All posts by admin5

24-0421 L Ap Pwouve Pawol Li

Mesagj: 64-0816 L Ap Pwouve Pawol Li

PDF

Ankenn responsablite pou Tradiksyon ki fèt nan Branham Tabernacle

Byenneme Legliz Lepouz,

Fis de Lòm lan vini epi Li revele Tèt Li bay Lepouz Li nan yon chè imen. Li di L, nou kwè L, epi Li pwouve L. Nou se Legliz Lepouz Li e nou prepare tèt nou nan tande epi nan kwè chak Pawòl ki soti nan bouch Li.

Pral gen yon rezirèksyon mò yo. Li pral pwouve l. Pral gen yon Anlèvman Legliz la. Li pral pwouve l. Pral gen yon Milenyòm. Li pral pwouve l. Pral gen yon nouvo Syèl ak yon nouvo tè. Li pral pwouve l, paske Pawòl Li di sa.

Se nou menm k ap la a. Li pral pwouve l. Se nou menm ki fè pati de Pawòl sa a. Li predestine NOU pou nou

La a. Pral gen yon Anlèvman pa presyans Li e anyen ap rete l, n ap la a!

Depi lontan Satan ap eseye fè pèp la doute yon sèl Pawòl ki te pwononse. Pa fè sa. Jis kwè chak Pawòl. Nou dwe kwè chak Pawòl pou nou La a. Se pa pawòl pwofèt la, se Pawòl Bondye ki te anrejistre epi sere sou Bann yo.   

Souvren sakrifikatè a, evèk la, kadinal la, pastè a? “Bondye! Chak Pawòl ki soti nan bouch Bondye.” Kijan nou fè konnen se Pawòl Bondye? Li di l, apre sa Li pwouve L. Li pwouve Pawòl Li.

Nou DWE kwè tout Pawòl ki soti nan bouch Bondye. Li pwouve ke se Pawòl Li ki sou Bann yo. Li pwouve ke William Marrion Branham se setyèm anj mesaje Li; Vwa Bondye pou epòk nou. Tout sa yo ki pa kwè Mesaje la e mesaje a pral peri. 

Bon, m pa jis ap pale egzakteman a oditwa sa. Sa a anrejistre, ou wè, e Li prale toupatou nan mond lan. Èske nou konprann, moun nan mond lan, ke se yon Mo, on Mo, pa on fraz, pa on paragraf, on Mo, se jis sa ke Èv te doute.  

Li se Pawòl la, e nou fè pati de Pawòl Li. Se rezon sa ki fè ke nou la a, pou konfime plas nou nan lavi. Pou kwè chak Pawòl. Pou rete avèk Pawòl la. Pou pwente Lepouz la a chak Pawòl ki sou Bann yo.

Nan epòk nou, Fis de Lòm lan te revele. Li ini Legliz la a Tèt la; Li ini maryaj Lepouz la. Apèl Epou a rive. Fis de Lòm lan vini nan chè imen pou ini toude. Li se Pawòl la. Nou se Pawòl Li, e toude ini ansanm.  

Sa ap pran manifestasyon revelasyon Fis de lòm lan… Pa yon nonm klèje… Jezikri, pral desann nan chè imen nan mitan nou, epi L ap fè Pawòl Li tèlman reyèl ke li pral ini Legliz la avè L fè youn, Lepouz la, epi apresa Li pral Lakay pou Soupe Nòs la. Amèn.

Manifestasyon Pawòl la pral ini Lepouz la. Li manifeste Fis de Lòm lan ankò, pa teyolojyen Legliz yo. Fis de Lòm lan! Pawòl la ak Legliz la vin fè youn. Tout sa Fis de Lòm lan te fè se te Pawòl la. Nou menm, Lepouz Li, nou pral fè menm bagay la.

Nou ini pa Sentespri a, Pawòl Li, Vwa Li, e n ap prepare tèt nou pou ale nan Soupe Nòs la. Pawòl la ini nou, e toude vin fè YOUN.

Nou di BANN YO, BANN YO, BANN YO. Nou dwe jwe Bann yo lakay nou, nan legliz nou. Yo fè nou repwoche paske nou mete anpil anfaz sou jwe Bann yo. Poukisa nou di bagay konsa? Kiyès k ap pale avè NOU sou Bann yo?

Kounye a, sonje, se pat Jezi ki t ap pale ak Abraham la a, ki te ka disène panse nan lespri Sarah dèyè Li. Se pat Jezi, Li potko fèt. Men se te yon Nonm nan chè imen, ke Abraham te rele “Elohim, gran Toupwisan an.”

Si nou kwè ke Fis de Lòm lan te revele nan epòk nou; Bondye k ap pale atravè bouch moun, kòman yon moun ta ka pa wè enpòtans pou plase Vwa sa a kòm VWA A KI PI ENPÒTAN KE NOU DWE TANDE? 

M pa kritike lòt yo ki pa wè epi ki pa kwè sa nou kwè; yo se frè nou ak sè nou, men mwen TÈLMAN SATISFÈ, TÈLMAN RANPLI, TÈLMAN SÈTEN ke se chemen ke Bondye bay pou Lepouz Li. M pa ka fè lòt jan. Pou mwen menm ak lakay mwen, Peze Jwe se SÈL CHEMEN an.

