All posts by admin5

24-0317 Ayi Ɖe Asaɖa Godo

Gbedasi: 64-0719E Ayi Ɖe Asaɖa Godo


BranhamTabernacle.org

Kristo ‘Srafo Lɔlɔ̃tɔwo,

Mibu eŋu! Nuwuɣi yenye esi, Aleluya! Míele afisia. Aƒetɔ la ƒe Vava na Eƒe Ŋugbetɔ la ƒe ŋkeke gã la tu aƒe. Míele míaɖokuiwo nuƒom ɖe du le xexea katã me, hele amedeblibowo zum to Mawu ƒe Gbe sese dzi. Míele ŋudzɔ hele lalam kpɔ míaƒe lɔlɔ̃tɔwo be woadze… ŋkeke ɖe sia ɖe ko wònye fifia.

Gbedeasi sia, Gbe sia, nyaƒoka siawo, nye nusianu si míehĩa na Kɔkɔdzoe la. Míehĩa nububu aɖeke o. Woyɔmí do go, mã mí ɖa le nusianu gbɔ negbe Gbe ma. Míexɔ nyaƒoɖeamenu be Gbe mae nye Mɔ si Mawu na na egbea.

Nu ɖeka si ƒe gbe wode asi na mí yenye be “minɔ anyi kple Nya la”. Nu ɖeka si míekpɔna yenye Yesu, ke Eyae nye Nya si zu ŋutilã. Míaƒe ŋkeke ƒe Ɖeɖefia ye ma. Mawu ƒe Asaɖa na Eƒe Ŋugbetɔ ye ma.

Mibu eŋu kpɔ, Ena mí ɣeyiɣiawo katã ƒe nyagblɔɖila gãtɔ kekeake. Amesi Dzo Lilikpo la Ŋutɔ ɖe Eƒe foto kpli alebe Wòateŋu gblɔ na xexeame be, “nye dɔla sesẽ yenye Esi. Enye Nye Gbe na mi. Nusi wògblɔ le anyigba dzi la mana wòaɖi le dziƒo. Ameaɖeke mede eŋu o.”

“Nye nyaɣaɣlawo katã si meɣla tso xexeame ƒe gɔmeɖoɖoanyi me ke la, medewo yeƒe asiwo me, eye eya ɖeka ko. Eyae nye amesi Meɖoɖi be wòayɔ MI do go le xexe sia me va NAM. Eyae nye amesi Metia be wòakplɔ mi, afia mɔ mi aɖafia mi afɔɖoƒe. Meɖe gbeƒãe na mi, Miɖoto eyama, elabena menye eyae le nuƒom o, NYEE WÒNYE, MENYE Gà LA!”

Meɖo eye meyɔ ŋutsu sesiẽwo be woaɖe gbeƒã eye woagblɔ na xexeame be, “Wowu Maleaxi 4, Nyaɖeɖefia 10:7, kple Luka 17:30 ƒe ŋɔŋlɔawo ŋu egbe sia le míaƒe ŋkuwo me. Eƒe dɔla sesẽ la va, abe alesi Ŋɔŋlɔawo ɖe gbeƒãe ene. Mawu le afisia le míadome, le Eɖokui ɖem fia le amegbetɔ ŋutilã me abe alesi Wògblɔ be Yeawɔe ene.”

Enye Yesu Kristo amema ke etsɔ egbe yiɖe mavɔmavɔ me. Woyɔ mí be míatsɔ asi fia eyama, Mawu ƒe dɔla na mi. Eyae nye amesi Gbɔgbɔ Kɔkɔe la tia be wòakplɔ aɖayɔ Yeƒe Ŋugbetɔ la. Migahenya, ahedzre, aʋli aɖatsaka keŋkeŋ be amekae anye nunɔla gã mahã o; amekae anye esia, ema, alo kemea o. MINƆ ANYI KPLE GBE MA. Elabena MAWU ƑE GBE ɖeka si dzi woɖo kpe koe li eye eƒe ŋkɔe nye William Marrion Branham.

Elebe míakpɔ gbɔ nyuie be míanɔ anyi Gbe ma, esime geɖewo li alegbegbe siwo di be yewoakplɔ mi tra mɔ. Woƒe kɔnuwo le Gbe vavã ma ɖem ɖa le amewo do me. Ezu amedzro na wodometɔ geɖewo ŋutɔ. Woƒe gbe xɔ Gbe ma ƒe teƒe, wɔe be esime Mawu, to nyaƒokawo ƒe mɔnu dzi, srãwo kpɔ la, Ezu amedzro.

Mawu ƒe Amegbɔnɔnɔ Bubutɔ gã la li kpli mí. Ame sia ame si sea Gbɔgbɔ la ƒe ŋkɔ la ate ŋu gblɔe be Gbe ma nye Mawu ƒe Gbe. Enye Mawu ƒe Asaɖa na egbea.

Elebe ame sia ame si gblɔa be yenye Kristo ƒe Ŋugbetɔ la natso nyame kuɖe Asaɖa si me wòle ŋu. Elebe woawɔ biabia gblɔe sia na woɖokuiwo be: Gbe Kae Ŋugbetɔ la katã ate ŋu ɖe “AMEN” na?

Ne mienye Kristo ƒe Ŋugbetɔ vavã, kple Nya la ƒe Ɖeɖefia vavã na egbea la, ŋuɖoɖo ɖeka koe li be: Mawu ƒe Gbe le Nyaƒokawo dzi. Ẽ ɖe Satana le agbagba dzem be yeazã ema le mɔnu vovovo geɖewo dzi alegbegbe, gake ŋuɖoɖo bubu aɖeke megali na Ŋugbetɔ la o. Ele gblɔeɖe nenema ko.

Míakatã míenyae be Satana le ŋuɖoɖo ma zãm be yeaklã mía dome. Gake Nya la le gbɔgblɔm na mí be elebe Ŋugbetɔ la nawɔ ƉEKA…MÍELE EWƆM, to GBE ƉEKA SI LE MÍAWƆM ƉEKA dzi.

Va wɔ ɖeka kpli mí, elabena gaƒoƒo la yi boo alegbegbe.

Medi be mayi asaɖa la manɔmee. Meka nusi ƒe fẽ maxe o la, matsɔ nye atsitsoga la aɖakɔe gbesiagbe. Mayi ɖe asaɖa la godo. Meka nusi gblɔm amewo le kuɖe ŋunye o la, medi be madze Eyama yome le asaɖa la godo. Mele gbesɔsɔ be mayi.”

Ne miedi be mianɔ Mawu ƒe Asaɖa egbetɔa me la, e
ELEBE MÍAXƆESE be Mawu ƒe Gbe le nyaƒokawo dzi yenye Gbe vevietɔ kekeake si wòle be miase.

Va wɔ ɖeka kple Ŋugbetɔ la ƒe akpa aɖe Kɔsiɖagbe sia le ŋdɔ ga 12 me, Jeffersonville ƒe game, esime míase Gbe si Mawu tia be wòakplɔ Yeƒe Ŋugbetɔ, esime wòahe Gbedeasi, Ayi Ɖe Asaɖa La Godo 64-0719E.

Menye “asaɖa aɖe” ye o; “ASAƉA LA” ye wònye.

Nɔvi. Joseph Branham

Ŋɔŋlɔ siwo woaxlẽ do ŋgɔ na Takpekpe la:

Hebritɔwo 13: 10-14
Mateo 17: 4-8

24-0310 Kpẽwo Ƒe Azã

Gbedasi: 64-0719m Kpẽwo Ƒe Azã


BranhamTabernacle.org

Kekeli Me Vi Lɔlɔ̃tɔwo,

Alegbegbe míele akpedam be míele zɔzɔm le Eƒe Kekeli me. Be míenye Kekeli ma ƒe akpa aɖe, si wode dzesii kple Eƒe Kekeli la. Be Eya nayɔ mí eye wòatia mí. Míenye Kristo ƒe Ŋugbetɔ, si wode dzesii kple Eyama. Eveawo le Ɖeka azɔ.

Nyemate ŋu aŋlɔe zi geɖe akpa o. Míate ŋu agblɔe kakaka gbeɖe o. Gbedeasi sia nye NUSIANU na mí. Be míanyae be Eƒe Nya ƒe Ɖeɖefia vavã la le míasi la wu nusianu si míate ŋu ɖe agblɔ le nyagbewo me.

Agbenɔnɔ le ŋkeke sia me eye be ame nakpɔ gome le nusi le mevam me la, nye bubu gãtɔ kekeake si Mawu ate ŋu de mía ŋu. Abe alesi wònye nu gã be ame nanɔ anyi ɖe takpekpeawo me le Branham ƒe Agbadɔ me ene, akpɔ kple ase Mawu ƒe dɔla wòahe Gbedeasi siawo vɛ la, ega LOLOWU gɔ hã be woanɔ agbe le ŋkeke sia, kple le ɣeyiɣi sia me, kple be woanye Nya ma ƒe me vava.

Mawu, le Eƒe Ɖoɖo gã me la, ta Mɔ aɖe alebe míate ŋu ƒoƒu ɖe du le xexea katã me, anɔ Mawu ƒe Gbe sem míakatã ɖe du le game ɖeka dzi, be Eƒe Nya la wòawɔ mí míadeblibo. Anɔ lalam be míase míaƒe dɔla gbedeasitsɔla adrelia wòagblɔ le aɖabaƒoƒo ɖe sia ɖe me be;

“Kpɔɖa Mawu ƒe Alẽvi si tsɔ xexeame ƒe nuvɔ̃ yina yenye esi!”

