halos nagkatawang-tao na paraan, sa atin, gaya noon kay Cristo.

Makikita natin ang Buhay Niya. “Ang mga gawang Aking ginagawa ay gagawin n’yo rin, siya na sumasampalataya.” Hindi ang nagkukunwang sumasampalataya,hindi siya na nag-aakalang siya’y sumasampalataya, kundi, “Siya na sumasampalataya.” “Siya na sumasampalataya sa Akin, ang mga gawang Aking ginagawa ay gagawin din niya.” Bakit? Siya’y naka-angkla na sa gayon ding Bato. Ano nga ba ang Batong iyon? Ang Salita, sa tuwina. Ika’y nakaangkla roon. Ito’y ang iyong Hilagang Bituin kapag ika’y naligaw sa dagat.

Tayo’y nakaangkla nang maigi sa Bato na ’yun. Tiyak tayo Rito. Positibo tayo Rito. Hindi natin tinatanggap ang Salita ng iba, nananatili tayo sa Ganito Ang Sabi Ng Panginoon. Tayo’y nakarating na sa ating Batayang-Ganap.

Tayo’y ganap na napupunuan at kuntento. Wala nang pagbabaka-sakali gaya noon sa panahon ng Mga Hukom, at gaya ng nangyayari sa maraming tao sa panahon ngayon, kung saan ang bawat tao’y gumagawa ng kung anong tama sa kanyang paningin, kung saan ang bawat isa’y may sariling batayang-ganap at ginagawa ang bagay na gusto niyang gawin. Hindi binabago ng Diyos ang Kanyang patakaran, hindi Niya ’yan maaaring gawin at maging Diyos pa rin. Kung ang Diyos ay magsasabi ng anumang bagay o gagawa ng anumang bagay, kinakailangan na gawin Niya ito nang pareho sa bawat pagkakataon.

Ang Diyos sa tuwina’y nagpapadala ng isang propeta para pangunahan ang Kanyang bayan. Ipinadala Niya sa atin ang Kanyang ika-7 anghel na propeta; ang Anak ng Diyos na inihahayag ang Kanyang Sarili sa katawan ng tao, para tawagin palabas at pangunahan ang Kanyang Nobya. Ang Mga Teyp ay ang Tinig ng Diyos sa Kanyang Nobya. IYON ANG ATING BATAYANG-GANAP.

Nagpunta siya roon. Alam Niya. At gusto ko ’yan, ang paraan ng pagdating niya. Nakarating siya sa kaniyang batayan, ang kaniyang posteng pinagtatalian.

Tinatawag ng Diyos ang Kanyang Nobya na maglakip-lakip. Hindi Niya iibahin ang Kanyang programa. Hindi Siya magpapadala ng isang grupo ng kalalakihan para tipunin ang Kanyang Nobya. Ang Kanyang Nobya’y magtitipon-tipon lamang sa palibot ng purong Salita, at ’yun ang Tinig ng Diyos sa Mga Teyp. Ito ang tunay na ministeryo ng Diyos para sa panahon ngayon.

Wala nang mas iinam pang paraan para simulan ang Bagong Taon kaysa sa pagtitipon na magkakasama at makikinig sa ating posteng talian, sa ating Batayang-Ganap, na mangungusap sa atin. Nais kong imbitahan ang bawat isa na halina’t makinig kasama namin nang 10:00 A.M., oras sa Jeffersonville, para pakinggan ang Mensahe: Ang Batayan 62-1230M.

Kung hindi kayo makasama sa amin, hinihikayat ko kayo na pumili ng isang Mensahe para i-play sa inyong mga tahanan, o himukin ang inyong pastor na pumili ng isang Mensahe para kayo rin ay makaupo nang sama-sama, sa ilalim ng pinakadakilang pahid na mayroon, at makinig sa pinagtitibay na Batayang-Ganap ng Nobya.

Bro. Joseph Branham