M envite mond lan ankò pou vin ini avèk nou Dimanch sa a midi, lè Jeffersonville, alò ke nou pral tande: L ap Pwouve Pawòl Li 64-0816.

Frè Jozèf Branham

Ekriti pou li anvan sèvis la:

Matye 24:24

Mak 5:21-43 / 16:15

Lik 17:30 / 24:49

Jan 1:1 / 5:19 / 14:12

Rom 4:20-22

1 Tesalonik 5:21

Ebre 4:12-16 / 6:4-6 / 13:8

1 Wa 10:1-3

Jowèl 2:28

Ezayi 9:6

Malachi 4

24-0414 Kay K Ap Vini Pou Epou Selès Ak Epouz Terès

Mesagj: 64-0802 Kay K Ap Vini Pou Epou Selès Ak Epouz Terès

PDF

Ankenn responsablite pou Tradiksyon ki fèt nan Branham Tabernacle

Byenneme Sèl Latè A,

Oh byenneme Lepouz, ala yon moman n ap viv, chita ansanm nan lye selès, nan prezans Pawòl la, ap muri, ap rekonèt kiyès nou ye, ki kote nou soti, epi ki bò nou prale.

Pou konnen, de fon kè nou, ke nou se pitit gason ak pitit fi Bondye KOUNYE A. Se pa n ap ye, se sa nou ye KOUNYE A. Nou se atribi panse Bondye. 

Lè Satan atake nou epi l ap eseye montre nou erè nou yo, pase nou ak echèk nou yo chak jou, lè l ap eseye kraze nou nan panse nou ak lespri nou avèk manti l yo, nou jis raple l epi nou di l: “Bondye, depi fondasyon mond lan, te wè m davans; se vre Satan, MWEN MENM, epi Li voye Jezi pou rachte M.” WHACK!

“Kounye a Satan, kite m trankil, paske San Pitit Li ap pale pou MWEN. M pa ka peche. Erè mwen, wi, anpil erè mwen, Bondye pa menm ka wè yo. Sèl bagay Li tande se vwa Mwen k ap adore Li k ap louwe Li, epi sèl bagay Li wè se reprezantasyon MWEN.”

Reprezantasyon nou ap rasanble nou depi lès a lwès, de nò a sid, ap ini nou anba Pawòl la ke Li te bay pou Lepouz Li sou bann. Se sèl bagay ke L ap onore, paske Se Chemen an ke L bay.

Ki sa L pral di nou epi pral revele nou apre? Nou tande L k ap pale atravè pwofèt Li plizyè fwa epi ap di nou sa nouvo Kay nou pral sanble, men fwa sa a l ap tankou nou poko janm tande pale de Li. 

Achitèk Diven an te desine sa pou Byeneme Li. Ou wè? O, se pa ti plas sa dwe ye, alòske, ak Nati Divin, yon Achitèk Diven te desine l pou on atribi Diven ki te predestine Divinman pa on Bondye Diven Ki–Ki se Otè Lavi Divin an! A kisa Vil sa pral sanble! Panse a sa.   

Nou apèn ka kontwole tèt nou. Eksitasyon nou ak antisipasyon nou a pik. Kè nou ap bat pou tande Bondye k ap pale dirèkteman avè nou epi ap di nou nan moman an, L ap konstwi e L ap konsevwa nouvo Kay nou, pou nou ka viv avè L pandan tout Letènite.

Ki lòt bagay nou pral tande, e ki sa L pral revele nou Dimanch, alò ke L pral pale nou de Predestinasyon, Reprezantasyon, Dispansasyon, Uityèm Jou, Mòn Sen, Piramid, epi Konvokasyon Sen?

Èske nou ka konprann sa k ap pase nan moman an menm? Bondye ap rasanble Lepouz Li atravè mond lan pou L di nou sa nouvo Kay nou pral sanble. Li pral dekri nou li nan tout ti detay. . Ala yon moman glorye nou pral pase.

On lòt kote, batay nou yo pa janm te pi difisil. Satan ap frape nou kòm jamè oparavan. Atak li yo pa janm sanble aleje oswa ale.

Men GLWA pou Bondye, LAFWA nou nan Pawòl Li pat janm osi elve. LAFWA nou nan konnen ki moun nou ye tèlman ankre nan Nanm nou, ke nou pa ka ebranle.

Nou pa gen ANYEN pou nou pè; ANYEN pou enkyete nou. Papa nou responsab nou nèt. Li gide epi Li dirije CHAK PA nou yo. Li kenbe nou nan pla Men L. Satan jis yon blofè ki toupre fen li, e li konn sa. Se li menm ki pè, li konnen ke l ap fè fas a Lepouz Pawòl pale Bondye a, epi li pèdi chak fwa.

Nou SE PAWÒL LA. Nou te nan Li depi kòmansman an. Se pa sa n ap ye yon jou, SE SA NOU YE KOUNYE A. Si nou se Pawòl la, alò nou ka PWONONSE PAWÒL LA, SI NOU ANNIK KWÈ…E NOU KWÈ.