Naneke menɔ anyi kpɔ abe Esia ene tso keke ɣeyiɣi ƒe gɔmedzedze me o. Mawu ƒe Tameɖoɖo gã ƒe nuwuwu la le eme vam, FIFI LAA, eye míenye Eƒe akpa aɖe. Aƒetɔ la ƒe Ŋkeke Gã la tu aƒe.

Woɖe nyaɣaɣlawo katã fia Ŋugbetɔ la to Mawu ƒe dɔla gbedeasitsɔla dzi. Nutrenuawo, Agbenɔɣiawo, Dziɖegbeawo, Kɔkɔdzoe ƒe Xɔse, Hehẽ ƒe Ŋusẽ Etɔ̃lia…Woɖe NUSIANU gblɔ eye wòle nyaƒokawo dzi alebe Ŋugbetɔ la nasewo agasewo ake, eye MÍAWƆM AMEDEBLIBOWOE.

Gbɔgbɔ Kɔkɔe la trɔ gbɔ va Hame la me ake; Kristo, Ŋutɔ, si woɖe fia le amegbetɔ ŋutilã me, le fĩeɣiŋɔli abe alesi Wòdo ŋugbe ene.

Mise nyuie azɔ Ŋugbetɔ, Milée.

Woyɔ mí do go to Nya la dzi; Kristo Ŋutɔ yɔ mí do go. Eɖe Eɖokui fia mí le gaglagbe; Hebritɔwo 13:8, Luka 17:30, Maleaxi 4, Hebritɔwo 4:12, Edo Ŋɔŋlɔ siawo katã ƒe Ŋugbe.

Yesu ye Wònye, Mawu ƒe Vi la, Amesi ɖe Eɖokui fia mí to Ŋɔŋlɔ siawo siwo woɖo ɖi na egbe sia dzi, GA LE AGBE AKE.

Eye be woaxɔ Edzi se la, nye Gbɔgbɔ Kɔkɔe ƒe kpeɖodzinu.

Mawu dɔ Eƒe nyagblɔɖila be wòayɔ Yeƒe Ŋugbetɔ do goe. Nya la le gbɔgblɔm na mí be nyagblɔɖila la nye Mawu ƒe Nya gbagbe, si woɖe ɖe go. Eyae nye dzesi mamlea si asu xexeame si; Yehowa si le nuƒom le ame ƒe nɔnɔme me.

Ame Aɖe le amegbetɔ ƒe ŋutilã me, abe nyagblɔɖila ene, gake Elohim Wònye si nɔ dzesi dem susu si nɔ Sara ƒe dzi me, le Eƒe megbe. Ke Yesu gblɔ bena, “Abe alesi wònɔ le Lot ƒe ŋkekewo me ene la, nenema ke wòanɔ le xexeame ƒe nuwuwu, esime Amegbetɔvi la,” menye Mawu ƒe Vi la o, “esime Amegbetɔvi anɔ ɖeɖefia wɔm.”

Ŋugbetɔ la nyae bena negbe ko mele Nya la me edzi edzi o la, mele amesi Wònye la nya ge o. Wonya alesi wòle vevie be woalé Gbe ma ɖi le yewo ŋgɔ gbe sia gbe to Play Zizi dzi.

Azɔ elebe Ŋugbetɔ la nadzo ɖa le mɔa dzi, eye wòalia dzi, alebe Mawu ƒe nyagblɔɖila eve siawo le Nyaɖeɖefia me woate ŋu dze le kpea dzi be woaku Kpẽ Adrelia. Be woana woanya Kristo.

Va kpɔ gome le nyagblɔɖi si le mevam me Kɔsiɖagbe sia le ŋdɔ ga 12 me, Jeffersonville ƒe game, esime Mawu ƒe nyagblɔɖila ahe Gbedeasi, Kpẽwo Ƒe Azã 64-0719M vɛ, eye wòaƒonu na Fofo la agblɔ be,

Anye ne bubuwo le dukɔawo me, le xexea katã me, siwo nyaƒoka sia gɔ hã ado go le woaƒe aƒewo alo woaƒe hameawo me. Míele gbedom ɖa, Aƒetɔ, be esime takpekpe sia le edzi yim, le—le…alo wole nyaƒoka sia ƒom la, alo tsitrenɔƒe kae me wòanye míanɔ, alo—alo nɔnɔmea la, Dziƒo ƒe Mawu gã la nede bubu míaƒe dziwo ƒe aŋkwareɖiɖi dzro ŋdi sia, eye wòayɔdɔ hĩatɔwo, anawo nusi wohĩa la.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la sese:

Mose III 16
Mose III 23:23-27
Yesaya 18: 1-3
Yesaya 27: 12-13
Nyaɖeɖefia 10:1-7
Nyaɖeɖefia 9: 13-14
Nyaɖeɖefia 17:8

24-0303 Aɖaŋudɔwɔwɔ

Gbedasi: 64-0705 Aɖaŋudɔwɔwɔ


BranhamTabernacle.org

Aɖaŋudɔwɔwɔ Ƒome Lɔlɔ̃tɔ,

Alegbegbe Gbedeasi mamle siawo de blibo na Kristo ƒe Ŋugbetɔ la. Mawu, le nuklom le Eɖokui dzi le míaƒe ŋkume, le Eɖokui ɖem fia le gaglagbe. Xexeame mate ŋu Kpɔe o, gake na mí, Eƒe Ŋugbetɔ la, Nusi míate ŋu kpɔ koe ma.

Míeto xɔmetsovɔ la me hekpɔ Eyama le gaglagbe. Mawu, le agbetɔ ŋutilãwo megbe. Nya zu ŋutilã, tututu ko abe alesi Wòdo ŋugbe le Luka 17 kple Maleaxi 4 me ene. Eɣla Eɖokui le amegbetɔ ƒe nutsyɔnu me, le Eƒe nyagblɔɖila kple le Eƒe Hame la me.

Míenyea dzidzɔmewo kekeake le xexeame ne míese Mawu wòle nuƒom to Eƒe dɔla gbedeasitsɔla dzi hele gbɔgblɔm na mí be,

Mede akpe alegbegbe ɖe miata. Dzidzɔm alegbegbe be mele dɔwɔm kpli mi. Dzidzɔm alegbegbe be menye miadometɔ ɖeka. Mawu nenɔ kpli mi. Awɔe. Madzo ɖa le miagbɔ kpɔ o. Magblẽ mi ɖi kpɔ o. Mele dzodzo ge ɖa le miagbɔ kpɔ o. Mieto xɔmetsovɔ la me azɔ.

Míezu ametovovowo na ame sia ame, gɔ hã le míaŋutɔ ƒe fliwo me, gake edze míaŋu alegbegbe, míede akpe alegbegbe, ɖe Ɖeɖefia si Wòna mí kuɖe Eƒe Nya na egbea ŋu ta. Be míenye Kristo kple Eƒe Nya si woɖe ɖe go ƒe bometsilawo.

Míetsɔ míaƒe xɔse kpeɖe Eƒe nyagblɔɖila ƒe xɔse ŋu, eye míewɔ ɖeka ɖe du, zu Mawu ƒe GLIKPO ɖeka. Mate ŋu wɔ naneke míawo manɔmee o; míate ŋu wɔ naneke nyagblɔɖila ma manɔmee o; nenema ke míate ŋu awɔ naneke Mawu manɔmee o. Eyata ɖe du la, MÍEZUA GLIKPO ƉEKA, Katsatsa la; Mawu, Eƒe nyagblɔɖila, Eƒe Ŋugbetɔ. Míezu Eƒe Aɖaŋudɔwɔwɔ.

Ƒe akpe ene Wòxɔ hewɔ Eƒe Aɖaŋudɔwɔwɔ gbãtɔa.
Fifia, ƒe akpe eve wòxɔ Nɛ wòwɔ Eƒe Aɖaŋudɔwɔwɔ evelia, MÍ, Eƒe Ŋugbetɔ, Eƒe Aɖaŋudɔwɔwɔ ƒome gã la, Adam Evelia kple Xawa Evelia. Azɔ míele gbesɔsɔ na abɔ la, Milenium la. Egamɛ mí ake ke azɔ la míesɔ gbe.

Míenye Eƒe Ŋugbetɔ Nya Deblibo la, Eƒe GƆMEDZEDZE Nuwɔwɔla ƒe akpa aɖe. Blitia la, ahadza kple tsro la, le ƒuƒom ɖe Nukua me azɔ, le gbesɔsɔ na tsitretsitsi la, hele gbesɔsɔ na nuŋeŋe la. Alfa La zu Omega. Nuku si yi to me la, do to ɖoƒe aɖe me hegazu Nuku la ake.

Nuku, si ge le Eden bɔ la me, heku le afima la, trɔ gbɔ. Tso nuku madeblibo ma si ku ɖe afima me la, etrɔ gbɔ va Nuku deblibo la, Adam Evelia gbɔ.

Azɔ míezu Adam Evelia, Ŋugbetɔ vavãtɔ la, Nuku la, míegbugbɔ va kple Nya gɔmedzetɔ la. Elebe Nya ƒe nusianu nanɔ míasi alebe míanye Nuku la. Nuku afa mate ŋu nɔ míasi o; míate ŋu tsi o, elebe míanye Nuku blibo la.

Nu ɖeka koe susɔ, nuŋeŋe la le afisia. Míetsi ŋutɔ. Míesɔ gbe na Vava la. Nuŋeɣi ye nye esi. Nuku la gbɔva eƒe gɔmedze nɔnɔme la me. Aɖaŋudɔwɔwɔ ƒome la gbugbɔ va, Kristo kple Eƒe Ŋugbetɔ la.

