Category Archives: Uncategorized

Pak 2024

Byenneme Lepouz Kris,

Nou ta dwe sonje Kalvè a chak jou. Nou tèlman tande pale sou li, nou tèlman li sou li. Predikatè preche sou li, depi kòmansman tan an. Chantè yo chante sou li, atravè laj yo. Pwofèt yo te predi l, kat mil an anvan sa rive. E pwofèt yo jodi a voye nou tounen nan epòk lè sa te rive. Se yon jounen ki tèlman enpòtan! Se youn nan jou yo ki pi enpòtan nan mitan tout jounen yo ke Bondye te janm leve sou tè a.   

 Ala yon rasanbleman espesyal atravè mond lan Lepouz la pral genyen wikenn Pak sa a. Nou pral fèmen pòt nou yo epi n ap fèmen aksè a mond deyò a. N ap etenn tout aparèy nou yo pou nou pa distrè, epi nou pral pale avè L tout jounen an chak jou. Nou pral leve vwa nou ba Li an amoni, avèk menm panse e menm akò, pou louwe Li, pou adore Li, pou di L konbyen nou renmen L. 

Nou pral tande Vwa L ki pral pale nan kè nou alò ke nou pral rekonsakre lavi nou ba Li. Pa gen anyen k ap pi enpòtan pou nou, alò ke n ap pare tèt nou pou lè L ap Vini byento. Lepouz la ap pare Tèt Li kòm jamè.

M ta renmen pou nou tout ini pou orè sa a:

JEDI

Se te Jedi swa ke Seyè Jezi a te pran Dènye Soupe a avèk disip Li yo, nan komemorasyon Pak la anvan egzòd pitit Izrayèl yo. Ala yon okazyon nou genyen pou kominye avèk Seyè a lakay nou, anvan wikenn sakre nou an, epi mande L pou L padone peche nou yo, epi pou L ban nou tout sa nou bezwen nan vwayaj nou an.  

Akòde L, Seyè. Geri malad yo. Konsole moun ki fatige yo. Pote lajwa bay moun yo ki pèsekite. Bay lapè a moun yo ki fatige, manje a moun yo ki grangou, bwè a moun yo ki swaf, lajwa a moun yo ki chagren, pouvwa a legliz la. Seyè, fè Jezi vini nan mitan nou aswè a, alò ke n ap pare pou nou pran kominyon an ki reprezante kò L ki brize. Nou priye, Seyè, ke Li pral vizite nou yon jan ekstraòdinè…

Beni lòt yo, Seyè, toupatou nan mond lan, k ap tann avèk jwa lè Seyè a pral vini, lanp yo tou pare, epi tout vè yo poli, epi Limyè Levanjil la k ap klere nan kote ki fè nwa yo.

Annou tout kòmanse a 6:00 PM nan zòn lokal nou pou nou tande Kominyon An 62-0204, epi apresa pwofèt la pral mennen nou nan sèvis espesyal Kominyon nou an avèk Sèvis Lavman Pye nou an, ki pral jwe sou aplikasyon Lifeline lan (an Anglè), oswa nou ka telechaje sèvis la an Anglè oswa lòt lang lè nou klike sou lyen ki anba a. Apre Mesaj la, n ap rasanble ansanm ak fanmi nou lakay nou epi n ap pran Soupe Seyè a. 

VANDREDI

Annou priye avèk fanmi nou a 9h, epi ankò a midi, pou nou envite Seyè a pou L avè nou epi pou L ranpli kay nou avèk Sentespri a alò ke n ap konsakre tèt nou a Li. 