Ou se swa yon kwayan (PAWÒL LA) oubyen ou se yon moun ki gen dout (PA PAWÒL LA). Pa gen yon sèl fib nan kò nou ki pa kwè a yon sèl Pawòl. Men Li! Nou fèk pwouve Satan: nou se Pawòl la. Nou ta ka po a sou anba pye a, MEN NOU TOUJOU FÈ PATI DE KÒ A!!!

Alò lè blofè sa a atake youn nan nou, Lepouz la vin ansanm atravè mond lan epi nou FRAPE L EPI FRAPE L avèk Pawòl la.

Lè maladi a frape youn nan nou, nou ini ansanm epi nou FRAPE L! Lè youn nan nou santi l ba e dekouraje, kisa nou tout fè? FRAPE L!

Nou pral Lakay, Lepouz. Lè a vini. Lepouz la prepare tèt Li. Nou nan Lach la. Li fenmen pòt la e nou an sekirite andedan an. Nou ka tande mizik la pou Lepouz la ka desann ale a pou L ini avèk Epou a.

N ap nan lin de myèl nou an pandan 1000 ane, apresa nou tout pral ansanm avè L nan Kay K ap Vini an.

Pa rate sa, zanmi. Gen yon sèl chemen Bondye te bay e konfime: BANN Yo. Se Kolòn Dife a k ap pale epi k ap kondwi Lepouz Li.

Kèlkeswa sa nou fè, plase Vwa sa a devan nou ak fanmi nou Dimanch sa a. Lafwa a vini de sa nou tande, nan tande Pawòl la, epi Pawòl la vini a pwofèt la. Sentespri a se Pwofèt la pou epòk nou, k ap pale avèk Lepouz Li atravè Bann yo.

N ap akeyi nou, vin jwenn nou Dimanch sa a midi, lè Jeffersonville, alò ke yon pati nan Lepouz la pral ini ansanm pou tande, nou tout an menm tan, Bondye k ap pale atravè pwisan anj Li pou di nou tout bagay sou: Kay K Ap Vini Pou Epou Selès Ak Epouz Terès 64-0802.

Frè Jozèf Branham

24-0407 Rezèvwa Ki Fann

Mesagj: 64-0726E Rezèvwa Ki Fann

PDF

BranhamTabernacle.org

Byenneme Moun K Ap Bwè Pwi Atezyen,

Lepouz la p ap menm jan an ankò apre Lèt Wouj wikenn Pak la ke Seyè a ban nou. Nou te fèmen avè L, nou t ap kominye avè L epi t ap adore Li tout wikenn lan. Prezans Li te ranpli kay nou ak legliz nou yo.

Nou te gen gwo atant. Nou te konnen ke se te Volonte Seyè a pou nou. Bondye ta pral fè yon bagay. Nou te dekonekte avèk mond lan ak tout distraksyon l yo. Nou te ini atravè mond lan nan yon sèl akò. Nou te chita ansanm nan lye selès, ap pare tèt nou alò ke Li ta pral PALE AVÈK NOU sou wout la.

Kè nou t ap rele: “Seyè, fè m sanble W pi plis. Prepare m pou lè W ap vini. Ban m plis Revelasyon. Kite Sentespri a ranpli chak fib kik nan mwen.”

Pandan ke chak sèvis t ap kòmanse, nou t ap di tèt nou: “Kijan sa posib? M tande Mesaj sa yo tout vi m, men kounye a, yo tout sanble nouvo Mesaj, kòm si m p at janm tande yo anvan.” Li t ap revele Pawòl Li bay kè nou ak nanm nou kòm jamè oparavan.

Kokèn Revelasyon an retounen nan kè nou…Se Li menm…LI MENM. Se Sentespri an menm k ap PALE AVÈ NOU DIRÈKTEMAN.

Pa mwen menm! Li menm! Se Li menm! M fèk di nou, Li jis pran kò mwen. Li jis pran lang mwen, Li pran je mwen, paske Li konnen ke m t ap bay Li yo, alò Li jis vini epi Li fè m fè sa. Alò se pa mwen! Se Li menm! E se pa mwen ki la a avè nou, se Li menm ki la a avè nou. Li se Rezirèksyon ak Lavi. Oh, Bondye, Bondye; kwè li. Oh, nou tout: Kwè Li. Kwè Li. Li isit la.  

Li ban nou Revelsayon an pou nou konnen ke BANN YO se Vwa Bondye k ap pale avè nou jodi a. Se Pawòl Li yo, Vwa Li…VWA LI, anrejistre e SERE pou nou ka tande TANDE LI k ap pale avè nou de Pawòl Lavi Etènèl. Yo se chemen ke Li bay pou Lepouz Li.

 Se Dlo Atezyen ki fre, pwòp, k ap monte epi monte. Plis nou bwè, plis nou rele: “Plis Seyè, PLIS. Ranpli koup mwen Seyè, ranpli l Seyè.” Epi Li fè l! Plis nou bwè, PLIS LI BAN NOU.