Be yeade dziƒo na Yeƒe nyagblɔɖila kple Eƒe Ŋugbetɔ la, Aƒetɔ la na ŋutega gã aɖe Eƒe dɔla. Enae MÍ, Eƒe Ŋugbetɔ la ƒe ŋgɔdonukpɔkpɔ. Esime míeto eƒe axa la, egblɔ be, míenye aƒenɔvi sue siwo nyakpɔ. Egblɔ be míakatã míenɔ yekpɔm tẽ, esime míevanɔ yiyime.

Le nuwuwu la ameaɖewo do go le fli me, eye wonɔ wotɔ si ŋu wɔm be yewoa gbugbɔ va fli me. Ekema ede dzesi nane si le vevie ŋutɔ, wonɔ afi bubu aɖe kpɔm, womenɔ eya kpɔm o. Wonɔ hame ma si yiɖe gbegblẽ me kpɔm. Alegbegbe wòdze ŋunye eye alegbegbe mele akpe dam be magblɔ be, menye MÍ, ŋgɔgbetɔawo ye o, míedo ɖa le fli me alo ɖe míaƒe ŋkuwo ɖa le dzi kpɔ o.

Eyata, Aɖaŋudɔwɔwɔ la kple Mawu ƒe Vi la, Aɖaŋudɔwɔwɔ la kple Ŋugbetɔ la, ke Enye Eya ƒe akpa aɖe, si wòle be wòanye Nya ƒe nuwuwu. Nya le me vam, eye míele gbesɔsɔ na Aƒetɔ la ƒe Vava.

Alegbegbe míede akpe be míenye Eƒe Aɖaŋudɔwɔwɔwo ƒe Ƒome, Eƒe Ŋugbetɔ vavã la. Nya la le me vam, eye míele gbesɔsɔ na Aƒetɔ la ƒe Vava.

Mele miakpem be miava wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, be miase Nya la kpli mí, aɖazu Mawu ƒe Aɖaŋudɔwɔwɔ Ƒome la ƒe akpa aɖe, esime míase Gbedeasi: Aɖaŋudɔwɔwɔ 64-0705.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:

Yesaya 53:1-12
Maleaxi 3:6
Mateo Kɔkɔe 24:24
Marko Kɔkɔe 9:7
Yohanes Kɔkɔe 12:24/ 14:19

24-0225 Ame Tovovo La

Gbedasi: 64-0614e Ame Tovovo La


BranhamTabernacle.org

Xɔ̃ Lɔlɔ̃tɔwo,

Ŋdɔ ga 12 ƒo le Jeffersonville, fĩeɣi ga 7 le Afrika, ŋdi ga 10 le Arizona; Ŋugbetɔ la le ƒuƒom ɖe du le xexea katã me. Míelala kpɔ ɣeyiɣi sia le kɔsiɖa blibo la katã me. Míele mɔkpɔkpɔ gã aɖe me, le lalam kpɔ Mawu be wòaƒo nu na mí to amegbetɔ ƒe nuɣiwo dzi to Eƒe dɔla sesĩe kple gbedeasitsɔla adrelia dzi. Míele gbedom ɖa be, “Aƒetɔ dzram ɖo, “Si ami nam, eye nam Wò Nya ƒe Ɖeɖefia geɖe wu.”

Míekpɔ kɔɖiɖi, elabena míenyae kakaɖedzitɔe, bena nyagblɔɖila, ke nyagblɔɖila ɖeɖeko, si ye Agbe Nyawo le na gaƒoƒo sia. Míate ŋu ɖo nutete aɖe Egɔme keŋkeŋ o, gake míenyae be míexɔ Nya ɖesiaɖe dzi se eye míele dzudzɔm ɖe Dzi.

Míenyae be, tututu ko abe alesi Aƒetɔ wɔe kple Mose ene la, Mawu le dzadzraɖo wɔm be yeakɔ Yeƒe nyagblɔɖila ŋuti le míaƒe ŋkume. Le ɣeyiɣi ma me la, ɖeko Wòʋuʋu toawo. Ɣeyiɣi sia me la, Ele dziƒowo kple anyigba ʋuʋum.

Ɣeyiɣi la va ɖo. Míaƒe dziwo le ƒoƒom kaba kaba le míame. Míesea míade ƒe Aflaga Hagbe wódzea ƒoƒo. Le ɖekawɔwɔ me la, Ŋugbetɔ tsona ɖe eƒe afɔwo dzi hedzea hadzidzi be, XƆESE KO, nusianu le bɔbɔe, Xɔese Ko. Mawu le dzadzram ɖo be yeaƒo nu na mí.

Míesena : “Ŋdi xɔ̃nyewo.”

Míaƒe dziwo kpɔa dzidzɔ le nyagblɔe etɔ̃ siawo sese me ko. Nyagblɔɖila yɔm fifia ko be yeƒe xɔ̃. Emegbe la egblɔa na mí be,

Mia katã miedzrom. Nye—nyemetsɔ ɖeke le me na afisi meyina o, me—me…menye, menye miawo ye o. xɔ̃wo le asinye, le afisiafi le xexea katã me, gake enye—menye—menye mia katã ye o. Nane le hatsotso sue sia ŋu si ko…Nyemenya o. Mebua wo ŋu…Hatsotso a—aɖeke mele asinye anyigba dzi, si ŋu menya nu kuɖe, si teɖe ŋunye abe hatsotso sia ene o. Mawu ne na be míegamakpɔ o dzro —dzro alegbegbe, be, le Fiaɖuƒe si gbɔna me la, míanɔ afima ɖe du dzro; ye nye nye gbedodoɖa.

Ɖeɖefia gã Kae Mawu aɖe fia mí egbea? Nuka se ge míala? Ɖewomahĩ míese Esia zi geɖe, geɖe tsã, gake egbea ato vovo, eye anɔ abe ŋkeke aɖe si menɔ anyi kpɔ tsã o ene.

Nukae Wònye? Xɔsetɔ Ƒe Nuɖuɖu. Ŋkumeɖobolo tso Dziƒo si ŋu míele azã ɖu ge le. Ŋkumeɖobolo si nye míawo Eƒe Ŋugbetɔ, ɖeɖeko tɔ. Enye Shekina ƒe Ŋutikɔkɔe le Ŋkumeɖobolo la dzi si le mɔxem na mí tso gbegblẽ gbɔ.

Egodotɔwo kpɔa mí hebiana be, “Nuka mi amesiawo le wɔwɔm mahã? Nyaƒokawo ko sem míelea? Mi amesiawo la mienye Ametovovowo vavã.”

Ŋutikɔkɔe!! Míekpɔ dzidzɔ alegbegbe, eye meda akpe alegbegbe na Aƒetɔ la be míenye Ametovovowo; bometsilawo na Eyama kple Eƒe Nya si dzi Woɖokpe. Míekpɔa dzidzɔ le gbɔgblɔ na xexeame be, “Ẽ, MEXƆ NYAƑOKA ƑE SUBƆSUBƆDƆ DZI SE. MEXƆ PLAY ZIZI DZI SE. MEXƆE SE BE ENYE GBE VEVIETƆ KEKEAKE SI MIATE ŊU SE. Ẽ. MEXƆE SE BE ELEBE WOAGBUGBƆ NYAƑOKAWO VA NYAGBLƆTI LA DZI.”

Ne woɖe kɔnyinyi ƒe nutsyɔnu la ɖa la, miate ŋu akpɔe be Mawu ganye Mawu le Eƒe Nya la me kokoko. Egalea Eƒe Nya la me ɖe asi kokoko. Eyae nye—Eyae nye Mawu, si nye Eƒe Nya Ŋlɔla.

Meka nusi wɔm ameaɖe le o, alo le gbɔgblɔm o la, Míexɔe se, eye emegbe la míɖea zɔ le Eŋu. Ne Miewɔnɛ o la, ekema Miexɔ Edzi se o. Miele xɔmetsovɔ la godo o. Xɔmetsovɔ ma nye ame ɖeka tɔ. Gbedeasi Ma le ɖeka.

Mekpɔ mɔ heka ɖe dzi be—be gbɔgbɔme nugɔmesese su miasi le nusi Mawu le didim be yeana Hamea nase egɔme evɔ mele eɖem gblɔ kɔtɛ o la ŋu. Miekpɔea? Nane wònye, ɣeaɖewoɣi la, ehiã be míagblɔ nanewo le nɔnɔmea ɖe me be wòagbɔdzɔ amewo, ele be wòana amea ɖewo nado go, amea ɖewo nadzo, eye amea ɖewo na—na—nade ŋugblẽ. Gake tameɖoɖoa ɖe ta wowɔ esia ɖo. Nenema wòdze be woawɔe.

Woɖe Nya la fia Mawu ƒe nyagblɔɖila. Hatsotso aɖeke, Farizitɔ, alo Zadukitɔ, alo kɔmaha aɖe alo kɔmama aɖeke o. NYAGBLƆƉILA YE. Susu vovovo eve alo etɔ̃ mele esi o. Ame ɖeka wòtsɔ. Nya La le esi, ke eya ɖeka ko.

Ekema ate ŋu anye be amea ɖewo agblɔ be, “Ɖe nèdi be yeagblɔ be Mawu aɖo numa tɔgbee awɔa?” Ewɔe tututu. Egale ewɔm fifia hã.

Abe alesi wogblɔe ƒe alafa woenye esi la, míele numa ke sem egbea be: “Gake ame bubu aɖewo le afisia si Mawu yɔ.”
Nyateƒe ye. Eye zi geɖe alesi wokplɔ ɖo hele yiyim la, Amen, gake ne ame aɖe le agbagba dzem be yeaɖe afɔ axɔ Mawu ƒe tsitrenɔƒe si Mawu na míaƒe nyagblɔɖila, si Wòɖoɖi heɖo na dɔ ma la, elebe míanɔ anyi kple Nya si dzi woɖokpe la, Mawu ƒe Gbe na míaƒe ŋkeke la.