Se pou panse nou retounen a jou sa a nan Kalvè a, 2000 an de sa, pou wè Sovè nou pandye sou kwa a, epi pou nou angaje tèt nou pou nou toujou fè sa ki fè Papa a plezi:

Epi jou sa a, ki tèlman enpòtan, youn nan pi gwo jou yo, annou egzamine twa bagay diferan ke jou sa te reprezante pou nou. Nou te ka pran dè santèn. Men, maten an, m jis chwazi twa bagay diferan, enpòtan ke nou vle egzamine, pou on lòt ti moman, ki montre sa Kalvè a te vle di pou nou. E m priye pou sa kondane tout pechè ki prezan; ke chak sen mete yo ajenou; ke chak malad leve lafwa li bay Bondye, epi mache ale, geri; ke chak pechè sove; chak retwograd retounen, epi pou yo wont tèt yo; epi pou chak sen rejwi tèt yo, epi pou yo reprann yon nouvo elan e yon nouvo espwa.   

Apresa a midi trant, annou rasanble ansanm lakay nou pou tande, Jou Sa A Sou Kalvè A 60-0925.

Apresa sa annou retounen ansanm nan lapriyè a 3pm an komemorasyon krisifiksyon Seyè nou an.

SAMDI

Annou tout reyini ansanm yon lòt fwa nan lapriyè a 9h e a midi, epi prepare kè nou pou gwo bagay ke L pral fè pou nou, nan mitan nou.

M ka tande L k ap di: “Satan, vin isit!” Se Li menm ki Chèf kounye a. Li lonje men L, rale kle lanmò a ak lanfè a bò kote L, epi Li kwoke l nan Pwòp tay Li. “M vle mete w an gad. Ou bay blòf ase lontan. M se Fis Dye vivan an ki soti nan yon vyèj. San M toujou imid sou kwa a, e tout dèt la peye! Ou pa gen okenn dwa ankò. Ou pa gen anyen ankò. Bann M kle sa yo!”

Apresa a midi trant, nou tout ap rasanble pou tande PAWÒL la: Mete Nan Tonm Lan 57-0420.  

Ala yon JOU MEMORAB sa pral ye pou Lepouz Li, atravè mond lan.

Apresa annou retounen ansanm nan lapriyè a 3pm.

DIMANCH

Tou dabò, annou leve bonè menm jan Frè Branham te fè maten an lè ti zanmi l, wouj gòj la, te leve l a 5am. Annou jis remèsye Seyè a paske L te resisite Jezi pami lanmò yo:

A senk è maten an, ti zanmi m lan ki gen lestomak wouj la vole jiska fenèt mwen epi li reveye m. Ou ta di ti kè l ta pral eklate, pandan l ap di: “Li resisite.”    

A 9am e a midi, annou rasanble ankò nan chèn priyè nou, pou priye youn pou lòt epi pou prepare nou pou tande Vwa Bondye a.

A midi trant, nou pral rasanble pou tande Mesaj Pak nou: Vrè So Pak La 61-0402.

A 3pm, annou tout reyini ansanm yon lòt fwa nan lapriyè, pou remèsye L pou BÈL WIKENN LI BAN NOU AVÈ L EPI AVÈK LEPOUZ LI ATRAVÈ MOND LAN.

Pou frè m yo ak sè m yo a letranje, menm jan ak ane dènyè, m ta renmen envite nou vin jwenn nou lè Jeffersonville, pou tout moman lapriyè nan orè sa a. Sepandan, m reyalize ke l ap trè difisil pou pi fò nan nou pou jwe bann yo nan Jedi, Vandredi e Samdi lè Jeffersonville, kidonk tanpri santi nou alèz pou tande Mesaj sa yo nan moman k ap bon pou nou. Sepandan, m ta renmen pou nou tout rasanble ansanm Dimanch a midi trant, lè Jeffersonville, pou tande Mesaj Dimanch nou an ansanm. 

M ta renmen envite nou tou, nou menm ak pitit nou, pou patisipe nan pwojè Kreyasyon yo, redaksyon jounal la, epi egzamen YF yo, ke tout fanmi nou ka jwi ansanm. Nou panse ke n ap renmen yo, paske tout baze sou PAWÒL la ke nou pral tande wikenn sa a. 

Pou orè wikenn lan, enfòmasyon sou preparasyon sèvis kominyon an, materyèl ke n ap bezwen pou pwojè Kreyasyon yo, Egzamen Pak yo, epi lòt enfòmasyon, gade lyen ki anba yo.