Apresa yo di yo te kale Satan pa pwisans Levanjil la. Pa Bondye a ki nan Syèl la ki òdone e ki voye anj Li pou preche Levanjil la ban nou. Pa Bondye a ki ekri Pawòl la e ki voye anj Li ki te la pou konfime Pawòl Li. “Soti nan mitan pèp la, nan Non Jezikri.”

Dyab la te OBLIJE kite chak malad, chak enfim. Kounye a pwisans Bondye a leve nou pou reban nou lasante ak fòs.

Alò, depi fon kè nou, nou di:

“Kounye a m aksepte ke Jezikri, antan ke Fis de Dye resisite, Li se Sovè mwen, Li se Wa mwen, Li se Gerisè mwen. Mwen geri kounye a. Mwen sove. M pral viv pou Li menm ki mouri pou mwen. M pral leve soti isit la avèk yon nouvo lavi, pou m ale epi pou m fè tout sa m kapab…pou Li menm ki resisite pou mwen. Alelouya!”

Se dlo atezyen ke nou bwè chak jou. Se sèl pwi ki soti dirèkteman de Syèl la epi k ap koule san rete. Li mèt tèt li. Li toujou fre e pwòp. Li pa janm kanpe. Se yon Dlo vivan ki tout tan ap chanje, ki tout tan ap revele yon bagay nouvo bay Lepouz la. 

Li toujou ap monte. Nou pa bezwen ponpe l, fè l remonte, tòde li oswa adere a li. Se sous Dlo vivan Bondye a, e nou pa ka imajine bwè lòt bagay.

Jodi a nou tande: “Dlo pa nou an se li ki pi bon dlo an ke nou ka bwè. Nou fè l pase atravè pwosesis filtraj nou an an 7 etap. Apresa nou remete nan dlo an tout minewo ke NOU TE RETIRE PA FILTRAJ la, e ke nou panse ke nou bezwen pou rete idrate.”

Glwa pou Bondye, nou pa bezwen pran ris oubyen poze tèt nou kesyon sou sa n ap bwè ou sou sa ki te ajoute ou filtre. TOUT BAGAY ke nou bezwen nan DLO nou an. Tout sa nou dwe fè se PEZE JWE epi bwè pandan ke L ap jayi. 

Ala yon rekonfò pou bwè Dlo sa a. Nou ta fè detou plizyè kilomèt jis pou bwè L, men nou pa oblije. Nou mennen L tout kote nou fè. Lakay nou, nan legliz nou, nan travay nou, pandan n ap kondwi machin nou, pandan n ap fè yon pwomnad…NOU BWÈ, E NOU BWÈ, E NOU BWÈ.

Oh mond lan, vin bwè nan Sous Bondye bay la. Se SÈL kote nou pa bezwen enkyete nou epi di: “M priye Sentespri a pwoteje m pou m pa bwè anyen m pa ta dwe bwè.” SE ANTYÈRMAN PAWÒL LA KI PWÒP KI KONFIME K AP KOULE SOTI NAN SOUS KI NAN SYÈL LA.  

Pa gen lòt kote pou Lepouz Li al bwè!   

Vin bwè avèk nou nan Pwi Atezyen nou an Dimanch sa a midi, lè Jeffersonville, alò ke nou pral tande: Rezèvwa Ki Fann 64-0726E.

Frè Jozèf Branham

Ekriti pou li anvan nou tande Mesaj la:

Som 36:9

Jeremi 2:12-13

Jan 3:16

Apokalips Chapit 13

Pak 2024

Byenneme Lepouz Kris,

Nou ta dwe sonje Kalvè a chak jou. Nou tèlman tande pale sou li, nou tèlman li sou li. Predikatè preche sou li, depi kòmansman tan an. Chantè yo chante sou li, atravè laj yo. Pwofèt yo te predi l, kat mil an anvan sa rive. E pwofèt yo jodi a voye nou tounen nan epòk lè sa te rive. Se yon jounen ki tèlman enpòtan! Se youn nan jou yo ki pi enpòtan nan mitan tout jounen yo ke Bondye te janm leve sou tè a.   

 Ala yon rasanbleman espesyal atravè mond lan Lepouz la pral genyen wikenn Pak sa a. Nou pral fèmen pòt nou yo epi n ap fèmen aksè a mond deyò a. N ap etenn tout aparèy nou yo pou nou pa distrè, epi nou pral pale avè L tout jounen an chak jou. Nou pral leve vwa nou ba Li an amoni, avèk menm panse e menm akò, pou louwe Li, pou adore Li, pou di L konbyen nou renmen L. 

Nou pral tande Vwa L ki pral pale nan kè nou alò ke nou pral rekonsakre lavi nou ba Li. Pa gen anyen k ap pi enpòtan pou nou, alò ke n ap pare tèt nou pou lè L ap Vini byento. Lepouz la ap pare Tèt Li kòm jamè.