Mide dze sii, enye ku, be woanɔ adzɔge le Eŋu fifia. Edze be nàyi ɖe Eme to xɔmetsovɔ sia me, alo màyi o. Aleke Mawu ate ŋu akpɔ nublanui na wo, gake miɖo ŋku dzi nusi ke wònye, bena Mawu le nusi le xɔmetsovɔ ma godo la ɖem ɖe go. Mile ŋku ɖe nusi nɔ xɔmetsovɔa godo ŋu, Nya lae! Nuka dzi wotsyɔ nui? Nya lae! Nukae wònye? Ele aɖaka la me. Nya la dzie xɔmetsovɔ ma tsyɔ̃ nui. Mikpɔea? Ke Yesu enye Nya ma, ke Eyae nye Nya ma, eye Eƒe ŋutilã ƒe avɔ la Ɣlae.

Na míawo ya la, ɖeɖeɖego wònye! Meganye nyagbe ɖeɖe koe o; ezu nu vavã! Amen!

Míenyae be na bubuwo la míenye Ametovovowo, eye ate ŋu ɖe gbe na xexeame abe gakpoblanu ene na xexeame, gake ele amewo katã hem va Eyama gbɔ.

Va eye woablawò ɖe Nya la ŋu kpli mí Kɔsiɖagbe sia le ŋdɔ ga 12 me, Jeffersonville ƒe game, esime míase nyagblɔɖila la wòagblɔ na xexeame alesi míenye Ametovovowo 64-0614E. Edze míaŋu alegbegbe eye míede akpe alegbegbe be míagblɔ be ye míenye.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la sese:
Korintotɔwo I 1:18-25
Korintotɔwo II 12:11

24-0218 Nukoklo Le Mawu Ŋu

Gbedasi: 64-0614M Nukoklo Le Mawu Ŋu

PDF


BranhamTabernacle.org

Ŋugbetɔ Lɔlɔ̃tɔ Si Le Xɔmetsovɔ La Godo,

Nukata mekpɔtɔ le gbɔgblɔm na mi edzi edzi be, “PLAY ZIZI nye nu vevietɔ kekeake si miate ŋu wɔ mahã”? Nukata mekpɔtɔ le gbɔgblɔm na kplɔlawo bena, “Migbugbɔ Nɔviŋutsu Branham va miaƒe nyagblɔtiawo dzi mahã”?

Ele gblɔe ɖe alea ko. Dɔla gbedeasitsɔla adrelia ƒe Gbe sese le nyaƒokadzi, nye NYA GBAGBE la sese.

Le amewo ŋku me la, Mawu gatsyɔ̃ nu ake heɖo kpe Mose dzi, to nutsyɔnu la dzi, esi wòtsyɔ̃ nu Eɖokui kpakple Dzo ɖeka ma ke, Dzo Lilikpo ma kee ɖi va. Tso—tso ɣemaɣi la…Tso wo gbɔ, ale be Mawu ƒe Nya ɖeɖe ko woate ŋu ase. Mise gɔmea? Nya la ɖeɖe ko, wose Eƒe Gbe. Elabena, na woawo la, Mose nye Nya gbagbe la.

Nuƒom miele kuɖe Mawunyagblɔla Agbagbe ŋua! Gbe si sem míele le nyaƒoka dzi nye Nya Gbagbe la na míaƒe ŋkeke ƒe Gbe. Ɖeko mezua gã wu Ema o.

Le Mose ƒe ŋkeke me la, Israelviwo siwo nɔ asaɖa la me ɖeɖekoe te ŋu se Eƒe Gbe. Gake egbea la, Mawu di be XEXEAME nese Yeƒe Gbe, EYATA WÒNA WOLÉ ƉE NYAƑOKA DZI, alebe Yeƒe Ŋugbetɔ nase Nya Gbagbe la ƒe Gbe.

Mawu ɣla Eɖokui ɖe Eƒe nyagblɔɖila me, be yeagblɔ Yeƒe Nyawo na wo. Numae Wòwɔ. Mose enye Nya gbagbe ma na dukɔ la, si Dzo Lilikpo la tsyɔ nui.

Ne ema ƒe Ɖeɖefia mele miasi na míaƒe ŋkeke o la, miate ŋu anye Yesu Kristo ƒe Ŋugbetɔ la o. Ne wòle miasi la, ekema mie NYE Yesu Kristo ƒe Ŋugbetɔ eye anye na mi be miagblɔ be, “naneke mele vevie wu nyaƒokawo sese o, elabena Enye Mawu ƒe Gbe si le nuƒom ɖe to me na mi.”

Ame geɖewo dzena agbagba be yewoado vɔvɔ̃ na amewo eye wogblɔa be míetea gbe ɖe nyagblɔɖila dzi akpa; míele eyama subɔm. Xɔ̃nyewo, Eyae nye amesi gblɔ nusiawo, menye nyee o. Ɖeko mele Nya la xlẽm.

Abe alesi wòvaa me le agbenɔɣi ɖesiaɖe me ene la, Mawunyenye la ɣla ɖe amegbetɔ ƒe ŋutilã me. Mide dze sii be, Ewɔe. Nyagblɔɖilawo nye Mawunyenye, si tsyɔ̃ nu. Wonye Mawu ƒe Nya (ele teƒea?) si ɣla ɖe amegbetɔ ƒe ŋutilã me. Nenema ke, womede dze si míaƒe Mose la hã o, mikpɔea, Yesu.

Míele amegbetɔ subɔm o, gake Mawu, Amesi wotsyɔ nu eye wòle Eɖokui ɖem fia to nyagblɔɖila dzi. Be miase ema gɔme aɖaxɔ edzi se la, elebe miawɔ esia.

Miawo miegale xɔmetsovɔ ma godo ake o, Ɖevi suewo, Mawu do va gaglagbe na mi.

Míegale xɔmetsovɔ ma godo ake o, míele ekpɔm be Mawu wònye le Eɖokui ɖem fia le gaglagbe. Wole eɖem fia be Gbe ma sese le nyaƒokawo dzi nye Mawu si le nuƒom na Eƒe Ŋugbetɔ. Míexɔe se be Enye Eƒe Mɔ si wota na mí na egbea.

Gbe ma ko Míate ŋu ɖe AMEN na, bubu aɖeke o. Gbe Ma agblɔ mawunya, afia nu eye aɖe nu sia nu si míehĩa be míanya la fia mí. Gbe Ma afia mí míaƒe Aƒetɔ Yesu Kristo. Gbe Ma yenye nusi ɖeɖe ko dim míele kple nusi ɖeɖe ko míehĩa.
Míede akpe ɖe subɔsubɔdɔ atɔ̃awo si zãm Mawu le be woatsɔ asi fia Gbe ma amewo ta; ɖe kplɔla siwo lé ŋutega la eye ɖeɖefia le wosi be nyaƒokawo ƒoƒo le yewoƒe hameawo me la nye nu gãtɔ kekeake si yewoate ŋu wɔ na yewo tɔwo ta.

Míele miakpem be miava ɖo to Nya Gbagbe ƒe Gbe sesẽ ma Kɔsiɖagbe sia le ŋdɔ ga 12 me, Jeffersonville ƒe game, esime míasee wòaɖe: Nukoklo Le Mawu Ŋu 64-0614M fia.

Nɔvi. Joseph Branham

24-0211 Miɖe Ŋku Kpɔ Yesu

Gbedasi: 63-1229E Miɖe Ŋku Kpɔ Yesu


BranhamTabernacle.org

Nuku Lɔlɔ̃tɔ Si Mie,

Ɖeko miate ŋu bu eŋu alesi gbegbe wòadze anyi ne mienɔ anyi eye miese Mawu ƒe dɔla kple gbedeasitsɔla adrelia wòanɔ gbɔgblɔm na mi alesi megbe Mawu ƒe Toƒoɖonya katã gbɔgblɔ na mi oa? Wòayi ɖe Hehe ƒe ŋusẽ Etɔ̃lia ƒe nyawo me titotito, eye wòafia mi alesi wòle kpeɖom edzii fifia mahã?

Alesi Mawu ƒo nu kadzidɔewo do; tututu ko abe alesi Wòƒo nu agbo do na Abraham ene. Alesi Gbe ma ke gblɔ na eyama be neƒo nu na nɔvinyɔnu bɔbɔɖokui sue ma si woyɔ be Hattie ene, amesi gblɔ nu nyuietɔ la ko, eye wògblɔ na eyama be Gbe ma ke si ƒo nu kadzidɔewo do la gblɔ be yeanɛ nukakee wòhĩa la eye wòakpɔ be ɖe madzɔ kpata ekema o hã.

Alesi gbeɖeka esime wònɔ adegbe le gbedzi kple eƒe xɔ̃wo la, ahom sesẽ aɖe do mo ɖa si be yeazi dzi alebe wòadzo. Gake alesi Mawu ƒo nu, ɖe to me nɛ, hegblɔ be, “Nyee wɔ dziƒowo kple anyigba. Meti ya sesẽwo ŋu le atsiaƒuwo dzi.”

Alesi wòdzo kpo heɖe ƒe kuku esime Gbe ma gblɔ nɛ be, “Ƒo nu na ahom la ko, eye azi ɖoɖui. Nukakee nègblɔ la, eyae ava me.”

Mekeɖi le Gbe ma ŋu gbeɖe o, gake eƒo nu hegblɔ be, “Ahom, wò ziɖoɖui. Eye, ɣe, wò klẽ nyuie ŋkeke ene sɔŋ, sẽ ɖe esime míado go le afisia.”