Ann fèmen telefòn nou yo pou wikenn Pak la eksepte pou nou pran foto, pou tande Sitasyon Jou An, epi pou jwe bann yo nan aplikasyon Tab la, apliksayon Lifeline, oubyen pa lyen telechajeman yo.

Se tout yon onè pou mwen pou envite nou, nou menm ak fanmi nou pou vin ansanm avèk Lepouz la atravè mond lan pou yon wikenn ranpli ak ADORASYON, LWANJ E GERIZON. M vrèman kwè ke se yon wikenn ki pral chanje lavi nou pou tout tan.

Frè Jozèf Branham

24-0324 Rekonèt Tan Pa W Ak Mesaj Li

Mesagj: 64-0726M Rekonèt Tan Pa W Ak Mesaj Li

PDF

Ankenn responsablite pou Tradiksyon ki fèt nan Branham Tabernacle

Presye Zanmi e Byenneme,

Ala bèl lè nou konnen ke nou se Lepouz byenneme L ki presye. Nou konpoze de plizyè moun atravè mond lan, e n ap rasanble tèt nou ansanm alantou Pawòl Li, ap tande Vwa Bondye k ap nouri nanm nou.

Nou aksepte L nan totalite L, epi nan pwisans konfimasyon L e Revelasyon L. Nou vin fè pati de Li. Se yon bagay ki andedan nou. Li reprezante plis ke lavi pou nou.

Nou rekonèt: Setyèm Anj Mesaje L.

Nou rekonèt: Mesaj Limyè Aswè a.

Nou rekonèt: Kiyès Nou Ye.

Bondye pran Pawòl pwofèt Li epi Li rache nou. Li taye nou nan Malachi 4, jan L te pwomèt li. Nou kwè chak Pawòl ak tout kè nou.

Gen yon gwo revèy k ap fèt nan mitan moun yo. Yo menm tou yo rekonèt enpòtans pou tande Vwa sa a. Yo vle tounen epi jwe bann yo nan legliz yo.

Sentespri a fè yo konnen ke se Chemen ke Bondye bay pou jodi a. Yo rekonèt ke sa se Vwa a ke yo bezwen tande. Se Manje Bondye te sere pou pèfeksyone Lepouz Li.

Pawòl la te pwomèt Li. Bann yo pwoklame L. Yo kwè Li.

Kisa l te fè? Sa te deranje prèt yo, pou yo te wè moun sa yo k ap kite legliz yo pou yo ale. Li te di: “Si nenpòt nan nou ale nan reyinyon L, n ap èkskominye. N ap mete nou vit deyò nan denominasyon an.”

Sa a enkwayab, men sa vin tounen menm bagay la jodi a. Y ap mete nou deyò nan legliz yo si nou di: “Tanpri, jwe bann yo.” Èske nou ta ka janm imajine ke se sa ki separe moun yo? Jwe Vwa Bondye nan legliz nou?

Legliz la te bliye pwofèt li yo. Yo “pa bezwen yo ankò,” yo deklare. Men Bondye konnen Li dwe genyen yo; Li separe moun pa l yo pa Pawòl Li. Men li twò demode pou yo nan jou sa a.

N ap rete avèk pwofèt nou. Nou kwè ke Se Vwa a k ap rele Lepouz Li. Pou noumenm, tou senpleman pa gen anyen ki pi enpòtan pase PEZE JWE.

Oh, mouton Bondye a, tande Vwa Bondye a! “Mouton M yo tande Vwa Mwen.”

Vin tande e rekonèt Vwa sa a avè nou, Dimanch a midi, lè Jeffersonville, alò ke nou pral tande, Rekonèt Tan Pa W Ak Mesaj Li 64-0726M.