M ta renmen pou nou tout ini pou orè sa a:

JEDI

Se te Jedi swa ke Seyè Jezi a te pran Dènye Soupe a avèk disip Li yo, nan komemorasyon Pak la anvan egzòd pitit Izrayèl yo. Ala yon okazyon nou genyen pou kominye avèk Seyè a lakay nou, anvan wikenn sakre nou an, epi mande L pou L padone peche nou yo, epi pou L ban nou tout sa nou bezwen nan vwayaj nou an.  

Akòde L, Seyè. Geri malad yo. Konsole moun ki fatige yo. Pote lajwa bay moun yo ki pèsekite. Bay lapè a moun yo ki fatige, manje a moun yo ki grangou, bwè a moun yo ki swaf, lajwa a moun yo ki chagren, pouvwa a legliz la. Seyè, fè Jezi vini nan mitan nou aswè a, alò ke n ap pare pou nou pran kominyon an ki reprezante kò L ki brize. Nou priye, Seyè, ke Li pral vizite nou yon jan ekstraòdinè…

Beni lòt yo, Seyè, toupatou nan mond lan, k ap tann avèk jwa lè Seyè a pral vini, lanp yo tou pare, epi tout vè yo poli, epi Limyè Levanjil la k ap klere nan kote ki fè nwa yo.

Annou tout kòmanse a 6:00 PM nan zòn lokal nou pou nou tande Kominyon An 62-0204, epi apresa pwofèt la pral mennen nou nan sèvis espesyal Kominyon nou an avèk Sèvis Lavman Pye nou an, ki pral jwe sou aplikasyon Lifeline lan (an Anglè), oswa nou ka telechaje sèvis la an Anglè oswa lòt lang lè nou klike sou lyen ki anba a. Apre Mesaj la, n ap rasanble ansanm ak fanmi nou lakay nou epi n ap pran Soupe Seyè a. 

VANDREDI

Annou priye avèk fanmi nou a 9h, epi ankò a midi, pou nou envite Seyè a pou L avè nou epi pou L ranpli kay nou avèk Sentespri a alò ke n ap konsakre tèt nou a Li. 

Se pou panse nou retounen a jou sa a nan Kalvè a, 2000 an de sa, pou wè Sovè nou pandye sou kwa a, epi pou nou angaje tèt nou pou nou toujou fè sa ki fè Papa a plezi:

Epi jou sa a, ki tèlman enpòtan, youn nan pi gwo jou yo, annou egzamine twa bagay diferan ke jou sa te reprezante pou nou. Nou te ka pran dè santèn. Men, maten an, m jis chwazi twa bagay diferan, enpòtan ke nou vle egzamine, pou on lòt ti moman, ki montre sa Kalvè a te vle di pou nou. E m priye pou sa kondane tout pechè ki prezan; ke chak sen mete yo ajenou; ke chak malad leve lafwa li bay Bondye, epi mache ale, geri; ke chak pechè sove; chak retwograd retounen, epi pou yo wont tèt yo; epi pou chak sen rejwi tèt yo, epi pou yo reprann yon nouvo elan e yon nouvo espwa.   

Apresa a midi trant, annou rasanble ansanm lakay nou pou tande, Jou Sa A Sou Kalvè A 60-0925.

Apresa sa annou retounen ansanm nan lapriyè a 3pm an komemorasyon krisifiksyon Seyè nou an.

SAMDI

Annou tout reyini ansanm yon lòt fwa nan lapriyè a 9h e a midi, epi prepare kè nou pou gwo bagay ke L pral fè pou nou, nan mitan nou.

M ka tande L k ap di: “Satan, vin isit!” Se Li menm ki Chèf kounye a. Li lonje men L, rale kle lanmò a ak lanfè a bò kote L, epi Li kwoke l nan Pwòp tay Li. “M vle mete w an gad. Ou bay blòf ase lontan. M se Fis Dye vivan an ki soti nan yon vyèj. San M toujou imid sou kwa a, e tout dèt la peye! Ou pa gen okenn dwa ankò. Ou pa gen anyen ankò. Bann M kle sa yo!”

Apresa a midi trant, nou tout ap rasanble pou tande PAWÒL la: Mete Nan Tonm Lan 57-0420.  

Ala yon JOU MEMORAB sa pral ye pou Lepouz Li, atravè mond lan.

Apresa annou retounen ansanm nan lapriyè a 3pm.

DIMANCH

Tou dabò, annou leve bonè menm jan Frè Branham te fè maten an lè ti zanmi l, wouj gòj la, te leve l a 5am. Annou jis remèsye Seyè a paske L te resisite Jezi pami lanmò yo:

A senk è maten an, ti zanmi m lan ki gen lestomak wouj la vole jiska fenèt mwen epi li reveye m. Ou ta di ti kè l ta pral eklate, pandan l ap di: “Li resisite.”    

A 9am e a midi, annou rasanble ankò nan chèn priyè nou, pou priye youn pou lòt epi pou prepare nou pou tande Vwa Bondye a.

A midi trant, nou pral rasanble pou tande Mesaj Pak nou: Vrè So Pak La 61-0402.

A 3pm, annou tout reyini ansanm yon lòt fwa nan lapriyè, pou remèsye L pou BÈL WIKENN LI BAN NOU AVÈ L EPI AVÈK LEPOUZ LI ATRAVÈ MOND LAN.