Mekpɔ ɖe ŋu le me o hafi, ya sesẽ la, snoa kple nusianu dzudzɔ. Alesi le ɣeyiɣi ɖeka me la ɣe dzase nɔ megbe ɖum nɛ. Yawo trɔ eye alilikpoawo, abe amlima nu ene la, nɔ dzi dem, eye ɣe la nɔ keklẽm le miniti ʋee aɖewo me.

Emegbe la ele gbɔgblɔ ge na mi le alesi le ƒe 16 me hafi wòava ɖe ɖe go gɔ hã be, Mawu ɖe fia ye be nutete aɖe le Nɔvinyɔnu Branham ƒe azigolo miakpa dzi tɔ dzi, kple nusita woɖoe afima. Alesi wodogbe ɖa gadogbe ɖa be Mawu ne ɖee ɖa. Ekema, wode dzesii be Mawu ko wònye nɔ yewoƒe xɔse dom kpɔ.

Emegbe hafi woanya ɖee ɖa to amekoko me la, enɔ nuƒom na Mawu henɔ srɔ̃nyɔnu wɔnuku si wònye nɛ la gblɔm na Eyama. Alesi mexanu kpɔ le yeƒe aƒeme manɔmanɔ gbeɖe o la ta o.
Alesi wòdzrana nusianu ɖo ɖi nɛ ne wòdi be yeayi adegbe, be yeadze me aɖaƒo nu na Aƒetɔ la.

Ekema ese nane ŋkɔ le xɔ me. Esime wòwu mo dzi la, Gbe ma gblɔ nɛ be, “Tso,” eye wògblɔ nɛ be, “Azɔ nukakee nàgblɔ la, nenemae wòanɔ.”

Elala miniti aɖe ko, emegbe la egblɔ be, “Hafi ɖɔkita ƒe asi naka eŋu la, Mawu ƒe Asi aɖe nutete la ɖa, eye womagakpɔe gɔ hã o.”

Kasia ɖɔkita ƒe asi naka eŋu la, ekpɔ dɔyɔyɔ. Alesi ɖɔkita gblɔ nɛ be, “Medi be mana nàkpɔ kakaɖedzi, Aƒn. Branham, bena nutete ma mele afima o. Nutete aɖeke mele ŋu wò o.”

Alegbegbe Aƒetɔ la ƒe Nya Debliboe!

Be miase eya wòagblɔ na mi be ɖikeke aɖeke mele yeƒe susu me o, enya nusi nye Hehe ƒe ŋusẽ Etɔ̃lia, eye wònya nusi Wòwɔna. Le eƒe nukpɔsusu ŋu la, anye nane si adze Kɔkɔdzoe la ƒe xɔse gɔme, hena dzodzo la.

Na míawo la mina míanɔ bubu ƒe nɔnɔme me ko, eye míazi ɖoɖoe, esime gaƒoƒo la ade le madidi me afisi Mawu le nu gã aɖewo wɔ ge na mí. Ne ɣeyiɣi ma de, ne zizia va la, ekema míele nusi míekpɔ na ɣeyiɣi aɖe la kpɔ ge be, woaɖe ɖe go le eƒe ŋusẽ ƒe blibodede me.

Míele yayra gã ma xɔ ge Kɔsiɖagbe sia le ŋdɔ ga 12 me, Jeffersonville ƒe game. Medi be makpe mi be miakpɔ gome kpli mí esime míase: Miɖe Ŋku Kpɔ Yesu 63-1229E.

Míele ƒuƒoge ɖe du be míaɖo to ame aɖe o; ame geɖewo le mɔ dzi, eye gbeɖiɖi ɖekae le wosi. Míanɔ mawunyagblɔla aɖe, alo pastɔ aɖe ko kpɔm kple anɔ toɖome o, Yesu ye míanɔ kpɔkpɔm aɖanɔ toɖome. Míele ɖeka wɔ ge ɖe du le xexea katã me be míaɖo to Ame Ma, Mawu ƒe Ame Ma, Yesu Nazaretetɔ ŋutilã me tɔ Ma, si nye Mawu, wòanɔ nuƒom na Eƒe Ŋugbetɔ la.

Elebe nàbia ɖokuiwò be, nukae kpɔm nèle egbe? Nukae kpɔm nèle ne nèɖe ŋku be yeakpɔ nu? Nàkpɔ Eyama ko ne nèɖe ŋku le Eyama kpɔm to Nya la me.

Nusi Wònye esime Wòzɔ le Galilea la, numa kee Wònye le zã sia me le Jeffersonville, numa kee Wònye le Branham ƒe Agbadɔ la me. Nukae nèɖea ŋku be yeakpɔ, gɔmeɖola, kɔmahatsɔŋkɔ ƒe amea? Mèle ekpɔ ge le Yesu me gbeɖe o. Ɖee nèɖea ŋku be yeakpɔ nunɔlanyenye gã aɖea? Mèle ekpɔ ge le Yesu me kpɔ gbeɖe o. Kpao. Aleke nèkpɔna Yesu? To Mawu ƒe Nya si ɖem wole ɖe go dzi, elabena Enye Mawu ƒe Nya si woɖe ɖe go. Nusi Wònye le ɣeyiɣi ma me la, Enyee le zã sia me, eye anyee ɖaa.

Mikpɔ Yesu dzi fifia eye mianɔ agbe; Woŋlɔe ɖe Nya la me, aleluya!
Yenye ko be míawo la “Míakpɔe eye míanɔ agbe.”

Nɔvi. Joseph Branham

Ŋɔŋlɔ siwo woaxlẽ le dzadzraɖo me na Mawunya sese:
Mose IV 21:5-19
Yesaya 45:22
Zaxaryia 12:10
Yohanes Kɔkɔe 14:12

24-0204 Ame Aɖe Le Afisia Si Ate Ŋu Asi Dzo La

Gbedasi: 63-1229M Ame Aɖe Le Afisia Si Ate ŋu Asi Dzo La


BranhamTabernacle.org

Yesu Kristo Ƒe Dzedzeme Lɔlɔ̃tɔ,

Amewo susunɛ be míetsi bome, esime míenɔa anyi ɖe míaƒe aƒewo kple hameawo me, le toɖom nyaƒokawo. Wosusui be míele dɔwuame ku kum. Womele dzesideme be míenɔ anyi ɖe Dasiame Vi la ƒe Kekeli ŋkume, le tsitsim, hele Nuɖuɖu si Wodzraɖo Ɖi na mí ɖum abe nyiviwo le lãkpo me ene o.

Míenye Lu si de ŋgɔ wu, si le gbesɔsɔ be yeatsɔe. Ne wodi be yewoanɔ agbe le yewo ƒe kɔnuwo me la, woneyi di. Menye MÍAWO o, míawo ya míele agbe le míaƒe ŋkeke ƒe Kekeli me.

Nukae nye míaƒe ŋkeke la ƒe Kekeli? Mawu dɔ Eƒe dɔla adrelia sesẽa ɖo ɖe xexeame be wòakplɔ Yeƒe Ŋugbetɔ. Nukae wònye? Enye nyagblɔɖila. Nusi wògblɔ la va me. Enye Mawu ƒe Nya si woɖe ɖe go. Enye Mawu ƒe Nya ƒe Kekeli si woɖe ɖe go. Enye Mawu ƒe Kekeli na egbea.

Mose yi ɖe ŋgɔgbe ko, alekekee hã, elabena enye Agbe la, enye gaƒoƒo la ƒe Kekeli. Nusi nɔ esi la, nukae wònyee? Mawu nɔ Eƒe ŋugbedodo Nya ɖem ɖe go to Mose dzi, eye Mose yenye Kekeli la.

Eliya nye Kekeli la… Kekeli La! Aleluya! Enye Kekeli la. Kekeli La! Enye Mawu ƒe Nya si woɖe ɖe go.

Yohanes, esime wòva anyigba dzi la…Yesu gblɔ be, “Enye Kekeli keklẽ gã aɖe.” Aleluya! Nukata? Enye Nya si woɖe ɖe go.

Ekema le Nya la ŋu la, míaƒe ŋkeke me ƒe Kekeli ye nye Mawu ƒe nyagblɔɖila, William Marrion Branham. Amesi le ɣli dom le Babilonia ƒe gbedadaƒo be, “Mido go ɖa le me, Nye dukɔ, alebe míagakpɔ gome le eƒe nuvɔ̃wo me o.”

Enye Maleaxi 4:5, kple Nyaɖeɖefia 10:7 ƒe nuwuwu. Eƒo nu ko hegblɔ be, “Anɔ afima,” ke enɔ afima, esime naneke menɔ me o. Kadzidɔe aɖeke menɔ esi kpɔ gbeɖe o; ɖeke menɔ afima. Egblɔ ko be, “Ne do,” ke eyae nye ekem.

Mawu ƒe Nya medana ƒu o, eye elebe Wòava me. Míekpɔ Kekeli la; Eƒe Nya si ƒe ŋugbe Wòdo na ŋkeke sia. Woɖe fia heɖo kpe dzi be Enye Nyateƒe la. Enye gaƒoƒo la ƒe Kekeli.

Nuteƒexɔla aɖeke meli o esime míenyae be nusi sem míele la nye Nya si woɖe ɖe go na egbea. TAKPOƉUI AƉEKE MELE ME O…NANEKE O. Ne bubuwo kpɔ kɔɖiɖi kple nububu la, woneyi dzi, gake menye míawo o.

Menye egɔme yenye be miate ŋu aɖo to miaƒe kplɔla, alo mawunyagblɔla ma mate ŋu gblɔ mawunya o; kura kura o, gake ELEBE miatsyɔ nya ɖe sia ɖe si miesena to Mawu ƒe nutsyɔnu gã la dzi, GBEDEASI SIA LE NYAƑOKA dzi.