Frè Jozèf Branham

24-0317 Ale Byen Lwen Kan An

Mesagj: 64-0719e Ale Byen Lwen Kan An

PDF

Ankenn responsablite pou Tradiksyon ki fèt nan Branham Tabernacle

Byenneme Sòlda Kretyen,

Panse a sa! Se fen tan an, Alelouya! Nou la a. Gran jou Seyè ap Vini pou Lepouz Li pwòch. N ap rasanble tèt nou atravè mond lan, n ap vin pafè nan tande Vwa Bondye a. N ap gade epi n ap tann aparisyon sa nou renmen yo…li ka nenpòt ki jou kounye a.

Sèl bagay yo te ban nou fè se: “Rete avèk Pawòl la”. Tout sa nou wè se Jezi, e Li se Pawòl la ki vin kò. Sa se Revelasyon an pou epòk nou. Sa se Kan Bondye pou Lepouz Li.

Mesaj sa a, Vwa sa a, bann sa yo, se tout sa nou bezwen pou Anlèvman an. Nou pa bezwen anyen lòt. Yo te rele nou, yo separe nou de tout bagay sòf Vwa sa a. Nou konvenki ke Vwa sa a se Chemen ke Bondye bay pou jodi a. 

Reflechi sou sa, Li ban nou pi gwo pwofèt ki te egziste. Sa a Kolòn Dife a Li menm te pran foto avè l pou L te ka di mond lan: “Sa se pwisan anj mwen. Li reprezante Vwa M pou nou. Sa li pwononse sou latè a pral rezonnen nan syèl la. Pa gen tankou l”.

“Mwen konfye l, a li menm sèl, tout mistè M yo ke M te kache depi fondasyon mond lan. Se li menm ke M te predestine pou rele NOU soti nan mond sa a pou vin jwenn Mwen. Se li menm ke m chwazi pou kondwi nou, gide nou epi oryante nou. M ap anonse nou: Koute Li, paske se pa li menm k ap aple, SE MWEN MENM, GRAN MWEN MENM LAN!”    

M te òdone epi m te rele vanyan sòlda pou pwoklame epi di mond lan: “Jodi a, Ekriti Malachi 4, Apokalips 10:7, epi Lik 17:30, yo akonpli devan je nou. Pwisan anj Li rive, jan Ekriti yo te anonse l. Bondye isit la nan mitan nou, ap revele Tèt Li nan kò imen jan L te di Li t ap fè l.”

Se Jezikri menm lan ayè, jodi a e pou tout tan. Yo rele nou pou endike nou anj Bondye a. Se li menm Sentespri a chwazi pou kondwi epi rele Lepouz Li. Pa fè diskisyon, pa fè istwa, pa batay epi pa chache konnen kiyès k ap gran prèt la; kiyès k ap sesi, sela, ou lòt bagay. RETE AVÈK PAWÒL LA. Paske gen yon sèl VWA BONDYE ki konfime e non l se William Marrion Branham.

Nou dwe fè trè atansyon pou rete avèk Vwa sa a, paske tèlman gen moun ki vle elwaye nou. Tradisyon yo anpeche vrè Vwa sa a pou L repann nan mitan moun yo. Li vin tounen yon etranje pou anpil nan yo. Vwa yo ranplase Vwa sa a, si byen ke lè Bondye, atravè bann yo, vizite yo, Li se yon etranje.  

Gwo Prezans Nòb Li avèk nou. Nenpòt moun ki sansib a Lespri a ka di ke Vwa sa a se Vwa Bondye. Se Kan Bondye pou jodi a.  

Chak moun ki pretann yo se Lepouz Kris la, yo dwe deside nan ki Kan yo ye. Yo dwe poze tèt yo kesyon senp sa a: A ki Vwa tout Lepouz la ka di “AMÈN”?

Si nou vrèman Lepouz Kris la, avèk vrè Revelasyon Pawòl pou jodi a, gen yon sèl repons: Vwa Bondye ki sou Bann yo. Natirèlman, Satan ap esye manipile sa tout jan, men pa gen lòt repons pou Lepouz la. Li osi senp.