Pou frè m yo ak sè m yo a letranje, menm jan ak ane dènyè, m ta renmen envite nou vin jwenn nou lè Jeffersonville, pou tout moman lapriyè nan orè sa a. Sepandan, m reyalize ke l ap trè difisil pou pi fò nan nou pou jwe bann yo nan Jedi, Vandredi e Samdi lè Jeffersonville, kidonk tanpri santi nou alèz pou tande Mesaj sa yo nan moman k ap bon pou nou. Sepandan, m ta renmen pou nou tout rasanble ansanm Dimanch a midi trant, lè Jeffersonville, pou tande Mesaj Dimanch nou an ansanm. 

M ta renmen envite nou tou, nou menm ak pitit nou, pou patisipe nan pwojè Kreyasyon yo, redaksyon jounal la, epi egzamen YF yo, ke tout fanmi nou ka jwi ansanm. Nou panse ke n ap renmen yo, paske tout baze sou PAWÒL la ke nou pral tande wikenn sa a. 

Pou orè wikenn lan, enfòmasyon sou preparasyon sèvis kominyon an, materyèl ke n ap bezwen pou pwojè Kreyasyon yo, Egzamen Pak yo, epi lòt enfòmasyon, gade lyen ki anba yo.

Ann fèmen telefòn nou yo pou wikenn Pak la eksepte pou nou pran foto, pou tande Sitasyon Jou An, epi pou jwe bann yo nan aplikasyon Tab la, apliksayon Lifeline, oubyen pa lyen telechajeman yo.

Se tout yon onè pou mwen pou envite nou, nou menm ak fanmi nou pou vin ansanm avèk Lepouz la atravè mond lan pou yon wikenn ranpli ak ADORASYON, LWANJ E GERIZON. M vrèman kwè ke se yon wikenn ki pral chanje lavi nou pou tout tan.

Frè Jozèf Branham

24-0324 Rekonèt Tan Pa W Ak Mesaj Li

Mesagj: 64-0726M Rekonèt Tan Pa W Ak Mesaj Li

PDF

Ankenn responsablite pou Tradiksyon ki fèt nan Branham Tabernacle

Presye Zanmi e Byenneme,

Ala bèl lè nou konnen ke nou se Lepouz byenneme L ki presye. Nou konpoze de plizyè moun atravè mond lan, e n ap rasanble tèt nou ansanm alantou Pawòl Li, ap tande Vwa Bondye k ap nouri nanm nou.

Nou aksepte L nan totalite L, epi nan pwisans konfimasyon L e Revelasyon L. Nou vin fè pati de Li. Se yon bagay ki andedan nou. Li reprezante plis ke lavi pou nou.

Nou rekonèt: Setyèm Anj Mesaje L.

Nou rekonèt: Mesaj Limyè Aswè a.

Nou rekonèt: Kiyès Nou Ye.

Bondye pran Pawòl pwofèt Li epi Li rache nou. Li taye nou nan Malachi 4, jan L te pwomèt li. Nou kwè chak Pawòl ak tout kè nou.

Gen yon gwo revèy k ap fèt nan mitan moun yo. Yo menm tou yo rekonèt enpòtans pou tande Vwa sa a. Yo vle tounen epi jwe bann yo nan legliz yo.

Sentespri a fè yo konnen ke se Chemen ke Bondye bay pou jodi a. Yo rekonèt ke sa se Vwa a ke yo bezwen tande. Se Manje Bondye te sere pou pèfeksyone Lepouz Li.

Pawòl la te pwomèt Li. Bann yo pwoklame L. Yo kwè Li.

Kisa l te fè? Sa te deranje prèt yo, pou yo te wè moun sa yo k ap kite legliz yo pou yo ale. Li te di: “Si nenpòt nan nou ale nan reyinyon L, n ap èkskominye. N ap mete nou vit deyò nan denominasyon an.”

Sa a enkwayab, men sa vin tounen menm bagay la jodi a. Y ap mete nou deyò nan legliz yo si nou di: “Tanpri, jwe bann yo.” Èske nou ta ka janm imajine ke se sa ki separe moun yo? Jwe Vwa Bondye nan legliz nou?

Legliz la te bliye pwofèt li yo. Yo “pa bezwen yo ankò,” yo deklare. Men Bondye konnen Li dwe genyen yo; Li separe moun pa l yo pa Pawòl Li. Men li twò demode pou yo nan jou sa a.

N ap rete avèk pwofèt nou. Nou kwè ke Se Vwa a k ap rele Lepouz Li. Pou noumenm, tou senpleman pa gen anyen ki pi enpòtan pase PEZE JWE.

Oh, mouton Bondye a, tande Vwa Bondye a! “Mouton M yo tande Vwa Mwen.”

Vin tande e rekonèt Vwa sa a avè nou, Dimanch a midi, lè Jeffersonville, alò ke nou pral tande, Rekonèt Tan Pa W Ak Mesaj Li 64-0726M.