Ne wobe ame ɖeka Gbedeasi ƒe ŋkekewo wu ŋu vɔ la, TAKPOƉUIWOE ma. Ne wole gbɔgblɔm be Gbedeasi sia menye yewoƒe Tɔɖoƒe o la, TAKPOƉUIWOE ma. Ne wole gbɔgblɔm be nyaƒokawo sese mesu o la, TAKPOƉUIWOE ma.

Naneke meli si kpe wu Play Zizi o, esime mienyae be miate ŋu ɖe AMEN ɖe nya ɖe sia ɖe dzi. Teƒe bubu aɖeke meli si miate ŋu wɔ ema le o negbe gaƒoƒo la ƒe Gbedeasi la sese.

Azɔ míenye Yesu Kristo ƒe dzedzeme na egbea. Míawoe nye Eƒe Nya si woɖe ɖe go. Míawoe nye amesiwo Wòtia be woaxɔ Eƒe nuwuɣi Ɖeɖefia gã la. MÍENYE EƑE ŊUGBETƆ LA.

Eƒe Ŋugbetɔ Ɖeka ko si egbe ƒe ŋkeke ƒe Kekeli ƒe Ɖeɖefia vavã la anɔ. Wole enya ge be, Kekeli sia awɔ yewo amedeblibowo. Kekeli Sia nye Gbɔgbɔ Kɔkɔe si le nuƒom to Eƒe dɔla gbedeasitsɔla dzi.

Ɖee adzro mi be mianɔ anyi ɖe Mawu ƒe Kekeli na gaƒoƒoa ƒe ŋkumea? Ekema mele miakpem be miawɔ ɖeka kpli mí Kɔsiɖagbe le ŋdɔ ga 12 me, Jeffersonville ƒe game, esime míase Ame Aɖe Le Afisia Si Ate Ŋu Asi Dzo La 63-1229M.

Nɔvi. Joseph Branham.

Ŋɔŋlɔ siwo woaxlẽ do ŋgɔ na takpekpe la:

Mose I 1:3, Ta 2
Psalmo 22
Yoel 2:28
Yesaye 7:14, 9:6, 28:10, 42:1-7
Mateo Kɔkɔe 4:12-17, Ta 24 kple 28
Marko Kɔkɔe Ta 16
Nyaɖeɖefia Ta 3

24-0128 Xɔsetɔ Ƒomevi Etɔwo

Gbedasi: 63-1124E Xɔsetɔ Ƒomevi Etɔwo


BranhamTabernacle.org

Xɔsetɔ Lɔlɔ̃tɔ,

Alegbegbe wòdzeanyi be magblɔ be, MENYE XƆSETƆ. Menye le dzixɔse aɖe me o; Nya la! Menye le kɔmahatsɔŋkɔ aɖe me o; Nya la! Menye nusi ame aɖe le gbɔgblɔm o; gake nusi gblɔm Nya la le!

Míekea ɖi le naneke ŋu o, ɖeko Míexɔnɛ sena. Meka alesi Wòɖina alo nusi le ame bubu aɖe si be yeagblɔ kuɖe Eŋu o la, míenye xɔsetɔ akuakua. Nya la ƒe gbɔgbɔme ɖeɖefia le míasi.

Míele gaƒoƒo si me míele agbe le kpɔm. Míele gaƒoƒo la ƒe Gbedeasi kpɔm. Míele gaƒoƒo la ƒe gbedeasitsɔla la kpɔm. Míele Mawu kpɔm wòle Eɖokui ɖem fia le Eƒe Nya me. Míekpɔe be nububu aɖeke meli o negbe Gbedeasi Sia, gbedeasitsɔla Sia, Nya Sia.

Xɔsetɔ vavã mesea naneke o negbe Nya la. Evɔ. Eléa ŋku ɖe Nya la ŋu. Medina sisimɔ aɖeke o. Medina ayemɔnu aɖeke o. Exɔa Mawu dzi se, ke ema ɖɔnɛ ɖo, eye ɖeko wòkpɔtɔ yia dzi. Mikpɔea? Xɔsetɔ lae ma.

Míate ŋu se nububu aɖeke o negbe Nya la; Nya la vana na nyagblɔɖila ɖeɖeko. Sisimɔ aɖeke meli o, menye ame aɖe ƒe gɔmeɖeɖe o, Nya Dzadzɛ si woɖe gblɔ hede nyaƒokawo dzi na Ŋugbetɔ la.

Gbɔgbɔ la gbɔ agbe Nya ma le míame eye wòzu agbe. Le xɔse me, míele Ekpɔm hele Exɔm le sesem. Gbeɖiɖi aɖe aɖi tso Dziƒo si atsɔ Gbɔgbɔ Kɔkɔe ƒe amenyɔnyrɔ̃ aɖe kɔŋ ade Ŋugbetɔ la me, si akɔ mí tso anyigba dzi, yiɖe Kɔkɔdzoe ƒe Amenuveve me. Mawu do eƒe ŋugbe.

Wotea mí kpɔ ɣesiaɣi, gbe sia gbe. Satana dzena agbagba be yeagblɔ na mí be míaƒe dodokpɔwo kple tetekpɔwo nye Mawu si le tohem na mí. Gake KAFUKAFU NA MAWU, menye yema o, Satana ye le ewɔm ke Mawu ya le mɔɖem le eŋu ye.

Mawu le dzideƒo nam mí, hele míamem be yeakpɔ nusi wɔ ge míala ɖa. Dodokpɔ vana be yeaʋuʋu mí, be yeade mí yiɖe kaka gɔme ke, be yeakpɔ afisi míanɔ tsitre le. Gake míeɖu aʋa ɖe sia ɖe dzi, elabena míenye kpɔɖeŋu gbagbewo; Mawu ƒe Nya le agbe le míame kple to míame.

Aleke gbegbe míele vevie le Eƒe ŋkuwo mee?

Ame aɖeke mate ŋu xɔ wò teƒe o, meka alesi wòle sue o. Miegblɔa be, “nyɔnu aƒedzikpɔla aɖe ko menye.” Ame aɖeke mate ŋu xɔ wò teƒe o. Mawu, le Eƒe nudzraɖoƒe gã me, ɖo Kristo ƒe Ŋutilã, ɖoɖo me, alegbegbe, wɔe be ame aɖeke mate ŋu xɔ wò teƒe o.

Aleke gbegbe wòdze anyii? Teƒe le míadometɔ ɖe sia ɖe si. Míadometɔ ɖe sia ɖe nɔ afisia esime Mawu ƒo nu xexeame dzɔ. Ede míaƒe ŋutilã afisia tututu le ɣeyiɣi ma me. Mawu de mí anyigba be yeawu Yeƒe Nya ŋu aɖana mí Agbe Mavɔ.

Elebe ame sia ame natso nya aɖe me. Afikae miele tsi tre le le Nya sia, Gbedeasi sia, gbedeasitsɔla sia dzii? Aleke gbegbe wòle vevie be woase Nya si woɖe gblɔ le nyaƒokawo dzii?

nyaƒoka siawo le xexea ƒe akpa vovovowo, katã me tom, nyaƒokawo ƒe subɔsubɔdɔwo.

Nyaƒoka ƒe subɔsubɔdɔ wònye Mawu dɔ ɖo ɖe Eƒe Ŋugbetɔ le xexea katã me. Egblɔa afisi nèle na, amesi nènye, kple ne nènye xɔsetɔ le Nya la me na wò tututu.

Èle hatsotso etɔ̃ siawo ƒe dometɔ ɖeka me. Le wò fifi ƒe nɔnɔme me tututu fifia, fifia ƒe nɔnɔme le susu me, be, miawo le afisia le nyasela kpɔ kple ŋkuawo me, kple mi amesiwo le nyaƒoka sia ƒe nyasela makpɔmakpɔawo me, miaƒe fifi ƒe nɔnɔme le susu me le nyaƒoka sia sese megbe, aɖokpe hatsotso si me nèle la dzi na wò.

Le nyaƒoka sia sese vɔ megbe la, aɖo kpe ame ƒe hatsotso si me nèle la na wò. Ame aɖewo xɔese be ame hĩa geɖe wu Nya dzadzɛ si woɖe gblɔ le nyaƒokawo dzi. Ame aɖewo xɔese be ame ɖeka ƒe Gbedeasi ƒe ŋkekewo ŋu va yi; elebe miase miaƒe kplɔla ƒe nya loo miabu.

Mamã gãtɔ kekeake le Gbedeasi la me egbea lae nye asixɔxɔ si wotsɔ na nyaƒokawo sese. Ame aɖewo fiana be egblẽ be woaƒo nyaƒokawo le hame me; kplɔla ɖeka ko wòle be wòagblɔ mawunya. Ame aɖewo be dadasɔ aɖe li, gake womegaƒo nyaƒokawo le hame me gbeɖe o, alo ne wowɔnɛ la medzɔna kabakaba kura o.

Kple tamesusu geɖewo alegbegbe, susu geɖewo alegbegbe, NYA LA ƒe gɔmeɖeɖe geɖewo alegbegbe, ameka tɔ ye dzɔ? Ameka dzi wòle be miaxɔ se? Biabia wòle be míadometɔ ɖe sia ɖe míabia míaɖokuiwo.

Nyagblɔɖila gblɔ na mí be míadzro me kple NYA LA, menye nusi gblɔm ame aɖe le gbɔgblɔm o. Aleke miewɔna ema? MƆ̃ ŊU ɖeka koe li be woawɔ ema, MIZI PLAY.