Nou tout konnen ke Satan itilize repons sa a pou divize nou. Men Pawòl la di nou Lepouz la dwe INI…SE SA NOU YE, avèk SÈL VWA KI INI NOU.  

Vin rasanble avè nou, paske li trè ta.

“M vle soti kan an. Sa pa enpòtan kisa sa koute m, m ap pran kwa m epi m ap pote l chak jou. M pral soti nan kan an. Sa pa enpòtan kisa moun yo di sou mwen, m vle swiv Li andeyò kan an. M pare pou m ale.”

Si nou vle nan Kan Bondye a pou jodi a, nou DWE KWÈ ke Vwa Bondye sou bann yo se Vwa a ki pi enpòtan ke nou dwe tande.

Vin rejwenn yon pati nan Lepouz la Dimanch sa a midi, lè Jeffersonville, alò ke nou pral tande Vwa ke Bondye chwazi pou kondwi Lepouz Li, alò ke l ap pote nou Mesaj: Ale Byen Lwen Kan An 64-0719E.

Se pa “yon kan”; se “GRENN KAN AN.”

Frè Jozèf Branham

Ekriti pou li anvan sèvis la:

Ebre 13:10-14

Matye 17:4-8

24-0310 Fèt Twompèt Yo

Mesagj: 64-0719m Fèt Twompèt Yo

PDF

Ankenn responsablite pou Tradiksyon ki fèt nan Branham Tabernacle

Byenneme Timoun Limye A,

Jan nou rekonesan dèske n ap manche nan Limyè Li. Pou fè pati de Limyè sa a, pou nou idantifye avèk Limyè Li. Pou L rele nou epi pou L chwazi nou. Nou se Lepouz Kris la, ki idantifye avè L. Toude fè Youn kounye a. 

M p ap janm ka ekri l ase. Nou p ap janm ka di l ase. Mesaj sa a vle di TOUT BAGAY pou nou. Pou konnen ke nou gen vrè Revelasyon Pawòl Li a, sa depase nenpòt bagay nou ta ka eksprime an pawòl.

Pou viv nan jou jodi sa a epi fè pati de sa k ap pase, se pi gwo onè ke Bondye te ka ban nou. Menm jan sa te gwo pou te chita nan reyinyon Branham Tabènak la, pou wè epi tande anj Bondye a k ap preche Mesaj sa yo, sa PI GWO toujou pou viv nan jou jodi sa a, epi nan epòk sa a, epi pou vin akonplisman Pawòl sa a.

Bondye, nan gwo Pwogram Li an, te fè yon Jan pou nou te ka rasanble atravè mond lan, nou tout ap tande Vwa Bondye a an menm tan, pou nou vin pafè pa Pawòl Li a. N ap tann pou n tande a nenpòt ki lè setyèm anj mesaje nou an di:

“Men Ayo Bondye a k ap wete peche moun sou tout latè!”

Pa janm gen yon bagay konsa depi kòmansman tan an. Konklizyon gwo Plan Bondye a ap fèt, KOUNYE A, e nou fè pati de Li. Gwo Jou Seyè a prèske rive.

Tout mistè yo te revele bay Lepouz la atravè anj mesaje Bondye a. So yo, Aj yo, Tonè yo, Lafwa Anlèvman an, Twazyèm Poul la…TOUT BAGAY te pwononse epi yo sou bann pou Lepouz la ka tande yo ankò e ankò, epi l ap rann NOU PAFÈ.

Sentespri an tounen nan Legliz la ankò; Kris, Li menm, revele nan kò imen, nan tan aswè a jan L te pwomèt la. 

Tande byen kounye a Lepouz, sezi L.

Pawòl la ap rele nou; Kris Li menm rele nou. Li fè nou konnen L klè; Ebre 13:8, Lik 17:30, Malachi 4, Ebre 4:12, tout Ekriti sa yo ke L te pwomèt.

Se Jezi, Fis de Dye, ki revele Tèt Li ban nou atravè Ekriti sa yo ki te predestine pou jou jodi a, K AP VIV ANKÒ.