Frè Jozèf Branham

24-0317 Ale Byen Lwen Kan An

Mesagj: 64-0719e Ale Byen Lwen Kan An

PDF

Ankenn responsablite pou Tradiksyon ki fèt nan Branham Tabernacle

Byenneme Sòlda Kretyen,

Panse a sa! Se fen tan an, Alelouya! Nou la a. Gran jou Seyè ap Vini pou Lepouz Li pwòch. N ap rasanble tèt nou atravè mond lan, n ap vin pafè nan tande Vwa Bondye a. N ap gade epi n ap tann aparisyon sa nou renmen yo…li ka nenpòt ki jou kounye a.

Sèl bagay yo te ban nou fè se: “Rete avèk Pawòl la”. Tout sa nou wè se Jezi, e Li se Pawòl la ki vin kò. Sa se Revelasyon an pou epòk nou. Sa se Kan Bondye pou Lepouz Li.

Mesaj sa a, Vwa sa a, bann sa yo, se tout sa nou bezwen pou Anlèvman an. Nou pa bezwen anyen lòt. Yo te rele nou, yo separe nou de tout bagay sòf Vwa sa a. Nou konvenki ke Vwa sa a se Chemen ke Bondye bay pou jodi a. 

Reflechi sou sa, Li ban nou pi gwo pwofèt ki te egziste. Sa a Kolòn Dife a Li menm te pran foto avè l pou L te ka di mond lan: “Sa se pwisan anj mwen. Li reprezante Vwa M pou nou. Sa li pwononse sou latè a pral rezonnen nan syèl la. Pa gen tankou l”.

“Mwen konfye l, a li menm sèl, tout mistè M yo ke M te kache depi fondasyon mond lan. Se li menm ke M te predestine pou rele NOU soti nan mond sa a pou vin jwenn Mwen. Se li menm ke m chwazi pou kondwi nou, gide nou epi oryante nou. M ap anonse nou: Koute Li, paske se pa li menm k ap aple, SE MWEN MENM, GRAN MWEN MENM LAN!”    

M te òdone epi m te rele vanyan sòlda pou pwoklame epi di mond lan: “Jodi a, Ekriti Malachi 4, Apokalips 10:7, epi Lik 17:30, yo akonpli devan je nou. Pwisan anj Li rive, jan Ekriti yo te anonse l. Bondye isit la nan mitan nou, ap revele Tèt Li nan kò imen jan L te di Li t ap fè l.”

Se Jezikri menm lan ayè, jodi a e pou tout tan. Yo rele nou pou endike nou anj Bondye a. Se li menm Sentespri a chwazi pou kondwi epi rele Lepouz Li. Pa fè diskisyon, pa fè istwa, pa batay epi pa chache konnen kiyès k ap gran prèt la; kiyès k ap sesi, sela, ou lòt bagay. RETE AVÈK PAWÒL LA. Paske gen yon sèl VWA BONDYE ki konfime e non l se William Marrion Branham.

Nou dwe fè trè atansyon pou rete avèk Vwa sa a, paske tèlman gen moun ki vle elwaye nou. Tradisyon yo anpeche vrè Vwa sa a pou L repann nan mitan moun yo. Li vin tounen yon etranje pou anpil nan yo. Vwa yo ranplase Vwa sa a, si byen ke lè Bondye, atravè bann yo, vizite yo, Li se yon etranje.  

Gwo Prezans Nòb Li avèk nou. Nenpòt moun ki sansib a Lespri a ka di ke Vwa sa a se Vwa Bondye. Se Kan Bondye pou jodi a.  

Chak moun ki pretann yo se Lepouz Kris la, yo dwe deside nan ki Kan yo ye. Yo dwe poze tèt yo kesyon senp sa a: A ki Vwa tout Lepouz la ka di “AMÈN”?

Si nou vrèman Lepouz Kris la, avèk vrè Revelasyon Pawòl pou jodi a, gen yon sèl repons: Vwa Bondye ki sou Bann yo. Natirèlman, Satan ap esye manipile sa tout jan, men pa gen lòt repons pou Lepouz la. Li osi senp.

Nou tout konnen ke Satan itilize repons sa a pou divize nou. Men Pawòl la di nou Lepouz la dwe INI…SE SA NOU YE, avèk SÈL VWA KI INI NOU.  

Vin rasanble avè nou, paske li trè ta.

“M vle soti kan an. Sa pa enpòtan kisa sa koute m, m ap pran kwa m epi m ap pote l chak jou. M pral soti nan kan an. Sa pa enpòtan kisa moun yo di sou mwen, m vle swiv Li andeyò kan an. M pare pou m ale.”

Si nou vle nan Kan Bondye a pou jodi a, nou DWE KWÈ ke Vwa Bondye sou bann yo se Vwa a ki pi enpòtan ke nou dwe tande.

Vin rejwenn yon pati nan Lepouz la Dimanch sa a midi, lè Jeffersonville, alò ke nou pral tande Vwa ke Bondye chwazi pou kondwi Lepouz Li, alò ke l ap pote nou Mesaj: Ale Byen Lwen Kan An 64-0719E.

Se pa “yon kan”; se “GRENN KAN AN.”