Elebe ŋuɖoɖo nyuie nanɔ afi aɖe, mɔnu nyuie aɖe. Elebe ame ɖe sia ɖe natso nyame na eɖokui. Kɔsiɖagbe sia atso nya me le amesiwo katã sena Gbedeasi sia ƒe tsɔme ŋu.

Nane si wòle be nàbia ɖokuiwò yenye esi: Amekae nye ame ɖeka si si Ale Aƒetɔ la Gblɔ Esi le? Ameka dzi ye Dzo Lilikpo la ɖo kpee? Amekae atsɔ mí afia Yesu? Amekae ɖe Nya si medana ƒu o gblɔ mahã? Ameka ƒe nya siwo woɖe gblɔ nɔ vevie alegbegbe be, wògaɖi le dziƒo?

Ne miedi be ŋuɖoɖo nyuiewo nesu miasi la, medi be makpe mi be miava se Gbedeasi: 63-1124E—Xɔsetɔ Ƒomevi Etɔ̃wo Kɔsiɖagbe sia le ŋdɔ ga 12 me, Jeffersonville ƒe game.

Nɔvi. Joseph Branham

Yohanes Kɔkɔe 6: 60-71

24-0121 Nukae Mawɔ Kple Yesu Si Woyɔna Be Kristo?

Gbedasi: 63-1124M Nukae Mawɔ Kple Yesu Si Woyɔ Be Kristo?


BranhamTabernacle.org

Nyaƒoka Lɔ̃la Lɔlɔ̃tɔwo,

Míelɔ̃a Gbedeasi sia kple míaƒe dzi blibo. Enye Mawu ƒe foŋfoŋ ƒe vivisese. Enye Mawu ƒe Nya si dzi woɖo kpe kɔtɛ, heɖe fia, ɖe dzi ɖe dzi. Gbedeasi Sia nye ŋuɖoɖo na Mawu ƒe Nya. Enye Kristo amesiamina ma ke, Nya si wosi ami na na míaƒe ŋkeke.

Mawu ƒe Nya si dzi woɖo kpe la le afisia le míasi, si dzi wole kpe ɖom, le ɖeɖem fia kple Gbɔgbɔ la, bena Exɔ mí hena mí Gbɔgbɔ Kɔkɔe ƒe Nyɔnyrɔ̃. Wonyrɔ̃ mí le Yesu Kristo ƒe Ŋkɔ me. Nyanyuie ma ke, dzesi mawo ke, nukunu mawo ke, subɔsubɔdɔ ma ke, gɔ hã Dzo Lilikpo ma ke dze le míaƒe ŋkume, le dzesiwo kple nukunuwo fiam. Taflatse dodo aɖeke meli o, le afia aɖeke o.

Ɖekawɔwɔ ƒe ɣeyiɣi kple Mawu kple Eƒe Ŋugbetɔ ye wònye. Wole Kristo ƒe Ŋugbetɔ la yɔm. Wotre mía ŋu le Mawu ƒe Fiaɖuƒe la me. Gakpoawo le afisia le lalam ko kpɔ Dzo si aɖe mí dzo ɖa le anyigba sia dzi yiɖe Ŋutikɔkɔe me, le Kɔkɔdzoe la me.

Dzo ma nye Gbɔgbɔ Kɔkɔe ƒe amegbugbɔ yɔyɔ fũ. Tatsyɔkpe la ava eye wòawɔ ɖeka kple Ŋutilã la. Ekema, ne Ta kple Ŋutilã wɔ ɖeka ɖe du la, Gbɔgbɔ Kɔkɔe ƒe ŋusẽ blibo la afɔ MÍ ɖe tsitre eye kukuawo le Kristo me afɔ̃ ɖe tsitre le Eƒe kɔkɔenyenye ƒe nyakpɔnyakpɔ me, aɖadzo yi dziŋgɔliawo me.

Gaƒoƒo ma le gogom kabakaba. Ɣeyiɣi la tu aƒe. Elebe woatso nya mamleawo me. Nukae wɔ ge miala kple míaƒe ŋkeke ƒe Nya si wosi ami na? Kae nye miaƒe tsitrenɔƒe le gaƒoƒo la ƒe Gbedeasi la dzii?

Gbɔgblɔ ge ko nàla be: “Mexɔ Gbedeasi la dzi se. Mexɔe se be Mawu dɔ nyagblɔɖila aɖe ɖaa.”

Migava kaka afisia ko, agblɔ be, “Mexɔ Gbedeasi la dzi se” O. Miwɔ ɖe gbedeasitsɔla ƒe nya dzi.

Ne wòle be MIAWƆ ɖe gbedeasitsɔla ƒe nya dzi la: MIDE DZESI, egblɔ be miwɔ ɖe gbedeasitsɔla ƒe nya dzi. Ekema aleke gbegbe wòle vevie be woaxɔ Nya ɖe sia ɖe si gbedeasitsɔla gblɔ dzi se eye woase mahã?

Miegblɔa be, “Enyo, Mexɔ Nya ɖe sia ɖe si wogblɔ dzi se, Nɔviŋutsu Branham.” Ema nyo, gake ɖeko ema nye—ɖeko ema nye aɖo nutete be woaxlẽ.

Nukatae amewo mate ŋu kpɔ kɔɖiɖi kple nyaƒokawo mahã? Amesiame mate ŋu nye nyagblɔɖila o. Nyagblɔɖila ɖeka koe li, eye Nya la va na nyagblɔɖila ma.

Hame la wɔe nyuie alegbegbe be wodze nyabiabia kuɖe Eŋu; alo wodi gbe vovovowo be woagblɔ nusi nyagblɔɖila ma, gblɔ na yewo, eye woaɖe egɔme na yewo. Wole egbe me Kora kple Datan dim.

Mikpɔea, edze egɔme kple Nya vi aɖe si gɔme woɖe baɖa, eye, numa ke, ele nuwum nenema ke.

Ne wòdze egɔme kplii, eye wòle nuwu ge kple, Nya la ƒe gɔmeɖeɖe baɖa vi aɖe ko la, kakaɖedzitɔe la miede dzesi alesi WÒLE BE mia nɔ anyi kple nyaƒokawo. Kakaɖedzitɔe la mide dzesi nusita Mawu kpɔe gbɔ be woalé Gbedeasi sia ɖe mɔ̃ dzi eye woadzrae ɖo ɖi na Ŋugbetɔ la.

Nyemele nusiawo gblɔm be maɖi gbɔ miaƒe kplɔlawo o, alo be magblɔ be migaɖo to miaƒe kplɔla o, KPAO, gake be mafia mi play zizi kple Gbedeasi sia sese le nyaƒokadzi ƒe asixɔxɔ ye.

Alegbegbe wòle be Hame la nanɔ emedzrom kpɔ ake, kple ake, kple ake!
Míele lalam kpɔ Eƒe Vava. Míele nyɔnyɔm, míele lalam kpɔ dzodzo yi yame la. Anyo na mí wu be míadzro me kple Nya la, menye nusi ame aɖe gblɔ o. Kpɔ kakaɖedzi be ènyae, wòŋutɔ, abe numetoto tɔxɛ kple Kristo ene. Dzroe me Kpɔ ake, kple ake, kple ake.

Nukae WÒGBLƆ? Elebe míadzro me kpɔ kple Nya la ake, kple ake, kple ake. Aleke miele Eme dzrom kpɔ kple Nya la ɖo? Nukae nye Nya la na egbea? Ema ke si wònye tso gɔmedzedzea me ke, Biblia la.

Amekae Mawu gblɔ be enye Yeƒe Nya ƒe gɔmeɖela? Nyea? Miaƒe kplɔla? KPAO, Mawu ƒe nyagblɔɖila si dzi woɖo kpe na gaƒoƒo la nye Nya la ƒe gɔmeɖela ɖeka si li. Eyata, elebe miadzro Nya ɖe sia ɖe si ame aɖe le gbɔgblɔm la me ake, kple ake, kple ake kple NYAƑOKAWO!

Nye nyameʋuʋu ma nye nyateƒe, eye miexɔe se be nu vevietɔ ɖeka kekeake si ame aɖe, alo kplɔla aɖe ate ŋu wɔ lae, nye AZI PLAY la, ekema nukatae wòsesẽ gbegbe na ame aɖe si le gbɔgblɔm be yexɔ Gbedeasi la dzi se be wòagblɔ ema? Elabena Womexɔe se ko o tae.

Kae nye MIAƑE nyametsotso mamlea? Na nye kple nye aƒe ya, míanɔ anyi kple Gbedeasi sia kple Mawu ƒe gbedeasitsɔla, Nyaƒokawo. Míexɔe se be naneke meli si le vevie wu Mawu ƒe Gbe sese le nyaƒokawo dzi o.

  • Ale Aƒetɔ La Gblɔ Esi ƒe Gbe ƉEKA koe li.
  • Gbe ƉEKA koe li si dzi ye Dzo Lilikpo ɖo kpe.
  • Dɔla gbedeasitsɔla adrelia ƉEKA koe li.
  • Gbe ƉEKA koe li si dzi Ŋugbetɔ la katã ate ŋu alɔ̃ ɖo.
  • Mawu ƒe Gbe ƉEKA koe li na didime sia.