Epi kwè Li, se prèv Sentespri a. 

Bondye te voye pwofèt Li pou rele Lepouz Li. Pawòl la di nou ke pwofèt la se Pawòl vivan Bondye an ki manifeste. Se dènye siy ke mond lan pral resevwa; Jewova k ap pale sou fòm yon moun.   

Yon Nonm nan kò imen, tankou yon pwofèt, men se te Elohim ki t ap disène panse a ki te nan kè Sara, dèyè Li. E Jezi te di: “Menm jan sa te rive nan tan Lòt, se sa k ap rive lè fen mond lan ap rive, lè Fis de lòm lan,” pa Fis de Dye, “lè Fis de lòm lan pral revele.”

Lepouz la konnen sòf si nou toujou nan Pawòl la, nou p ap konnen kiyès Li ye. Yo konn nesesite pou kenbe Vwa sa a devan yo chak jou lè yo Peze Jwe.  

Kounye a Lepouz la dwe soti nan chemen an, epi monte, konsa de pwofèt Bondye yo nan Apokalips ka parèt sou sèn lan pou sonnen Setyèm Twonpèt la. Pou fè yo konnen Kris.

Vin fè pati pwofesi k ap akonpli Dimanch sa a midi, lè Jeffersonville, alò ke pwofèt Bondye a pral preche Mesaj la, Fèt Twonpèt Yo 64-0719M, epi pral pale avèk Papa nou pou di:

Gen dwa gen kèk moun atravè nasyon yo, atravè mond lan, ke menm bann sa a pral rankontre yo nan kay yo oubyen nan legliz yo. N ap priye, Seyè, ke pandan sèvis la ap fèt, a-a…oubyen ke bann lan ap jwe, ou kèlkeswa pozisyon nou, oubyen-oubyen kondisyon nou, se pou gwo Bondye Syèl la onore senserite kè nou maten an, epi geri moun ki nan bezwen yo, ba yo sa yo bezwen.     

Frè Jozèf Branham

Ekriti pou li anvan nou tande Mesaj la:

Levitik 16

Levitik 23:23-27

Ezayi 18:1-3

Ezayi 27:12-13

Apokalips 10:1-7

Apokalips 9:13-14

Apokalips 17:8

24-0303 Chedèv La

Mesagj: 64-0705 Chedèv La

PDF

Ankenn responsablite pou Tradiksyon ki fèt nan Branham Tabernacle

Byenneme Fanmi Chedèv la,

Jan dènye Mesaj sa yo te bon nèt pou Lepouz Kris la. Bondye, ki devwale Tèt Li devan nou, ki revele Tèt Li devan tout moun. Mond lan pa ka wè L, men pou nou menm, Lepouz Li, Se tout sa nou ka wè.

Nou franchi vwal la e nou wè L klè. Bondye, dèyè po moun. Pawòl la vin chè, egzakteman jan L te pwomèt li nan Lik 17 e Malachi 4. Li kache Tèt Li dèyè yon vwal moun, nan pwofèt Li e nan Legliz Li.

Nou se moun ki pi kontan sou latè a lè nou tande Bondye k ap pale avè nou atravè anj mesaje Li epi k ap di nou:

M tèlman rekonesan anvè nou. M tèlman kontan m asosye avè nou. M tèlman kontan ke m se youn nan nou. Ke Bondye avè nou. L ap fè l. Li p ap janm kite nou. Li p ap janm abandone nou. Li p ap lage nou. Nou franchi vwal la kounye a. 

Nou vin dè moun etranj pou tout moun, menm andedan pwòp antouraj nou, men nou tèlman fyè, tèlman rekonesan, pou Revelasyon Pawòl Li a ke L ban nou jodi a. Pou nou egare pou Kris e pou Pawòl Li ki manifeste. 