Frè Jozèf Branham

Ekriti pou li anvan sèvis la:

Ebre 13:10-14

Matye 17:4-8

24-0310 Fèt Twompèt Yo

Mesagj: 64-0719m Fèt Twompèt Yo

PDF

Ankenn responsablite pou Tradiksyon ki fèt nan Branham Tabernacle

Byenneme Timoun Limye A,

Jan nou rekonesan dèske n ap manche nan Limyè Li. Pou fè pati de Limyè sa a, pou nou idantifye avèk Limyè Li. Pou L rele nou epi pou L chwazi nou. Nou se Lepouz Kris la, ki idantifye avè L. Toude fè Youn kounye a. 

M p ap janm ka ekri l ase. Nou p ap janm ka di l ase. Mesaj sa a vle di TOUT BAGAY pou nou. Pou konnen ke nou gen vrè Revelasyon Pawòl Li a, sa depase nenpòt bagay nou ta ka eksprime an pawòl.

Pou viv nan jou jodi sa a epi fè pati de sa k ap pase, se pi gwo onè ke Bondye te ka ban nou. Menm jan sa te gwo pou te chita nan reyinyon Branham Tabènak la, pou wè epi tande anj Bondye a k ap preche Mesaj sa yo, sa PI GWO toujou pou viv nan jou jodi sa a, epi nan epòk sa a, epi pou vin akonplisman Pawòl sa a.

Bondye, nan gwo Pwogram Li an, te fè yon Jan pou nou te ka rasanble atravè mond lan, nou tout ap tande Vwa Bondye a an menm tan, pou nou vin pafè pa Pawòl Li a. N ap tann pou n tande a nenpòt ki lè setyèm anj mesaje nou an di:

“Men Ayo Bondye a k ap wete peche moun sou tout latè!”

Pa janm gen yon bagay konsa depi kòmansman tan an. Konklizyon gwo Plan Bondye a ap fèt, KOUNYE A, e nou fè pati de Li. Gwo Jou Seyè a prèske rive.

Tout mistè yo te revele bay Lepouz la atravè anj mesaje Bondye a. So yo, Aj yo, Tonè yo, Lafwa Anlèvman an, Twazyèm Poul la…TOUT BAGAY te pwononse epi yo sou bann pou Lepouz la ka tande yo ankò e ankò, epi l ap rann NOU PAFÈ.

Sentespri an tounen nan Legliz la ankò; Kris, Li menm, revele nan kò imen, nan tan aswè a jan L te pwomèt la. 

Tande byen kounye a Lepouz, sezi L.

Pawòl la ap rele nou; Kris Li menm rele nou. Li fè nou konnen L klè; Ebre 13:8, Lik 17:30, Malachi 4, Ebre 4:12, tout Ekriti sa yo ke L te pwomèt.

Se Jezi, Fis de Dye, ki revele Tèt Li ban nou atravè Ekriti sa yo ki te predestine pou jou jodi a, K AP VIV ANKÒ.

Epi kwè Li, se prèv Sentespri a. 

Bondye te voye pwofèt Li pou rele Lepouz Li. Pawòl la di nou ke pwofèt la se Pawòl vivan Bondye an ki manifeste. Se dènye siy ke mond lan pral resevwa; Jewova k ap pale sou fòm yon moun.   

Yon Nonm nan kò imen, tankou yon pwofèt, men se te Elohim ki t ap disène panse a ki te nan kè Sara, dèyè Li. E Jezi te di: “Menm jan sa te rive nan tan Lòt, se sa k ap rive lè fen mond lan ap rive, lè Fis de lòm lan,” pa Fis de Dye, “lè Fis de lòm lan pral revele.”

Lepouz la konnen sòf si nou toujou nan Pawòl la, nou p ap konnen kiyès Li ye. Yo konn nesesite pou kenbe Vwa sa a devan yo chak jou lè yo Peze Jwe.  

Kounye a Lepouz la dwe soti nan chemen an, epi monte, konsa de pwofèt Bondye yo nan Apokalips ka parèt sou sèn lan pou sonnen Setyèm Twonpèt la. Pou fè yo konnen Kris.

Vin fè pati pwofesi k ap akonpli Dimanch sa a midi, lè Jeffersonville, alò ke pwofèt Bondye a pral preche Mesaj la, Fèt Twonpèt Yo 64-0719M, epi pral pale avèk Papa nou pou di:

Gen dwa gen kèk moun atravè nasyon yo, atravè mond lan, ke menm bann sa a pral rankontre yo nan kay yo oubyen nan legliz yo. N ap priye, Seyè, ke pandan sèvis la ap fèt, a-a…oubyen ke bann lan ap jwe, ou kèlkeswa pozisyon nou, oubyen-oubyen kondisyon nou, se pou gwo Bondye Syèl la onore senserite kè nou maten an, epi geri moun ki nan bezwen yo, ba yo sa yo bezwen.     

Frè Jozèf Branham

Ekriti pou li anvan nou tande Mesaj la:

Levitik 16

Levitik 23:23-27

Ezayi 18:1-3

Ezayi 27:12-13

Apokalips 10:1-7

Apokalips 9:13-14

Apokalips 17:8