Ne Ɖeɖefia ma ke le miasi la, miva wɔ ɖeka kplim kpakple xɔsetɔwo ƒe hatsotso sue aɖe siwo xɔ numa ke dzi se le xexea katã me, Kɔsiɖagbe sia le ŋdɔ ga 12 me, Jeffersonville ƒe game, esime míase eye míawɔ míaƒe nyametsotso mamlea: Nukae Mawɔ Kple Yesu Si Woyɔna Be Kristo? 63-1124M

Nɔvi. Joseph Branham

24-0114 Amesi Le Miame

Gbedasi: 63-1110E Amesi Le Miame


BranhamTabernacle.org

Xɔsetɔ Lɔlɔ̃tɔ Siwo Si Xɔse Deblibo Le

Gbe sia gbe míaƒe dziwo le ƒoƒom kple mɔkpɔkpɔ gã aɖe. Míele lalam kpɔ Eƒe Vava kpuie la ƒe gaƒoƒo la be wòava ɖo. Vɔvɔ̃ ɖe sia ɖe bu. Nya biabia ameɖokui se megali o, “Ɖee míenye Eƒe Ŋugbetɔa”? Eku seke ɖe míaƒe dziwo me abe ɖe medzɔ kpɔ gbeɖe o ene, MÍENYE EƑE ŊUGBETƆ.

Wokɔ mí yiɖe Dziƒo le Dziƒo ƒe ayaƒoƒo me, le toɖom Yesu Kristo ƒe subɔsubɔdɔ, si gbugbɔ do ŋutilã le Eƒe Hame la me. Woɖo kpe Gbedeasi sia dzi kɔtɛ to Mawu ƒe Nya dzi, bena mate ŋu nye amegbetɔ o, elebe wòanye Mawu si le nuƒom ɖe to me na Eƒe Ŋugbetɔ.

Míexɔe se be menye ame ye le nuƒom na mí le nyaƒoka siawo dzi o, Mawu ye.

Nusi mele agbagba dzem be magblɔ enye be, “Migabu miaƒe kakaɖedzi kpɔ gbeɖe o.” Migaɖe asi Satana wòagblɔ nya baɖa kuɖe ŋunye o; elabena, geɖe li. Gake milé kakaɖedzi ma me ɖe asi; elabena, ne miewɔe o la, mava me o. Migakpɔ dzinye, abe amegbetɔ ene o; amegbetɔ menye, meyɔ fũ kple vodadawo. Gake mikpɔ nusi gblɔm mele kuɖe Eŋu. Eyae Wònye. Eyae nye Amesi ye.

Elebe kakaɖedzi nanɔ miasi eye miaxɔ nusi GBLƆM WÒLE dzi se, LO MELE ME VA GE O. Míekpɔa Mawu ƒe nyagblɔɖila dzi abe ame, abe alesi geɖewo susuna be míewɔnɛ ene o. Míele amegbetɔ ŋutilã ƒe xɔmetsovɔ la godo, eye nusiwo katã kpɔm míele hele sesem la nye Mawu si le nuƒom to amegbetɔ ƒe nuɣiwo dzi, EYE KAKAƉEDZI LE MÍASI EYE MÍEXƆ NYA ƉE SIA ƉE DZI SE.

Yesu Kristo ƒe Ɖeɖefia na egbe lae ma. Be woaxɔe se be Mawu wònye, menye amegbetɔ, si le nuƒom le nyaƒokawo dzi o. Ne nèda ema ƒu la, xɔ̃nye, èda gaƒoƒo la ƒe Gbedeasi la ƒu eye màte ŋu nye Ŋugbetɔ la o.

Satana tsɔ eƒe gɔmeɖeɖe kpeɖe ema ŋu, eye 99% le ɣeyiɣi me la exlẽna Gbedeasi la tututu ko abe alesi wòwɔe na Xawa ene, gake wode se nɛ be wòanɔ anyi kple Nya la; nusi Adam gblɔ nɛ yenye nusi Mawu gblɔ, menye nusi amebubu aɖe gblɔ be egɔme ye wònye o. Elebe wòanɔ anyi kple Mawu ƒe Gbe.

Ŋkeke gãtɔ kekeake si xexeame menya kpɔ o lae nye esi. Yesu Kristo ƒe agbe, si nɔ agbe heɖe Eɖokui fia le Eƒe nyagblɔɖila ƒe agbe me, le agbe azɔ le ŋutilã me le MÍ, Eƒe Ŋugbetɔ la me.

Míele nusi ƒe gbe Wòɖe na mí be míawɔ la wɔm tututu: minɔ anyi kple Nya la to anyinɔnɔ kple Mawu ƒe Gbe le nyaƒokawo dzi me. Enye Mawu ƒe nyaƒoka subɔsubɔdɔ kple ɖoɖo na egbea.

Ne nèxɔ William Marrion Branham dzi se be enye dɔla gbedeasitsɔla adrelia si Mawu tia, amesi Mawu tia be yeaƒo nu na aɖaɖe adzame nyaɣaɣlawo katã fia le Nya la me, Mawu ƒe Gbe na dzidzime sia, ame aɖe si si xɔse le wu ame bubu ɖe sia ɖe vavã, amesi Aƒetɔ la ƒe dɔla gblɔna be “ne nèna amewo xɔ dzi WÒ se la, naneke manɔ tsitre ɖe wò gbedodoɖawo ŋgɔ o”, la ekema Kɔsiɖa sia gbe anye ŋkuɖodzi ŋkeke si meɖi bubu aɖeke na wò.

NANEKE mate ŋu xɔ Gbedeasi Sia ƒe Ɖeɖefia ɖa le míasi o, NANEKE O. Míete ŋu le ɖike ge le Eŋu o. Ne Wògblɔe la, Míexɔe se. Anye be Míate ŋu se Egɔme kura o, gake Míexɔe se tso.

Yesu Ŋutɔ gblɔ na mí be: “Amesi le mia me Etri akɔ wu Amesi le xexeame.” Mina ema nageɖe míaƒe dziwo me nyuie. Eƒe Gbɔgbɔ le agbe le mía me. Ɖee míate ŋu se ema gɔmea? Fifi laa, esi miele leta sia xlẽm la, Gbɔgbɔ Kɔkɔe la, Mawu Ŋutɔ, Dzo Lilikpo la, le agbe hele mía mea? Aleke míewɔe henya be enye nyateƒe mahã? MAWU YE GBLƆE NENEMA!!

Satana le egblɔm na mí madzudzɔmadzudzɔe be míenye amedokponu alegbegbe. Ke etɔ dzɔ, nenema míele. Eɖoa ŋku dzi na mí be, míele afisi wòle be míanɔ le Nya me o. Etɔ gadzɔ ake, míele afima o. Míewɔa nusiwo míenya nu be míate ŋu wɔ wu nenema.
Tsɔ ke mí Aƒetɔ, etɔ dzɔ.

Gake kple míaƒe vodadawo katã, míaƒe gbɔdzɔgbɔdzɔwo katã, míaƒe kpododonuwo katã gɔ hã la, metrɔ nyateƒe sia be, MÍENYE ŊUGBETƆ LA. MÍEXƆ NYA ƉE SIA ƉE DZI SE o!

Míele míaɖokuiwo alo nane si míate ŋu wɔ dzi kpɔm o, míele nyama. Ɖeko míenyae be Etia mí hena mí Eƒe Nya ƒe Ɖeɖefia eye naneke mate ŋu xɔ Ɖeɖefia ma le mía si o. Eku se ke ɖe míaƒe dzi kple luʋɔ me.

Egblɔ na mí be XƆSE DEBLIBO nenɔ míasi. Ele míasi Aƒetɔ, XƆSE DEBLIBO le Wò Nya me. Xɔse le míasi le nusi Wò nyagblɔɖila gblɔ me be Enye Ale Aƒetɔ La Gblɔ Esi. Menye eƒe nya ye o, gake Wò Nya na mí ye.

Wò nyagblɔɖila gblɔ na mí be nukake míehĩa la, ne ɖeko míaxɔe se ko, heɖo xɔse ɖe Wò Nya me la, nu sia nu si míehĩa la ate ŋu su mía si. MÍEXƆ SE.

Aƒetɔ, hĩa aɖe le ŋunye. Megbɔna ŋku Wò me kple xɔse ɖe sia ɖe si le asinye le Wò Nya me, elabena Mate ŋu da ƒu o. Gake egbea la, Aƒetɔ, nyemegbɔna ŋku Wò me kple nye xɔse ɖeɖeko o, gake kple xɔse si Nèna Wò dɔla kple gbedeasitsɔla adrelia sesẽ la.

O Aƒetɔ Mawu, mele Wò biam be nàkpɔ nublanui na mí. Eye nàbe ŋutsu ɖe sia ɖe kple nyɔnu ɖe sia ɖe si nɔ anyi ɖe afisia, si ŋu dɔlele ƒomevi alo fukpekpe ɖe sia ɖe le la eye abe alesi Mose tsɔ eɖokui de gbagbaƒe, ɖe amewo ta ene la, zã sia me la melolo nye dzi ɖe ŋku Wò me, Aƒetɔ. Kple xɔse ɖe sia ɖe si le asinye, si le me Wò, si Wò nènam la, metsɔwo na wò.

Azɔ mele gbɔgblɔm be: Nusi le asinye la, tsɔm mele na nyasela siawo! Le Yesu Kristo Nazaretetɔ ƒe Ŋkɔ me la, gbenu le wò dɔlele gbɔ, elabena Amesi le wò me la tri akɔ wu, wu gbɔgbɔvɔ̃ ma si le agbagba dzem be yeaɖe wò agbe ɖa. Mawu ƒe viwo mienye. Woxɔ mi ƒle.

Evɔ. Eƒe Nya mate ŋu da ƒu o. Nukake míehĩa la, ate ŋu su míasi.

Va wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, be míaxɔ yayra kple amisisi gã sia tso Mawu gbɔ esime Ŋugbetɔ la ƒe akpa aɖe aƒo ƒu ɖe du le xexea katã me ase Mawu ƒe Gbe wòatsɔ eƒe Xɔse awɔ ɖeka kple míaƒe XƆSE.

Nɔvi. Joseph Branham

63-1110E Amesi Le Mia Me