Nou plase lafwa nou avèk lafwa pwofèt Li, epi nou ini ansanm, n ap fòme gwo ANTITE Bondye a. Li pa ka fè anyen san nou; nou pa ka fè anyen san pwofèt sa a; ni nou pa ka fè anyen san Bondye. Alò ansanm, NOU FÒME YON ANTITE, Koneksyon an; Bondye, pwofèt Li, Lepouz Li. Nou vin Chedèv Li.

Sa te pran L kat mil ane pou reyalize premye Chedèv Li. Kounye a, sa te pran L de mil ane pou reyalize lòt Chedèv Li, NOU MENM, Lepouz Li, gwo fanmi Chedèv Li, Dezyèm Adan an ak Dezyèm Èv la. Nou pare pou jaden an kounye a, Milenyòm lan. Li fòme nou ankò e kounye a nou pare.

Nou se Lepouz Pawòl Li ki pafè, ki fè pati de Kreyasyon ORIJINAL Li. Ti plant ble a, ti touf ponpon, epi anvlòp-bal la, ap rasanble kounye a nan Semans lan, pare pou rezirèksyon an, epi pare pou rekòt la. Alfa a vin Omega a. Semans lan ki te antre nan tè a, te pase yon pwosesis epi l tounen Semans lan ankò.

Semans lan, ki te tonbe nan jaden Dedenn lan, e ki te mouri la, retounen. Apati de semans enpafè sa ki te mouri la, Semans pafè a retounen, Dezyèm Adan an.

Kounye a nou vin Dezyèm Adan an, vrè Lepouz la, Semans lan, ki tounen avèk Pawòl orijinal la ankò. Nou dwe gen tout Pawòl la pou nou ka vin Semans lan. Nou pa ka gen yon mwatye Semans; nou pap ka grandi, nou dwe vin tout Semans lan.

Gen yon sèl bagay ki rete, rekòt lan isit la. Nou mi nèt. Nou pare pou lè L ap Vini. Li lè rekòt la. Semans lan retounen nan kondisyon orijinal li. Fanmi Chedèv la retounen, Kris ak Lepouz Li.

Pou ankouraje pwofèt Li ak Lepouz Li, Seyè a bay anj Li yon gwo vizyon. Li ba li yon apèsi de NOU MENM, Lepouz Li. Alò ke n ap defile devan li, li di, ke nou te bèl ti medam. Li di ke nou tout t ap gade li, pandan ke n ap defile.

Nan fen an, kèk te soti nan liy lan, e yo t ap eseye fè sa yo te kapab pou tounen nan liy lan. Li alò remake yon bagay trè enpòtan, yo t ap gade deyò lòt kote, yo pa t ap gade l. Yo t ap gade legliz sa a ki te tonbe nan dezòd. Jan mwen fyè e rekonesan pou di: pa NOU MENM, sa devan yo, nou pa janm pèdi pa a ni detache je nou sou li.

Kidonk, Chedèv la ak Pitit Bondye an, Chedèv lan ak Epouz lan, epi S on moso nan Li, ki dwe akonplisman Pawòl lan. Pawòl lan te akonpli, epi nou pare pou Vini Seyè an.

Jan nou rekonesan pou nou konnen, nou se Fanmi Chedèv Li, vrè Epouz Li. Pawòl la te akonpli, epi nou pare pou Vini Seyè an.

M envite nou vin jwenn nou Dimanch sa a midi, lè Jeffersonville, pou tande Pawòl la avè nou, epi pou vin on pati de Fanmi Bondye, Chedèv Li, alò ke n ap tande pwofèt la k ap pote nou Mesaj la: Chedèv La 64-0705.

Frè Jozèf Branham

Ekriti pou li anvan sèvis la:

Ezayi 53:1-12

Malachi 3:6

Matye 24:24

Mak 9:7

Jan 12:24 / 14:19

24-0218 Bondye K Ap Devwale A

Mesagj: 64-0614m Bondye K Ap Devwale A

PDF

Ankenn responsablite pou Tradiksyon ki fèt nan Branham Tabernacle

Byenneme Lepouz Ki Dèyè Vwal La

Poukisa m ap kontinye di nou san rete ke “PEZE JWE se bagay ki pi enpòtan ke nou ka fè”? Poukisa m ap kontinye di pastè yo: “Remete Frè Branham dèyè chè nou”?

Li osi senp ke sa. Tande Vwa setyèm anj mesaje a sou bann, se tande PAWÒL VIVAN AN.

Devan pèp la, Bondye te vwale ankò epi Li te konfime Moyiz, ak vwal la, antan Li vwale Tèt Li ak menm Dife a, menm Kolòn Dife a te desann. Depi–depi lè sa…Apati de yo, kifè yo te ka sèlman tande Pawòl Bondye a. Ou sezi li? Jis Pawòl la, yo te tande Vwa Li. Paske, Moyiz se te, pou yo, Pawòl vivan an.

Pale de yon Predikatè Vivan! Vwa a ke n ap tande sou bann se Vwa Pawòl Vivan an pou epòk nou. Pa gen anyen ki jis pi gran ke Sa.

Nan epòk Moyiz, sèl timoun Izrayèl yo ki te nan kan an te ka tande Vwa Li. Men jodi a, Bondye te vle ke MOND lan tande Vwa Li, KONSA LI FÈ ANREJISTRE L SOU BANN, pou Lepouz Li te ka tande Vwa Pawòl Vivan an.

Bondye te vwale Tèt Li nan pwofèt Li, pou pwononse Pawòl Li ba yo. Se sa li te fè. Moyiz te Pawòl vivan sa pou pèp la, vwale pa Kolòn Dife a.

Si nou pa gen yon Revelasyon de sa pou epòk nou, nou pa ka Lepouz Jezikri. Si nou genyen l, alò nou SE Lepouz Jezikri e n ap oblije di: “Pa gen anyen ki pi enpòtan pase tande bann yo, paske se Vwa Bondye k ap pale avè nou de bouch a zòrèy.”

Anpil ap eseye fè moun yo pè epi y ap di ke nou mete twòp enpòtans sou pwofèt la; n ap adore li. Zanmi m yo, se li menm ki di bagay sa yo, se pa mwen. M jis ap site Pawòl la.

Kòm sa te fèt nan tout laj yo, Divinite te vwale nan chè imen. Remake, Li te fè l. Pwofèt yo se te Divinite, vwale. Yo te Pawòl Bondye a (èske se sa?) vwale nan chè imen. Kifè, yo pat remake Moyiz nou an non plis, ou wè, Jezi.

Nou p ap adore yon moun, men Bondye, ki vwale epi k ap revele Tèt Li atravè pwofèt la. Pou nou sa konprann epi kwè sa, men sa nou dwe fè.

Nou pa dèyè vwal sa ankò, Sila ki tou piti yo, Bondye te vini ekspoze L nèt ban nou.

Nou pa dèyè vwal sa ankò, nou ka wè ke se Bondye k ap revele Tèt Li nèt. Li te revele ke lè nou tande Vwa sa a sou bann yo, se Bondye k ap pale avèk Lepouz Li. Nou kwè ke se chemen ke L bay pou jodi a.

Nou jis ka di AMÈN a Vwa sa, a okenn lòt. Vwa sa a pral preche nou, pral anseye nou epi pral revele nou tout sa nou bezwen konnen. Vwa sa a pral prezante nou bay Seyè Jezikri nou. Vwa sa a se tout sa nou vle e tout sa nou bezwen.

Nou rekonesan anvè senk ministè yo ke Bondye itilize pou dirije pèp la a Vwa sa a; pou pastè yo ki sezi vizyon an epi ki genyen revelasyon an ke jwe bann yo nan legliz yo se pi gwo bagay ke yo ka fè pou pèp yo. 

Nou envite nou vin tande avè nou gwo Vwa Pawòl Vivan sa a Dimanch a midi, lè Jeffersonville, alò ke n ap tande l k ap revele: Bondye K Ap Devwale A 64-0614M.

Frè Jozèf Branham